ព័ត៌មាន

«កិច្ចសហប្រតិបត្តិការរវាងមូលនិធិខុនរ៉ាដ អាដិនណូអ៊ែររបស់អាល្លឺម៉ង់ និងវិទ្យាស្ថានទំនាក់ទំនងអន្តរជាតិកម្ពុជា»

2018-08-13 09:03:09 ថ្ងៃចន្ទ, 13 សីហា 2018 ម៉ោង 04:03 PM
អ្នកមើល 17570
post_detail

នៅក្នុងឱកាសឡើងតំណែងថ្មីជានាយកមូលនិធិខុនរ៉ាដ អាដិនណូអ៊ែរ លោកបណ្ឌិត Daniel Schmueking បានអញ្ជើញជាភ្ញៀវកិត្តិយស ក្នុងជំនួបមួយជាមួយអគ្គនាយកវិទ្យាស្ថានទំនាក់ទំនងអន្តរជាតិកម្ពុជា ឯកឧត្តមបណ្ឌិត គិន ភា នៅឯសាលស្លឹករឹត នៃរាជបណ្ឌិត្យសភាកម្ពុជា ដើម្បីពិភាក្សាពីកិច្ចសហប្រតិបត្តិការរវាងស្ថាប័នទាំងពីរ។ នៅក្នុងជំនួបកាលពីវេលាម៉ោង៩ព្រឹក ថ្ងៃ២កើត ខែស្រាពណ៍ ឆ្នាំច សំរឹទ្ធស័ក ព.ស.២៥៦២ ត្រូវនឹងថ្ងៃទី១៣ ខែសីហា ឆ្នាំ២០១៨ ឯកឧត្តមបណ្ឌិត គិន ភា និងមន្រ្តីជាសហការី បានទទួលស្វាគមន៍យ៉ាងកក់ក្តៅដល់លោកបណ្ឌិត Daniel Schmueking និងសហការី មកពីមូលនិធិខុនរ៉ាដ អាដិនណូអ៊ែរ តំណាងនៅកម្ពុជា។ 


ឆ្លៀតក្នុងឱកាសដ៏កម្រនេះ ឯកឧត្តមបណ្ឌិត គិន ភា បានស្វាគមន៍ និងអបអរចំពោះលោកបណ្ឌិត Daniel Schmueking ដែលបានឡើងតំណែងជាប្រធានមូលនិធិខុនរ៉ាដ អាដិនណូអ៊ែរ ហើយឯកឧត្តមបណ្ឌិត ក៏បានជម្រាបជូនដល់ប្រធានមូលនិធីថា កន្លងមក ស្ថាប័នទាំងពីរ បានធ្វើកិច្ចសហការជាមួយគ្នាយ៉ាងស្អិត រមួត ហើយសង្ឃឹមថា ក្រោមការដឹកនាំថ្មីរបស់លោកបណ្ឌិត Daniel Schmueking ស្ថាប័នទាំងពីរនៅតែបន្តកិច្ចសហប្រតិបត្តិការជាមួយគ្នាបន្តទៀត។ ឯកឧត្តមបណ្ឌិត ក៏បានជម្រាបផងដែរថា វិទ្យាស្ថានទំនាក់ទំនងអន្តរជាតិកម្ពុជា បានរៀបចំនូវផែនការយុទ្ធសាស្ត្ររយៈពេល ៥ឆ្នាំរបស់ខ្លួនរួចហើយ ហើយស្នើឱ្យមូលនិធិខុនរ៉ាដ អាដិនណូអ៊ែរ ពិនិត្យពីលទ្ធភាពដែលអាចឱ្យស្ថាប័នធ្វើកិច្ចសហប្រតិបត្តិការជាមួយគ្នាជាបន្តបន្ថែមទៀត តាមរយៈផែនការសកម្មភាពដែលមានក្នុងផែនការយុទ្ធសាស្ត្ររបស់វិទ្យាស្ថាន។ ឆ្លើយតប នឹងចំណុចនេះ លោកបណ្ឌិត Daniel Schmueking បានបង្ហាញចំណាប់អារម្មណ៍ទៅនឹងលើកឡើងរបស់ឯកឧត្តមបណ្ឌិត គិន ភា ពីគម្រោងជាយុទ្ធសាស្រ្តរបស់វិទ្យាស្ថាន និងបានបញ្ជាក់ថា លោកនឹងធ្វើការសិក្សាបន្ថែម សម្រាប់ជំរុញបង្កើនកិច្ចសហការទៅថ្ងៃមុខរវាងស្ថាប័នទាំងពីរ។


ចុងបញ្ចប់នៃជំនួបនេះ វិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា និងមូលនិធិ ខុនរ៉ាដ អាដិនណូអ៊ែរ បានសម្រេចនិងឯកភាព នឹងបន្តកិច្ចសហប្រតិបត្តិការជាមួយគ្នាបន្តទៀត ហើយមូលនិធិ នឹងពិនិត្យពីលទ្ធភាពក្នុងការឧបត្ថម្ភគាំទ្រដល់វិទ្យាស្ថានទំនាក់ទំនងអន្តរជាតិកម្ពុជាលើគម្រោងយុទ្ធសាស្រ្តអភិវឌ្ឍរយៈពេល៥ឆ្នាំរបស់វិទ្យាស្ថាន ដោយផ្តោតសំខាន់ទៅលើចំណុចអទិភាពបួនដូចខាងក្រោម៖ 

  • ការរៀបចំនិងអនុវត្តគម្រោងសិក្សាស្រាវជ្រាវ
  • ការរៀបចំវេទិកាវិទ្យាសាស្រ្ត
  • ការបោះពុម្ពផ្សាយដែលចេញពីលទ្ធផលនៃការសិក្សាស្រាវជ្រាវកន្លងមក
  • ការរៀបចំបាឋកថា

សូមបញ្ជាក់ដែរថា មូលនិធិខុដរ៉ាដ អាដិនណូអ៊ែរ ជាដៃគូសហប្រតិបត្តិការជាមួយវិទ្យាស្ថានទំនាក់ទំនង អន្តរជាតិកម្ពុជា អស់រយៈពេលជាងដប់ឆ្នាំមកហើយគិតចាប់ពីឆ្នាំ២០០៦ មក តាំងពីពេលដែល ឯកឧត្តម បណ្ឌិតសភាចារ្យ សុខ ទូច នៅជាអនុប្រធានវិទ្យាស្ថានមកម្លេះ។ ស្ថាប័នទាំងពីរ បានបង្កើតវប្បធម៌នៃកិច្ច សហប្រតិបត្តិការជាមួយគ្នាជាប់រហូតមក។ មូលនីធិខុនរ៉ាដ អាដិនណូអ៊ែរ បានជួយគាំទ្រដល់ការរៀបចំ វេទិកាបណ្ឌិតសភាចំហ ការបោះពុម្ពផ្សាយឯកសារកិច្ចព្រមព្រៀងទីក្រុងប៉ារីស និងសកម្មភាពស្រាវជ្រាវជាច្រើន។ តាមរយៈជំនួបកាលពីព្រឹកម៉ិញនេះ មូលនីធិខុនរ៉ាដ អាដិនណូអ៊ែរ បានបង្ហាញពីសញ្ញាណវិជ្ជមានក្នុងការបន្តកិច្ចសហប្រតិបត្តិការ និងគាំទ្រដល់វិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា។






RAC Media

អត្ថបទទាក់ទង

កម្ពុជានិងសហរដ្ឋអាម៉េរិក៖ ទំនាក់ទំនងនិងទំនុកចិត្តដែលត្រូវស្តារវិញ, ដោយ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា

ទំនាក់ទំនងការទូតផ្លូវការរវាងកម្ពុជានិងសហរដ្ឋអាម៉េរិក ត្រូវបានបង្កើតឡើងនៅខែ កក្កដា ឆ្នាំ១៩៥០។ បើគិតមកដល់ពេលនេះ ទំនាក់ទំនងការទូតរវាងប្រទេសទាំងពីរមានរយៈពេលជាង៧០ឆ្នាំហើយ ប៉ុន្តែទំនាក់ទំនង​នេះ​ហាក់នៅមិនទា...

2021-05-28 13:18:01   ថ្ងៃសុក្រ, 28 ឧសភា 2021 ម៉ោង 08:18 PM
គោលនយោបាយការបរទេសចិន៖ ក្នុងជម្លោះប៉ាឡេស្ទីន និងអ៊ីស្រាអែល ដោយ៖ លោក ផាញ់ សារឿន មន្ត្រីស្រាវជ្រាវវិទ្យាស្ថានសិក្សាចិននៃរាជបណ្ឌិត្យសភាកម្ពុជា

RAC Mediaប្រភព៖ វិទ្យាស្ថានសិក្សាចិន

2021-05-25 05:14:24   ថ្ងៃអង្គារ, 25 ឧសភា 2021 ម៉ោង 12:14 PM
តើអ៊ីស្រាអែលជាខ្លាក្នុងព្រៃឬជាខ្លាចូលភូមិ? ដោយ៖ បណ្ឌិត ខែក វីរៈ

...

2021-05-21 01:50:58   ថ្ងៃសុក្រ, 21 ឧសភា 2021 ម៉ោង 08:50 AM
នយោបាយការបរទេសចិនជាមួយថៃ ដោយ៖ លោក ផាញ់ សារឿន មន្ត្រីស្រាវជ្រាវវិទ្យាស្ថានសិក្សាចិននៃរាជបណ្ឌិត្យសភាកម្ពុជា

RAC Mediaប្រភព៖ វិទ្យាស្ថានសិក្សាចិន

2021-05-20 12:34:40   ថ្ងៃព្រហស្បតិ៍, 20 ឧសភា 2021 ម៉ោង 07:34 PM
ទន្លេមេគង្គ ៖ ទឹក និងក្តីស្រលាញ់ ដោយ៖ បណ្ឌិត ជិន សុជាតិ មន្រ្តីស្រាវជ្រាវវិទ្យាស្ថានសិក្សាចិន នៃរាជបណ្ឌិត្យសភាកម្ពុជា

RAC Mediaប្រភព៖ វិទ្យាស្ថានសិក្សាចិន នៃរាជបណ្ឌិត្យសភាកម្ពុជា

2021-05-18 05:32:53   ថ្ងៃអង្គារ, 18 ឧសភា 2021 ម៉ោង 12:32 PM
ទំនាក់ទំនងយោធា និងសន្តិសុខរវាងខ្មែរ និងចិន ក្នុងសម័យចក្រភពខ្មែរពីសតវត្សរ៍ទី៣ ដល់ សតវត្សរ៍ទី១៥ ដោយ៖ បណ្ឌិត ជិន សុជាតិមន្រ្តីស្រាវជ្រាវវិទ្យាស្ថានសិក្សាចិន នៃរាជបណ្ឌិត្យសភាកម្ពុជា

RAC Media ប្រភព៖ វិទ្យាស្ថានសិក្សាចិន

2021-05-18 05:20:58   ថ្ងៃអង្គារ, 18 ឧសភា 2021 ម៉ោង 12:20 PM

សេចក្តីប្រកាស