ព័ត៌មាន

«កិច្ចប្រជុំផ្ទៀងផ្ទាត់ការងារបញ្ចប់ឆ្នាំ២០១៨»

ថ្ងៃចន្ទ, 24 ធ្នូ 2018 ម៉ោង 04:00 PM

អ្នកមើល 3385

ឆ្នាំ២០១៨នេះ ជាឆ្នាំដែលរាជបណ្ឌិត្យសភាកម្ពុជា មានសកម្មភាពច្រើន បើប្រៀបធៀបជាមួយនឹងបណ្តាឆ្នាំកន្លងទៅ។ ដូចដែលឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានមានប្រសាសន៍ក្នុងការតាំងចិត្តធ្វើកំណែទម្រង់ការងារក្នុងស្ថាប័នស្រាវជ្រាវជាតិនេះ និងជំរុញសកម្មភាពការងារឱ្យទទួលបានលទ្ធផលកាន់តែមានប្រសិទ្ធភាពជាងមុន។

នៅក្នុងកិច្ចប្រជុំនាព្រឹកថ្ងៃចន្ទ ២រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែធ្នូ ឆ្នាំ២០១៨នេះ ឯកឧត្តមបណ្ឌិតសភាចារ្យ សុខ ទូច បានដឹកនាំអង្គប្រជុំថ្នាក់ដឹកនាំនិងមន្ត្រីនៃរាជបណ្ឌិត្យសភាកម្ពុជាទាំងអស់ ដើម្បីតាមដាន និងពិនិត្យអំពីសកម្មភាពការងារ និងសកម្មភាពដែលត្រូវអនុវត្តនាឆ្នាំបន្ទាប់នៅតាមវិទ្យាស្ថាន និងស្ថាប័នឧបសម្ព័ន្ធនានា។

ឯកឧត្តមបណ្ឌិតសភាចារ្យ សុខ ទូច បានមានប្រសាសន៍ថា ជំរុញលើកទឹកចិត្តដល់វិទ្យាស្ថាននានា ពិនិត្យមើលធនធានជំនាញៗមានសមត្ថភាពធ្វើការងារ មិនថាតែជាមន្ត្រីចូលនិវត្តន៍ ឬជាធនធានវ័យក្មេងនោះទេ សំខាន់មានសមត្ថភាព និងមានបំណងបម្រើការងារជូនជាតិ វិទ្យាស្ថានអាចដាក់សំណើបេក្ខភាពមករាជបណ្ឌិត្យសភាកម្ពុជា ដើម្បីពិនិត្យលទ្ធភាពក្នុងការស្នើសុំតែងតាំង ជាទីប្រឹក្សាឬជំនួយការរាជបណ្ឌិត្យសភាកម្ពុជា ហើយទីប្រឹក្សា ឬជំនួយការដែលទទួលបានការតែងតាំង នឹងត្រូវទៅបម្រើការនៅវិទ្យាស្ថាន ឬស្ថាប័ននោះវិញ។ ឯកឧត្តមបណ្ឌិតសភាចារ្យ បានបញ្ជាក់ថា រហូតមកទល់ពេលនេះ មានតែស្ថាប័នពីរប៉ុណ្ណោះរបស់ជាតិ ដែលមិនទាន់មានស្នើសុំការតែងតាំងទីប្រឹក្សា ឬ ជំនួយការ គឺក្រសួងអប់រំ យុវជន និងកីឡា និងរាជបណ្ឌិត្យសភាកម្ពុជា។

ខាងក្រោមនេះ ជាប្រសាសន៍សំខាន់ៗមួយចំនួន ដែលឯកឧត្តមបណ្ឌិតសភាចារ្យ ប្រធានរាជបណ្ឌិត្យសភាកម្ពុជា បានលើកឡើងនាឱកាសកិច្ចប្រជុំរួមកាលពីព្រឹកមិញនេះ មានដូចខាងក្រោម៖

សម្រាប់ឆ្នាំ២០១៩ ខាងមុខនេះ វិទ្យាស្ថានស្រាវជ្រាវអាស៊ីនៃរាជបណ្ឌិត្យសភាកម្ពុជា នឹងត្រូវប្រកាសអំពីគម្រោងស្រាវជ្រាវ ហើយមន្ត្រីរាជបណ្ឌិត្យសភាកម្ពុជា មានអាទិភាពក្នុងការលើកសំណើគម្រោងយកថវិកាពីវិទ្យាស្ថានស្រាវជ្រាវអាស៊ី។ ចំណែកអាហារូបករណ៍សិក្សាស្រាវជ្រាវរយៈពេលខ្លី ៦ខែ សម្រាប់អ្នកមានសញ្ញាបត្របណ្ឌិត ដែលទទួលបានពីប្រទេសកូរ៉េ ក៏នឹងត្រូវបើកទូលាយផ្សព្វផ្សាយដល់សាធារណជនទូទៅផងដែរ ដើម្បីរួមចំណែកជំរុញការពង្រឹងសមត្ថភាពស្រាវជ្រាវរបស់បញ្ញវន្តខ្មែរ។
វិទ្យាស្ថានភាសាជាតិ ត្រូវរៀបចំការបោះពុម្ពកម្មវិធីបង្រៀនភាសាខ្មែរសម្រាប់ជនបរទេស ឱ្យបានឆាប់រហ័ស។
មជ្ឈមណ្ឌលសិក្សាចិន ត្រូវដើរតួនាទីស្នូលសំខាន់ ទំនាក់ទំនង ចាប់ដៃគូសហប្រតិបត្តិការជាមួយសាកលវិទ្យាល័យល្បីៗ ដូចជាសាកលវិទ្យាល័យប៉េកាំង ដើម្បីរៀបចំធ្វើវចនានុក្រមខ្មែរ-ចិន ដោយសហការជាមួយវិទ្យាស្ថានភាសាជាតិ, សហការជាមួយវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម ដើម្បីចាប់ដៃគូជាមួយសាកលវិទ្យាល័យគុនមីង សហការលើផ្នែកវេជ្ជសាស្ត្រ។ ជារួម មជ្ឈមណ្ឌលសិក្សាចិន នឹងចាប់ដៃគូសហការជាមួយវិទ្យាស្ថានជំនាញរបស់រាជបណ្ឌិត្យសភាកម្ពុជា ដើម្បីបន្តចាប់ដៃគូជាមួយសាកលវិទ្យាល័យល្បីៗរបស់សាធារណរដ្ឋប្រជាមានិតចិន។ រាជបណ្ឌិត្យសភាកម្ពុជា នឹងជំរុញការរៀបចំការបណ្តុះបណ្តាលបរិញ្ញាបត្រជាន់ខ្ពស់ភាសាចិន ដោយមានការគាំទ្រពីសាកលវិទ្យាល័យល្បីៗពីប្រទេសចិន នៅឆ្នាំ២០១៩ ខាងមុខនេះ។
អាហារូបករណ៍ទាំងអស់ដែលរាជបណ្ឌិត្យសភាកម្ពុជា ទទួលបានពីដៃគូសហប្រតិបត្តិការ នឹងធ្វើការប្រកាសជាសាធារណៈ ហើយរាជបណ្ឌិត្យសភាកម្ពុជា ដែលមានវិទ្យាស្ថានខុងជឺ នឹងទទួលធ្វើការបណ្តុះបណ្តាលជំនាញភាសាចិន មុននឹងបញ្ជូននិស្សិតអាហារូបករណ៍ទៅសិក្សានៅសាកលវិទ្យាល័យដៃគូនានា។
ការអភិវឌ្ឍនៅតំបន់ឧទ្យានជាការងារអទិភាពមួយដែលរាជបណ្ឌិត្យសភាកម្ពុជា កំពុងដុតដៃដុតជើងជំរុញសកម្មភាពការងារឱ្យកាន់តែមានប្រសិទ្ធភាព។ ឧទ្យានរាជបណ្ឌិត្យសភាកម្ពុជា នឹងបង្កើតឱ្យជាច្បាប់ដាច់ដោយឡែកមួយសម្រាប់ការពារធនធានធម្មជាតិដែលមាននៅក្នុងឧទ្យាន ហើយនិងធ្វើការអប់រំណែនាំ ផ្សព្វផ្សាយដល់ប្រជាពលរដ្ឋដែលអាស្រ័យផលក្នុងឧទ្យានឱ្យបានយល់ពីអត្ថប្រយោជន៍របស់សម្បត្តិធម្មជាតិ និងអំពីបេសកកម្ម និងបទប្បញ្ញត្តិផ្សេងៗដែលឧទ្យានត្រូវអនុវត្តនាពេលខាងមុខ៕

RAC Media

អត្ថបទទាក់ទង

ស្ថានភាពកូវីដ-១៩ នៅកម្ពុជានិងបញ្ហាប្រឈមនានា ដោយ៖ លោក ធន ឆាយពិសិដ្ឋ នាយកដ្ឋាននយោបាយអន្តរជាតិនិងសន្តិសុខអន្តរជាតិ នៃវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

កូវីដ-១៩ ជាឈ្មោះវីរុសកូរ៉ូណាប្រភេទថ្មី ដែលមកទល់ពេលនេះបានចម្លងរាលដាលស្ទើរតែពេញពិភពលោកទាំងមូល ដោយមានចំនួនអ្នកឆ្លងជាងប្រាំសែននាក់ និងស្លាប់ដល់ទៅជាងពីរម៉ឺននាក់ឯណោះ។ ដើមឡើយមេរោគនេះ គេថាចេញប្រភពមកពីប្រទេស...

