ព័ត៌មាន

«បណ្ឌិតសភាចារ្យ សុខ ទូច៖ តើបញ្ហាសំរាម កែមួយជំនាន់ ឬ កែ៦ខែ!»

2019-01-05 07:42:52 ថ្ងៃសៅរ៍, 05 មករា 2019, 07:42 AM
post_detail

ការលើកឡើងនូវប្រសាសន៍ខាងលើនេះឡើង ខណៈដែលឯកឧត្តមសភាចារ្យ សុខ ទូច​ បាន​លើក​យក​បញ្ហា​សំរាម​ដែលកំពុងក្លាយ​ជា​បញ្ហា​ឈឺក្បាល​មួយ​នៅ​រាជ​ធានីភ្នំពេញ ជាឧទាហរណ៍មួយក្នុងបទបង្ហាញ​ក្នុង​​បាឋកថាស្តីពី«រដ្ឋាភិបាលដើមស្រល់» កាលពីព្រឹកថ្ងៃទី៥ ខែមករា ឆ្នាំ២០១៩ នៅ​រាជ​បណ្ឌិត្យ​សភា​កម្ពុជា។

ដើមឡើយនៅពេលដែលនិយាយពីប្រទេសសិង្ហបុរី  គេនឹកឃើញភ្លាមថា ប្រទេសដ៏តូចមួយនេះ ជាប្រទេសដែលមានការរីកចម្រើនខ្លាំង គ្មានសំរាមរាយប៉ាយនៅតាមទីសាធារណៈ ហើយក៏ជាប្រទេសមួយ​មានច្បាប់​តឹងរ៉ឹង​ពាក់ព័ន្ធបញ្ហាសំរាមនៅតំបន់អាស៊ីអាគ្នេយ៍នេះ។

បច្ចុប្បន្ននេះ ប្រទេសកម្ពុជា មានការរីកចម្រើនគួរកត់សម្គាល់ ហើយក៏ទទួលបាននាម​ជាប្រទេស​មាន​កំណើន​សេដ្ឋកិច្ចក្នុងរង្វង់ ៧% ក្នុងរយៈពេលប៉ុន្មានឆ្នាំចុងក្រោយនេះ ហើយកម្ពុជា នៅបន្តជំរុញ​ការ​អភិវឌ្ឍ​គ្រប់វិស័យដើម្បីរក្សាកំណើនសេដ្ឋកិច្ចច្រើនជាងគេនៅក្នុងតំបន់អាស៊ីអាគ្នេយ៍។ ឯកឧត្តម​បណ្ឌិត​សភាចារ្យ សុខ ទូច បានមានប្រសាសន៍ថា ការអភិវឌ្ឍក្នុងតំបន់ទីក្រុង​មិនចាញ់​សិង្ហបុរី​ប៉ុន្មានទេ ទាស់​តែ​ទីក្រុងភ្នំពេញមានសំរាមច្រើនជាងគេទៅវិញ។ 

ឯកឧត្តមបណ្ឌិតសភាចារ្យ​បាន​បញ្ជាក់ថា តើ​ចង់​កែ​ប្រែ​បញ្ហាសំរាម កែមួយជំនាន់ ឬ កែត្រឹមរយៈពេលតែ ៦ខែ? ឯកឧត្តមបណ្ឌិតសភាចារ្យ សុខ ទូច បានបញ្ជាក់បន្ថែមថា បើចង់កែ​មួយ​ជំនាន់ ត្រូវយកវិស័យអប់រំ​ជា​​គោល តែបើចង់កែត្រឹម៦ខែ ត្រូវយកច្បាប់មកអនុវត្តន៍។ ការអប់រំនេះ មិនសំដៅតែនៅតាម​សាលា​រៀន​​តែម្យ៉ាងនោះទេ គ្រួសារត្រូវមានតួនាទីធំសំខាន់ក្នុងការអប់រំណែនាំកូនចៅ ហើយស្ត្រីជាម្តាយ ជាអ្នកដែលមានឥទ្ធពលខ្លាំងជាងគេទៅលើ​កូនៗ។ ការផ្តល់តម្លៃតិចដល់ស្រ្តី ជារឿងមិនត្រឹមត្រូវ។ ស្ត្រី ជាម្តាយ ហើយក៏ជាវិចិត្រករដ៏ចំណានម្នាក់។ បើម្តាយណែនាំកូនឱ្យចេះចោលសំរាមក្នុង​ធុងហើយ កូននឹងមើលពីគំរូល្អនេះ។ ម្តាយជាអ្នកផ្តល់គំរូមុនគេក្នុងគ្រួសារដល់កូនរបស់គាត់ ដូច្នេះហើយស្រ្តី​ជា​ម្តាយ​ក៏ត្រូវមានមូលដ្ឋានគ្រឺះទទួលបានការអប់រំឱ្យបានច្រើនដូចគ្នា។ 

នៅក្នុងតំបន់អាស៊ីអាគ្មេយ៍ ការអនុវត្តច្បាប់ដ៏តឹងរ៉ឹងទៅលើអ្នកបោះចោលសំរាមគ្មានសណ្តាប់ធ្នាប់ ត្រូវគេដឹង និងទទួលស្គាល់ពីការអនុវត្តច្បាប់​នៅប្រទេសសិង្ហបុរី ដែលករណីខ្លះ អ្នកចោលសំរាម ត្រូវទទួលពិន័យដោយការវាយនឹងរំពាត់។ ហេតុនេះ ការកែប្រែទម្លាប់ចោលសំរាម ត្រូវការឆន្ទៈក្នុងការអនុវត្តច្បាប់ ទាំងអបរំ ការផាកពិន័យ ហើយក៏ត្រូវការពលរដ្ឋគ្រប់គ្នាមានទំនួលខុសត្រូវក្នុងការកាត់បន្ថយសំរាមនៅទីសាធារណៈ។

