Royal Academy of Cambodia
សម្រាប់ឆ្នាំថ្មីនេះ នៅព្រឹកថ្ងៃព្រហសុ្បតិ៍ ទី៣ ខែមករា នេះ ក្រុមការងារស្រាវជ្រាវដែលមានសមាជិកចំនួន៤រូប ដែលដឹកនាំដោយលោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានបើកកិច្ចប្រជុំមួយដើម្បីសិក្សា និងលើកគម្រោងស្រាវជ្រាវមួយស្ដីពី«ព្រះរាជបូជនីយកិច្ចរបស់ព្រះបាទសូរ្យវរ្ម័នទី២»។
មូលហេតុអ្វីបានជាក្រុមការងារស្រាវជ្រាវលើកយកគម្រោងនេះមកសិក្សា?
យើងដឹងហើយថាព្រះបាទសូរ្យវរ្ម័នទី២ (១១១៣-១១៥០ គ.ស.) ជាព្រះរាជាមួយអង្គដែលគេស្គាល់ថាចូលចិត្តធ្វើសង្រ្គាម បានចូលរួមចំណែកឱ្យប្រទេសកម្ពុជាក្លាយជាអាណាចក្រ។ ស្នាដៃរបស់ព្រះអង្គដែលមនុស្សជាតិក្នុងពិភពលោកស្គាល់គឺ «ប្រាសាទអង្គរវត្ត» ដែលជាសំណង់ប្រាសាទសាសនាធំជាងគេក្នុងពិភពលោក ហើយត្រូវបានដាក់បញ្ចូលក្នុងបញ្ជីបេតិកភណ្ឌពិភពលោកនៅឆ្នាំ១៩៩២។ ប្រាសាទអង្គរវត្តដែលជាស្នាដៃរបស់ព្រះបាទសូរ្យវរ្ម័នទី២ ត្រូវបានគេទទួលស្គាល់ថា ជាស្នាដៃឯក មានទំហំធំ និងកម្ពស់ស្កឹមស្កៃ។ ក្រៅពីប្រាសាទអង្គរវត្ត ព្រះអង្គបានកសាងប្រាសាទធំជាច្រើនទៀត ទាំងក្នុងតំបន់អង្គរ និងនៅតាមខេត្តនានាក្នុងព្រះជារាណាចក្រកម្ពុជា។ គោលបំណងនៃការស្រាវជ្រាវនេះគឺផ្ដោតសំខាន់ទៅលើចំណុចមួយចំនួនដូចខាងក្រោម៖
គម្រោងស្រាវជ្រាវនេះ គឺមានរយៈពេល៤ខែ ដោយសិក្សាផ្ដោតទៅលើប្រាសាទមួយចំនួន ដូចជា ប្រាសាទអង្គរវត្ដ ប្រាសាទចៅសាយទេវតា និងប្រាសាទបន្ទាយសំរែជាដើម។
ជាលទ្ធផលនៃកិច្ចប្រជុំព្រឹកនេះ ឯកឧត្ដមបណ្ឌិត យង់ ពៅ ប្រធានក្រុមការងារ និងក្រុមការងារស្រាវជ្រាវ នឹងរៀបចំគម្រោងស្រាវជ្រាវដើម្បីដាក់ស្នើទៅនាយកមជ្ឈមណ្ឌលស្រាវជ្រាវអាស៊ីដើម្បីស្នើការគាំទ្រ។
សូមបញ្ជាក់ផងដែរថា សាធារណជន អាចអញ្ជើញចូលរួមស្ដាប់ក្នុងសិក្ខាសាលាដែលនឹងរៀបចំឡើងបន្ទាប់ពីគម្រោងស្រាវជ្រាវត្រូវបានបញ្ចប់ ដើម្បីជជែកពិភាក្សា និងផ្ដល់ធាតុចូលបន្ថែមសម្រាប់លទ្ធផលស្រាវជ្រាវ។
RAC Media
ថ្ងៃអាទិត្យ ទី៣០ ខែកញ្ញា ឆ្នាំ២០១៨ប្រមុខដឹកនាំក្រសួងទេសចរណ៍ ថោង ខុន៖ កម្ពុជាកំពុងខិតខំទាក់ទាញអ្នកវិនិយោគក្នុងស្រុក និងក្រៅស្រុក បង្កើត លិតផលទេសចរណ៍ថ្មីៗឲ្យបានច្រើន ដើម្បីបម្រើទេសចរជាតិ និងអន្តរជាតិ(ភ្...
ថ្ងៃអាទិត្យ ទី៣០ កញ្ញា ឆ្នាំ២០១៨ក្រសួងសេដ្ឋកិច្ច និងហិរញ្ញវត្ថុ ពុំទាន់បានពិភាក្សាទៅលើយន្តការ ឬកំណត់ពេលវេលាក្នុងការប្រមូលពន្ធ លើពាណិជ្ជកម្មតាមប្រព័ន្ធអេឡិចត្រូនិច(Online)ក្នុងស្រុកទេ...
ថ្ងៃសៅរ៍ ទី២៩ ខែកញ្ញា ឆ្នាំ២០១៨នៅថ្ងៃទី២៩ ខែកញ្ញា ឆ្នាំ២០១៨បន្ទាប់ពីរងគ្រោះរញ្ជួយដី ៧.៥ រ៉ិចទ័រ ឥណ្ឌូនេស៊ី បានជួបប្រទះនឹងរលកយក្ស ស៊ូណាមិ ថែមទៀតផង។ រលកយក្សនេះ បានវាយប្រហារទីក្រុងចំនួន២ គឺ Palu នៃខេត្ត...