រាជបណ្ឌិត្យសភាកម្ពុជា

Royal Academy of Cambodia

ព័ត៌មាន

«ការបង្កើនប្រសិទ្ធភាព និងវិន័យការងារនៅតាមវិទ្យាស្ថានចំណុះ»

2018-09-04 04:00:56 ថ្ងៃអង្គារ, 04 កញ្ញា 2018, 04:00 AM
post_detail

«...ផ្នែកបុរាណវិទ្យា ផ្នែកវប្បធម៌ត្រូវចាប់ដៃកិច្ចសហការជាមួយផ្នែកសិល្បៈ ដើម្បីរៀបចំការសម្តែងសិល្បៈ ក្នុងការផ្សព្វផ្សាយនូវស្នាដៃរបស់ខ្លួន នេះមានន័យថា អ្វីដែលផ្នែកបុរាណវិទ្យាបានកកាយរកឃើញនៅតាមទីទួលបុរាណរួចហើយកន្លងមក ត្រូវរៀបចំជាឈុតឆាកផ្សារភ្ជាប់ជាមួយផ្នែកសិល្បៈដើម្បីសម្តែងជូនទៅកាន់មហាជន ចៀសវាងរកអ្វីដែលថ្មីឃើញហើយលាក់ស្នាដៃទុកតែក្នុងបន្ទប់....» នេះជាការលើកឡើងរបស់ឯកឧត្តមបណ្ឌិត្យ​សភាចារ្យ​ សុខ ទូច ប្រធានរាជបណ្ឌិត្យសភាកម្ពុជា ក្នុងកិច្ច​ប្រជុំជាមួយថ្នាក់ដឹកនាំ និងមន្ត្រីរាជការនៃវិទ្យាស្ថានវប្បធម៌ និងវិចិត្រសិល្បៈ នៃរាជបណ្ឌិត្យសភាកម្ពុជា នាព្រឹកថ្ងៃអង្គារ ៩រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៤ ខែកញ្ញា ឆ្នាំ២០១៨។ 


គួររំលឹកដែរថា ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានធ្វើការកោះអញ្ជើញមន្ត្រីវិទ្យាស្ថានវប្បធម៌ និងវិចិត្រសិល្បះ នៃរាជបណ្ឌិត្យសភាកម្ពុជា ចូលរួមក្នុងកិច្ចប្រជុំដោយមិនបានជម្រាបជាមុន ដើម្បីធ្វើការតាមដានស្ថានការនៃការបំពេញការងាររបស់មន្ត្រីវិទ្យាស្ថាន។ 

ក្នុងកិច្ចប្រជុំនេះ ឯកឧត្តមបណ្ឌិតសភាចារ្យ បានសង្កត់ធ្ងន់ទៅ​លើ​ប្រសិទ្ធភាព និងវិន័យការងារ សំដៅលើកកម្ពស់ឱ្យ​កាន់តែមាន​ប្រសិទ្ធភាពខ្ពស់ មិនសំដៅតែវិទ្យាស្ថាន តែការពង្រឹងវិន័យការងារនេះ ត្រូវធ្វើទាំងនៅក្នុងផ្នែកចំណុះទាំងប្រាំ របស់វិទ្យាស្ថានវប្បធម៌ និងវិចិត្រសិល្បៈនៃរាជបណ្ឌិត្យសភាកម្ពុជា រួមមាន៖ (១) ផ្នែកវប្បធម៌វិទ្យា, (២)ផ្នែកសិល្បៈនិងឥស្សរិយយស, (៣) ផ្នែកស្ថាបត្យកម្ម, (៤) ផ្នែកបុរាណវិទ្យា និងទី(៥) ផ្នែកទស្សនីយភាព។ សរុបថ្នាក់ដឹកនាំ និង មន្ត្រីកំពុងបម្រើការនៅវិទ្យាស្ថាន មានចំនួន ១៤នាក់ (ស្រី៤នាក់)។ 

