រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 17 ឧសភា 2019 ម៉ោង 05:47 PM
នៅព្រឹកថ្ងៃទី១៧ ខែឧសភា ឆ្នាំ២០១៩ ព្រឹកមិញនេះ ឯកឧត្ដមកិត្ដិនីតិកោសលបណ្ឌិត ឌិត មន្ទី ប្រធានតុលាការកំពូលនិងមហាអយ្យការ បានរៀបចំទទួលជំនួបមួយជាមួយឯកឧត្ដមបណ្ឌិតសភាចារ្យ សុខ ទូច ពិភាក្សាអំពីរៀបចំធ្វើគុណកថា និងការចងក្រងនូវជីវប្រវត្ដិរូបរបស់គោរមវ័ន្តដែលទើបទទួលបានការតែងតាំងពីព្រះមហាក្សត្រនូវគោរមងារកិត្តិយសនៃរាជបណ្ឌិត្យសភាកម្ពុជា ជា «កិត្តិនីតិកោសលបណ្ឌិត» កាលពីខែមេសាកន្លងទៅថ្មីៗនេះ។
នៅក្នុងការពិភាក្សានេះ ឯកឧត្ដមកិត្ដិនីតិកោសលបណ្ឌិត ឌិត មន្ទី មានក្តីសោមនស្សដោយបានរំឭកឡើងវិញនូវប្រវត្តិការងារ ស្នាដៃ និងសមិទ្ធផលនានារបស់ឯកឧត្ដមក្នុងវិស័យតុលាការ ហើយក៏បានបង្ហាញការពេញចិត្តចំពោះរាជរដ្ឋាភិបាលដែលកំពុងយកចិត្តទុកដាក់ចំពោះឥស្សរជនមានស្នាដៃនិងសមិទ្ធផលការងារសម្រាប់ជាឧត្ដមប្រយោជន៍ជូនដល់ជាតិ ហើយអ្វីដែលរាជបណ្ឌិត្យកម្ពុជាកំពុងធ្វើនេះ គឺបានបង្ហាញពី«វប្បធម៌បន្តវេន»ដល់អ្នកជំនាន់ក្រោយផងដែរ។
ឥស្សរជនដែលខិតខំបំពេញភារកិច្ចតាមមុខនាទី ជំនាញឯកទេស ទាំងក្នុងស្ថាប័នរដ្ឋ និង ឯកជន នឹងត្រូវអ្នកជំនាន់ក្រោយចងចាំទុកនូវស្នាដៃឆ្នើម និង សមិទ្ធផលល្អៗ ជាគំរូដែលមិនគួរមើលរំលង ហើយទាំងនេះ ជាចំណែកមួយនៃបេសកកម្មការងាររបស់រាជបណ្ឌិត្យសភាកម្ពុជា ក្នុងការសិក្សាស្រាវជ្រាវចងក្រងទុកអំពីគោរមវ័ន្តដែលទទួលបានគោរមងារកិត្តិយស និង គោរមងារវិទ្យាសាស្ត្រនៃរាជបណ្ឌិត្យសភាកម្ពុជា។
គួររំឭកដែរថា ឯកឧត្ដមកិត្តិនីតិកោសលបណ្ឌិត ឌិត មន្ទី បានទទួលកិត្តិយសតែងតាំងពីព្រះមហាក្សត្រ ព្រះបាទសម្តេច ព្រះបរមនាថ នរោត្តមសីហមុនី តាមការស្នើរបស់សម្តេចនាយករដ្ឋមន្ត្រីនៃព្រះរាជាណាចក្រកម្ពុជា នូវគោរមងារកិត្តិយសនៃរាជបណ្ឌិត្យសភាកម្ពុជា «កិត្តិនីតិកោសលបណ្ឌិត» ដោយព្រះរាជក្រឹត្យលេខ នស/រកត/០៤១៩/៥១៦ ចុះថ្ងៃទី១០ ខែមេសា ឆ្នាំ២០១៩។
គោរមងារនេះ សម្រាប់ជូនដល់គោរមវន្តដែលជាឥស្សរជនមានស្នាដៃឆ្នើម ក្នុងការបំពេញភារកិច្ចលើវិស័យច្បាប់ ជូនដល់ជាតិមាតុភូមិនៃព្រះរាជាណាចក្រកម្ពុជាយើង ហើយរហូតមកដល់ពេលនេះ មានឥស្សរជនពីររូបផ្សេងទៀត ដែលទទួលបានគោរមងារកិត្តិយសនៃរាជបណ្ឌិត្យសភាកម្ពុជា ជា «កិត្តិនីតិកោសលបណ្ឌិត»នេះដែរ គឺ៖
