ព័ត៌មាន

«ផ្លូវក្រវាត់ឧទ្យាន និងហេដ្ឋារចនាសម្ព័ន្ធផ្ទៃក្នុងឧទ្យាន នឹងចាប់ផ្តើមកសាងក្នុងពេលឆាប់ៗនេះ Boundary roads for conservation will be built soon...» ដោយ៖ ស្រី សីហា

ថ្ងៃអាទិត្យ, 10 កុម្ភៈ 2019 ម៉ោង 04:14 PM

អ្នកមើល 8901

ក្រុមវិស្វកម្មសម្តេច តេជោ ហ៊ុន សែន បានចុះសិក្សាទិន្នន័យលម្អិត ពិភាក្សាជាមួយក្រុមការងារឧទ្យាន ហើយនឹងបន្តចុះទៅតាមភូមិសាស្ត្រព័ន្ធជុំវិញ ដើម្បីមើលប្រភពទឹកហូរនិងផ្លូវឆ្លងកាត់ ដើម្បីកសាងស្ពាន ឬដាក់លូ និងកសាងផ្លូវក្នុងពេលឆាប់ៗនេះ។

ការកសាងផ្លូវនេះជាផ្នែកមួយដ៏សំខាន់នៃការអភិរក្សធនធានធម្មជាតិ និងកេរដំណែលវប្បធម៌ដែលមាននៅក្នុងឧទ្យាន។ សូមអរគុណ ដល់សម្តេចនាយករដ្ឋមន្ត្រី ដែលបានផ្តល់គោលការណ៍កាលពីថ្ងៃទី១៨ ខែឧសភា ឆ្នាំ២០១៨ ក្នុងពិធីដាំកូនឈើនៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។

សូមបញ្ជាក់ថា ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ស្ថិតនៅក្នុងឃុំឆែបពីរ ស្រុកឆែប ខេត្តព្រះវិហារ បង្កើតឡើងក្នុងខែមេសា ឆ្នាំ២០១៤ មានទំហំ ១១ ៤៣៥ ហិកតា ដែលពោពេញទៅដោយ ព្រៃឈើ សត្វព្រៃ និងឡស្លដែកបុរាណមានអាយុកាល១០០០ឆ្នាំ ហើយនិងទំនៀមទម្លាប់ជនជាតិកួយដែលមាននៅទីនោះ។

RAC Media

ប្រភព៖ រូបថត គេហទំព័រហ្វេសប៊ុក សម្តេច នាយករដ្ឋមន្ត្រី ហ៊ុន សែន

អត្ថបទទាក់ទង

កម្ពុជានិងសហរដ្ឋអាម៉េរិក៖ ទំនាក់ទំនងនិងទំនុកចិត្តដែលត្រូវស្តារវិញ, ដោយ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា

ទំនាក់ទំនងការទូតផ្លូវការរវាងកម្ពុជានិងសហរដ្ឋអាម៉េរិក ត្រូវបានបង្កើតឡើងនៅខែ កក្កដា ឆ្នាំ១៩៥០។ បើគិតមកដល់ពេលនេះ ទំនាក់ទំនងការទូតរវាងប្រទេសទាំងពីរមានរយៈពេលជាង៧០ឆ្នាំហើយ ប៉ុន្តែទំនាក់ទំនងនេះហាក់នៅមិនទា...