ព័ត៌មាន

ជំនួបរវាងអគ្គលេខាធិការ និងអតីតប្រធានវិទ្យាស្ថានខុងជឺ ហាន់ប៉ាន់

ថ្ងៃសុក្រ, 14 ធ្នូ 2018 ម៉ោង 01:38 PM

អ្នកមើល 9947

កាលពីព្រឹកម៉ិញនេះ នៅវេលាព្រឹកម៉ោង៩:00 ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានទទួលជួបជាមួយគណៈប្រតិភូចិនជាន់ខ្ពស់ចិនចំនួន៥រូប មកពីក្រុមប្រឹក្សារដ្ឋចិន។ លោកស្រី Xu Lin អតីតនាយកប្រតិបត្តិស្នាក់ការកណ្តាលនៃវិទ្យាស្ថានខុងជឺ ហាន់ប៉ាន់ ហើយបច្ចុប្បន្នជាទីប្រឹក្សាក្រុមប្រឹក្សារដ្ឋចិន, សមាជិក CPC ជាប្រធានគណៈប្រតិភូ ដឹកនាំក្រុមការងារចំនួន ៤រូប មកក្នុងជំនួបនាព្រឹកនេះ។

សូមបញ្ជាក់ដែរថា កិច្ចសហប្រតិបត្តិការរវាងរាជបណ្ឌិត្យសភាកម្ពុជា និងវិទ្យាស្ថានខុងជឺ ទីស្នាក់ការកណ្តាលហាន់ប៉ាន់ គឺរាប់ចាប់តាំងពីការចុះកិច្ចព្រមព្រៀងជាមួយវិទ្យាស្ថានខុងជឺ ហាន់ប៉ាន់ បង្កើតវិទ្យាស្ថានខុងជឺនៃរាជបណ្ឌិត្យសភាកម្ពុជា នៅថ្ងៃទី១២ ខែសីហា ឆ្នាំ២០០៩។ បន្ទាប់មក វិទ្យាស្ថានខុងជឺនៃរាជបណ្ឌិត្យសភាកម្ពុជា ត្រូវបានសម្ភោធន៍ជាផ្លូវការនៅថ្ងៃទី២២ ខែធ្នូ ឆ្នាំ២០០៩ ក្រោមអធិបតីភាពឧបនាយករដ្ឋមន្ត្រី សុខ អាន និងឯកឧត្តម ស៊ី ជីនភីង។

រាជបណ្ឌិត្យសភាកម្ពុជា បានពង្រីកសាខារបស់ខ្លួនបានចំនួន២៤ទីតាំង គ្របដណ្តប់នៅក្នុង១២ខេត្ត-ក្រុង ក្នុងនោះមានបែងចែកជាសមិទ្ធផលនៃកិច្ចសហប្រតិបត្តិការជាមួយវិទ្យាស្ថានខុងជឺ ហាន់ប៉ាន់ ដូចខាងក្រោម៖

ថ្ងៃទី១២ ខែសីហា ឆ្នាំ២០០៩ លោកជំទាវបណ្ឌិតសភាចារ្យ ខ្លូត ធីតា និងលោកជំទាវ ស៊ី លីនបានចុះកិច្ចព្រមព្រៀងក្នុងការបង្កើត “វិទ្យាស្ថានខុងជឺនៃរាជបណ្ឌិត្យសភាកម្ពុជា” នៅទីក្រុងប៉េកាំង។

ថ្ងៃទី២២ ខែធ្នូ ឆ្នាំ២០០៩ វិទ្យាស្ថានខុងជឺនៃរាជបណ្ឌិត្យសភាកម្ពុជា ត្រូវបានសម្ពោធជាផ្លូវការ ក្រោមអធិបតីភាព ឧបនាយករដ្ឋមន្ត្រី សុខ អាន និង ឯកឧត្តម ស៊ី ជីនភីង។

ចាប់ពីឆ្នាំ២០០៩ ដល់២០១៨ វិទ្យាស្ថានខុងជឺនៃរាជបណ្ឌិត្យសភាកម្ពុជា មានសិស្សសរុបជាង ៨ម៉ឺន និងវិទ្យាស្ថានខុងជឺនៃរាជបណ្ឌិត្យសភាកម្ពុជា មានគ្រូស្ម័គ្រចិត្តសរុប ៥២៦នាក់ (គ្រូឯកទេស ១៣៤នាក់ និងគ្រូស្ម័គ្រចិត្ត ៣៩២នាក់)។

