ព័ត៌មាន

បាឋកថាប្រចាំឆ្នាំ២០១៨ «តំបន់អនាធិបតេយ្យនៅប្រទេសកម្ពុជា៖ បញ្ហាប្រឈម និង ដំណោះស្រាយ»

ថ្ងៃព្រហស្បតិ៍, 27 ធ្នូ 2018 ម៉ោង 12:36 PM

អ្នកមើល 3550

បញ្ហាតំបន់អនាធិបតេយ្យ ជាបញ្ហាឈឺក្បាលមួយ ដែលកំពុងកើតមានច្រើន ទាំងនៅរាជធានីភ្នំពេញ និងនៅតាមបណ្តាទីរួមខេត្តនានានៅទូទាំងប្រទេស។ ទីតាំងមួយចំនួន បានអភិវឌ្ឍនៅកន្លែងក្លាយទៅជាទីប្រជុំជនច្រើន មានសំណង់រឹងមាំ បើទោះជាមិនមានការទទួលស្គាល់ជាផ្លូវការណាមួយពីអាជ្ញាធរដែនដី។ ទីតាំងមួយចំនួន ក៏ត្រូវ ក៏ត្រូវរើចេញនៅពេលមានការអភិវឌ្ឍ។ និយាយរួមមានបញ្ហាជាច្រើនបានកើតឡើងចេញពីតំបន់អនាធិបតេយ្យនេះ។ ដោយមើលឃើញពីបញ្ហាដែលកើតមានឡើង ឯកឧត្តមបណ្ឌិតសភាចារ្យ តិច សំណាង សមាជិកពេញសិទ្ធិនៃក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា បានធ្វើការសិក្សាពីគម្រោងស្រាវជ្រាវមួយអំពីសំណង់អនាធិបតេយ្យនេះ។ សម្រាប់ឆ្នាំ២០១៨នេះ នៅវេលាព្រឹកថ្ងៃទី២៧ ខែធ្នូ នេះ រាជបណ្ឌិត្យសភាកម្ពុជា បានរៀបចំបាឋកថាមួយ ស្តីអំពី «តំបន់អនាធិបតេយ្យនៅប្រទេសកម្ពុជា៖ បញ្ហាប្រឈម និងដំណោះស្រាយ»។

ឯកឧត្តមបណ្ឌិតសភាចារ្យ តិច សំណាង ប្រធានគម្រោងស្រាវជ្រាវ និងជាវាគ្មិនក្នុងកម្មវិធីបាឋកថា បានធ្វើការកំណត់និយមន័យ«តំបន់អនាធិបតេយ្យ» ប្រភេទ បញ្ហាប្រឈម និងដំណោះស្រាយមួយចំនួនសម្រាប់ពិចារណាដូចខាងក្រោម ៖

១. “តំបន់អនាធិបតេយ្យ” គឺសំដៅលើសំណង់លំនៅដ្ឋានមិនផ្លូវការឬមិនស្របច្បាប់ នៅទីប្រជុំជនឬទីក្រុង មានផ្ទះមិនឆ្លើយតបទៅនឹងស្តង់ដារស់នៅរបស់មនុស្ស អ្នករស់នៅមានចំនួនច្រើន ហើយលក្ខខណ្ឌរស់នៅអន់ថយនិងយ៉ាប់យ៉ឺន។ ជាធម្មតា តំបន់ទាំងនោះមានមនុស្សរស់នៅច្រើនកកកុញ ដែលនាំឱ្យពួកគេបង្ខំចិត្តសាងសង់បន្ទប់តូចៗបន្តគ្នាដោយគ្មានសណ្តាប់ធ្នាប់។តាមការសិក្សាស្រាវជ្រាវតំបន់អនាធិបតេយ្យមានប្រភេទដូចខាងក្រោម៖

តំបន់អនាធិបតេយ្យនៅតាមផ្លូវរថភ្លើង
តំបន់អនាធិបតេយ្យនៅតាមផ្លូវសាធារណៈ
តំបន់អនាធិបតេយ្យនៅលើប្រព័ន្ធលូ តាមប្រឡាយទឹកស្អុយ
តំបន់អនាធិបតេយ្យនៅតាមច្រាំងទន្លេ
តំបន់អនាធិបតេយ្យនៅលើផ្ទៃបឹងសាធារណៈ
តំបន់អនាធិបតេយ្យនៅលើដីដែលរដ្ឋផ្តល់ជូន
តំបន់អនាធិបតេយ្យនៅលើដីដែលរដ្ឋជួលឱ្យនៅបណ្តោះអាសន្ន
តំបន់អនាធិបតេយ្យនៅលើដីជួលបណ្តោះអាសន្ន
តំបន់អនាធិបតេយ្យនៅលើដំបូល
តំបន់អនាធិបតេយ្យនៅតាមទីវត្តអារាម ទីប៉ាឆានិងវាលបញ្ចុះសព
តំបន់អនាធិបតេយ្យនៅលើទីទួលបុរាណ និងដីអភិរក្សផ្សេងៗ

វគ្គទី១៖

វគ្គទី២៖

២. បញ្ហាប្រឈម

នៅតំបន់អនាធិបតេយ្យបញ្ហាប្រឈមដែលតែងតែកើតមាននៅក្នុងជីវភាពរស់នៅប្រចាំថ្ងៃរបស់ប្រជាពលរដ្ឋ គឺជារឿងធម្មតា។ ប៉ុន្តែបញ្ហាប្រឈមដែលមានសភាពធ្ងន់ធ្ងរនិងដែលត្រូវតែរកដំណោះស្រាយដោយខាងតែបាននោះ គឺបញ្ហាប្រឈមដែលបាននិងកំពុងកើតមានឡើងនៅក្នុងសហគមន៍នៃតំបន់អនាធិបតេយ្យ។ បញ្ហាប្រឈមទាំងនោះមានដូចជា៖ សុខភាព ជម្រក ការងារ និងសេដ្ឋកិច្ច បរិស្ថាន ហេដ្ឋារចនាសម្ព័ន្ធ សណ្តាប់ធ្នាប់ សន្តិសុខ និងការអប់រំ។

