ព្រឹកថ្ងៃពុធ ២កើត ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៣ ខែកក្កដា ឆ្នាំ២០១៩ នៅសាលនាងនួននៃរាជបណ្ឌិត្យសភាកម្ពុជាមានរៀបចំសិក្ខាសាលាមួយស្តីពី«ការបង្កើតសុសវែរបំប្លែងពុម្ភប្រតិចារឹកអក្សរខ្មែរ (Khmer Transliteration Font Converter)»។

កម្មវិធីបានប្រព្រឹត្តិឡើងក្រោមអធិបតីភាព ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា ហើយក៏មានការអញ្ជើញចូលរួមពីវាគ្មិនជំនាញ អ្នកស្រាវជ្រាវ អ្នកសិក្សា សិស្ស-និស្សិតមកពីសាកលវិទ្យាល័យ​នានជាច្រើនរូប។ 

ទាក់ទងទៅនឹងការបង្កើតសុសវែរបំប្លែងពុម្ភប្រតិចារឹកអក្សរខ្មែរ នេះ បើតាមលោកបណ្ឌិត លឹម សេងឌី ជាមន្ត្រីស្រាវជ្រាវនៃរាជបណ្ឌិត្យសភាកម្ពុជាបានឱ្យដឹងថា «គម្រោងមួយនេះធ្វើឡើងដើម្បីដំឡើងកម្មវិធីសុសវែរនៅក្នុងឧបករណ៍អេឡិចត្រូនិច មានកុំព្យូទ័ ទូរស័ព្ទដៃ ជាដើម។ ហើយដែលកម្មវិធីនេះអាចបំលែងរូបភាពប្រតិចារឹកអក្សរមកប្រតិចារឹកអក្សរដែលអាចកែរបាន និងបន្ទាប់មកទៀតវានឹងអាចធ្វើការបំលែងពីប្រតិចារឹកអក្សរមកអក្សរខ្មែរបច្ចុប្បន្នបាន»។

RAC Media