រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសៅរ៍, 27 មេសា 2019 ម៉ោង 09:36 PM
បច្ចេកសព្ទចំនួន១០ ត្រូវបានអនុម័ត នៅក្នុងសប្តាហ៍ទី៣ ក្នុងខែមេសា ឆ្នាំ២០១៩នេះ រួមមាន៖
-បច្ចេកសព្ទគណៈ កម្មការអក្សរសិល្ប៍ ចំនួន០៣ ត្រូវបានអនុម័ត ដោយក្រុមប្រឹក្សាជាតិភាសាខ្មែរ កាលពីថ្ងៃអង្គារ ៤រោច ខែចេត្រ ឆ្នាំកុរ ឯកស័ក ព.ស.២៥៦២ ក្រោមអធិបតីភាពឯកឧត្តមបណ្ឌិត ជួរ គារី ក្នុងនោះមាន៖ ១. សហនិពន្ធន៍ ២. សហអ្នកនិពន្ធ ៣. មាលីបទ។
-បច្ចេកសព្ទគណៈកម្មការគីមីវិទ្យា និង រូបវិទ្យា ចំនួន០៧ ត្រូវបានអនុម័តដោយក្រុមប្រឹក្សាជាតិភាសាខ្មែរកាលពីថ្ងៃពុធ ៥រោច ខែចេត្រ ឆ្នាំកុរ ឯកស័ក ព.ស.២៥៦២៦ ក្រោមអធិបតីភាពឯកឧត្តមបណ្ឌិត ហ៊ាន សុខុម ក្នុងនោះមាន៖ ១. ប្រេកង់ / ហ្វេ្រកង់ ២. សៀគ្វីបិទ ៣. សៀគ្វីចំហ / សៀគ្វីបើក ៤. អង្គធាតុចម្លងអគ្គីសនី ៥. អ៊ីសូទ្បង់ ៦. អន្តរកម្ម ៧. អ៊ីសូទ្បង់អគ្គិសនី។
សទិសន័យ៖
១-សហនិពន្ធន៍៖ ស្នាដៃរឿងប្រលោមលោក អត្ថបទសិក្សាកថា អត្ថបទស្រាវជ្រាវ... ដែលកើតចេញពីការតែងនិពន្ធ រៀបរៀង ចងក្រង ដោយអ្នកនិពន្ធច្រើននាក់រួមគ្នា។
ឧទាហរណ៍ រឿងថៅកែចិត្តចោរ រឿងភូមិតិរច្ឆាន ជាស្នាដៃសហនិពន្ធន៍។
២- សហអ្នកនិពន្ធ អ. co-authors បារ. co-auteurs (m.) ៖ អ្នកនិពន្ធពីរឬច្រើននាក់រួមគ្នាតាក់តែងនិពន្ធ រៀបរៀង ឬចងក្រងស្នាដៃអ្វីមួយ។
ឧទាហរណ៍៖
- លោក ឌឹក គាម និង លោក ឌឿក អំ ជាសហអ្នកនិពន្ធរឿងភូមិតិរច្ឆាន។
- លោក ពៅ យូឡេង និង លោក អ៊ំ ឈឺន ជាសហអ្នកនិពន្ធរឿងថៅកែចិត្តចោរ។
៣- មាលីបទ អ. Anthology បារ. anthologie (f.)៖ កម្រងស្នាដៃអក្សរសិល្ប៍ ជាប្រលោមលោក រឿងខ្លី កំណាព្យ ចម្រៀង រឿងល្ខោន សេចក្តីដកស្រង់ជាដើម ដែលត្រូវបានជ្រើសរើសប្រមូលចងក្រងជាឯកសារមួយ ឬជាភាគទៅតាមសម័យកាលណាមួយ ដោយបង្ហាញនាមអ្នកនិពន្ធ ប្រវត្តិស្នាដៃ អត្ថន័យសង្ខេបខ្លះៗនៃស្នាដៃ។
ឧទាហរណ៍ មាលីបទដែលមានចំណងជើងថា អក្សរសិល្ប៍ខ្មែរសតវត្សរ៍ទី១៩ ចងក្រងដោយ ឃីង ហុកឌី បោះពុម្ពឆ្នាំ២០០៣។
៤-ប្រេកង់ / ហ្វេ្រកង់ អ. requency បារ. fréquence (f.) ៖ ចំនួនព្រឹត្តិការណ៍ដែលកើតទ្បើងដដែលៗក្នុងមួយខ្នាតពេល។
៥- សៀគ្វីបិទ អ. closed circuit បារ. circuit fermé (m.) ៖ សៀគ្វីអគ្គិសនីដែលមានចរន្តឆ្លងកាត់។
៦- សៀគ្វីចំហ / សៀគ្វីបើក អ. open circuit បារ. circuit ouvert (m.)៖ សៀគ្វីអគ្គិសនីដែលគ្មានចរន្តឆ្លងកាត់។
៧- អង្គធាតុចម្លងអគ្គីសនី អ. electrical conductor បារ. conducteur électrique (m.) ៖ សារធាតុដែលអាចឱ្យចរន្តអគ្គិសនីឆ្លងកាត់បាន។
៨- អ៊ីសូទ្បង់ អ. insulator បារ. isolant (m.)៖ សារធាតុដែលមិនចម្លងចរន្តអគ្គិសនី កម្តៅ ឬសំឡេង។
៩- អន្តរកម្ម អ. interaction បារ. interaction (f.) ៖ អំពើទៅវិញទៅមករវាងវត្ថុពីរ ឬច្រើន។
១០- អ៊ីសូទ្បង់អគ្គិសនី អ. electrical insulator បារ. isolant électrique (m.)៖ សារធាតុមិនចម្លងចរន្តអគ្គិសនី។
RAC Media
ភ្នំពេញ៖ ក្នុងសន្និសីទអន្តរជាតិលើកទី១៥ ស្ដីពី «តម្លៃវប្បធម៌អាស៊ីប៉ាស៊ីហ្វិក៖ បញ្ហាប្រឈមនៃវប្បធម៌ ក្នុងយុគសម័យបច្ចេកវិទ្យា» ព្រឹទ្ធាចារ្យ ឡោ សាន សាស្ត្រាចារ្យនៃសាកលវិទ្យាល័យភូមិន្ទវិចិត្រសិល្បៈ បានថ្លែ...
ថ្ងៃសុក្រ, 20 ធ្នូ 2019 ម៉ោង 04:02 PM
ភ្នំពេញ៖ នៅព្រឹកថ្ងៃសុក្រ ៩រោច ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២០ ខែធ្នូ ឆ្នាំ២០១៩ នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្...
ថ្ងៃសុក្រ, 20 ធ្នូ 2019 ម៉ោង 12:39 PM
(រាជធានីភ្នំពេញ)៖ អ្នកស្រាវជ្រាវផ្នែកវប្បធម៌បានលើកយកប្រធានស្តីពី កិច្ចការអភិរក្សសំណង់បេតិកភណ្ឌព្រះពុទ្ធសាសនានៅកម្ពុជា ដើម្បីជជែកពិភាក្សានៅក្នុងសន្និសីទអន្តរជាតិលើកទី១៥ ស្តីពី «តម្លៃវប្បធម៌អាស៊ីប៉ាស៊ីហ...
ថ្ងៃព្រហស្បតិ៍, 19 ធ្នូ 2019 ម៉ោង 05:38 PM
ភ្នំពេញ៖ នៅក្នុងសន្និសីទអន្តរជាតិរៀបចំដោយមជ្ឈមណ្ឌលស្រាវជ្រាវអាស៊ី នៃរាជបណ្ឌិត្យសភាកម្ពុជា ស្ដីពី «តម្លៃវប្បធម៌អាស៊ីប៉ាស៊ីហ្វិក៖ បញ្ហាប្រឈមនៃវប្បធម៌ ក្នុងយុគសម័យបច្ចេកវិទ្យា» នាព្រឹកថ្ងៃទីនៅព្រឹកថ្ងៃព្...
ថ្ងៃព្រហស្បតិ៍, 19 ធ្នូ 2019 ម៉ោង 03:12 PM
ភ្នំពេញ៖ ឯកឧត្ដមបណ្ឌិត ឯក ប៊ុនថា អគ្គនាយករង នៃក្រសួងវប្បធម៌និងវិចិត្រសិល្បៈ ថ្លែងដូច្នេះ នៅក្នុងបទបង្ហាញរបស់ឯកឧត្ដម ស្ដីពី «កម្មសិទ្ធិបញ្ញា ការសម្ដែងតាមជនបទ សិល្បៈ និងបុណ្យប្រពៃណី» នៅក្នុងសន្និសីទអន្ត...
ថ្ងៃព្រហស្បតិ៍, 19 ធ្នូ 2019 ម៉ោង 02:16 PM
ភ្នំពេញ៖ នៅព្រឹកថ្ងៃព្រហស្បតិ៍ ៨រោច ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៩ ខែធ្នូ ឆ្នាំ២០១៩ វេលាម៉ោង ៨:៣០នាទីព្រឹកនេះ រាជបណ្ឌិត្យសភាកម្ពុជា បានរៀបចំសន្និសីទអន្តរជាតិ ស្ដីពី «តម្លៃវប្បធម៌អា...
ថ្ងៃព្រហស្បតិ៍, 19 ធ្នូ 2019 ម៉ោង 09:19 AM
