Royal Academy of Cambodia
ពិធីសម្ពោធ«វិមានរំឭកដល់អ្នកស្លាប់ក្នុងសង្គ្រាមលោកលើកទី១» ក្រោមអធិបតីភាពព្រះបាទសម្តេចស៊ីសុវត្ថិ និងរេស៊ីដង់ជាន់ខ្ពស់បារាំង
http://rac.gov.kh/royal-academy/research/attachments/original/115.pdf?1559621423
បន្ទាប់ពីលោករេស៊ីដង់ជាន់ខ្ពស់បារាំងបានបញ្ចប់នូវសុន្ទរកថារបស់លោករួចរាល់ ដូចបានបង្ហាញនៅក្នុងភាគទី៧ វគ្គទី៤ នៅក្នុងភាគទី៧ វគ្គទី៥នេះគឺសង្កថា[1]របស់ព្រះបាទសម្តេចស៊ីសុវត្ថិ។ សូមបញ្ជាក់ថា ទោះបីជាព្រះអង្គមានព្រះជន្មច្រើន ហើយទើបតែងើបពីអាពាធខ្លាំងក៏ដោយ ក៏ព្រះអង្គនៅតែយាងមកជាអធិបតីនៅក្នុងពិធីបុណ្យនេះ ដោយបានធ្វើសេចក្តីអធិប្បាយខ្លីៗ និងមានសេចក្តីកត់ត្រា ដែលមានខ្លឹមសារដើម និងការកែសម្រួលមួយចំនួនដូចខាងក្រោម៖
៧-៣-សង្កថារបស់ព្រះបាទសម្តេចស៊ីសុវត្ថិ[1]
ជម្រាបលោក ឡឺរេស៊ីដង់ សុប៉េរីយ៉ើរ ជ្រាប។
សេចក្តីលើកតម្កើងអ្នកមានចិត្តទាហានក្លាហាន ដែលទ្រង់ទើបបានស្តាប់ឈ្មោះដែលគេហៅអម្បាញ់មិញនោះ ជាការមួយដែលត្រូវគង់នៅជានិច្ចកាលតរៀងទៅ ដោយមានសេចក្តីទំនុកបម្រុងឈឺឆ្អាលពីរាជការគូវែរណើម៉ង់បារាំងសែស[2]និងពីជាងរចនាឈ្មោះលោកឌូក្វាំង (Ducoing) ដែលបានសាងវិមានទុកសម្គាល់ជាកេរទៅមុខរកអ្វីនឹងធៀបពុំបាន។
ការដែលបានរៀបចំពិធីបុណ្យយ៉ាងសម្បើម ដោយមានការរៀបចំតាក់តែងយ៉ាងសំខាន់ មានការហែក្បួនយ៉ាងមាំមួន និងមានទាំងមនុស្សគ្រប់ភាសាមកពីខេត្តក្រៅដែលនៅឆ្ងាយជាងគេនោះ ឃើញថាការទាំងអស់នេះនាំឱ្យរំឭកដោយរំជួលក្នុងចិត្តដល់អស់ទាំងអ្នកមានថ្វីដៃ ដែលបានបាត់បង់ជីវិតដោយបានជួយការពារព្រះមហានគរអាណាព្យាបាល [3] ដែលមានចិត្តសប្បុរសជ្រះថ្លានឹងតយុទ្ធជាមួយនិងព្រះមហានគរសម្ព័ន្ធមិត្តទាំងប៉ុន្មានដើម្បីឱ្យរួចពីសេចក្តីទុក្ខ បានសុខជាឯកចិត្តតរៀងទៅ។
ទ្រង់ព្រះករុណាមានព្រះរាជហឫទ័យ រំជួលជាខ្លាំងពន្លឹកបើកាលណាទ្រង់នឹកដល់ទៅទីកន្លែងចម្បាំង ដែលសេនាទាហានរបស់ព្រះករុណា ព្រមទាំងសេនាទាហានទិសខាងលិចបានចូលច្បាំងតយុទ្ធ អំពីដំណើរជាមួយគ្នា ហើយបាន យកឈាមទៅតស៊ូនាំឱ្យនគរក្រុងកម្ពុជានិងព្រះមហានគរបារាំងសែស មានសេចក្តីរឹតតែមេត្រីស្និទ្ធស្នាល ទៅវិញទៅមកថែមទៀត។
អាណាប្រជានុរាស្ត្ររបស់ទ្រង់មានអំណររីករាយ ដោយបានឃើញក្នុងពិធីបុណ្យថ្ងៃនេះនូវវិមានយ៉ាងសំខាន់សម្រាប់ទុករំឭកគុណដល់អ្នកដែលបានតយុទ្ធដោយសុចរិតស្មោះត្រង់ក្នុងចម្បាំងនេះ។ ព្រះករុណាមានសេចក្តីសោមនស្ស ដោយទ្រង់បានយល់ថាការដែលធ្វើដូច្នេះនេះជាតម្រូវនឹងព្រះរាជហឫទ័យ ដែលចង់ឱ្យសំណាងនៃនគរយើងជាប់រួបរួមគ្នាជាមួយនឹងសំណាងនៃនគរបារាំងសែស ជានិច្ចកាលតរៀងទៅ។
