Royal Academy of Cambodia
ក្នុងគោលបំណងនៃការសម្របសម្រួលលើកិច្ចសហការស្រាវជ្រាវវិទ្យាសាស្ត្រ អប់រំ កសិកម្ម និងទេសចរណ៍ រាជបណ្ឌិត្យសភាកម្ពុជា និងសាកលវិទ្យាល័យ អ៊ូប៊ុនរ៉ាឆាថានីរាជបាតនៃព្រះរាជាណាចក្រថៃ បានព្រមព្រៀងចុះអនុស្សរណៈយោគយល់ជាមួយគ្នានៅថ្ងៃច័ន្ទ ៦ រោច ខែមាឃ ឆ្នាំ ច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ២៥ ខែ កុម្ភៈ ឆ្នាំ ២០១៩ នៅរាជបណ្ឌិត្យសភាកម្ពុជានៃព្រះរាជាណាចក្រកម្ពុជា។
នៅក្នុងអនុស្សរណៈនៃការយោគយល់នោះ ភាគីទាំងពីរបានព្រមព្រៀងគ្នាលើចំណុចខាងក្រោម៖
១. លើកកម្ពស់ការយល់ដឹងអំពីគ្នារវាងប្រទេសទាំងពីរ
២. បង្កើតកម្មវិធីបណ្តុះបណ្តាលភាសាថៃនៅរាជបណ្ឌិត្យសភាកម្ពុជា និងបណ្តុះបណ្តាលភាសាខ្មែរនៅសាកលវិទ្យាល័យ អ៊ូប៊ុនរ៉ាឆាថានីរាជបាត
៣.ការផ្លាស់ប្តូរនិស្សិត និងអ្នកស្រាវជ្រាវ
៤.ការចែករំលែកចំណេះដឹង និងព័តម៌ានទាក់ទងទៅនឹងទេសចរណ៍ ឧស្សាហកម្ម កសិកម្ម រវាងប្រទេសទាំងពីរ
៥.ការផ្លាស់ប្តូរ និងចែករំលែកចំណេះដឹងភាសា វប្បធម៌ សិល្បៈ និងការតាំងពិពណ៌
៦.ការសិក្សាស្រាវជ្រាវលើវិស័យសហគ្រាសធនតូច និងមធ្យម នៅតាមព្រំដែននៃប្រទេសទាំងពីរ។
៧.កិច្ចការសំខាន់ៗផ្សេងទៀតអាស្រ័យដោយការព្រមព្រៀងគ្នាជាមុន។
ដើម្បីជាការបញ្ជាក់អំពីការវិវត្ត និងការតាំងចិត្តក្នុងការអនុវត្តអនុស្សរណៈនៃការយោគយល់គ្នានេះ រាជបណ្ឌិត្យសភាកម្ពុជា និងសាកលវិទ្យាល័យ អ៊ូប៊ុនរ៉ាឆាថានីរាជបាតនឹងធ្វើសិក្ខាសាលារួមគ្នា ស្តីពី វិស័យទេសចរណ៍ ដើម្បីចែករំលែកព័តម៌ាន និងបទពិសោធន៍ទៅវិញទៅមក ដែលសិក្ខាសាលានេះនឹងរៀបចំនៅក្នុងខែកក្តដា ឆ្នាំ ២០១៩ នៅសាកលវិទ្យាល័យ អ៊ូប៊ុនរ៉ាឆាថានីរាជបាត។
RAC Media | ស៊ឺន សម
(រាជបណ្ឌិត្យសភាកម្ពុជា)៖ នៅព្រឹកថ្ងៃអង្គារ ២រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំក្រុមប្...
កម្មវិធីអភិវឌ្ឍន៍អាវុធនុយក្លេអ៊ែររបស់កូរ៉េខាងជើង គឺជាប្រធានបទដ៏ក្តៅគគុក ដែលមិនត្រឹមតែបង្កការព្រួយបារម្ភដល់ប្រទេសជិតខាងនៅឧបទ្វីបកូរ៉េប៉ុណ្ណោះទេ គឺនៅជុំវិញពិភពលោកតែម្ដង ជាពិសេស សហរដ្ឋអាម៉េរិក ព្រោះថាកូរ...
(លោកស្រី កែវ ខេមរ៉ា ប្រធានផ្នែកបណ្ណាល័យ និងបោះពុម្ពផ្សាយ)ឯកឧត្តមបណ្ឌិត យង់ ពៅ ក្នុងឱកាសប្រារព្ធពិធីអបអរទិវាអន្តរជាតិនារី ព្រឹកមិញនេះ បានមានប្រសាសន៍ថា ថ្នាក់ដឹកនាំរាជបណ្ឌិត្យសភាកម្ពុជាតែងតែគាំទ្រសមាសភា...
(រាជបណ្ឌិត្យសភាកម្ពុជា)៖ ការលើកឡើងជាទស្សនៈ ជាគំនិត ជាពាក្យស្លោក ជាសុភាសិតថា «ស្ត្រីបង្វិលជើងក្រានមិនជុំ» គប្បីត្រូវលុបបំបាត់ចេញពីសង្គមខ្មែរនាពេលបច្ចុប្បន្នហើយ ពីព្រោះបច្ចុប្បន្ននេះ ស្ត្រីមានសមត្ថភាពសិ...