សូមបញ្ជាក់ថា​ រាជបណ្ឌិត្យសភាកម្ពុជា បានរៀបចំបាឋកថា ស្តីពី «រដ្ឋាភិបាលដើមស្រល់» នៅព្រឹកថ្ងៃសៅរ៍ ១៤រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែមករា ឆ្នាំ២០១៩៕RAC Media

អត្ថបទទាក់ទង

«បើកម្ពុជាមិនបានរៀបចំខ្លួនឱ្យបានល្អនោះទេ កម្ពុជាគឺជាទរបង្ហូរទំនិញពីចិនប៉ុណ្ណោះ»

ឯកឧត្តមបណ្ឌិតសភាចារ្យ សុខ ទូច បានបញ្ជាក់ថាកម្ពុជា ត្រូវការរៀបចំ និងដោះស្រាយ បញ្ហា ៥ គឺ៖ ១. ការដឹកជញ្ជូន, ២. ការិយាល័យធិបតេយ្យ, ៣. បណ្ដុះបណ្ដាលជំនាញវិជ្ជាជីវ:, ៤. តម្លៃអគ្គិសនី។បើថ្លៃដើមផលិតថ្លៃ ការដឹក...

2020-07-28 11:12:21   Tue, 28,07,2020, 11:12 AM
ផ្ទាំងចម្លាក់ឥន្ទ្រាភិសេកនៅប្រាសាទបាយ័ន ដោយ៖បណ្ឌិត យង់ ពៅ, បណ្ឌិត ផុន កសិកា, កញ្ញា តាកេត ស័កដា, លោក ឡេង សត្យា,លោកស្រី ម៉ិល វាសនា, លោក សួ ប៉ុណ្ណារ៉ាត់ និង លោក រឿន ភារុន

...

2020-07-25 05:55:25   Sat, 25,07,2020, 05:55 AM
ឯកឧត្ដម ងួន ញ៉ិល ទទួលបានគោរមងារកិត្តិយសនៃរាជបណ្ឌិត្យសភាកម្ពុជា ជា «កិត្តិនីតិកោសលបណ្ឌិត»

ឯកឧត្ដមកិត្តិនីតិកោសលបណ្ឌិត ងួន ញ៉ិល អនុប្រធានទី១ នៃរដ្ឋសភា ដោយយោងតាមព្រះរាជក្រឹត្យលេខ នស/រកត/០៧២០/៧៥៧ ចុះថ្ងៃទី១៨ ខែកក្កដា ឆ្នាំ២០២០ ស្ដីពីការផ្ដល់គោរមងារកិត្តិយស នៃរាជបណ្ឌិត្យសភាកម្ពុជា ព្...

2020-07-24 09:55:33   Fri, 24,07,2020, 09:55 AM
ឯកឧត្ដម ទេព ងន ទទួលបានគោរមងារកិត្តិយសនៃរាជបណ្ឌិត្យសភាកម្ពុជា ជា «កិត្តិសង្គហបណ្ឌិត»

ដោយយោងតាមព្រះរាជក្រឹត្យលេខ នស/រកត/០៧២០/៧៥៦ ចុះថ្ងៃទី១៨ ខែកក្កដា ឆ្នាំ២០២០ ស្ដីពីការផ្ដល់គោរមងារកិត្តិយស នៃរាជបណ្ឌិត្យសភាកម្ពុជា ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរា...

2020-07-24 09:44:55   Fri, 24,07,2020, 09:44 AM
ឯកឧត្ដម ស៊ឹម កា ទទួលបានគោរមងារកិត្តិយសនៃរាជបណ្ឌិត្យសភាកម្ពុជា ជា «កិត្តិនីតិកោសលបណ្ឌិត»

ឯកឧត្ដម ស៊ឹម កា អនុប្រធានទី១ ព្រឹទ្ធសភាដោយយោងតាមព្រះរាជក្រឹត្យលេខ នស/រកត/០៧២០/៧៥៥ ចុះថ្ងៃទី១៨ ខែកក្កដា ឆ្នាំ២០២០ ស្ដីពីការផ្ដល់គោរមងារកិត្តិយស នៃរាជបណ្ឌិត្យសភាកម្ពុជា ព្រះករុណា ព្រះបាទសម្ដេចព្រះបរមនាថ...

2020-07-24 09:33:27   Fri, 24,07,2020, 09:33 AM
ឥស្សរជនជាតិ ចំនួន ៥រូប ទទួលបានគោរមងារជា«បណ្ឌិតសភាចារ្យ»

ដោយយោងតាមព្រះរាជក្រឹត្យលេខ នស/រកត/០៧២០/៧៥៩ ចុះថ្ងៃទី១៨ ខែកក្កដា ឆ្នាំ២០២០ ស្ដីពីការតែងតាំងសមាជិកពេញសិទ្ធិនៃរាជបណ្ឌិត្យសភាកម្ពុជា ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរ...

2020-07-24 07:58:07   Fri, 24,07,2020, 07:58 AM

សេចក្តីប្រកាស