ព័ត៌មាន

«ដំណើរការស្រាវជ្រាវឈានដល់ខេត្តស្ទឹងត្រែង...»

ថ្ងៃអង្គារ, 14 សីហា 2018 ម៉ោង 09:18 PM

អ្នកមើល 5236

កាលពីឆ្នាំ២០១៧ កន្លងទៅនេះ ក្រុមការងារស្រាវជ្រាវនៃវិទ្យាស្ថានវប្បធម៌ និងវិចិត្រសិល្បៈ ដែលដឹកនាំដោយឯកឧត្តមបណ្ឌិត នូ ចាន់សុភី ប្រធានវិទ្យាស្ថាន បានដឹកនាំក្រុមស្រាវជ្រាវចុះសិក្សាស្រាវជ្រាវអំពី «សម្បត្តិបេតិកភណ្ឌវប្បធម៌រូបី និងមរតកវប្បធម៌អរូបី នៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» ដែលស្ថិតនៅក្នុងឃុំឆែប១ និងឆែប២ ស្រុកឆែប ខេត្តព្រះវិហារ។ តាមរយៈការចុះទីស្រាវជ្រាវដោយផ្ទាល់នៅតំបន់ឧទ្យាន ក្រុមការងារបានរកឃើញនូវមរតកវប្បធម៌រូបី និងអរូបីជាច្រើន បានបន្សល់ទុកនៅក្នុងតំបន់ជុំវិញឧទ្យានឫស្សីត្រឹប ដូចជាសន្លុងស្លដែកដែលមានប្រវត្តិបន្សល់ទុកមកតាំងពីសម័យអង្គរមកម្លេះ ហើយអ្វីដែលគួរកត់សម្គាល់នោះ គឺក្រុមស្រាវជ្រាវបានធ្វើកំណត់ត្រាទុកនូវវប្បធម៌របស់ជនជាតិកួយ ដែលកំពុងរស់នៅខេត្តព្រះវិហារ ដូចជា ប្រពៃណីរបាំវាយខែល ការប្រើប្រាស់ស្លឹកខ្ជែង(ស្លឹកទ្រាំង) សម្រាប់បង្កើតជាឧបករណ៍ប្រើប្រាស់ផ្សេងៗក្នុងជីវភាពរស់នៅ។

ការសិក្សាអំពីមរតកវប្បធម៌រូបីនិងអរូបីតាមរយៈការសិក្សាយ៉ាងលំអិតជាមួយជនជាតិកួយ បានជំរុញលើកទឹកចិត្តក្រុមការងារស្រាវជ្រាវនៃវិទ្យាស្ថានវិទ្យាស្ថានវប្បធម៌ និងវិចិត្រសិល្បៈ នៃរាជបណ្ឌិត្យសភាកម្ពុជា បានសម្រេចបន្តបេសកកម្មរបស់ខ្លួន ពង្រីកការស្រាវជ្រាវទៅដល់បណ្តាខេត្តភាគខាងជើងផ្សេងទៀត ដូចជានៅខេត្តក្រចេះ និងខេត្តស្ទឹងត្រែងជាដើម។ ក្រុមការងារបានចុះទៅសម្ភាសន៍ជាមួយចាស់ព្រឹទ្ធាចារ្យ អាជ្ញាធរដែនដី ចាស់ទុំដែលនៅចងចាំប្រវត្តិ ពីវប្បធម៌នៃការរស់នៅរបស់ជនជាតិកួយនៅខេត្តក្រចេះ និងខេត្តស្ទឹងត្រែង។

(ក្រុមការងារជួបសម្ភាសជនជាតិកួយ នៅខេត្តស្ទឹងត្រែង)

ការចុះសង្កេតពីសម្បត្តិវប្បធម៌របស់ជនជាតិកួយនេះ ក្នុងគោលបំណងធ្វើការសិក្សា ចងក្រង និងកសាងឯកសារ ទាក់ទងនឹងការប្រើប្រាស់ដើមខ្ជែងសម្រាប់ជាប្រយោជន៍និងជាអត្តសញ្ញាណរបស់ជនជាតិកួយ ក៏ដូចជាកំណត់ត្រានិងការប្រៀបធៀបពីល្បែងវាយខែលក្នុងវប្បធម៌របស់ជនជាតិកួយ ដែលកំពុងមានវត្តមាននៅតាមបណ្តាខេត្គភាគខាងជើង ជាពិសេសខេត្តក្រចេះ និងស្ទឹងត្រែង ជាមួយនឹងកំណត់ត្រាពីវប្បធម៌ជនជាតិកួយដែលរស់នៅជុំវិញតំបន់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប នៃខេត្តព្រះវិហារ។

សូមបញ្ជាក់ថា ក្រុមការងារស្រាវជ្រាវវិទ្យាស្ថានវប្បធម៌ និងវិចិត្រសិល្បៈ បានចុះទៅសិក្សានៅខេត្តក្រចេះ គឺបានធ្វើឡើងនៅភូមិមានជ័យ ឃុំស្រែចារ និងភូមិថ្នល់ ឃុំស្វាយជ្រេះ ស្រុកស្នួល ខេត្តក្រចេះ ហើយចំណែកនៅខេត្តស្ទឹងត្រែង ក្រុមការងារស្រាវជ្រាវ បានចុះទៅធ្វើការសិក្សាដោយផ្ទាល់នៅភូមិថាឡាបរិវ៉ាត់ ឃុំថាឡាបរិវ៉ាត់ និង នៅភូមិវាលដេញ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង៕

រូបភាពខ្លះៗ ពីសកម្មភាពបង្កើតរបស់ប្រើប្រាស់ពីដើមខ្ជែង (ដើមទ្រាំង) របស់ជនជាតិកួយ៖

RAC Media

អត្ថបទទាក់ទង

«ស្ថានភាពនយោបាយនៅម៉ាឡេស៊ីក្រោយការចាកចេញរបស់មហាធៀរ មហាម៉ាត់» ដោយ៖ លោក អ៊ុច លាង នាយកដ្ឋានសិក្សាអាស៊ី អាហ្វ្រិក និងមជ្ឍិមបូព៌ា នៃវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា

ការលាលែងពីតំណែងជានាយករដ្ឋមន្ត្រីរបស់លោក មហាធៀរ មហាម៉ាត់ កាលពីចុងខែកុម្ភៈ ឆ្នាំ២០២០ បានធ្វើឱ្យស្ថានភាពនយោបាយនៅម៉ាឡេស៊ីមានភាពមិនច្បាស់លាស់។ វិបត្តិគ្មានគណៈរដ្ឋមន្ត្រីរយៈពេលខ្លីរបស់ម៉ាឡើស៊ីនេះនាំឱ្យមានក...

ថ្ងៃអង្គារ, 10 មីនា 2020 ម៉ោង 04:40 PM

«ស្ថានភាពនៃទំនាក់ទំនងអាស៊ាន-សហរដ្ឋអាម៉េរិក» ដោយ៖ បណ្ឌិត តឹក មេង នាយកដ្ឋានសិក្សាអាម៉េរិក អាម៉េរិកឡាទីន និងអូសេអានី

សហរដ្ឋអាម៉េរិកបានក្លាយជាដៃគូចរចារបស់អាស៊ានចាប់តាំងពីឆ្នាំ១៩៧៧ ពោលគឺបន្ទាប់ពីអាស៊ានបានបង្កើតបាន១០ឆ្នាំមកម្ល៉េះ។ ទំនាក់ទំនងរវាងសហរដ្ឋអាម៉េរិកនិងអាស៊ានមានការអភិវឌ្ឍនិងជិតស្និទ្ធជាលំដា...

ថ្ងៃអង្គារ, 10 មីនា 2020 ម៉ោង 04:20 PM

ឯកសារជំនួយស្មារតី ស្តីពី «ទំនាក់ទំនងប្រទេសកម្ពុជា-ប្រទេសជប៉ុន» ដោយ៖ ផាញ់ សារឿន មន្ត្រីខុទ្ទកាល័យរាជបណ្ឌិត្យសភាកម្ពុជា

ថ្ងៃអង្គារ, 10 មីនា 2020 ម៉ោង 03:11 PM

«ឯកឧត្តមបណ្ឌិតសភាចារ្យ សុខ ទូច អញ្ជើញដឹកនាំកិច្ចប្រជុំពិនិត្យដើម្បីពិនិត្យភារកិច្ចការងារ និងការស្រាវជ្រាវរបស់មន្ត្រីរាជបណ្ឌិត្យសភាកម្ពុជា»

(រាជបណ្ឌិត្យសភាកម្ពុជា)៖ នៅព្រឹកថ្ងៃអង្គារ ២រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំក្រុមប្...

ថ្ងៃអង្គារ, 10 មីនា 2020 ម៉ោង 10:45 AM

ល្បែងនយោបាយក្នុងបញ្ហានុយក្លេអ៊ែរកូរ៉េខាងជើង ដោយ៖ ធន ឆាយពិសិដ្ឋមន្រ្តីស្រាវជ្រាវនៃនាយកដ្ឋាននយោបាយនិងសន្តិសុខអន្តរជាតិនៃវិទ្យាស្ថានទំនាក់ទំនងអន្តរជាតិកម្ពុជា

កម្មវិធីអភិវឌ្ឍន៍អាវុធនុយក្លេអ៊ែររបស់កូរ៉េខាងជើង គឺជាប្រធានបទដ៏ក្តៅគគុក ដែលមិនត្រឹមតែបង្កការព្រួយបារម្ភដល់ប្រទេសជិតខាងនៅឧបទ្វីបកូរ៉េប៉ុណ្ណោះទេ គឺនៅជុំវិញពិភពលោកតែម្ដង ជាពិសេស សហរដ្ឋអាម៉េរិក ព្រោះថាកូរ...