រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃចន្ទ, 03 មិថុនា 2019 ម៉ោង 02:33 PM
ក្រោមកិច្ចសហការរបស់ឯកឧត្តមឡុងឌី ម៉ង់ ឯកអគ្គរាជទូតព្រះរាជណាចក្រកម្ពុជាប្រចាំប្រទេសកូរ៉េ និងមជ្ឈមណ្ឌលបណ្តុះបណ្តាលវិជ្ជាជីវៈថេគូ ឯកឧត្តមបណ្ឌិត្យសភាចារ្យសុខ ទូច បានធ្វើបទបង្ហាញស្តីពី «ដំណើរប្រព្រឹត្តទៅរបស់រាជរដ្ឋាភិបាលមុននឹងក្រោយការបោះឆ្នោតអាណត្តទី៦» នៅខេត្ត ថេគូ ប្រទេសកូរ៉េ។
នៅក្នុងកិច្ចចាប់ផ្តើមឯកឧត្តមឯកអគ្គរាជទូត បានលើកឡើងអំពីតួរនាទីដែលពលករមកធ្វើការនៅទីនេះត្រូវយកចិត្តទុកដាក់និងត្រូវសហការជាមួយស្ថានទូត ហើយក្រោយពេលចប់អាណត្តិត្រូវរូតរះវិលត្រឡប់ទៅកម្ពុជាវិញ ម្យ៉ាងវិញទៀតក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី លោកតែងយកចិត្តទុកដាក់ដល់សុខទុក្ខបងប្អូនពលករខ្មែរដែលធ្វើការនៅក្រៅប្រទេស ជាងនេះទៅទៀត រដ្ឋាភិបាលកម្ពុជាបានធ្វើការយ៉ាងជិតស្និទ្ធជាមួយរដ្ឋាភិបាលកូរ៉េដើម្បីបង្កើនកូតាសម្រាប់ពលករខ្មែរយើង។ ជាក់ស្តែងនាពេលបច្ចុប្បន្ននេះមានពលករខ្មែរសរុបជាង៦ម៉ឺននាក់កំពុងធ្វើការនៅកូរ៉េនេះ ហើយស្ត្រីខ្មែរដែលមានស្វាមីជាជនជាតិកូរ៉េមានចំនួនចន្លោះពី៧ ទៅ៨ពាន់នាក់។ក្នុងមួយឆ្នាំៗមានពលករខ្មែរជាង៨ពាន់នាក់ត្រូវមកធ្វើការនៅកូរ៉េ ដែលបាននាំសាច់ប្រាក់ចូលកម្ពុជាវិញមានប្រមាណជា៦០០លានដុល្លារអាម៉េរិកក្នុងមួយឆ្នាំៗ។
នៅក្នុងបទបង្ហាញនោះ ឯកឧត្តមបណ្ឌិតសភាចារ្យ លើកឡើងពីការផ្តើមទំនាក់ទំនងឡើងវិញរវាងកម្ពុជា កូរ៉េនៅឆ្នាំ១៩៩៦ ដោយការខិតខំប្រឹប្រែងរបស់សម្តេច បើទោះជាស្ថានភាពពេលនោះកម្ពុជាមានទំនាក់ទំនងល្អជាមួយកូរ៉េខាងជើងក្តី សម្តេចតេជោហ៊ុន សែនបានពង្រឹងទំនាក់ទំនងនេះបន្តិចម្តងៗរហូតដល់មានការឯកភាពគ្នាផ្តល់ភាពងាយស្រួលដល់បងប្អូនមកធ្វើការនៅកូរ៉េនេះ។
ចំពោះ ស្ថានភាពនយោបាយបច្ចុប្បន្ននៅកម្ពុជា ឯកឧត្តមបណ្ឌិតសភាចារ្យបានគូសបញ្ជាក់ផងដែរថា «កម្ពុជាកំពុងតែដើរនៅលើផ្លូវមួយដ៏ត្រឹមត្រូវ តាមគន្លងលទ្ធិប្រជាធិបតេយ្យសេរីពហុបក្ស ព្រោះនាអាណត្តិទី៦នេះ មានគណបក្សជាច្រើនបានចូលរួមប្រកួតប្រជែងបោះឆ្នោត។ កម្ពុជា បានគោរពតាមរដ្ឋធម្មនុញ្ញរបស់ខ្លួន។រីឯស្ថានភាពសេដ្ឋកិច្ចក៏មានភាពរីកចម្រើនផងដែរក្នុងរង្វង់ប្រមានជា៧%ក្នុងមួយឆ្នាំ។»
«រដ្ឋាភិបាលអាណត្តិទី៦ ប្រើប្រាស់គោលនយោបាយបើកចំហរជើងមេឃយ៉ាងទូលាយ ព្រោះថាកម្ពុជារឹតចមណងមិត្តភាពជាមួយប្រទេសទាំងអស់ជាមិត្តមិនថា អាម៉េរិក ចិន ជប៉ុន កូរ៉េ ឬអឺរ៉ុបនោះទេ សំខាន់ឱ្យតែប្រទេសទាំងនោះផ្តល់នូវផលប្រយោជន៍ជូនដល់កម្ពុជា។ » ឯកឧត្តមបណ្ឌិតសភាចារ្យបានបន្ថែម។
មុននឹងបិទបញ្ចប់បាឋកថា ឯកឧត្តមបណ្ឌិតសភាចារ្យបានផ្តល់ជាគំនិតដល់ពលករខ្មែរថា «យើងមកធ្វើការនៅទីនេះ គឺមិនមែនមកយកតែលុយតែមួយមុខនោះទេ ប៉ុន្តែត្រូវរៀនសូត្រ ពង្រឹងវិជ្ជាជីវៈដើម្បីយើងអាចយកចំណេះ ជំនាញទាំងនេះត្រឡប់ទៅកម្ពុជាវិញ ជាជាងយកតែទស្សនៈនយោបាយចូលស្រុក ឬជឿស្លុងទៅលើការឃោសនារបស់ក្រុមមួយចំនួន។»
សូមជម្រាបជូនថា ឯកឧត្តមបណ្ឌិត្យសភាចារ្យ សុខ ទូច ដឹកនាំប្រតិភូរាជបណ្ឌិត្យសភាកម្ពុជាទៅចូលរួមក្នុងវេទិកា កោះជេជូ ស្តីពី«គោលនយោបាយសម្លឹងមកទិសខាងត្បូងរបស់កូរ៉េ» និងបំពេញទស្សនកិច្ចស្រាវជ្រាវនៅតាមគ្រឹស្ថានរដ្ឋនិងឯកជនមួយចំនួនក្នុងសាធារណរដ្ឋកូរ៉ ចំនួន៩ថ្ងៃ ពីថ្ងៃទី២៨ខែឧសភា ដល់ថ្ងៃទី៥ខែមិថុនា ឆ្នាំ២០១៩។
RAC Media
សូមអញ្ជើញទស្សនាវីឌីអូបាឋកថាដូចខាងក្រោម៖
នៅព្រឹកថ្ងៃព្រហស្បតិ៍៣រោច ខែភទ្របទ ឆ្នាំច សំរឹទ្ធិស័កព.ស ២៥៦២ត្រូវនឹងនៅថ្ងៃទី ២៧ ខែកញ្ញា ឆ្នាំ ២០១៨ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានអញ្ជើញដឹកនាំគណៈ ប្រតិ...
ថ្ងៃព្រហស្បតិ៍, 27 កញ្ញា 2018 ម៉ោង 11:56 AM
M.C ពូជស្រូវត្រីរៀលជាកសិផលមួយមានរយៈពេលខ្លីដាំដុះទទួលបានទិន្នផលល្អដែលកសិករនៅ ឃុំភ្លុក ស្រុក សេសាន ខេត្តស្ទឹងត្រែងបានរកឃើញដោយខ្លួនឯង អាចចែកចាយដល់កសិករយើងផ្សេងៗមិនបាច់ចំណាយថវិការ ទិញស្រូវពូជ មកពី...
ថ្ងៃព្រហស្បតិ៍, 27 កញ្ញា 2018 ម៉ោង 11:42 AM
ថ្លែងនៅក្នុងសុន្ទុរកថាបើកសិក្ខាសាលាស្តីពីការបង្ហាញសៀវភៅ«ភាសាខ្មែរ» ដែលបានរៀបចំដោយក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា នាព្រឹកថ្ងៃព្រហស្បតិ៍ ៣រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ត្រូវ...
ថ្ងៃព្រហស្បតិ៍, 27 កញ្ញា 2018 ម៉ោង 11:28 AM
ថ្លែងក្នុងវេទិកាមហាសន្និបាតអង្គការសហប្រជាជាតិប្រមាណជាង៣០នាទីនាថ្ងៃទី២៥ ខែកញ្ញា ឆ្នាំ២០១៨ របស់ប្រធានាធិបតីអាម៉េរិក លោក ដូណាល់ ត្រាំ មានចំណុចសំខាន់ៗជាច្រើនត្រូវបានលើកឡើង ក្នុងនោះមាន៖អ៊ីរ៉ង់៖លោកត...
ថ្ងៃពុធ, 26 កញ្ញា 2018 ម៉ោង 09:03 PM
ចុះផ្សាយថ្ងៃទី២៦ ខែកញ្ញា ឆ្នាំ២០១៨ - ម៉ោង៖៥:១៥នាទីក្រោយពីមរណភាពរបស់ប្រធានាធិបតីវៀតណាម លោក Tran Dai Quang កាលពីព្រឹក ថ្ងៃសុក្រ ទី២១ខែកញ្ញា នាំ២០១៨ ក្នុងជន្មាយុ ៦២ ឆ្នាំ ប្រទេសជាមិត្តរបស់វៀតណាមចំនួន ៣ ប...
ថ្ងៃពុធ, 26 កញ្ញា 2018 ម៉ោង 05:25 PM
ថ្ងៃពុធ, 26 កញ្ញា 2018 ម៉ោង 05:09 PM