ថ្ងៃសៅរ៍, 28 មីនា 2020 ម៉ោង 01:05 PM

នយោបាយភាសា ៖ បរិបទ កម្ពុជា សិង្ហបុរី និង ចិន politics of language: Context in Cambodia, Singapore and China ដោយ៖ បណ្ឌិត វង្ស មេង អនុប្រធានវិទ្យាស្ថានភាសាជាតិនៃរាជបណ្ឌិត្យសភាកម្ពុជា

ថ្ងៃសុក្រ, 27 មីនា 2020 ម៉ោង 12:19 PM

ហេតុអ្វីបានជាលោក ពូទីនមិនអាចចូលនិវត្តន៍បាន? លោកមានសត្រូវច្រើន និងមានមិត្តភក្តិជិស្និទ្ធជាច្រើនទៀតដែលត្រូវពឹងផ្អែកលើរូបលោក ប្រែសម្រួលដោយ៖ លោក ហ៊ាន ស្រស់

បន្ទាប់ពីក្លាយជាប្រធានាធិបតីក្នុងឆ្នាំ២០០០ ដែលពេលនោះ លោក Vladimir Putin ទើបតែមានអាយុ៤៨ឆ្នាំ ប្រធានាធិបតិរូបនេះបានសញ្ជឹងគិតថា តើថ្ងៃណាមួយ តើគាត់នឹងចាកចេញពីមុខតំណែងដោយរបៀបណា? កំពុងជិះឡានប្រធានាធិបតីពេញទ...

ថ្ងៃពុធ, 25 មីនា 2020 ម៉ោង 05:27 PM

«ស្ថានភាពទំនាក់ទំនងអ៊ីរ៉ង់ និងសហរដ្ឋអាម៉េរិក» ដោយ ៖ បណ្ឌិត តឹក មេង នាយកដ្ឋានសិក្សាអាម៉េរិក អាម៉េរិកឡាទីន និងអូសេអានី

អ៊ីរ៉ង់ និងសហរដ្ឋអាម៉េរិក បានចាប់ផ្តើមមានទំនាក់ទំនងនឹងគ្នានៅឆ្នាំ១៩៥៣ តែទំនាក់ទំនងនេះពុំសូវមានភាពល្អូកល្អើននឹងគ្នាប៉ុន្មានទេ។ ក្រោយពីបដិវត្តន៍អ៊ិស្លាម អ៊ីរ៉ង់ទទួលបានជោគជ័យលើរបបស្តេច មហាម៉េដ រីហ្សា ផាហ...

ថ្ងៃពុធ, 25 មីនា 2020 ម៉ោង 04:30 PM

«ការរាតត្បាតនៃកូវីដ-១៩ ជះឥទ្ធិពលដល់សហគមន៍នយោបាយ-សន្តិសុខអាស៊ាន» ដោយ៖ លោក ឯម សុវណ្ណរ៉ា នាយកដ្ឋាននយោបាយ និងសន្តិសុខអន្តរជាតិ វិទ្យាស្ថានទំនាក់ទំនងអន្តរជាតិកម្ពុជា

នៅថ្ងៃទី៨ ខែសីហា ឆ្ឆាំ១៩៦៧ រដ្ឋចំនួនប្រាំបានបង្កើតអង្គការតំបន់មួយឈ្មោះថា សមាគមប្រជាជាតិអាស៊ីអាគេ្នយ៍ហៅកាត់ ថា អាស៊ាន នៅទីក្រុងបាងកក ប្រទេសថៃ។ តាមរយៈការប្រកាសជាផ្លូវការនូវសេចក្តីថ្លែងការអាស៊ាន។ អង្គការ...

ថ្ងៃអង្គារ, 24 មីនា 2020 ម៉ោង 06:18 PM

«ការអនុវត្តកិច្ចព្រមព្រៀងពាណិជ្ជកម្មអាម៉េរិក-ចិនដំណាក់កាលទី១» ដោយ៖ បណ្ឌិត ឈឹម ផាន់ណា នាយកដ្ឋានសេដ្ឋកិច្ចអន្តរជាតិ វិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា

សហរដ្ឋអាម៉េរិកគឺជាប្រទេសមហាអំណាចសេដ្ឋកិច្ចជាប់ចំណាត់ថ្នាក់លេខ១ ឯប្រទេសចិនជាប្រទេសមហាអំណាចសេដ្ឋកិច្ចជាប់ចំណាត់ថ្នាក់លេខ២នៅលើពិភពលោក។ ប្រទេសទាំងពីរតែងតែមានការប្រកួតប្រជែងខាងទីផ្សារពាណិជ្ជកម្ម ដែលចង់ឆ្ពោ...

ថ្ងៃអង្គារ, 24 មីនា 2020 ម៉ោង 05:51 PM

រាជបណ្ឌិត្យសភាកម្ពុជា

ព័ត៌មាន

«កិច្ចប្រជុំផ្ទៀងផ្ទាត់ការងារបញ្ចប់ឆ្នាំ២០១៨»

អត្ថបទទាក់ទង

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម