រាជបណ្ឌិត្យសភាកម្ពុជា

Royal Academy of Cambodia

ព័ត៌មាន

«ជំនួបរវាងថ្នាក់ដឹកនាំនៃរាជបណ្ឌិត្យសភាកម្ពុជានិងគណៈប្រតិភូសាកលវិទ្យាល័យត្រាវិញ»

2018-08-21 09:41:03 ថ្ងៃអង្គារ, 21 សីហា 2018 ម៉ោង 04:41 PM
អ្នកមើល 11711
post_detail

រាជបណ្ឌិត្យសភាកម្ពុជា ជាស្ថាប័ន ស្រាវជ្រាវជាន់ខ្ពស់ និងប្រមូលផ្តុំដោយអ្នកសិក្សាស្រាវជ្រាវ លើជំនាញវិស័យ ផ្សេងៗពីគ្នា ហើយក៏កំពុងព្យាយាមក្នុងការពង្រីកវិសាលភាពរបស់ខ្លួន ក្នុងឆាកអន្តរជាតិតាមរយៈការភ្ជាប់កិច្ចសហប្រតិបត្តិការជាមួយគ្រឺះស្ថានឧត្តមសិក្សាទាំងក្នុងនិងក្រៅប្រទេសជាច្រើន។ ភ្ជាប់គ្នានឹងបញ្ហានេះ សាកលវិទ្យាល័យត្រាវិញនៃប្រទេសវៀតណាម បានមកដល់រាជបណ្ឌិត្យសភាកម្ពុជាក្នុងគោលបំណងសំខាន់ភ្ជាប់ទំនាក់ទំនងកិច្ចសហប្រតិបត្តិការជាអន្តរជាតិរវាងស្ថាប័នទាំងពីរ កាលពីព្រឹកថ្ងៃអង្គារ ១០កើត ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងព្រឹកថ្ងៃទី២១ ខែសីហា ឆ្នាំ២០១៨។


