ព័ត៌មាន

RAC នឹងបង្កើត «សុសវែរ បំប្លែងពុម្ពប្រតិចារឹកអក្សរ (Khmer Transliteration Font Converter)»

2019-01-16 08:46:11 ថ្ងៃពុធ, 16 មករា 2019 ម៉ោង 03:46 PM
អ្នកមើល 12827
post_detail

កម្មវិធីកុំព្យូទ័រសម្រាប់បំប្លែងប្រតិចារឹកអក្សរមកជាអក្សរខ្មែរសម័យបច្ចុប្បន្ន បានក្លាយជាប្រធានបទមួយ​ដែល​មាន​ការ​ចាប់អារម្មណ៍ខ្លាំងពីថ្នាក់ដឹកនាំនៃរាជបណ្ឌិត្យសភាកម្ពុជា។ ដោយមានការឯកភាពពីប្រធាន​រាជបណ្ឌិត្យសភា​កម្ពុជា អ្នកសម្របសម្រួលគម្រោង ឯកឧត្តមបណ្ឌិត យង់ ពៅ កំពុងខិតខំខ្នះខ្នែងជំរុញក្រុមការងារបច្ចេកទេស ដែលដឹកនាំដោយលោកបណ្ឌិត លឹម សេងឌី ជាប្រធានគម្រោង លោកសាស្ត្រាចារ្យ ឈិត វណ្ណារិទ្ធិ អ្នកជំនាញបច្ចេកវិទ្យា​ព័ត៌មាន ទីប្រឹក្សា លោកបណ្ឌិត មាឃ បូរ៉ា អ្នកឯកទេសផ្នែកសិលាចារឹក និងក្រុមការងារបច្ចេកទេស ៥រូប​ផ្សេង​ទៀត ខិតខំធើ្វការស្រាវជ្រាវបង្កើតកម្មវិធីសម្រាប់ជាប្រយោជន៍ដល់សង្គមជាតិកម្ពុជា។ កម្មវិធីនេះ មិន​ត្រឹម​តែ​មាន​ប្រយោជន៍​សម្រាប់អ្នកសិក្សាស្រាវជ្រាវផ្នែកសិលាចារឹក ឬប្រវត្តិសាស្ត្រប៉ុណ្ណោះទេ តែក៏មានសារៈសំខាន់សម្រាប់​សាធារណជន​ខ្មែរ​ទូទៅ​ដែលចង់ដឹងពីប្រវត្តិនានាដែលបានចារឹកទុកក្នុងសិលាចារឹកជាអក្សរខ្មែរបុរាណផងដែរ។ 

ដោយមានភ្លើងខៀវពីថ្នាក់ដឹកនាំរាជបណ្ឌិត្យសភាកម្ពុជា លោកបណ្ឌិត លឹម សេងឌី ប្រធាន​គម្រោង​បច្ចេកវិទ្យាអូស៊ីអដែលបានចាប់ផ្តើមអនុវត្តន៍កាលពីឆ្នាំ២០១៨កន្លងមក បានសហការជាមួយលោកបណ្ឌិត មាឃ​ បូរ៉ា អ្នកឯកទេសផ្នែកសិលាចារឹក និងលោកសាស្រ្តាចារ្យ ឈិត វណ្ណារិទ្ធិ អ្នកជំនាញបច្ចេកវិទ្យា​ព័ត៌មាន បានរៀបចំធ្វើសិក្ខាសាលាមួយ ស្តីពី «កម្មវិធីអូស៊ីអខ្មែរ និងអក្សរខ្មែរបុរាណ​ក្នុង​បច្ចេកវិទ្យា​ព័ត៌មាន» កាលពីថ្ងៃ៦ ខែវិច្ឆិកា​ឆ្នាំ​២០១៨ កន្លងទៅ ដើម្បីប្រមូលគំនិតទស្សនៈ និងបន្តរៀបចំគម្រោងបង្កើត «សុសវែរបំប្លែងពុម្ពប្រតិចារឹកអក្សរ (Khmer Transliteration Font Converter)»។ 