បើកវគ្គសិក្សាភាសាចិន ដោយមានសិស្សចូលរួមប្រមាណជា ១៤០០នាក់ នៅវិទ្យាស្ថានខុងជឺនៃរាជបណ្ឌិត្យសភាកម្ពុជា (សិស្សចំនួន១២៤នាក់ទទួលបានអាហារូបករណ៍១០០% និងសិស្សចំនួន២៦នាក់ ទទួលបានអាហារូបករណ៍៥០%)

បច្ចុប្បន្ន នៅគ្រប់សាខាទាំង២៤ទីតាំង មានគ្រូបបង្រៀនជាជនជាតិចិន សរុបចំនួន ៧៥នាក់ (បូករួមនាយកចិន១នាក់ គ្រូឯកទេស១៩នាក់ គ្រូស្ម័គ្រចិត្ត៥៥នាក់) ក្នុងនោះដែរ គ្រូបបង្រៀនជាជនជាតិចិន នៅវិទ្យាស្ថានខុងជឺនៃរាជបណ្ឌិត្យសភាកម្ពុជា សរុបចំនួន២២នាក់ (គ្រូស្ម័គ្រចិត្តចំនួន១៨នាក់ និងគ្រូឯកទេសចំនួន ៤នាក់)

វិទ្យាស្ថានខុងជឺនៃរាជបណ្ឌិត្យសភាកម្ពុជា ទទួលបានងារជាវិទ្យាស្ថានគំរូ និងបុគ្គល៖

ឆ្នាំ២០១១ ឆ្នាំ២០១៣ ឆ្នាំ២០១៦ វិទ្យាស្ថានខុងជឺនៃរាជបណ្ឌិត្យសភាកម្ពុជាទទួលបានងារជាវិទ្យាស្ថានគំរូ
ឆ្នាំ២០១០ លោក វ័ង ស៊ានមាវ នាយកភាគីចិន ទទួលបានងារជានាយកឆ្នើម
ឆ្នាំ២០១២ ឯកឧត្តមបណ្ឌិត ជា មុនីឫទ្ធិ នាយកភាគីកម្ពុជា ទទួលបានងារជានាយកឆ្នើម
ឆ្នាំ២០១៥ ឯកឧត្តមបណ្ឌិត ជា មុនីឫទ្ធិ នាយកភាគីកម្ពុជា ទទួលបានងារជានាយកឆ្នើម
ឆ្នាំ២០១៧ លោក ចាវ អ៊ី គ្រូឯកទេសភាសាចិន ទទួលបានងារជាគ្រូឆ្នើម
ឆ្នាំ២០១៨ លោក លាវ ចិន គ្រូឯកទេសភាសាចិន ទទួលបានងារជាគ្រូឆ្នើម

RAC Media

អត្ថបទទាក់ទង

ប្រព័ន្ធធារាសាស្រ្តនៅតំបន់លង្វែក ដោយ៖ បណ្ឌិត ផុន កសិកា, លោក ឡេង វិទូ, កញ្ញា តាកេត ស័កដា, លោក សួ ប៉ុណ្ណារ៉ាត់- កាលិកបត្រស្រាវជ្រាវមនុស្សសាស្ត្រ និងវិទ្យាសាស្ត្រសង្គម ១(២) ខែធ្នូ ឆ្នាំ២០២២-

....សូមចូលអានខ្លឹមសារបន្ថែមដោយទាញយកកាលិកបត្រ និងមានអត្ថបទជាច្រើនទៀត តាមរយៈគេហទំព័រផ្លូវការបស់រាជបណ្ឌិត្យសភាកម្ពុជាដូចខាងក្រោម៖http://rac.gov.kh/researchs-categories/12/researchs#main-container

ថ្ងៃពុធ, 01 កុម្ភៈ 2023 ម៉ោង 02:35 PM

គុណតម្លៃនៃអំណាន (The Value of Reading) ដោយ៖ លោក ប៉ាន់ សំណាង មន្ដ្រីនាយកដ្ឋានវិទ្យាសាស្ដ្រអប់រំ នៃវិទ្យាស្ថានមនុស្សសាស្ដ្រនិងវិទ្យាសាស្ដ្រសង្គម

បច្ចុប្បន្ន បច្ចេកវិទ្យាមានការរីកចម្រើនខ្លាំង សិស្សានុសិស្សមួយចំនួន មិនសូវមានការចាប់អារម្មណ៍ក្នុងការកាន់សៀវភៅទេ ដោយពួកគេចូលចិត្តកាន់ទូរសព្ទច្រើនជាង។ ការធ្វើអំណានសម្រាប់អ្នកសិក្សារៀនសូត្រ ជាការចាំបាច់...