ក្នុងឆ្នាំ២០១៨ វិទ្យាស្ថានបានទទួលគម្រោងស្រាវជ្រាវលើគម្រោងរូបី និងអរូបី ហើយបានចុះទៅស្រាវជ្រាវតាមខេត្តនានាដើម្បីធ្វើការសិក្សាដោយផ្ទាល់ និងបានបញ្ចប់ហើយ នៅតែការសរសេរសេចក្តីលំអឹតអំពីសកម្មភាពនិងលទ្ធផលនៃការស្រាវជ្រាវប៉ុណ្ណោះ។ នៅក្នុងកិច្ចប្រជុំនោះ លោកបណ្ឌិត ផុន កសិកា ប្រធានផ្នែកបុរាណវិទ្យា នៃវិទ្យាស្ថានវប្បធម៌ និងវិចិត្រសិល្បះ  បានមានប្រសាសន៍ថា នៅពេលនេះផ្នែករបស់លោកបានទទួលគម្រោងស្រាវជ្រាវនៅឧទ្យាន​រាជបណ្ឌិត្យសភាកម្ពុជាតេជោសែនឫស្សីត្រឹបនៅខេត្តព្រះវិហារ ហើយក្រុមការងាររបស់វិទ្យាស្ថាន ក៏បានរកឃើញ​សន្លុងបន្ថែមទៀតជាច្រើនបន្ថែមពីលើការរកឃើញពីមុន។ ទាំងនេះ ជាភស្តុតាងថ្មីបន្ថែមទៀតដែលត្រូវការឱ្យ​មានការសិក្សាស្រាវជ្រាវបន្ថែម អំពីការរីកចម្រើនវិស័យស្លដែកនៅកម្ពុជាកាលពីសម័យបុរាណ ជាពិសេសនៅសម័យអង្គរ និងសម័យកាលក្រោយអង្គរ។ 

លោកបណ្ឌិត ផុន កសិកា បានបញ្ជាក់បន្ថែមថា សន្លុង គឺជាទួលសម្រាប់ធ្វើការស្លដែក (សន្លុង គឺជាពាក្យដែលប្រជាជនដើមនៅតំបន់ស្រាវជ្រាវបានហៅ) ហើយនៅពេលនេះ ក្រុមកាងារបានរកឃើញថា មានសន្លុងចំនួន៥៤កន្លែង តែចំនួននេះ អាចនៅមានច្រើនជាងនេះទៀតដែលក្រុមការងាររកមិនទាន់ឃើញ។ នៅឆ្នាំក្រោយក្រុមការងារ នឹងស្នើសុំគម្រោងបន្ថែមទៀត ដើម្បីស្វែងរកទីតាំងសន្លុងដែលអាចមាននៅក្នុងឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប។

ឯកឧត្តមបណ្ឌិតសភាចារ្យប្រធានរាជបណ្ឌិត្យសភាកម្ពុជា បានមានប្រសាសន៍ថា ក្រោយពេលធ្វើកំណាយរួចមកហើយ យើងមិនត្រូវយកមកលាក់ទុកទេ តែត្រូវបង្ហាញដល់សាធារណជនទូទៅ ដើម្បីជាការបង្ហាញជូនដល់ប្រជាពលរដ្ឋកម្ពុជាជំនាន់ក្រោយឱ្យបានដឹងផង។ ជាធម្មតាយើងត្រូវបង្ហាញស្នាដៃរបស់យើង ហើយសម័យសព្វថ្ងៃ មានភាពងាយស្រួលណាស់ដើម្បីធ្វើការផ្សព្វផ្សាយឱ្យសាធារណជនបានដឹងពីកិច្ចការរបស់យើង។ 

កំណែទម្រង់​ការងារក្នុងស្ថាប័ន ជាកិច្ចការសំខាន់ដែលថ្នាក់ដឹកនាំរាជបណ្ឌិត្យសភាកម្ពុជា បានប្រកាសជាទូទៅ​នៅរាល់ពេលមានកម្មវិធីសំខាន់ៗ សំដៅពង្រឹងវិន័យ និងប្រសិទ្ធភាព​ការងារនៅ​ក្នុងស្ថាប័ន ក៏ដូចជានៅតាមវិទ្យាស្ថាន និង​ស្ថាប័ន​ឧបសម្ព័ន្ធនៃរាជបណ្ឌិត្យសភាកម្ពុជា។ សមិទ្ធផល​ការងារ​ជាច្រើនដែលសម្រេចបាន នឹងរៀបចំបូកសរុបនិងបង្ហាញជូនក្នុងកម្មវិធីសន្និ​បាតបូកសរុបការងារ​ប្រចាំឆ្នាំ​ ជាពិសេសវេទិកាវិទ្យាសាស្រ្តដែលរៀបចំធ្វើឡើងជារាល់ចុងឆ្នាំនីមួយៗ។

ខាងក្រោមនេះ ជាបញ្ជីឈ្មោះថ្នាក់ដឹកនាំ មន្ត្រីរាជការស៊ីវិល និងមន្ត្រីជាប់កិច្ចសន្យា នៃវិទ្យាស្ថានវប្បធម៌ និងវិចិត្រសិល្បៈ ៖
  1. ឯកឧត្តមបណ្ឌិត នូ ចាន់សុភី  ប្រធានវិទ្យាស្ថាន
  2. លោកបណ្ឌិត ធុយ ចាន់ធួន អនុប្រធានវិទ្យាស្ថាន
  3. លោក ប្រែង ពិសិដ្ឋ លេខាអចិន្ត្រៃយ៍
  4. លោក ហៀង លាងហុង ប្រធានផ្នែកវប្បធម៌វិទ្យា
  5. លោក លេង ណៃគីម មន្ត្រីស្រាវជ្រាវ ផ្នែកវប្បធម៌វិទ្យា
  6. លោក សាល់ ខាន់ មន្ត្រីស្រាវជ្រាវ ផ្នែកវប្បធម៌វិទ្យា
  7. លោកស្រី ម៉ិល វាសនា មន្ត្រីស្រាវជ្រាវ ផ្នែកវប្បធម៌វិទ្យា
  8. លោកស្រី សរ សិលា អនុប្រធានផ្នែកសិល្បៈនិងឥស្សរិយយស                  
  9. លោក លឹម សូក្រាត មន្ត្រីស្រាវជ្រាវ ផ្នែកស្ថាបត្យកម្ម 
  10. លោកបណ្ឌិត ផុន កសិកា ប្រធានផ្នែកផ្នែកបុរាណវិទ្យា
  11. លោក ហឿង សុធារស់ មន្ត្រីស្រាវជ្រាវផ្នែកបុរាណវិទ្យា
  12. លោក ជ័យ រតនា មន្ត្រីស្រាវជ្រាវផ្នែកបុរាណវិទ្យា
  13. កញ្ញា តាកេត សក័ដា មន្ត្រីស្ម័គ្រចិត្តផ្នែកបុរាណវិទ្យា
  14. លោកស្រី យ៉ាន់ វិភារតន៍ ប្រធានផ្នែកសិល្បៈទស្សនីយភាព           
RAC  Media


អត្ថបទទាក់ទង

គោលដៅរបស់ចិនបន្ទាប់ពីអាម៉េរិកដកខ្លួនចេញពីអាហ្វហ្គានីស្ថាន China’s Goals after the U.S. Withdrawal from Afghanistan
គោលដៅរបស់ចិនបន្ទាប់ពីអាម៉េរិកដកខ្លួនចេញពីអាហ្វហ្គានីស្ថាន China’s Goals after the U.S. Withdrawal from Afghanistan

AUGUST 27, 2021ដោយ៖ Bonnie S. Glaser និងAndrew Smallប្រែសម្រួលដោយ៖ លោកបណ្ឌិត ចាន់ ប៊ុន្នី នាយកដ្ឋានសិក្សានយោបាយសន្តិសុខចិន, វិទ្យាស្ថានសិក្សាចិននៃរាជបណ្ឌិត្យសភាកម្ពុជាអ្នកវិភាគប្រចាំតំបន់អាស៊ីរបស់ GMF...

2021-09-22 04:20:21   Wed, 22,09,2021, 04:20 AM
«ឯកឧត្តមបណ្ឌិតសភាចារ្យ សុខ ទូច អញ្ជើញជួបឯកឧត្តមបណ្ឌិតសភាចារ្យ ព្រុំ ម៉ល់ ដើម្បីបង្ហាញអំពីវប្បធម៌ដឹងគុណនិងបន្តវេនក៏ដូចជាលើកទឹកចិត្តដល់អ្នកប្រាជ្ញអក្សរសាស្ត្រខ្មែរ»
«ឯកឧត្តមបណ្ឌិតសភាចារ្យ សុខ ទូច អញ្ជើញជួបឯកឧត្តមបណ្ឌិតសភាចារ្យ ព្រុំ ម៉ល់ ដើម្បីបង្ហាញអំពីវប្បធម៌ដឹងគុណនិងបន្តវេនក៏ដូចជាលើកទឹកចិត្តដល់អ្នកប្រាជ្ញអក្សរសាស្ត្រខ្មែរ»

(រាជធានីភ្នំពេញ)៖ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអញ្ជើញជួបឯកឧត្តមបណ្ឌិតសភាចារ្យ ព្រុំ ម៉ល់ អតីតប្រធានក្រុមប្រឹក្សាជាតិភាសាខ្មែរ និងប្រធានក្រុមការងារគម្រោងនៃបច្ចុប្បន្នកម្ម...