ព្រះអង្គបានថ្លែងអំណរគុណចំពោះព្រះមហានគរជាអាណាព្យាបាល ដែលបានកសាងវិមាននេះ នាំឱ្យក្រុងភ្នំពេញមានសេចក្តីថ្កើងរុងរឿងមានកេរ្តិ៍ឈ្មោះពីរោះល្អ ហើយជាការគោរពស្គាល់គុណយ៉ាងខ្ពស់បំផុត ដល់អស់អ្នកដែលមានគុណបំណាច់ថ្វីដៃ ដែលបានបាត់បង់ជីវិតក្នុងគ្រាចម្បាំងធំនេះ។
(សូមរង់ចាំអានភាគបន្ត…)
[១] ប្រភពរូបថត : https://sopheak.wordpress.com/2015/11/30។
[២] សង្កថា(Allocution) គឺការថ្លែងសេចក្តីមាត់ទទេ វចនានុក្រម ពុទ្ធសាសនបណ្ឌិត្យ ឆ្នាំ១៩៦៧ ទំព័រ១២៣៤។ [៣] បុន្យ៍ឆ្លងវិមានដែរសាងក្នុងក្រុងក័ម្ពូជាធិប្តី, ជាទីរំឭកដល់អស់អ្នក ដែលទទួលអនិច្ចកម្ម ក្នុងចំបាំងធំ(ពីឆ្នាំ១៩១៤ដល់ឆ្នាំ១៩១៨), នៅក្នុងរាជកិច្ចរាជការ ឆ្នាំ១៩២៥ ទំព័រ៩៥-៩៧។
[៤] គូវែរណើម៉ង់បារាំងសែស(Gouvernement français) គឺរដ្ឋាភិបាលបារាំង។
[៥] ព្រះមហានគរអាណាព្យបាល គឺប្រទេសបារាំង។
RAC Media
យោងតាមព្រះរាជក្រឹត្យ នស/រកត/០២១៩/២៨២ ធ្វើនៅថ្ងៃទី២២ ខែកុម្ភៈ ឆ្នាំ២០១៩ ព្រះករុណា ព្រះបាទសម្ដេច ព្រះបរមនាថ នរោត្ត សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់តែងតាំង និងផ្ដល់តួ...
យោងតាមព្រះរាជក្រឹត្យ នស/រកត/០២១៩/២៨១ ធ្វើនៅថ្ងៃទី២២ ខែកុម្ភៈ ឆ្នាំ២០១៩ ព្រះករុណា ព្រះបាទសម្ដេច ព្រះបរមនាថ នរោត្ត សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់តែងតាំង និងផ្ដល់តួ...
ក្រោមជំនួយកិច្ចឧបត្ថម្ភពីសមាគមសប្បុរសធម៌ជនជាតិចិននៅក្រៅប្រទេស «Overseas Chinese Charity Foundation of China (OCCFC)» ដែលបានទទួលអាហារូបករណ៍ផ្តល់ដល់សមាគមមូលនិធិសុខមាភាពសាធារណៈ កម្ពុជា ចិន សម្រាប់រយៈពេល៣...
នៅក្នុងភាគទី២នៃអត្ថបទ យើងបានបង្ហាញអំពី«បណ្ណសារ»(Archive)មួយ ដែលជាលិខិតរបស់ ឧកញាវាំងជូនទៅលោករេស៊ីដង់ជាន់ខ្ពស់បារាំង ចុះថ្ងៃទី១៣ ខែមីនាឆ្នាំ១៩១៦(សូមមើលអត្ថបទមុន)។ ចំណែកនៅភាគទី៣នេះ សូមបង្ហាញ«បណ្ណសារ»(ឯ...
ដើម្បីបន្តនិរន្តរភាពនៃការបណ្តុះបណ្តាល និងស្រាវជ្រាវ រាជបណ្ឌិត្យសភាកម្ពុជា បានបើកការបណ្តុះបណ្តាលវគ្គសិក្សាថ្មី (ថ្នាក់បណ្ឌិតជំនាន់ទី៤ និងថ្នាក់បរិញ្ញាបត្រជាន់ខ្ពស់ជំនាន់ទី៧) ដែលបានធ្វើឡើងនៅថ្ងៃព្រឹកថ្ង...
បច្ចេកសព្ទរបស់គណៈកម្មការអក្សរសិល្បិ៍ ចំនួន០៣ ត្រូវបានអនុម័ត នៅសប្តាហ៍ទី៤ កាលពីថ្ងៃអង្គារ ៧រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែកុម្ភៈ ឆ្នាំ២០១៩ ដោយក្រុមប្រឹក្សាជាតិភាសាខ្មែរ (ក.ជ.ភ...