ថ្ងៃពុធ, 01 កុម្ភៈ 2023 ម៉ោង 02:09 PM

ហេតុអ្វីបស្ចិមប្រទេសព្រួយបារម្ភចំពោះការលេចត្រដែតរបស់ចិន? ដោយ៖ លឹម សុវណ្ណរិទ្ធ

ក្រោយពីសាធារណរដ្ឋប្រជាមានិតចិន ត្រូវបានបង្កើតនៅឆ្នាំ១៩៤៩ ប្រទេសនេះបានប្រកាន់យកនូវសេដ្ឋកិច្ចបែបផែនការ ដែលរដ្ឋគ្រប់គ្រងទៅលើសកម្មភាពសេដ្ឋកិច្ចទាំងអស់របស់ប្រទេស រហូតដល់ឆ្នាំ១៩៧៨ ដែលបិតាសេដ្ឋកិច្ចប្រទេសចិន...

ថ្ងៃពុធ, 01 កុម្ភៈ 2023 ម៉ោង 01:47 PM

សេចក្ដីប្រកាសព័ត៌មាន របស់រាជរដ្ឋាភិបាលកម្ពុជា ស្ដីពីវិធានការបន្ថែមសម្រាប់បន្តគ្រប់គ្រងផលប៉ះពាល់ និងគាំទ្រការងើបឡើងវិញនៃវិស័យទេសចរណ៍នៅព្រះរាជាណាចក្រកម្ពុជា

ថ្ងៃអង្គារ, 31 មករា 2023 ម៉ោង 02:46 PM

រាជបណ្ឌិត្យសភាកម្ពុជានឹងរៀបចំបាឋកថាស្តីពី៖“ប្រវត្តិសាស្ត្រប្រទេសកម្ពុជា៖ «ពីអង្គរទៅអង្គការ (The History of Cambodia: From Angkor to Angkar)»

រាជបណ្ឌិត្យសភាកម្ពុជា មានកិត្តិយសសូមគោរពជម្រាបជូនសាធារណជន និងប្រព័ន្ធផ្សព្វផ្សាយនានា មេត្តាជ្រាបថា រាជបណ្ឌិត្យសភាកម្ពុជានឹងរៀបចំបាឋកថាស្តីពី៖ «ប្រវត្តិសាស្ត្រប្រទេសកម្ពុជា៖ ពីអង្គរទៅអង្គការ (The Histo...

ថ្ងៃអង្គារ, 31 មករា 2023 ម៉ោង 10:32 AM

«កម្មវិធីសិក្ខាសាលាលើកទី១ របស់បេក្ខជនបណ្ឌិត យ៉ា សារុន»

រាជបណ្ឌិត្យសភាកម្ពុជា មានកិត្តិយសសូមជម្រាបជូនដល់សាធារណជន និស្សិត និងបេក្ខជនបណ្ឌិត ដែលកំពុងសិក្សានិងស្រាវជ្រាវ នៅរាជបណ្ឌិត្យសភាកម្ពុជា មេត្តាជ្រាបថា រាជបណ្ឌិត្យសភាកម្ពុជានឹងរៀបចំពិធី នឹងរៀបចំ សិក្ខាសាល...

ថ្ងៃអង្គារ, 31 មករា 2023 ម៉ោង 10:23 AM

រាជបណ្ឌិត្យសភាកម្ពុជា

ព័ត៌មាន

ជំនួបរវាងអគ្គលេខាធិការ និងអតីតប្រធានវិទ្យាស្ថានខុងជឺ ហាន់ប៉ាន់

អត្ថបទទាក់ទង

ហេតុអ្វីបស្ចិមប្រទេសព្រួយបារម្ភចំពោះការលេចត្រដែតរបស់ចិន? ដោយ៖ លឹម សុវណ្ណរិទ្ធ

«កម្មវិធីសិក្ខាសាលាលើកទី១ របស់បេក្ខជនបណ្ឌិត យ៉ា សារុន»

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម