Royal Academy of Cambodia
តាមការរំលឹកដល់អតីតកាលរបស់ឯកឧត្តមបណ្ឌិតសភាចារ្យ ស៊ន សំណាង បានឱ្យដឹងថា នៅថ្ងៃទី១៥ ខែមិថុនា ឆ្នាំ១៩៦២ កម្ពុជា បានទទួលជោគជ័យលើករណីប្រាសាទព្រះវិហារដែលបានប្តឹងផ្ដល់ជាមួយប្រទេសសៀម ដែលទន្ទ្រានកាន់កាប់ប្រាសាទព្រះវិហារដោយខុសច្បាប់។ ភាពជោគជ័យនេះ បានបញ្ជាក់យ៉ាងច្បាស់ពីសិទ្ធិជាម្ចាស់លើប្រាសាទព្រះវិហាររបស់កម្ពុជា។ រហូតដល់ថ្ងៃទី៥ ខែមករា ឆ្នាំ១៩៦៣ ទើបសម្តេចព្រះនរោត្តម សីហនុ (ជាប្រមុខរដ្ឋ) បានយាងទៅប្រារព្ធពិធីកាន់កាប់ប្រាសាទព្រះវិហារជាផ្លូវការឡើងវិញ។
លោកបណ្ឌិត ជិន សុជាតិ មន្ត្រីស្រាវជ្រាវ ឯកទេសប្រវត្តិសាស្ត្រ នៃរាជបណ្ឌិត្យសភាកម្ពុជា បានបញ្ជាក់ដែរថា នៅអំឡុងពេលនោះ ក៏ជាថ្ងៃដែលទង់ជាតិកម្ពុជា បានបង្ហូតឡើងយ៉ាងត្រដែតនៅលើប្រាង្គប្រាសាទព្រះវិហារជាលើកដំបូង ដោយសម្តេចព្រះនរោត្តម សីហនុ បន្ទាប់ពីឈ្នះក្តីនៅក្រុងឡាអេ ឆ្នាំ១៩៦២។
គួររំលឹកដែរថា ថ្ងៃនេះ ក៏ជាថ្ងៃដែលក្រុមអ្នកស្រាវជ្រាវរាជបណ្ឌិត្យសភាកម្ពុជា ដឹកនាំដោយសាស្ត្រាចារ្យ ស៊ន សំណាង បានឡើងទៅដល់ប្រាសាទព្រះវិហារ កាលពីថ្ងៃ៥ ខែមករា ឆ្នាំ២០០២ ហើយបានដាក់ឈ្មោះភូមិមួយនៅចង្កេះភ្នំព្រះវិហារនេះ ថាជា«ភូមិប្រាំមករា» ដើម្បីលើកតម្លៃនៃព្រឹត្តិការណ៍ថ្ងៃទី៥ ខែមករា ឆ្នាំ១៩៦៣ និងបានសរសេរស្លាកឈ្មោះភូមិជូនទៅមេភូមិនៅព្រឹកថ្ងៃទី៦ មករា នៅពេលចុះពីប្រាសាទព្រះវិហារមកវិញ។ លោកបណ្ឌិត ជិន សុជាតិ ថាកាលមុនមិនទាន់បានកំណត់ឈ្មោះភូមិប្រាំមករា ភូមិនេះ ត្រូវគេហៅតាមសំនៀងភាសាថៃ តែមិនមានជាផ្លូវការនោះទេ។
RAC Media
រូបថត៖ ហេង ជីវ័ន្ត | Phnom Penh Post photo
(រាជបណ្ឌិត្យសភាកម្ពុជា)៖ នៅព្រឹកថ្ងៃសុក្រ ១១កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣១ ខែកក្កដា ឆ្នាំ២០២០ លេខាធិការដ្ឋានក្រុមប្រឹក្សាបណ្ឌិតសភាចារ្យនៃរាជបណ្ឌិត្យសភាកម្ពុជាបានរៀបចំកិច្ចប្រជុ...
រាជរដ្ឋាភិបាលតាមរយ:ទីស្តីការគណៈរដ្ឋមន្ត្រីបានអនុញ្ញាតមន្ត្រីថ្មីទាំង ១៧ នាក់នៃរាជបណ្ឌិត្យសភាកម្ពុជាដែលបានប្រឡងជាប់ជាស្ថាពរចូលបម្រើការងារនៅរាជបណ្ឌិត្យសភាកម្ពុជា ក្នុងក្របខណ្ឌទីស្ដីការគណៈរដ្ឋមន្ត្រ...
កាលពីរសៀលថ្ងៃពុធ ៩កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើកកិច្ចប្រជុំដើម្បីពិនិត្យ ពិភាក្សា និ...
កាលពីថ្ងៃទី២៨ ខែកក្តដា ឆ្នាំ២០២០ ឯកឧត្តម ឡូយ សុផាត ដឹកនាំប្រតិភូគណៈកម្មការទី៣នៃរដ្ឋសភា រួមទាំងថ្នាក់ដឹកនាំនៃក្រសួងកសិកម្ម រុក្ខាប្រមាញ់ និងនេសាទ, ក្រសួងបរិស្ថាន, ក្រសួងអភិវឌ្ឍន៍ជនបទ, ក្រសួងធនធានទឹក, ស...
កាលពីរសៀលថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបើកកិច្ចប្រជុំដើម្បីពិនិត្យ ពិភាក្សានិ...