Royal Academy of Cambodia
នៅព្រឹកថ្ងៃសុក្រ ១កើត ខែទុតិយសាឍ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១៣ ខែកក្កដា ឆ្នាំ២០១៨ រាជបណ្ឌិត្យសភាកម្ពុជាបានរៀបចំវេទិកាចំហស្តីពី «សក្តានុពល និងបញ្ហាប្រឈមនៃការវិនិយោគនៅកម្ពុជា» ដោយមានការចូលរួមពីថ្នាក់ដឹកនាំ មន្ត្រីរាជការ និស្សិត និងកម្មសិក្សាការីមកពីសាលាភូមិន្ទរដ្ឋបាល សរុបចំនួន ១៤៦នាក់។
ឯកឧត្តមបណ្ឌិតសភាចារ្យ សោម សុមុនី ប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា បានថ្លែងពី ការរីកចម្រើនរបស់ប្រទេសមួយគេតែងសំឡឹងទៅលើកត្តាបួន គឺ ច្បាប់ នយោបាយ ហេដ្ឋារចនាសម្ព័ន្ធ និងផលិតកម្ម។ វិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា បានរួមចំណែកក្នុងការអភិវឌ្ឍសង្គមជាមួយរាជរដ្ឋាភិបាល តាមរយៈការប្រឹងប្រែងបំពេញការងារតាមភារកិច្ចនិងតួនាទីរបស់ខ្លួន។
ទន្ទឹមគ្នានោះដែរ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានអញ្ជើញជាអធិបតីក្នុងការបើកកម្មវិធីនោះ ដោយបានថ្លែងបញ្ជាក់ថា ការវិនិយោគបាននាំឱ្យមានការងារ និងចង្វាក់ផលិតកម្មនៅក្នុងប្រទេស។ ការវិនិយោគត្រូវពឹងផ្អែកលើកត្តាបី គឺ (១) សេដ្ឋកិច្ចពឹងផ្អែកលើចំណេះដឹង, (២) សេដ្ឋកិច្ចពឹងផ្អែកលើផលិតផល និង (៣)សេដ្ឋកិច្ចពឹងផ្អែកលើសក្តានុពលនៃបច្ចេកវិជ្ជា។
ឯកឧត្តម បញ្ជាក់ថែមថា សេដ្ឋកិច្ចកម្ពុជា បច្ចុប្បន្ននេះ ពឹងផ្អែកខ្លាំងលើ ចំណេះដឹង និងផលិតផល។ អ្នកទេសចរម្នាក់ ដែលមកទស្សនានៅកម្ពុជា បានចំណាយច្រើន ហើយយើងត្រូវរិះគិតថា យើងត្រូវទាក់ទាញអ្នកទេសចរឱ្យបានច្រើនដោយរបៀបណា? ការពឹងផ្អែកលើទេសចរធម្មជាតិ ឬទេសចរវប្បធម៌ គឺមិនទាន់គ្រប់គ្រាន់នោះទេ។ សូមក្រឡេកទៅមើល ប្រទេសសិង្ហបុរី ប្រទេសតូច ខ្សត់ធនធានធម្មជាតិ តែគេអាចទាក់ទាញទេសចរមកបានច្រើន គឺដោយសារអី? គឺសិង្ហបុរី បានបង្កើតឡើងតំបន់ទេសចរសិប្បនិមិត្ត។ ដូច្នេះ កម្ពុជាយើង ក៏ត្រូវគិតគូរពីបញ្ហានេះដែរ។
ឆ្លៀតឱកាសនោះដែរ ឯកឧត្តមបណ្ឌិតសភាចារ្យ បានសំណូមពរឱ្យអ្នកចូលរួមទាំងអស់ លើកឡើងនូវសំណួរ ដើម្បីឱ្យវាគ្មិនកិត្តិយស បានស្រាយបំភ្លឺ និងដើម្បីវេទិកាពិភាក្សានេះ កាន់តែផុសផុលឡើង។សូមបញ្ជាក់ដែរថា វេទិកាពិភាក្សានេះ ជាផ្នែកមួយនៃការអនុវត្តគម្រោងស្រាវជ្រាវឆ្នាំ២០១៨ របស់លោកបណ្ឌិត គី សេរីវឌ្ឍន៍ អនុប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា អំពីសក្តានុពល និងបញ្ហាប្រឈម នៃការវិនិយោគនៅកម្ពុជា។
RAC Media
កាលពីទី០១ ខែកុម្ភៈ ឆ្នាំ២០១៩ កន្លងទៅនេះ ឯកឧត្តម សូត្រ សំណាង ប្រតិភូរាជបណ្ឌិត្យសភាកម្ពុជា បានដឹកនាំក្រុមការងារ និងសិក្ខាកាមទាំង៧នាក់ទៅចូលរួមវគ្គបណ្តុះបណ្តាលជំនាញនៅកសិដ្ឋានចិញ្ចឹមគោវ៉ាងណាំយិន នៅខេត្តស្...
ភ្នំពេញ៖ គម្រោងអភិវឌ្ឍន៍វារីវប្បកម្ម សម្រាប់និរន្តភាពពាណិជ្ជកម្មនៅកម្ពុជានេះ ទទួលបានការគាំទ្រនូវថវិកាចំនួនជាង១៧លានដុល្លារអាម៉េរិកពីរដ្ឋាភិបាលសហរដ្ឋអាម៉េរិក ដើម្បីបង្កើន និងអភិវឌ្ឍន៍វារីវប្បកម្មទឹកសាបន...
ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបជាមួយឯកឧត្តមបណ្ឌិត Kim Jae Youl ដែលជាទីប្រឹក្សានៃក្រុមហ៊ុន S.K. នៃប្រទេសកូរ៉េខាងត្បូង និងជាទីប្រឹក្សារាជបណ្ឌិត្យសភាកម្ពុជា ដែលបានអញ...
បើយោងតាមអនុក្រឹត្យលេខ០៣ អនក្រ.បក ចុះថ្ងៃទី៨ ខែមករា ឆ្នាំ២០១៤ ស្ដីពីការបង្កើតខណ្ឌបឹងកេងកង ប្រមុខរាជរដ្ឋាភិបាល បានសម្រេចបំបែកខណ្ឌចំការមន ដោយកាត់យកសង្កាត់ចំនួន៧ ដើម្បីបង្កើតខណ្ឌថ្មីមួយ គឺខណ្ឌបឹងកេងកង។ នៅ...