រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 08 កុម្ភៈ 2019 ម៉ោង 12:07 PM
បច្ចេកសព្ទចំនួន ៧ ត្រូវបានអនុម័ត នៅសប្តាហ៍ទី១ ក្នុងខែកុម្ភៈ ឆ្នាំ២០១៩នេះ ក្នុងនោះមាន៖
- បច្ចេកសព្ទគណៈ កម្មការអក្សរសិល្ប៍ ចំនួន០៣ពាក្យ ដែលបានបន្តប្រជុំពិនិត្យ ពិភាក្សា និងអនុម័ត នាថ្ងៃអង្គារ ១កើត ខែមាឃ ឆ្នាំច សំរឹទ្ធិស័ក ព.ស.២៥៦២ មានដូចជា ១. វត្ថុវិស័យ ២. វត្ថុវិស័យនិយម ៣. ប្រធានអារម្មណ៍។
- បច្ចេកសព្ទគណ:កម្មការគីមីវិទ្យា និង រូបវិទ្យា ចំនួន០៤ ពាក្យ ដែលបានបន្តប្រជុំពិនិត្យ ពិភាក្សានិងអនុម័ត នាថ្ងៃពុធ ២កើត ខែមាឃ ឆ្នាំច សំរឹទ្ធិស័ក ព.ស.២៥៦២ មានដូចជា ១. ការបំបែក ២. ដំណកអំបិល ៣. ស៊ីនេទិកគីមី ៤. គីមីជីវៈ/ជីវគីមីវិទ្យា។
សទិសន័យ៖
១-វត្ថុវិស័យ អ.objective បារ. Objectif ៖ វត្ថុ បញ្ហា បាតុភូត ព្រឹត្តិការណ៍សត្យានុមតិ ដែលមានអត្ថិភាពនៅក្រៅខ្លួនអ្នកនិពន្ធ ហើយត្រូវបានឆ្លុះបញ្ចាំងតាមរយៈស្នាដៃអក្សរសិល្ប៍ សិល្បៈ។
ឧទាហរណ៍ -ព្រឹត្តិការណ៍ក្នុងរឿងភូមិតិរច្ឆាន -ព្រឹត្តិការណ៍ក្នុងរឿងទុំទាវ
២-វត្ថុវិស័យនិយម អ.objectivism បារ. Objectivisme៖ ទស្សនៈដែលផ្ដល់តម្លៃទៅលើវត្ថុវិស័យក្នុងការបង្កើតស្នាដៃអក្សរសិល្ប៍ សិល្បៈ ដោយអ្នកនិពន្ធពុំបានបង្ហាញពីជំហរ ទស្សនៈរបស់ខ្លួនក្នុងការពន្យល់អំពីបុព្វហេតុនៃវត្ថុវិស័យនោះឡើយ។
ករណីដូចជាក្នុងដំណើររឿងមួយ អ្នកនិពន្ធរៀបរាប់អំពីទុក្ខវេទនារបស់ប្រជាជន តែគាត់ពុំបានបង្ហាញទស្សនៈឬជំហរផ្ទាល់ខ្លួនអំពីមូលហេតុដែលនាំឱ្យប្រជាជនរងទុក្ខនោះទេ។
៣-ប្រធានអារម្មណ៍៖ គំនិត ទស្សនៈ ជំហរ អារម្មណ៍របស់អ្នកអាន អ្នកស្ដាប់ អ្នកទស្សនា ដែលកើតឡើងក្នុងពេលទទួលរូបភាព ហេតុការណ៍ រឿងរ៉ាវផ្សេងៗក្នុងស្នាដៃអក្សរសិល្ប៍ សិល្បៈ។
៤- ការបំបែក អ. dissociation បារ.dissociation (f.)៖ លំនាំទូទៅមួយដែលក្នុងនោះ សមាសធាតុមួយត្រូវបាន ញែកឬបែកជាភាគល្អិតតូចៗជាង (ដូចជា ម៉លេគុល តូចជាង អាតូម អ៊ីយ៉ុងឬរ៉ាឌីកាល់) ជាធម្មតាវាអាចជាលំនាំត្រឡប់វិញបាន។
ឧទាហរណ៍ ពេលរលាយក្នុងទឹកអំបិល NaCl ត្រូវបានបំបែកជាអ៊ីយ៉ុងវិជ្ជមាន Na+និងអ៊ីយ៉ុងអវិជ្ជមាន Cl’ ។
NaCl ⇋ Na+Cl’
៥- ដំណកអំបិល អ. desalination បារ. Dessalement(m.) / désalinisation(f.)៖ លំនាំនៃការដកបរិមាណអំបិលនៃបណ្តាសារធាតុរ៉ែ ចេញពីទឹកសមុទ្រ ទឹកប្រៃឬសារធាតុណាមួយ។
៦- ស៊ីនេទិកគីមី អ. Chemical kinetics បារ. Cinétique Chimiques (f.)៖ ការសិក្សាពីកម្រិតល្បឿន និងចលនាការនៃប្រតិកម្មគីមី។
៧- គីមីជីវៈ/ ជីវគីមីវិទ្យា អ. biochemistry បារ. Biochemie (f.)៖ វិទ្យាសាស្រ្តសិក្សាអំពីសមាសធាតុ និងលំនាំគីមីក្នុងភាវៈរស់។
RAC Media
- សកម្មភាព ប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្ប៍ ក្រោមអធិបតីភាពឯកឧត្តមបណ្ឌិត ជួរ គារី
- សកម្មភាព ប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា ក្រោមអធិបតីភាពឯកឧត្តមបណ្ឌិត ហ៊ាន សុខុម
នៅថ្ងៃទី១៧ ខែធ្នូ ឆ្នាំ២០១៨ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានប្រកាសនៅក្នុងពិធីសម្ពោធបើកឱ្យប្រើប្រាស់វារីអគ្គិសនីសេសានក្រោម២ ខេត្តស្ទឹងត្រែងថា នៅសល់តែ១៤ថ្ងៃទៀតទេ នឹងចូលដល់ឆ្នាំ២០១៩...
ថ្ងៃអង្គារ, 18 ធ្នូ 2018 ម៉ោង 05:46 PM
ល្ខោនខោល ឬ ភាណី ឬ ល្ខោនពាក់មុខ ជាប្រភេទសិល្បៈទស្សនីយភាពរបស់ខ្មែរមួយ ដែលមាន អាយុកាលតាំងពីសតវត្សរ៍ទី១០។ លក្ខណៈពិសេសរបស់ល្ខោនខោលគឺ សម្ដែងតែនៅក្នុងរឿង រាមកេរ្តិ៍ខែ្មរមួយគត់ (មិនយករឿងអ្វីផ្សេងមកសម្ដែងឡើយ),...
ថ្ងៃអង្គារ, 18 ធ្នូ 2018 ម៉ោង 03:01 PM
«មហោរី» ជាទម្រង់សិល្បៈតន្រ្តីមួយប្រភេទដែលបានបង្កើតឡើងដើម្បីប្រគំថ្វាយអាទិទេព និងបម្រើព្រះមហាក្សត្រ។ ក្រោយមកតន្រ្តីមហោរី ក៏ប្រគំសម្រាប់លើកទឹកចិត្តដល់នាម៉ឺនមន្ត្រី ដែលមានគុណបំណាច់ចំពោះប្រទេសជាតិផងដ...
ថ្ងៃអង្គារ, 18 ធ្នូ 2018 ម៉ោង 10:48 AM
វិទ្យាស្ថានវិទ្យាស្ថានវប្បធម៌និងវិចិត្រសិល្បៈ៖ ឯកឧត្តមបណ្ឌិត នូ ចាន់សុភី ប្រធានវិទ្យាស្ថានវប្បធម៌និង វិចិត្រសិល្បៈ បានដឹកនាំការប្រជុំវិទ្យាស្ថានប្រចាំខែធ្នូ ដែលជាខែចុងក្រោយឆ្នាំ២០១៨ នាព្រឹកថ្ងៃចន្ទ ១០...
ថ្ងៃចន្ទ, 17 ធ្នូ 2018 ម៉ោង 05:18 PM
បេសកកម្មការងាររុករកប្រភេទសត្វស្លាបលើកទី១នៅឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប បាន បញ្ចប់ និងបានរកឃើញប្រភេទបក្សីចំនួន១៤៥ប្រភេទផ្សេងគ្នា ដែលកំពុងបង្ហាញវត្តមាននៅក្នុង តំបន់ ឧទ្យាន។ លោក ស្រី សីហា...
ថ្ងៃចន្ទ, 17 ធ្នូ 2018 ម៉ោង 01:12 PM
ថ្ងៃសៅរ៍ ៨កើត ខែមិគសិរ ឆ្នាំច សំរឹទ្ធិស័ក ពុទ្ធសករាជ២៥៦២ ត្រូវនឹងថ្ងៃទី១៥ ខែធ្នូ ឆ្នាំ២០១៨ ក្នុងនាមរាជបណ្ឌិត្យសភាកម្ពុជា និងជាអ្នកតំណាងឱ្យឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ក្នុ...
ថ្ងៃសៅរ៍, 15 ធ្នូ 2018 ម៉ោង 12:46 PM