រហូតមកថ្ងៃទី១៦ ខែមករា ឆ្នាំ២០១៩ នេះ ឯកឧត្តមបណ្ឌិត យង់ ពៅ អ្នកសម្របសម្រួលគម្រោង បានបើកកិច្ចប្រជុំមួយដើម្បីជំរុញសន្ទុះការងារគម្រោងបង្កើត«សុសវែរបំប្លែងពុម្ពប្រតិចារឹកអក្សរ» នេះឡើង។ ការ​សិក្សា​បង្កើតកម្មវិធី​ដ៏មានសារៈសំខាន់នេះ គឺសម្រាប់ផ្តល់នូវភាពងាយស្រួលក្នុងការបកស្រាយ នូវខ្លឹមសារ​ជា​អក្សរ​ខ្មែរបុរាណ មកជាអក្សរខ្មែរសម័យបច្ចុប្បន្ន។ កម្មវិធីនេះ នឹងក្លាយជាមធ្យោបាយសម្រាប់រក្សាទុកទិន្នន័យបែបឌីជីថល ពន្លឿនបាននូវប្រសិទ្ធិភាពការងារ ជួយបំពេញកង្វះខាត និងជួយសម្រួលដល់ការរៀបចំវចនានុក្រមអក្សរខ្មែរបុរាណ ដោយចាប់ផ្ដើមពីការប្រើប្រាស់កម្មវិធីអូស៊ីអ ចាប់យកទិន្នន័យប្រតិចារឹកអក្សរ បន្ទាប់មកកែសម្រួល និងបង្កើតសុសវែរបំប្លែងសម្រាប់ការប្រាស់ទូទៅ។

សូមបញ្ជាក់ដែរថា សមាសភាពចូលរួមប្រជុំពិភាក្សាពីគម្រោងស្រាវជ្រាវ រួមមាន៖ 
១- ឯកឧត្តមបណ្ឌិត យង់ ពៅ អ្នកសម្របសម្រួលគម្រោង
២- លោកបណ្ឌិត លឹម សេងឌី ប្រធានគម្រោង
៣- លោកបណ្ឌិត ឈិត វណ្ណារិទ្ធិ អ្នកជំនាញបច្ចេកវិទ្យាព័ត៌មាន ទីប្រឹក្សា
៤- ឯកឧត្តមបណ្ឌិត អ៊ាប បុណ្ណា សមាជិក៥- លោកបណ្ឌិត មាឃ បូរ៉ា ជំនាញភាសាវិទ្យា សមាជិក
៦- លោកបណ្ឌិត ម៉ុង ម៉ារ៉ា ជំនាញស្ថិតិ សមាជិក
៧- លោក ស៊ុន សុនិមិត្ត ជំនាញបច្ចេកវិទ្យាព័ត៌មាន សមាជិក
៨- លោក ហេង ម៉េងហ៊ាង ជំនាញបច្ចេកទេស សមាជិក
៩- កញ្ញា ពេជ្រ ណាទីន ជំនាញសិលាចារឹក ជំនួយការ​


RAC Media


អត្ថបទទាក់ទង

"ROK’s Indo-Pacific Strategy and Korea-ASEAN Solidarity Initiative are Key Factors for Regional Freedom, Peace, Prosperity and Inclusivity" By Mr. Thun Chhay Piseth

Indo-Pacific is a geopolitical term that is much debated by politicians, political analysts and strategists. The Indo-Pacific accounts for almost 62% of global GDP, equivalent to two-thirds of global...

2023-09-15 03:46:16   ថ្ងៃសុក្រ, 15 កញ្ញា 2023 ម៉ោង 10:46 AM
រាជបណ្ឌិត្យសភាកម្ពុជា រៀបចំសិក្ខាសាលា ស្តីពីដៃគូអភិវឌ្ឍន៍សាធារណរដ្ឋកូរ៉េ-កម្ពុជា៖ ការស្វែងរកយន្តការដើម្បីពង្រឹងកិច្ចសហប្រតិបត្តិការនាពេលអនាគត (Cambodia-Korea Development Partnership: Navigating the Path for Future Cooperation)

នាព្រឹកថ្ងៃទី១៥ ខែកញ្ញា ឆ្នាំ២០២៣ រាជបណ្ឌិត្យសភាកម្ពុជា រៀបចំសិក្ខាសាលា ស្តីពីដៃគូអភិវឌ្ឍន៍សាធារណរដ្ឋកូរ៉េ-កម្ពុជា៖ ការស្វែងរកយន្តការដើម្បីពង្រឹងកិច្ចសហប្រតិបត្តិការនាពេលអនាគត ដែលរៀបចំឡើង ដើម្បីជាការរ...

2023-09-15 03:41:29   ថ្ងៃសុក្រ, 15 កញ្ញា 2023 ម៉ោង 10:41 AM
"Korea-ASEAN Solidarity Initiative and Its Implications for Cambodia and ASEAN" By Dr. Khek Vireak

The new foreign policy approach of the Republic of Korea (ROK) toward the Indo-Pacific region was introduced by President Yoon at the 2022 ASEAN-Korea Summit in Phnom Penh, Cambodia. In his initiative...

2023-09-15 02:40:43   ថ្ងៃសុក្រ, 15 កញ្ញា 2023 ម៉ោង 09:40 AM
បណ្ឌិត តាំង សុខងី ប្រគល់សៀវភៅជូនបណ្ណាល័យរាជបណ្ឌិត្យសភាកម្ពុជា សម្រាប់ជាប្រយោជន៍ដល់អ្នកសិក្សាស្រាវជ្រាវ

កាលពីព្រឹកថ្ងៃពុធ ទី២៦ ខែកញ្ញា ឆ្នាំ២០២៣ លោកបណ្ឌិត តាំង សុខងី បានប្រគល់សៀវភៅ «គោលនយោបាយចិនតែមួយ» ជូនដល់រាជបណ្ឌិត្យសភាកម្ពុជា តាមរយៈឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា សម្រាប់តម្ក...

2023-09-06 07:13:45   ថ្ងៃពុធ, 06 កញ្ញា 2023 ម៉ោង 02:13 PM
ទស្សនវិជ្ជាខ្មែរអំពីលំហ (ទេសភាពឬទីកន្លែង)(Khmer Philosophy of Space) ដោយ ៖ លោកបណ្ឌិត ប៉ាន់ វុត្ថា

ស្វ័យភាពនៃគំនិត ដែលយើងបានរកឃើញឬយល់ដឹងតាមរយៈការផ្តោតអារម្មណ៍ ការគិតទៅលើទេសភាពឬទីកន្លែងមួយ គឺជាការបង្ហាញឱ្យឃើញពីចំណង់ចំណូលចិត្ត ការស្រលាញ់ តម្រូវការ និងការឱ្យតម្លៃចំពោះទីកន្លែង(លំហខាងក្នុង) ហើយទីកន្លែងក...

2023-08-30 08:34:53   ថ្ងៃពុធ, 30 សីហា 2023 ម៉ោង 03:34 PM
គុណប្រយោជន៍និងបញ្ហាប្រឈមក្នុងការប្រើវិធីសាស្រ្តបង្រៀនបែបចម្រុះ(Blended Learning)ដើម្បីបង្រៀននិងរៀនភាសាអង់គ្លេស ដោយ៖ លោក ឆោម ជុំរ៉ុង- មន្រ្តីលេខាធិការដ្ឋានក្រុមប្រឹក្សាបណ្ឌិតសភាចារ្យ

ឯកសារនេះមានគោលបំណងបង្ហាញដល់អ្នកអប់រំនិងអ្នកពាក់ព័ន្ធក្នុងវិស័យអប់រំ ជាពិសេសគ្រូបង្រៀនភាសា​អង់គ្លេសដើម្បីបន្ថែមការយល់ដឹងស៊ីជម្រៅលើវិធីសាស្រ្តបង្រៀនបែបចម្រុះដែលជាវិធីសាស្រ្តដ៏ពេញនិយមមួយក្នុងសតវត្សរ៍ទី២១...

2023-08-30 08:14:50   ថ្ងៃពុធ, 30 សីហា 2023 ម៉ោង 03:14 PM

សេចក្តីប្រកាស