2021-09-21 04:40:29   Tue, 21,09,2021, 04:40 AM
ពិធីបុណ្យសែនព្រះខែ ដោយ៖ លោក ខុម មុនីប្បញ្ញា វិទ្យស្ថានសិក្សាចិននៃរាជបណ្ឌិត្យសភាកម្ពុជា
ពិធីបុណ្យសែនព្រះខែ ដោយ៖ លោក ខុម មុនីប្បញ្ញា វិទ្យស្ថានសិក្សាចិននៃរាជបណ្ឌិត្យសភាកម្ពុជា

RAC Mediaប្រភព៖ វិទ្យស្ថានសិក្សាចិននៃរាជបណ្ឌិត្យសភាកម្ពុជា

2021-09-20 13:29:58   Mon, 20,09,2021, 01:29 PM
ប្រធានរាជបណ្ឌិត្យសភាកម្ពុជា ផ្ដល់ភ្លើងជូនដំណើរជូនសពឯកឧត្តម មន់ សម្បត្តិ
ប្រធានរាជបណ្ឌិត្យសភាកម្ពុជា ផ្ដល់ភ្លើងជូនដំណើរជូនសពឯកឧត្តម មន់ សម្បត្តិ

នៅវេលាព្រឹកថ្ងៃទី៩ ខែកញ្ញា ឆ្នាំ២០២១ ឯកឧត្តមបណ្ឌិតសភាចារ្យ សុខ ទូចប្រធានរាជបណ្ឌិត្យសភាកម្ពុជា និងជា អនុប្រធានប្រចាំការនៃក្រុមប្រឹក្សាបណ្ឌិតសភាចារ្យ បានដឹកនាំមន្ត្រីរាជការរាជបណ្ឌិត្យសភាកម្ពុជា គោរពវិញ្...

2021-09-09 12:37:44   Thu, 09,09,2021, 12:37 PM
Should An Academician be Independent?
Should An Academician be Independent?

An academician is a member of an academy, which is an organization dedicated to preserving and developing a particular art, science, or language, or a school that teaches a specific subject or prepare...

2021-09-08 11:14:09   Wed, 08,09,2021, 11:14 AM
បណ្ឌិតសភាចារ្យ សុខ ទូច៖ គ្រូបង្រៀនត្រូវដើរតួនាទីសំខាន់៣គឺ ជាអាចារ្យ ជាម្ដាយ និងជាមេដឹកនាំ
បណ្ឌិតសភាចារ្យ សុខ ទូច៖ គ្រូបង្រៀនត្រូវដើរតួនាទីសំខាន់៣គឺ ជាអាចារ្យ ជាម្ដាយ និងជាមេដឹកនាំ

(រាជបណ្ឌិត្យសភាកម្ពុជា)៖ ថ្លែងក្នុងឱកាសជាអធិបតីក្នុងសិក្ខាសាលាតាមប្រព័ន្ធអនឡាញ ស្ដីពី «ការបណ្ដុះបណ្ដាលគ្រូបង្រៀនភាសាចិនជាយុវជននៅកម្ពុជាប្រចាំឆ្នាំ២០២១» ដែលរៀបចំឡើងនៅថ្ងៃទី៦ ខែកញ្ញា ឆ្នាំ២០២១នេះ ឯកឧត្ដ...

2021-09-06 10:08:05   Mon, 06,09,2021, 10:08 AM

សេចក្តីប្រកាស

ទំនាក់ទំនង
  • ទូរស័ព្ទ / ទូរសារ:
  • សារអទ្បិចត្រូនិច: info@rac.gov.kh
  • អាសយដ្ធាន​: មហាវិថីសហព័ន្ធរុស្សី សង្កាត់អូរបែកក្អម ខណ្ឌសែនសុខ រាជធានីភ្នំពេញ ព្រះរាជាណាចក្រកម្ពុជា Tel/Fax: (855) 23 890 180; www.rac.gov.kh; E-mail: info@rac.gov.kh; P.O.Box 531 Phnom Penh, Cambodia.
    • មាតិកា
  •   (Rac application)
  • ទំព័រដើម
  • ព័ត៌មាន
  • ស្រាវជ្រាវ និងបណ្តុះបណ្តាល
  • បណ្ណាល័យ
  • បណ្ឌិតសភាចារ្យ
  • វិទ្យាស្ថាន
  • ឧទ្យានរាជបណ្ឌិត្យសភាកម្ពុជា តេជោសែនប្ញស្សីត្រឹប
  • ភាសាខ្មែរ
  • អំពីយើង
    • ដៃគូរសហការ
    បណ្ដាញសង្គម
  •   facebook
  •   youtube

    • @២០២៤​-រក្សាសិទ្ធគ្រប់យ៉ាងដោយ​​ រាជបណ្ឌិត្យសភាកម្ពុជា​

    អភិវឌ្ឍដោយ ការិយាល័យឌីជីថល នៃរាជបណ្ឌិត្យសភាកម្ពុជា