រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃពុធ, 24 កក្កដា 2019, 07:25 AM
ភ្នំពេញ៖ ថ្មីៗនេះ រាជបណ្ឌិត្យសភាកម្ពុជា សម្រេចបានជាសមិទ្ធផលថ្មីមួយ ដែលជាផលិតផលទឹកដោះគោស្រស់លើកដំបូងរបស់ខ្លួន និងដែលមានសង្វាក់ផលិតកម្មស្ថិតនៅក្នុងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ស្ថិតក្នុងឃុំឆែប ស្រុកឆែប ខេត្តព្រះវិហារ។ ទឹកដោះគោ «តេជោសែនឫស្សីត្រឹប» ជាផលិតផលទឹកដោះគោស្រស់ដែលស្ថិតក្នុងដំណាក់កាលជោគជ័យពាក់កណ្ដាលសម្រេច និងទើបតែបានចាប់ផ្ដើមដាក់លក់សាកល្បងនៅក្នុងទីផ្សារក្នុងស្រុក តែចាប់ផ្ដើមមានការទទួលស្គាល់ពីរសជាតិឈ្ងុយឆ្ងាញ់ ដែលជារសជាតិដើមពិតៗ គ្មានសារធាតុបន្ថែមឡើយ។
កន្លងមកនេះ បន្ទាប់ពីក្រុមការងារឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប បាននាំយកទឹកដោះគោស្រស់ ១០០ភាគរយ «ទឹកដោះគោតេជោសែន ឫស្សីត្រឹប» ចែកជូនដល់ថ្នាក់ដឹកនាំតាមវិទ្យាស្ថាន និងមន្ត្រីរាជការទាំងអស់នៃរាជបណ្ឌិត្យសភាកម្ពុជា បានភ្លក្សរសជាតិ ទឹកដោះគោស្រស់សុទ្ធនេះ (គ្មានសមាសធាតុបន្ថែម ឬហៅថាទឹកដោះគោអខនិជ)។ ក្រោយពីបានពិសាររួច ថ្នាក់ដឹកនាំ និងមន្ត្រីរាជការនៃរាជបណ្ឌិត្យសភាកម្ពុជា បានលាន់មាត់ និយាយតគ្នាពីមាត់មួយទៅមាត់មួយ អំពីរសជាតិឆ្ងាញ់ប្លែករបស់ទឹកដោះគោស្រស់នេះ ទៅកាន់បងប្អូន សាច់ញាតិ និងថែមទាំងបានសំណូមពរមកកាន់ក្រុមការងារឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ដាក់លក់នៅក្នុងទីផ្សារឱ្យបានឆាប់ៗ ដើម្បីឱ្យប្រជាជនកម្ពុជាដទៃទៀតបានទទួលយកទៅពិសារ និងស្គាល់អំពីរសជាតិដ៏ឈ្ងុយឆ្ងាញ់នៃទឹកដោះគោស្រស់ដែលគ្មានសារធាតុបន្ថែម។
ដោយទទួលបានការគាំទ្រ ពីសំណាក់អ្នកដែលនិយមពិសារទឹកដោះគោស្រស់ ដែលជាមន្ត្រីរាជការនៃរាជបណ្ឌិត្យសភាកម្ពុជា ព្រមទាំងទទួលបានការអនុញ្ញាតពីឯកឧត្ដមបណ្ឌិតសភាចារ្យប្រធានរាជបណ្ឌិត្យសភាកម្ពុជា ក្រុមការងារនៃឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប បានរៀបចំក្រុមការងារផ្សព្វផ្សាយ និងក្រុមការងារលក់ផ្ទាល់ នៅតាមទីតាំងសំខាន់ៗនានាក្នុងរាជធានីភ្នំពេញ ដោយដំណាក់កាលដាក់លក់សាកល្បងនេះ ក្រុមការងារបានទទួលការបញ្ជាទិញទុកមុន ជាច្រើនសន្ធឹកសន្ធាប់ ចាប់ពី២លីត្រ ៥លីត្រ ១០ លីត្រ និងរហូតដល់ទៅ២០លីត្រ ជាបន្តបន្ទាប់ ដែលទាមទារឱ្យមានការបង្កើននូវទំហំសង្វាក់ផលិតកម្មទឹកដោះគោស្រស់១០០ភាគរយនេះ បន្ថែមទៀត។
គួរបញ្ជាក់ផងដែរថា សម្រាប់លោក លោកស្រី អ្នកនាងកញ្ញា ដែលមានបំណង ជាវផលិតផលទឹកដោះគោ ដែលជាទឹកដោះគោស្រស់១០០ភាគរយ របស់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ដែលគ្មានសារធាតុបន្ថែម អាចទាក់ទងមកកាន់លេខទូរស័ព្ទដូចខាងក្រោម៖
លោក ស្រី សីហា ៖ 097 712 3744
កញ្ញា លឹម សុផាន់ម៉ៃ ៖ 096 629 8813
RAC Media
Tue, 31,03,2020, 02:11 PM
ឆ្លងកាត់បាតុភូតធម្មជាតិ និងបាតុភូតសង្គមរាប់មិនអស់ ទាំងល្អ ទាំងអាក្រក់ នាពេលកន្លងមក ខ្ញុំបានមើលឃើញថាអត្ថិភាព ការរស់នៅ ជីវិត ឬវាសនារបស់ប្រជាជាតិឬរដ្ឋនីមួយៗនៅលើពិភពលោកនេះ ពិតជាជាប់ទាក់ទងគ្នាដោយមិនអាចប្រក...
Tue, 31,03,2020, 10:05 AM
Sat, 28,03,2020, 01:07 PM
ទំនាក់ទំនងរវាងសហរដ្ឋអាម៉េរិកនិងអាស៊ាននៅឆ្នាំ២០១៥ ដោយពឹងផ្អែកលើចំណុចសំខាន់ចំនួន ពីរ៖ ទីមួយ គឺគោលនយោបាយយុទ្ធសាស្ត្រប្រទាក់ក្រឡាគ្នារវាងសេដ្ឋកិច្ចនិងនយោបាយ និងទីពីរ គឺការខិតខំប្រឹងប្រែងរួមនិងជាសាធារណៈ...
Sat, 28,03,2020, 09:49 AM
កូវីដ-១៩ ជាឈ្មោះវីរុសកូរ៉ូណាប្រភេទថ្មី ដែលមកទល់ពេលនេះបានចម្លងរាលដាលស្ទើរតែពេញពិភពលោកទាំងមូល ដោយមានចំនួនអ្នកឆ្លងជាងប្រាំសែននាក់ និងស្លាប់ដល់ទៅជាងពីរម៉ឺននាក់ឯណោះ។ ដើមឡើយមេរោគនេះ គេថាចេញប្រភពមកពីប្រទេស...
Sat, 28,03,2020, 06:05 AM
Fri, 27,03,2020, 05:19 AM
