ព័ត៌មាន

«មន្រ្តីរាជបណ្ឌិត្យសភាកម្ពុជាទទួលបានគ្រឿងឥស្សរិយយសពីវិទ្យាស្ថានស្តង់ដាកម្ពុជានៃក្រសួងឧស្សាហកម្មនិងសិប្បកម្ម»

ថ្ងៃចន្ទ, 03 កញ្ញា 2018 ម៉ោង 04:36 PM

អ្នកមើល 5207

ពិធីបំពាក់គ្រឿងឥស្សរិយយសជូនដល់សមាជិកក្រុមប្រឹក្សាស្តង់ដាជាតិ និងគណៈកម្មការបច្ចេកទេសដែលមានស្នាដៃឆ្នើមក្នុងការអភិវឌ្ឍស្តង់ដាជាតិ ត្រូវបានប្រារព្ធឡើងនាព្រឹកថ្ងៃចន្ទ ៨រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣ ខែសីហា ឆ្នាំ២០១៨ នៅទីស្តីការក្រសួងឧស្សាហកម្ម និងសិប្បកម្ម។

ពិធីបំពាក់គ្រឿងឥស្សរិយយសត្រូវបានធ្វើឡើងក្រោមអធិបតីភាពដ៏ខ្ពង់ខ្ពស់របស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋសមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម និងជាប្រធានក្រុមប្រឹក្សាស្តង់ដាជាតិ។ ការរៀបចំពិធីនេះ គឺជាការឆ្លើយតបតាមរយៈការសំណើរបស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ជូនដល់ថ្នាក់ដឹកនាំ និងមន្ត្រីដែលមានស្នាដៃល្អក្នុងការបំពេញភារកិច្ច និងបានចូលរួមគ្រប់សកម្មភាពនៃការអភិវឌ្ឍស្តង់ដារបស់កម្ពុជា អស់រយៈពេលជាច្រើនឆ្នាំ។ បន្ទាប់ពីចេញសេចក្តីប្រកាសឱ្យប្រើច្បាប់ស្តីពីស្តង់ដាកម្ពុជាជាផ្លូវការកាលពីឆ្នាំ២០០៧មក។ ក្នុងនោះ ក៏មានវត្តមានមន្ត្រីរាជការនៃរាជបណ្ឌិត្យសភាកម្ពុជា ចំនួន៦ បានក្លាយជាសមាជិកនៃក្រុមប្រឹក្សាស្តង់ដារជាតិ។

នៅក្នុងពិធីនៃការប្រកាសផ្តល់គ្រឿងឥស្សរិយយសនោះ មន្ត្រីរាជបណ្ឌិត្យសភាកម្ពុជាទាំង ៦រូប ក៏ទទួលបានគ្រឿងឥស្សរិយយសការងារតាមការស្នើសុំរបស់ឯកឧត្តមទេសរដ្ឋមន្ត្រី ចម ប្រសិទ្ធ ដូចមានឈ្មោះខាងក្រោម៖

លោកស្រីបណ្ឌិត សៀង ហ៊ុយ សមាជិកបម្រុងនៃសមាជិកបណ្ឌិតសភា នៃរាជបណ្ឌិត្យសភាកម្ពុជា ទទួលបានគ្រឿងឥស្សរិយយសមុន្នីសារាភ័ណ្ឌ «ថ្នាក់ធិបឌិន្ទ»។
ឯកឧត្តមបណ្ឌិត អ៊ាប បុណ្ណា ប្រធានវិទ្យាស្ថានវិទ្យាសាស្ត្រ និងបច្ចេកវិទ្យា ទទួលបានគ្រឿងឥស្សរិយយសមុន្នីសារាភ័ណ្ឌ «ថ្នាក់សេនា»។
លោកស្រីបណ្ឌិត ចេក សុថា អនុប្រធានវិទ្យាស្ថានវិទ្យាសាស្ត្រ និងបច្ចេកវិទ្យា ទទួលបានគ្រឿងឥស្សរិយយសមុន្នីសារាភ័ណ្ឌ «ថ្នាក់អស្សឫទ្ធិ»។
ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម ទទួលបានគ្រឿងឥស្សរិយយសមុន្នីសារាភ័ណ្ឌ «ថ្នាក់សេនា»។
លោកបណ្ឌិត ម៉ុង ស៊ាងងីម អនុប្រធានវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម ទទួលបានគ្រឿងឥស្សរិយយសមុន្នីសារាភ័ណ្ឌ «ថ្នាក់សេនា»។
លោក សួន សុភា អនុប្រធានឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ទទួលបានគ្រឿងឥស្សរិយយសមុន្នីសារាភ័ណ្ឌ «ថ្នាក់អស្សឫទ្ធិ»។

ក្រៅពីនេះ ក៏មានការផ្តល់ជូនគ្រឿងឥស្សរិយយសជូនដល់ថ្នាក់ដឹកនាំ និងសមាជិកនៃក្រុមប្រឹក្សាស្តង់ដាជាតិដែលជាថ្នាក់ដឹកនាំនិងសមាជិកនៃក្រសួងស្ថាប័នពាក់ព័ន្ធជាច្រើនរូបផងដែរ។

ឆ្លៀតឱកាសមុនចាប់ផ្តើមពិធីបំពាក់គ្រឿងឥស្សរិយយសជូនថ្នាក់ដឹកនាំ និងសមាជិកដែលមានស្នាដៃឆ្នើមក្នុងការអភិវឌ្ឍស្តង់ដាជាតិនោះ ក្រុមប្រឹក្សាស្តង់ដាជាតិ បានរៀបចំកិច្ចប្រជុំស្តង់ដារលើកទី២០ តាមផែនការកំណត់ ដោយបានអនុម័តនូវស្តង់ដាមួយចំនួនបន្ថែមទៀត មានដូចជា៖ ស្តង់ដារសារធាតុថ្មីបន្ថែម ស្តង់ដារយានយន្ត ស្តង់ដាគ្រឿងសង្ហារិមជាដើម។

គួរបញ្ជាក់ដែរថា ច្បាប់ស្តីពីស្តង់ដាកម្ពុជា ត្រូវបានប្រកាសឱ្យប្រាស់ផ្លូវការដោយព្រះរាជក្រមលេខ នស/រកម/០៦០៧/០១៣ ចុះថ្ងៃទី២៤ មិថុនា ឆ្នាំ២០០៧។ រហូតដល់ឆ្នាំ២០១៤ ក្រសួងឧស្សាហកម្មនិងសិប្បកម្ម បានចេញសេចក្តីប្រកាស លេខ ១៤១ MIH/២០១៤ ចុះថ្ងៃទី១០ ខែមីនា ឆ្នាំ២០១៤ ស្តីពីការរៀបចំ និងការប្រព្រឹត្តទៅក្រុមប្រឹក្សាស្តង់ដាជាតិ និងបានដាក់ដំណើរការប្រជុំស្តង់ដាជាតិក្នុង១ឆ្នាំ២ដងតាមការដាក់ស្នើសុំអនុម័តរបស់គណៈកម្មការដែលមានសមាជិកមកពីអន្តរក្រសួង។

ប្រភព៖ លោកស្រីបណ្ឌិត សៀង ហ៊ុយ សមាជិកបម្រុងនៃសមាជិកបណ្ឌិតសភា នៃរាជបណ្ឌិត្យសភាកម្ពុជា

RAC Media

អត្ថបទទាក់ទង

កម្ពុជា-ឡាវ រួមគ្នាទាក់ទាញភ្ញៀវទេសចរ ក្នុងឱកាស ស៊ីហ្គេមនិងប៉ារ៉ាហ្គេម ២០២៣ នៅកម្ពុជា ដោយ៖ លោក អ៊ុច លាង អ្នកសិក្សាស្រាវជ្រាវនៃនាយកដ្ឋានសិក្សាអាស៊ី អាហ្វ្រិក និងមជ្ឈិមបូព៌ា នៃវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា

ឯកឧត្តម ថងលុន ស៊ីសូលីត ប្រធានាធិបតី នៃសាធារណរដ្ឋប្រជាធិបតេយ្យប្រជាមានិតឡាវ នឹង អញ្ជើញចូលរួមក្នុងពិធីបើកការប្រកួតកីឡាស៊ីហ្គេមលើកទី២៣ និងអាស៊ានប៉ារ៉ាហ្គេមលើកទី១២ នៅ ប្រទេសកម្ពុជា អមជាមួយនឹងការ អញ្ជើញមកប...

ថ្ងៃចន្ទ, 24 មេសា 2023 ម៉ោង 04:43 PM

កត្ដាចម្បងនៃការបោះបង់ការសិក្សារបស់ជនជាតិដើមភាគតិចថ្មូន ក្នុងខេត្តមណ្ឌលគិរី Main Factors of Dropout of Thmoun Ethnic Minority Students in Mondulkiri Province ដោយ៖ ប៉ាន់ សំណាង មន្ដ្រីនាយកដ្ឋានវិទ្យាសាស្ដ្រអប់រំវិទ្យាស្ថានមនុស្សសាស្ដ្រនិងវិទ្យាសាស្ដ្រសង្គម

ការបោះបង់ការសិក្សា តែងតែកើតមានឡើងនៅគ្រប់បណ្តាប្រទេសទាំងអស់នៅលើសាកលលោក មិនថានៅក្នុងប្រទេសអភិវឌ្ឍ ឬប្រទេសកំពុងអភិវឌ្ឍនោះឡើយ។ រដ្ឋាភិបាល របស់ប្រទេសនីមួយៗ បានយកចិត្តទុកដាក់លើបញ្ហានេះ ដោយបានដាក់ចេញជាគោលនយោ...

ថ្ងៃចន្ទ, 24 មេសា 2023 ម៉ោង 04:00 PM

ពិធីសូត្រមន្តចម្រើនព្រះបរិត្ត ប្រសិទ្ធពរជ័យ សិរីមង្គលជូនដល់ថ្នាំដឹកនាំនិងមន្ត្រីរាជការនៃរាជបណ្ឌិត្យសភាកម្ពុជា

ដើម្បីអបអរទទួលអំណរឆ្នាំថ្មី ឆ្នាំថោះ បញ្ចស័ក ព.ស.២៥៦៧ ក្នុងស្មារតីសាមគ្គី គ្រួសាររាជបណ្ឌិត្យសភាកម្ពុជា នារសៀលថ្ងៃចន្ទ ១០រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១០ ខែមេសា ឆ្នាំ២០២៣ ឯកឧត្តម...

ថ្ងៃអង្គារ, 11 មេសា 2023 ម៉ោង 01:20 PM

សហគមន៍ជនជាតិវៀតណាមនៅក្រៅប្រទេស ជាស្ពានភ្ជាប់ទំនាក់ទំនងមិត្តភាព

ដោយ៖ លោក អ៊ុច លាង អ្នកសិក្សាស្រាវជ្រាវនៃនាយកដ្ឋានសិក្សាអាស៊ី អាហ្វ្រិក និងមជ្ឈិមបូព៌ា នៃវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជារយៈពេល៣៧ឆ្នាំ ក្រោយការអនុវត្តគោលនយោបាយកំណែទម្រង់...

ថ្ងៃចន្ទ, 03 មេសា 2023 ម៉ោង 05:28 PM

ស្រ្តីក្នុងភាពជាអ្នកដឹកនាំ ដោយ៖ លោកបណ្ឌិត ទុយ យូឃីម អនុប្រធាននាយកដ្ឋានប្រវត្តិវិទ្យានិងវិទ្យាសាស្រ្តនយោបាយ, លោកស្រីបណ្ឌិត ជា វណ្ណី ប្រធាននាយកដ្ឋានធម្មសាស្រ្ត ចរិយាសាស្រ្ត និង យេនឌ័រ នៃវិទ្យាស្ថានមនុស្សសាស្រ្តនិងវិទ្យាសាស្រ្តសង្គមនៃរាជបណ្ឌិត្យសភាកម្ពុជា

បើកាលណាយើងនិយាយអំពី ស្រ្តីក្នុងភាពជាអ្នកដឹកកនាំ យើងមិនអាចបំភ្លេចបានទេនូវព្រះរាជនីយ៍ខ្មែរយើងកាលពីអតីតកាល មានដូចជា ព្រះនាងលីវយី (សោមម៉ា ឬនាងនាគ) ព្រះនាងជ័យទេវី (សម័យចេនឡា) ព្រះមហាក្សត្រិយានី អង្គម៉ី (សម...

ថ្ងៃសៅរ៍, 01 មេសា 2023 ម៉ោង 12:04 PM

ប្រវត្តិឧត្តមសិក្សាកម្ពុជាពីឆ្នាំ១៩៤៦ ដល់ឆ្នាំ១៩៦៧-(History of Cambodian Higher Education From 1946 to 1967) ដោយ ៖ បណ្ឌិត សុង ស៊ីណា មន្ត្រីស្រាវជ្រាវនៃវិទ្យាស្ថានមនុស្សសាស្ត្រនិងវិទ្យាសាស្ត្រសង្គម

ការអប់រំតាមបែបប្រពៃណីត្រូវបានធ្វើឡើងនៅតាមទីវត្តអារាម ដោយមានព្រះសង្ឃជាអ្នកបង្រៀន។ ការអប់រំនាសម័យកាលនោះ ការសិក្សាបានផ្តោតលើការសរសេរ ឬអធិប្បាយទាក់ទងទៅនឹងអត្ថបទសាសនាជាដើម។ តាមរយៈការសិក្សាបែបប្រពៃណីនេះអាចធ...

ថ្ងៃសុក្រ, 31 មីនា 2023 ម៉ោង 10:10 PM

រាជបណ្ឌិត្យសភាកម្ពុជា

ព័ត៌មាន

អត្ថបទទាក់ទង

សហគមន៍ជនជាតិវៀតណាមនៅក្រៅប្រទេស ជាស្ពានភ្ជាប់ទំនាក់ទំនងមិត្តភាព

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម