រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 08 មីនា 2019, 07:05 AM
បច្ចេកសព្ទចំនួន 0៧ ត្រូវបានអនុម័ត នៅសប្តាហ៍ទី១ ក្នុងខែមីនា ឆ្នាំ២០១៩នេះ ក្នុងនោះមាន៖
- បច្ចេកសព្ទគណៈ កម្មការអក្សរសិល្ប៍ ចំនួន០២ពាក្យ ដែលបានបន្តប្រជុំពិនិត្យ ពិភាក្សា និងអនុម័ត កាលពីថ្ងៃអង្គារ ៥រោច ខែមាឃ ឆ្នាំច សំរឹទ្ធិស័ក ព.ស.២៥៦២មានដូចជា ១. អត្ថន័យ និង២. ប្រធានរឿង។
- បច្ចេកសព្ទគណ:កម្មការគីមីវិទ្យា និង រូបវិទ្យា ចំនួន០៥ ពាក្យ ដែលបានបន្តប្រជុំពិនិត្យ ពិភាក្សានិងអនុម័ត កាលពីថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស.២៥៦២ មានដូចជា ១. លោហកម្ម ២. លោហសាស្ត្រ ៣. អ៊ីដ្រូសែន ៤. អេល្យ៉ូម ៥. បេរីល្យ៉ូម។
សទិសន័យ៖
១. អត្ថន័យ អ. content បារ. Fond(m.) ៖ ខ្លឹមសារ ប្រយោជន៍ គតិ គំនិតចម្បងៗ ដែលមានសារៈទ្រទ្រង់អត្ថបទនីមួយៗ។
នៅក្នងអត្ថន័យមានដូចជា ប្រធានរឿង មូលបញ្ហារឿង ឧត្តមគតិរឿង ជាដើម។
២. ប្រធានរឿង អ. theme បារ. Sujet(m.)៖ ខ្លឹមសារចម្បងនៃរឿងដែលគ្របដណ្តប់លើដំណើររឿងទាំងមូល។ ឧទហរណ៍ ប្រធានរឿងនៃរឿងទុំទាវគឺ ស្នេហាក្រោមអំណាចផ្តាច់ការ។
៣. លោហកម្ម អ. metallurgy បារ. Métallurgie(f.) ៖ បណ្តុំវិធី ឬបច្ចកទេស ចម្រាញ់ យោបក ឬស្ល លោហៈចេញពីរ៉ែ។
៤. លោហសាស្ត្រ អ. mettalography បារ. métallographies ៖ ការសិក្សាពីលោហៈ ផលតិកម្ម បម្រើបម្រាស់ និងទម្រង់នៃលោហៈ និងសំលោហៈ។
៥. អ៊ីដ្រូសែន អ. hydrogen បារ. hydrogen (m.)៖ ធាតុគីមីទី១ ក្នុងតារាងខួប ដែលមាននិមិត្តសញ្ញា H ជាអលោហៈ មានម៉ាសអាតូម 1.007940. ខ.អ។
៦. អេល្យ៉ូម អ. helium បារ. hélium (m.) ៖ ធាតុគីមីទី២ ក្នុងតារាងខួប ដែលមាននិមិត្តសញ្ញា He ជាឧស្ម័នកម្រ មានម៉ាសអាតូម 4.0026 ខ.អ។
៧. បេរីល្យ៉ូម អ. beryllium បារ. Beryllium(m.) ៖ ធាតុគីមីទី៤ ក្នុងតារាងខួប ដែលមាននិមិត្តសញ្ញា Be មានម៉ាសអាតូម 1.012182 ខ.អ។ បេរីល្យ៉ូមជាលោហៈអាល់កាឡាំងដី/ អាល់កាលីណូទែរ៉ឺ និងមានលក្ខណៈអំហ្វូទែ។
RAC Media
យោងតាមព្រះរាជក្រឹត្យលេខ នស/រកត/០៤១៩/៥១៥ ចុះថ្ងៃទី១០ ខែមេសា ឆ្នាំ២០១៩ ព្រះមហាក្សត្រ នៃព្រះរាជាណាចក្រកម្ពុជា ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់ផ្តល់គោ...
Sat, 13,04,2019, 04:47 PM
យោងតាមព្រះរាជក្រឹត្យលេខ នស/រកត/០៤១៩/ ៥១៤ ចុះថ្ងៃទី១០ ខែមេសា ឆ្នាំ២០១៩ ព្រះមហាក្សត្រ នៃព្រះរាជាណាចក្រកម្ពុជា ព្រះករុណា ព្រះបាទ សម្តេច ព្រះបរមនាថ នរោត្តម សីហមុនីបានចេញព្រះរាជក្រឹត្យ ត្រាស់បង្គាប់ផ្តល់គោ...
Sat, 13,04,2019, 04:40 PM
បច្ចេកសព្ទចំនួន៣០ ត្រូវបានអនុម័ត នៅក្នុងសប្តាហ៍ទី២ ក្នុងខែមេសា ឆ្នាំ២០១៩នេះ ក្នុងនោះមាន៖-បច្ចេកសព្ទគណៈ កម្មការអក្សរសិល្ប៍ ចំនួន០៣ ត្រូវបានអនុម័ត កាលពីថ្ងៃអង្គារ ៥កើត ខែចេត្រ ឆ្នាំច សំរឹទ្ធិស័ក ព.ស.២...
Sat, 13,04,2019, 02:46 PM
ប្រធានរាជបណ្ឌិត្យសភាកម្ពុជា ឯកឧត្តមបណ្ឌិតសភាចារ្យ សុខ ទូច បានទទួលជួបពិភាក្សាជាលក្ខណៈទ្វេភាគីជាមួយ ថ្នាក់ដឹកនាំនៃបណ្ឌិត្យសភាវិទ្យាសាស្ដ្រសង្គម សៀង ហៃ។ជំនួបនេះបានធ្វើឡើងនៅ ព្រឹកថ្ងៃសុក្រ ៨កើត ខែចេត្រ ឆ្...
Sat, 13,04,2019, 12:24 PM
កាលពីថ្ងៃពុធ ៦កេីត ខែចេត្រ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តប្រជុំពិនិត្យ ពិភាក្សា និង អនុម័តបច្ចេក...
Fri, 12,04,2019, 12:23 PM
កាលពីថ្ងៃអង្គារ ៥កេីត ខែចេត្រ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តដឹកនាំប្រជុំពិនិត្យ ពិភាក្សា និង អន...
Wed, 10,04,2019, 10:52 AM