ក្នុងនាមឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ឯកឧត្តមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានដឹកនាំសហការីចំនួន៤រូប ទទួលជំនួបគណៈប្រតិភូវៀតណាម ដូចមានរាយនាមខាងក្រោម៖ 
  • ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម, 
  • ឯកឧត្តមបណិ្ឌត គិន ភា ប្រធានវិទ្យាស្ថានទំនាក់ទំនងកម្ពុជា, 
  • លោកស្រីបណ្ឌិត ព្រុំ ទេវី អនុប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម, និង
  • លោក ស៊ឺន សំ មន្ត្រីខុទ្ទកាល័យ រាជបណ្ឌិត្យសភាកម្ពុជា។
ប្រតិភូសាកលវិទ្យាល័យត្រាវិញ នៃសាធារណរដ្ឋសង្គមនិយមវៀតណាម៖
  • លោកស្រី Thi Dan សាកលវិទ្យាធិការរង និងជាប្រធានគណៈប្រតិភូនៃសាកលវិទ្យាល័យត្រាវិញ
  • លោកស្រី Nguyen Thi Mai Khanh នាយកសម្រាប់សហប្រតិបត្តិការអន្តរជាតិ,
  • លោកស្រី Tran Kim Khanh នាយករងនៃនាយកដ្ឋានសម្រាប់ការធ្វើតេស្តសមត្ថភាព, 
  • លោក Eng Van Be នាយករងនៃគណៈកម្មការរៀបចំអន្តេវាសិកដ្ឋាន, និង
  • លោក Ngo Phu Hai ប្រធាននាយកដ្ឋានភាសាខ្មែរ។  
ឆ្លៀតក្នុងឱកាសទទួលជួបជាមួយប្រតិភូដែលអញ្ជើញមកពីសាកលវិទ្យាល័យត្រាវិញនៃសាធារណរដ្ឋសង្គម និយមវៀតណាម ការពិភាក្សាបានផ្តោតសំខាន់អំពីឱកាសនៃការផ្លាស់ប្តូរអ្នកស្រាវជ្រាវ និងធ្វើកិច្ចសហប្រតិបត្តិការក្នុងការស្រាវជ្រាវរួមគ្នា។ ជាលទ្ធផលនៃជំនួបភ្ញៀវសាកលវិទ្យាល័យត្រាវិញនៅសាលស្លឹករឹត ភាគីរាជ​បណ្ឌិត្យ​​សភាកម្ពុជា និងភាគីសាកលវិទ្យាល័យត្រាវិញ បានពិភាក្សានិងព្រមព្រៀងគ្នាលើបញ្ហាដូចខាងក្រោម៖
  1. ភាគីទាំងពីរព្រមព្រៀងគ្នាចំពោះការផ្លាស់ប្តូរគ្រូបណ្តុះបណ្តាលភាសាខ្មែរ-វៀតណាម និង ភាសា​វៀតណាម-ខ្មែរ,
  2. ភាគីទាំងពីរព្រមព្រៀងគ្នាចំពោះការផ្លាស់ប្តូរនិស្សិត,
  3. ភាគីវៀតណាមព្រមព្រៀងជួយលើកិច្ចការបច្ចេកទេសនៅពេលរាជបណ្ឌិត្យសភាកម្ពុជា ធ្វើវចនានុក្រម «ខ្មែរ-វៀតណាម», 
  4. ការសិក្សាររួមគ្នាលើបញ្ហាកសិកម្ម, និង
  5. ការសិក្សារួមគ្នាលើបញ្ហាទេសចរណ៍ និងសេដ្ឋកិច្ច។
សូមបញ្ជាក់ដែរថា តាមរយៈកិច្ចសហការអន្តរជាតិកន្លងមកនេះ រាជបណ្ឌិត្យសភាកម្ពុជា បានពង្រីកវិសាលភាព និងកិត្តិនាមក្នុងនាមជាស្ថាប័នស្រាវជ្រាវជាន់ខ្ពស់របស់ជាតិ ភ្ជាប់ទំនាក់ទំនងជាមួយសាកលវិទ្យាល័យនៃបណ្តាប្រទេសជាច្រើន ដូចជា ប្រទេសជប៉ុន ចិន សាធារណរដ្ឋកូរ៉េ ថៃ វៀតណាម ឡាវ បង់ក្លាដែស ម៉ាឡេស៊ី ជាដើម ដើម្បីពង្រឹកកិច្ចសហប្រតិបត្តិការអន្តរជាតិ។ ក្នុងនោះដែរ រាជបណ្ឌិត្យសភាកម្ពុជា បានអនុវត្តកិច្ចព្រមព្រៀងជាមួយស្ថាប័នដៃគូ ដូចជាការផ្លាស់ប្តូរសមិទ្ធផលស្រាវជ្រាវ ការផ្លាស់ប្តូរអ្នកសិក្សាស្រាវជ្រាវ ដំណើរទស្សនកិច្ចសិក្សា ការបញ្ជូនមន្ត្រីទៅចូលរួមក្នុងវេទិកាវិទ្យាសាស្ត្រ សិក្ខាសាលានានានៅក្រៅប្រទេស ក៏ដូចជា ការបញ្ជូនសិស្សទៅសិក្សានៅសាកលវិទ្យាល័យដៃគូផងដែរ។ នេះបាន បង្ហាញពីការខិតខំប្រឹងប្រែងរបស់ថ្នាក់ដឹកនាំរាជបណ្ឌិត្យសភាកម្ពុជាក្នុងការពង្រឹងនិងអភិវឌ្ឍការស្រាវជ្រាវវិទ្យាសាស្ត្រ ក៏ដូចជា ការធ្វើកំណែទំរង់ស៊ីជម្រៅលើវិស័យអភិវឌ្ឍន៍សមត្ថភាពមន្ត្រីនៃរាជបណ្ឌិត្យសភាកម្ពុជា៕

RAC Media


អត្ថបទទាក់ទង

«ចំណុចសំខាន់សម្រាប់ថ្នាក់ដឹកនាំ បុគ្គលិក និងកំណែទម្រង់នៅក្នុងរាជបណ្ឌិត្យសភាកម្ពុជា...»
«ចំណុចសំខាន់សម្រាប់ថ្នាក់ដឹកនាំ បុគ្គលិក និងកំណែទម្រង់នៅក្នុងរាជបណ្ឌិត្យសភាកម្ពុជា...»

ថ្លែងនៅក្នុងសុន្ទុរកថាបើកសិក្ខាសាលាស្តីពីការបង្ហាញសៀវភៅ«ភាសាខ្មែរ» ដែលបានរៀបចំដោយក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា នាព្រឹកថ្ងៃព្រហស្បតិ៍ ៣រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ត្រូវ...

2018-09-27 04:28:51   ថ្ងៃព្រហស្បតិ៍, 27 កញ្ញា 2018 ម៉ោង 11:28 AM
«បញ្ហា និងចំណុចសំខាន់ៗ ដែលលោកដូណាល់ ត្រាំថ្លែងក្នុងមហាសន្និបាតអង្គការសហប្រជាជាតិ UN...»
«បញ្ហា និងចំណុចសំខាន់ៗ ដែលលោកដូណាល់ ត្រាំថ្លែងក្នុងមហាសន្និបាតអង្គការសហប្រជាជាតិ UN...»

ថ្លែងក្នុង​វេទិកា​មហាសន្និបាត​អង្គការសហប្រជាជាតិប្រមាណជាង៣០នាទីនាថ្ងៃទី​២៥ ខែកញ្ញា ឆ្នាំ២០១៨ របស់ប្រធានាធិបតី​អាម៉េរិក លោក ដូ​ណា​ល់ ត្រាំ មានចំណុចសំខាន់ៗជាច្រើនត្រូវបានលើកឡើង ក្នុងនោះមាន៖អ៊ីរ៉ង់៖លោក​ត...

2018-09-26 14:03:08   ថ្ងៃពុធ, 26 កញ្ញា 2018 ម៉ោង 09:03 PM
«ប្រទេសបីប្រកាសអំពីការកាន់ទុក្ខ ក្រោយមរណភាពរបស់ប្រធានាធិបតីវៀតណាម...»
«ប្រទេសបីប្រកាសអំពីការកាន់ទុក្ខ ក្រោយមរណភាពរបស់ប្រធានាធិបតីវៀតណាម...»

ចុះផ្សាយថ្ងៃទី២៦ ខែកញ្ញា ឆ្នាំ២០១៨ - ម៉ោង៖៥:១៥នាទីក្រោយពីមរណភាពរបស់ប្រធានាធិបតីវៀតណាម លោក Tran Dai Quang កាលពីព្រឹក ថ្ងៃសុក្រ ទី២១ខែកញ្ញា នាំ២០១៨ ក្នុងជន្មាយុ ៦២ ឆ្នាំ ប្រទេសជាមិត្តរបស់វៀតណាមចំនួន ៣ ប...

2018-09-26 10:25:34   ថ្ងៃពុធ, 26 កញ្ញា 2018 ម៉ោង 05:25 PM
សារលិខិតរបស់សម្តេចអគ្គមហាសេនាបតីតេជោ ហ៊ុន សែន នៅក្នុងឱកាសអបអរសាទរនៃទិវាទេសចរណ៍ពិភពលោក ថ្ងៃទី២៧ ខែកញ្ញា ឆ្នាំ២០១៨ ក្រោមប្រធានបទស្តីពី« វិស័យទេចរណ៍ និងនិន្នាការផ្លាស់ប្តូរទៅរកប្រព័ន្ធឌីជីថល-Tourism and the Digital Transformation»
សារលិខិតរបស់សម្តេចអគ្គមហាសេនាបតីតេជោ ហ៊ុន សែន នៅក្នុងឱកាសអបអរសាទរនៃទិវាទេសចរណ៍ពិភពលោក ថ្ងៃទី២៧ ខែកញ្ញា ឆ្នាំ២០១៨ ក្រោមប្រធានបទស្តីពី« វិស័យទេចរណ៍ និងនិន្នាការផ្លាស់ប្តូរទៅរកប្រព័ន្ធឌីជីថល-Tourism and the Digital Transformation»

2018-09-26 10:09:08   ថ្ងៃពុធ, 26 កញ្ញា 2018 ម៉ោង 05:09 PM
«គណៈប្រតិភូនៃរាជបណ្ឌិត្យសភាកម្ពុជាអញ្ជើញចូលរួម វេទិកាបញ្ញាជន ឡានឆាង-មេគង្គ លើកទី២...!»
«គណៈប្រតិភូនៃរាជបណ្ឌិត្យសភាកម្ពុជាអញ្ជើញចូលរួម វេទិកាបញ្ញាជន ឡានឆាង-មេគង្គ លើកទី២...!»

វេទិកានេះ បានអញ្ជើញ អ្នកស្រាវជ្រាវទាំងរដ្ឋនិងឯកជនជួបគ្នានៅសាកលវិទ្យាល័យយូណាន ពីថ្ងៃ២៥-២៨ ខែកញ្ញា។ កម្មវិធីនេះ ធ្វើឡើងក្នុងឱកាសខួបលើកទី១៥ នៃទំនាក់ដៃគូជាយុទ្ធសាស្ត្ររវាង ចិន-អាស៊ាន និងជាឆ្នាំសំខាន់សម្រា...

2018-09-25 02:39:55   ថ្ងៃអង្គារ, 25 កញ្ញា 2018 ម៉ោង 09:39 AM
«២៤ កញ្ញា ឆ្នាំ២០១៨ ខួបទី២៥ឆ្នាំ នៃការប្រកាសឱ្យប្រើរដ្ឋធម្មនុញ្ញព្រះរាជាណាចក្រកម្ពុជា»
«២៤ កញ្ញា ឆ្នាំ២០១៨ ខួបទី២៥ឆ្នាំ នៃការប្រកាសឱ្យប្រើរដ្ឋធម្មនុញ្ញព្រះរាជាណាចក្រកម្ពុជា»

ថ្ងៃចន្ទ ទី២៤ ខែកញ្ញា ឆ្នាំ២០១៨ នេះ គឺជាខួប ២៥ឆ្នាំ នៃការប្រកាសឱ្យប្រើរដ្ឋធម្មនុញ្ញនៃព្រះរាជាណាចក្រកម្ពុជា សម័យរាជាណាចក្រទី២។ មកដល់បច្ចុប្បន្ននេះ រដ្ឋធម្មនុញ្ញនៃព្រះរាជាណាចក្រកម្ពុជា ឆ្នាំ១៩៩៣ មានអាយុ...

2018-09-22 14:24:27   ថ្ងៃសៅរ៍, 22 កញ្ញា 2018 ម៉ោង 09:24 PM

សេចក្តីប្រកាស

ទំនាក់ទំនង
  • ទូរសព្ទ /ទូរសារ :
  • សារអេទ្បិចត្រូនិក​ : [email protected]
  • អាសយដ្ឋាន : មហាវិថីសហព័ន្ធរុស្សី សង្កាត់អូរបែកក្អម ខណ្ឌសែនសុខ រាជធានីភ្នំពេញ ព្រះរាជាណាចក្រកម្ពុជា
    Tel/Fax: (855) 23 890 180; www.rac.gov.kh;
    E-mail: [email protected];
    P.O.Box 531 Phnom Penh, Cambodia.
    • មាតិកា
  •   (Rac application)
  • ទំព័រដើម
  • ព័ត៌មាន
  • សង្ខេបអំពីរ.ប.ស.ក.
  • កិច្ចការស្រាវជ្រាវ
  • ព្រឹត្តិបត្រវិទ្យាសាស្ត្រ
  • លទ្ទកម្ម
    • ដៃគូសហការ
  • Bangladesh Institute of International and strategic studies, Bangladesh
  • Busan University of Foreign Studies, South Korea
  • Can Tho University, Vietnam
  • Changwon National University, South Korea
  • Chinese Academy of Social Sciences, China
  • China Institute of Contemporary International relations, China
  • Confucius Center, China
  • Hankuk University of Foreign Studies, South Korea
    • បណ្ដាញសង្គម
  •   facebook
  •   youtube

    • @២០២៤​-រក្សាសិទ្ធិគ្រប់យ៉ាងដោយ​​ រាជបណ្ឌិត្យសភាកម្ពុជា​

    អភិវឌ្ឍដោយ ការិយាល័យឌីជីថល នៃរាជបណ្ឌិត្យសភាកម្ពុជា