១. ឯកឧត្ដមកិត្តិនីតិកោសលបណ្ឌិត ប៊ិន ឈិន តែងតាំងដោយព្រះរាជក្រឹត្យលេខ នស/រកត/០៤១៨/៤០៤ ចុះថ្ងៃទី១២ ខែមេសា ឆ្នាំ២០១៨។
២. ឯកឧត្ដមកិត្តិនីតិកោសលបណ្ឌិត ប៉ែន បញ្ញា តែងតាំងដោយព្រះរាជក្រឹត្យលេខ នស/រកត/០៤១៩/៥១៧ ចុះថ្ងៃទី១០ ខែមេសា ឆ្នាំ២០១៩។
RAC Media
នាព្រឹកថ្ងៃពុធនេះ ទី១៥ ខែមិថុនា ឆ្នាំ២០២២ រាជបណ្ឌិត្យសភាកម្ពុជា មានកិត្តិយសទទួលបដិសណ្ឋារកិច្ចឯកឧត្តម Wang Wentian ឯកអគ្គរដ្ឋទូត វិសាមញ្ញនិងពេញសមត្ថភាពនៃសាធារណរដ្ឋប្រជាមានិតចិនប្រចាំកម្ពុជា ។ នៅក្នុងជំ...
ថ្ងៃព្រហស្បតិ៍, 16 មិថុនា 2022 ម៉ោង 10:14 AM
នាថ្ងៃពុធ ទី ១១ ខែឧសភា ឆ្នាំ ២០២២ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា និងមន្រ្តីជំនាញអប់រំ បានទទួលស្វាគមន៍យ៉ាងកក់ក្តៅ លោក លី សុជាតិ អ្នករៀបរៀបចងក្រងសៀវភៅ 24-Hour English Pronunci...
ថ្ងៃព្រហស្បតិ៍, 12 ឧសភា 2022 ម៉ោង 08:29 AM
លោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ នៃព្រឹទ្ធសភា បានអនុញ្ញាតឱ្យក្រុមការងារលេខាធិការដ្ឋាននៃក្រុមប្រឹក្សាបណ្ឌិតសភាចារ្យ តាមការចាត់តាំងរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជ...
ថ្ងៃអង្គារ, 10 ឧសភា 2022 ម៉ោង 09:52 PM
ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការទី៧ នៃព្រឹទ្ធសភា បានអនុញ្ញាតឱ្យក្រុមការងារលេខាធិការដ្ឋាននៃក្រុមប្រឹក្សាបណ្ឌិតសភាចារ្យ តាមការចាត់តាំងរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត...
ថ្ងៃអង្គារ, 10 ឧសភា 2022 ម៉ោង 09:45 PM
នាព្រឹកថ្ងៃទី១០ ខែឧសភា ឆ្នាំ២០២២ នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងថ្នាក់ដឹកនាំនៃរាជបណ្ឌិត្យសភាកម្ពុជា បានទទួលស្វាគមន៍យ៉ាងកក់ក្តៅ ចំពោះវត្ដមានឯកឧត្ដម Agio Pereira ទេសរដ្...
ថ្ងៃអង្គារ, 10 ឧសភា 2022 ម៉ោង 09:37 PM
កិច្ចប្រជុំកំពូលពិសេសអាស៊ាន-អាម៉េរិក ដែលនឹងត្រូវរៀបចំឡើងនៅថ្ងៃទី១២-១៣ ឧសភាខាងមុខនេះ នាទីក្រុងវ៉ាស៊ីនតោន សហរដ្ឋអាម៉េរិក ជាការជួបមុខគ្នាដោយផ្ទាល់ រវាងប្រមុខមេដឹក នាំអាស៊ាន ជាមួយនឹងលោក ចូ បៃឌិន ប្រធានាធិ...
ថ្ងៃព្រហស្បតិ៍, 28 មេសា 2022 ម៉ោង 03:31 PM
