ព័ត៌មាន

សរុបព័ត៌មានប្រចាំសប្តាហ៍«បច្ចេកសព្ទចំនួន១០ ត្រូវបានអនុម័ត នៅសប្តាហ៍ទី៣ ក្នុងខែមេសា ឆ្នាំ២០១៩»

2019-04-27 14:36:11 ថ្ងៃសៅរ៍, 27 មេសា 2019 ម៉ោង 09:36 PM
អ្នកមើល 11282
post_detail

បច្ចេកសព្ទចំនួន១០ ត្រូវបានអនុម័ត នៅក្នុងសប្តាហ៍ទី៣ ក្នុងខែមេសា  ឆ្នាំ២០១៩នេះ រួមមាន៖
-បច្ចេកសព្ទគណៈ កម្មការអក្សរសិល្ប៍  ចំនួន០៣ ត្រូវបានអនុម័ត ដោយក្រុមប្រឹក្សាជាតិភាសាខ្មែរ កាលពីថ្ងៃអង្គារ ៤រោច ខែចេត្រ ឆ្នាំកុរ ឯកស័ក ព.ស.២៥៦២ ក្រោមអធិបតីភាពឯកឧត្តមបណ្ឌិត ជួរ គារី ក្នុងនោះមាន៖ ១. សហនិពន្ធន៍ ២.​ សហអ្នកនិពន្ធ ៣. មាលីបទ។
-បច្ចេកសព្ទគណៈកម្មការគីមីវិទ្យា និង រូបវិទ្យា ចំនួន០៧ ត្រូវបានអនុម័តដោយក្រុមប្រឹក្សាជាតិភាសាខ្មែរកាលពីថ្ងៃពុធ ៥រោច ខែចេត្រ ឆ្នាំកុរ ឯកស័ក ព.ស.២៥៦២៦ ក្រោមអធិបតីភាពឯកឧត្តមបណ្ឌិត ហ៊ាន សុខុម ក្នុងនោះមាន៖  ១. ប្រេកង់ / ហ្វេ្រកង់ ២. សៀគ្វីបិទ ៣. សៀគ្វីចំហ / សៀគ្វីបើក ៤. អង្គធាតុចម្លងអគ្គីសនី ៥. អ៊ីសូទ្បង់ ៦. អន្តរកម្ម ៧. អ៊ីសូទ្បង់អគ្គិសនី។

សទិសន័យ៖
១-សហនិពន្ធន៍៖ ស្នាដៃរឿងប្រលោមលោក អត្ថបទសិក្សាកថា អត្ថបទស្រាវជ្រាវ... ដែលកើតចេញពីការតែងនិពន្ធ រៀបរៀង ចងក្រង ដោយអ្នកនិពន្ធច្រើននាក់រួមគ្នា។
ឧទាហរណ៍ រឿងថៅកែចិត្តចោរ រឿងភូមិតិរច្ឆាន ជាស្នាដៃសហនិពន្ធន៍។
២- សហអ្នកនិពន្ធ អ. co-authors បារ. co-auteurs (m.) ៖ អ្នកនិពន្ធពីរឬច្រើននាក់រួមគ្នាតាក់តែងនិពន្ធ រៀបរៀង ឬចងក្រងស្នាដៃអ្វីមួយ។
ឧទាហរណ៍៖
- លោក ឌឹក គាម និង លោក ឌឿក អំ ជាសហអ្នកនិពន្ធរឿងភូមិតិរច្ឆាន។
- លោក ពៅ យូឡេង និង លោក អ៊ំ ឈឺន ជាសហអ្នកនិពន្ធរឿងថៅកែចិត្តចោរ។
៣- មាលីបទ អ. Anthology បារ. anthologie (f.)៖ កម្រងស្នាដៃអក្សរសិល្ប៍ ជាប្រលោមលោក រឿងខ្លី កំណាព្យ ចម្រៀង រឿងល្ខោន សេចក្តីដកស្រង់ជាដើម ដែលត្រូវបានជ្រើសរើសប្រមូលចងក្រងជាឯកសារមួយ ឬជាភាគទៅតាមសម័យកាលណាមួយ ដោយបង្ហាញនាមអ្នកនិពន្ធ ប្រវត្តិស្នាដៃ អត្ថន័យសង្ខេបខ្លះៗនៃស្នាដៃ។
ឧទាហរណ៍ មាលីបទដែលមានចំណងជើងថា អក្សរសិល្ប៍ខ្មែរសតវត្សរ៍ទី១៩ ចងក្រងដោយ ឃីង ហុកឌី បោះពុម្ពឆ្នាំ២០០៣។
៤-ប្រេកង់ / ហ្វេ្រកង់ អ. requency បារ. fréquence (f.) ៖ ចំនួនព្រឹត្តិការណ៍ដែលកើតទ្បើងដដែលៗក្នុងមួយខ្នាតពេល។
៥- សៀគ្វីបិទ អ. closed circuit បារ. circuit fermé (m.) ៖ សៀគ្វីអគ្គិសនីដែលមានចរន្តឆ្លងកាត់។
៦- សៀគ្វីចំហ / សៀគ្វីបើក អ. open circuit បារ. circuit ouvert (m.)៖ សៀគ្វីអគ្គិសនីដែលគ្មានចរន្តឆ្លងកាត់។
៧- អង្គធាតុចម្លងអគ្គីសនី អ. electrical conductor បារ. conducteur électrique (m.) ៖ សារធាតុដែលអាចឱ្យចរន្តអគ្គិសនីឆ្លងកាត់បាន។
៨- អ៊ីសូទ្បង់ អ. insulator បារ. isolant (m.)៖ សារធាតុដែលមិនចម្លងចរន្តអគ្គិសនី កម្តៅ ឬសំឡេង។
៩- អន្តរកម្ម អ. interaction បារ. interaction (f.) ៖ អំពើទៅវិញទៅមករវាងវត្ថុពីរ ឬច្រើន។
១០- ​អ៊ីសូទ្បង់អគ្គិសនី  អ. electrical insulator បារ. isolant électrique (m.)៖ សារធាតុមិនចម្លងចរន្តអគ្គិសនី។



RAC Media


អត្ថបទទាក់ទង

«កិច្ចប្រជុំស្តីពីដំណើរការសាងសង់អគារឥន្ទ្រទេវី»

ក្រុមការងារសាងសង់អគារ ឥន្ទ្រទេវី នៃរាជបណ្ឌិត្យសភាកម្ពុជា ដឹកនាំដោយ ឯកឧត្តមអគ្គលេខាធិការ យង់ ពៅ នៅរសៀលថ្ងៃចន្ទ១៣ កើត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៨ ខែមីនា ឆ្នាំ២០១៩ នេះ បានទទួ...

2019-03-18 15:19:54   ថ្ងៃចន្ទ, 18 មីនា 2019 ម៉ោង 10:19 PM
«ការវាយតម្លៃស្តុកកាបូនព្រៃកោងកាងនៅក្នុង Segara Anakan នៅជ្វាកណ្តាល ប្រទេសឥណ្ឌូណេស៊ី»

កញ្ញា Shahnaz Nur Firdausi ជំនួយការគម្រោងមកពីវិទ្យាស្ថានបច្ចេកវិទ្យាបានឌុង ប្រទេសឥណ្ឌូណេស៊ី បានធ្វើបទបង្ហាញពីការវាយតម្លៃស្តុកកាបូនព្រៃកោងកាងនៅក្នុង Segara Anakan នៅជ្វាកណ្តាល ប្រទេសឥណ្ឌូណេស៊ី ហើយក៏ជាវ...

2019-03-18 11:22:29   ថ្ងៃចន្ទ, 18 មីនា 2019 ម៉ោង 06:22 PM
«ការគណនាកាបូននៃវិស័យការប្រើប្រាស់ដីនិងការដាំដំណាំនៅក្នុងប្រទេសសិង្ហបុរី»

ការគណនាកាបូននៃវិស័យការប្រើប្រាស់ដីនិងការដាំដំណាំនៅក្នុងប្រទេសសិង្ហបុរី ជាប្រធានបទមួយត្រូវបានលើកមកបង្ហាញ ដោយលោក Mohamad Fairoz Bin Mohamed នៅក្នុងកម្មវិធីសិក្ខាសាលាអន្តរជាតិ ស្តីពី «កាលានុវត្តភាពក្នុងក...

2019-03-18 11:01:44   ថ្ងៃចន្ទ, 18 មីនា 2019 ម៉ោង 06:01 PM
«អេកូទេសចរណ៍ស្ថិតនៅក្នុងតំបន់ការពារឧទ្យានជាតិវីរៈជ័យ»

អ្នកស្រី ជាតិ មារតី អនុប្រធានការិយាល័យ នៃនាយកដ្ឋានអភិរក្សតំបន់ការពារធម្មជាតិដីគោកខាងត្បូងបឹងទន្លេសាបអគ្គនាយកដ្ឋានអភិរក្សនិងការពារធម្មជាតិ ក្រសួងបរិស្ថាន បានធ្វើបទបង្ហាញពីអេកូទេសចរណ៍ស្ថិតនៅក្នុងតំបន់កា...

2019-03-18 10:22:35   ថ្ងៃចន្ទ, 18 មីនា 2019 ម៉ោង 05:22 PM
«គោលនយោបាយបរិស្ថានសម្រាប់ការអភិវឌ្ឍអេកូទេសចរណ៍៖ការអនុវត្តរបស់អាជ្ញាធរអប្សរា»

លោក កើត វិទ្យា ជាវាគ្មិនដែលអញ្ជើញមកពីអង្គភាពប្រព័ន្ធគ្រប់គ្រងបរិស្ថានរបស់អាជ្ញាធរអប្សរា  លោកបានធ្វើបទបង្ហាញពី «គោលនយោបាយបរិស្ថានសម្រាប់ការអភិវឌ្ឍអេកូទេសចរណ៍៖ការអនុវត្តរបស់អាជ្ញាធរអប្សរា»។ខ្លឹមសារនៃបទប...

2019-03-18 10:13:05   ថ្ងៃចន្ទ, 18 មីនា 2019 ម៉ោង 05:13 PM
«ការអភិវឌ្ឍអេកូទេសចរណ៍នៅសហគមន៍កំពង់ភ្លុក ខេត្តសៀមរាប»

នៅថ្ងៃទី១៨ ខែមីនា ឆ្នាំ២០១៨ កញ្ញា គ្រី សុខណា វាគ្មិនកិត្តិយសវ័យក្មេងមួយរូប បានអញ្ជើញមកធ្វើបទបង្ហាញមួយនៅកម្មវិធីសិក្ខាសាលាស្តីពី «កាលានុវត្តភាពក្នុងការអភិវឌ្ឍគម្រោងបញ្ចេញកាបូនទាបតាមរយៈគម្រោងកាបូនព្រៃឈើ...

2019-03-18 09:51:08   ថ្ងៃចន្ទ, 18 មីនា 2019 ម៉ោង 04:51 PM

សេចក្តីប្រកាស