៣. ដំណោះស្រាយ

ពង្រឹងការគ្រប់គ្រងរបស់អាជ្ញាធរមូលដ្ឋាន
ជំរុញអាជ្ញាធរមូលដ្ឋានឱ្យអនុវត្តច្បាប់និងទទួលខុសត្រូវខ្ពស់
ពង្រឹងការផ្សព្វផ្សាយគោលនយោបាយគ្រប់គ្រងដីធ្លីនិងលំនៅឋាន
ស្វែងរកដៃគូអភិវឌ្ឍដូចជា អង្គការមិនមែនរដ្ឋាភិបាលទាំងក្នុងនិងក្រៅប្រទេស ព្រមទាំងវិស័យឯកជន
រៀបចំឱ្យមានប្រព័ន្ធជំនួយផ្នែកច្បាប់ដល់អ្នករស់នៅតំបន់អនាធិបតេយ្
រៀបចំនិងពិនិត្យលទ្ធភាពក្នុងការផ្តល់សិទ្ធិកាន់កាប់នៅនឹងកន្លែង។

RAC Media

អត្ថបទទាក់ទង

«ស្ថានភាពនយោបាយនៅម៉ាឡេស៊ីក្រោយការចាកចេញរបស់មហាធៀរ មហាម៉ាត់» ដោយ៖ លោក អ៊ុច លាង នាយកដ្ឋានសិក្សាអាស៊ី អាហ្វ្រិក និងមជ្ឍិមបូព៌ា នៃវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា

ការលាលែងពីតំណែងជានាយករដ្ឋមន្ត្រីរបស់លោក មហាធៀរ មហាម៉ាត់ កាលពីចុងខែកុម្ភៈ ឆ្នាំ២០២០ បានធ្វើឱ្យស្ថានភាពនយោបាយនៅម៉ាឡេស៊ីមានភាពមិនច្បាស់លាស់។ វិបត្តិគ្មានគណៈរដ្ឋមន្ត្រីរយៈពេលខ្លីរបស់ម៉ាឡើស៊ីនេះនាំឱ្យមានក...

ថ្ងៃអង្គារ, 10 មីនា 2020 ម៉ោង 04:40 PM

«ស្ថានភាពនៃទំនាក់ទំនងអាស៊ាន-សហរដ្ឋអាម៉េរិក» ដោយ៖ បណ្ឌិត តឹក មេង នាយកដ្ឋានសិក្សាអាម៉េរិក អាម៉េរិកឡាទីន និងអូសេអានី

សហរដ្ឋអាម៉េរិកបានក្លាយជាដៃគូចរចារបស់អាស៊ានចាប់តាំងពីឆ្នាំ១៩៧៧ ពោលគឺបន្ទាប់ពីអាស៊ានបានបង្កើតបាន១០ឆ្នាំមកម្ល៉េះ។ ទំនាក់ទំនងរវាងសហរដ្ឋអាម៉េរិកនិងអាស៊ានមានការអភិវឌ្ឍនិងជិតស្និទ្ធជាលំដា...

ថ្ងៃអង្គារ, 10 មីនា 2020 ម៉ោង 04:20 PM

ឯកសារជំនួយស្មារតី ស្តីពី «ទំនាក់ទំនងប្រទេសកម្ពុជា-ប្រទេសជប៉ុន» ដោយ៖ ផាញ់ សារឿន មន្ត្រីខុទ្ទកាល័យរាជបណ្ឌិត្យសភាកម្ពុជា

ថ្ងៃអង្គារ, 10 មីនា 2020 ម៉ោង 03:11 PM

«ឯកឧត្តមបណ្ឌិតសភាចារ្យ សុខ ទូច អញ្ជើញដឹកនាំកិច្ចប្រជុំពិនិត្យដើម្បីពិនិត្យភារកិច្ចការងារ និងការស្រាវជ្រាវរបស់មន្ត្រីរាជបណ្ឌិត្យសភាកម្ពុជា»

(រាជបណ្ឌិត្យសភាកម្ពុជា)៖ នៅព្រឹកថ្ងៃអង្គារ ២រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំក្រុមប្...

ថ្ងៃអង្គារ, 10 មីនា 2020 ម៉ោង 10:45 AM

ល្បែងនយោបាយក្នុងបញ្ហានុយក្លេអ៊ែរកូរ៉េខាងជើង ដោយ៖ ធន ឆាយពិសិដ្ឋមន្រ្តីស្រាវជ្រាវនៃនាយកដ្ឋាននយោបាយនិងសន្តិសុខអន្តរជាតិនៃវិទ្យាស្ថានទំនាក់ទំនងអន្តរជាតិកម្ពុជា

កម្មវិធីអភិវឌ្ឍន៍អាវុធនុយក្លេអ៊ែររបស់កូរ៉េខាងជើង គឺជាប្រធានបទដ៏ក្តៅគគុក ដែលមិនត្រឹមតែបង្កការព្រួយបារម្ភដល់ប្រទេសជិតខាងនៅឧបទ្វីបកូរ៉េប៉ុណ្ណោះទេ គឺនៅជុំវិញពិភពលោកតែម្ដង ជាពិសេស សហរដ្ឋអាម៉េរិក ព្រោះថាកូរ...