សូមបញ្ជាក់ដែរថា កិច្ចសហប្រតិបត្តិការរវាងរាជបណ្ឌិត្យសភាកម្ពុជា និងវិទ្យាស្ថាន​ខុងជឺ ទីស្នាក់ការកណ្តាលហាន់ប៉ាន់ គឺរាប់ចាប់តាំងពីការចុះកិច្ចព្រមព្រៀងជាមួយវិទ្យាស្ថានខុងជឺ ហាន់ប៉ាន់ បង្កើត​វិទ្យាស្ថានខុងជឺនៃរាជបណ្ឌិត្យសភាកម្ពុជា នៅថ្ងៃទី១២ ខែសីហា ឆ្នាំ២០០៩។ បន្ទាប់មក វិទ្យាស្ថានខុងជឺនៃរាជបណ្ឌិត្យ​សភាកម្ពុជា  ត្រូវបានសម្ភោធន៍ជាផ្លូវការនៅថ្ងៃទី២២ ខែធ្នូ ឆ្នាំ២០០៩ ក្រោមអធិបតីភាពឧបនាយករដ្ឋមន្ត្រី សុខ អាន និងឯកឧត្តម ស៊ី ជីនភីង។

• ថ្ងៃទី១២ ខែសីហា ឆ្នាំ២០០៩  លោកជំទាវបណ្ឌិតសភាចារ្យ ខ្លូត ធីតា និងលោកជំទាវ ស៊ី លីនបានចុះកិច្ចព្រមព្រៀងក្នុងការបង្កើត “វិទ្យាស្ថានខុងជឺនៃរាជបណ្ឌិត្យសភាកម្ពុជា” នៅទីក្រុងប៉េកាំង។
  

• ថ្ងៃទី២២ ខែធ្នូ ឆ្នាំ២០០៩ វិទ្យាស្ថានខុងជឺនៃរាជបណ្ឌិត្យសភាកម្ពុជា ត្រូវបានសម្ពោធជាផ្លូវការ ក្រោមអធិបតីភាព ឧបនាយករដ្ឋមន្ត្រី សុខ អាន និង ឯកឧត្តម ស៊ី ជីនភីង។

• ចាប់ពីឆ្នាំ២០០៩ ដល់២០១៨ វិទ្យាស្ថានខុងជឺនៃរាជបណ្ឌិត្យសភាកម្ពុជា មានសិស្សសរុបជាង ៨ម៉ឺន ​និងវិទ្យាស្ថានខុងជឺនៃរាជបណ្ឌិត្យសភាកម្ពុជា មានគ្រូស្ម័គ្រចិត្តសរុប ៥២៦នាក់ (គ្រូឯកទេស ១៣៤នាក់ និងគ្រូស្ម័គ្រចិត្ត ៣៩២នាក់)។

• បើកវគ្គសិក្សាភាសាចិន ដោយមានសិស្សចូលរួម​ប្រមាណជា ១៤០០នាក់ នៅវិទ្យាស្ថានខុងជឺនៃរាជបណ្ឌិត្យ​សភាកម្ពុជា (សិស្សចំនួន១២៤នាក់ទទួលបានអាហារូបករណ៍១០០% និងសិស្សចំនួន២៦នាក់ ទទួលបានអាហារូបករណ៍៥០%) 

• បច្ចុប្បន្ន​ នៅគ្រប់សាខាទាំង២៤ទីតាំង មានគ្រូបបង្រៀនជាជនជាតិចិន សរុបចំនួន ៧៥នាក់ (បូករួមនាយកចិន១នាក់ គ្រូឯកទេស១៩នាក់ គ្រូស្ម័គ្រចិត្ត៥៥នាក់) ក្នុងនោះដែរ គ្រូបបង្រៀនជាជនជាតិចិន នៅវិទ្យាស្ថានខុងជឺនៃរាជបណ្ឌិត្យសភាកម្ពុជា សរុបចំនួន២២នាក់ (គ្រូស្ម័គ្រចិត្តចំនួន១៨នាក់ និងគ្រូឯកទេសចំនួន ៤នាក់)

• ឆ្នាំ២០១១ ឆ្នាំ២០១៣ ឆ្នាំ២០១៦ វិទ្យាស្ថានខុងជឺនៃរាជបណ្ឌិត្យសភាកម្ពុជាទទួលបានងារជាវិទ្យាស្ថានគំរូ
• ឆ្នាំ២០១០ លោក វ័ង ស៊ានមាវ នាយកភាគីចិន ទទួលបានងារជានាយកឆ្នើម
• ឆ្នាំ២០១២ ឯកឧត្តមបណ្ឌិត ជា មុនីឫទ្ធិ នាយកភាគីកម្ពុជា ទទួលបានងារជានាយកឆ្នើម
• ឆ្នាំ២០១៥ ឯកឧត្តមបណ្ឌិត ជា មុនីឫទ្ធិ នាយកភាគីកម្ពុជា ទទួលបានងារជានាយកឆ្នើម
• ឆ្នាំ២០១៧ លោក ចាវ អ៊ី គ្រូឯកទេសភាសាចិន ទទួលបានងារជាគ្រូឆ្នើម
• ឆ្នាំ២០១៨ លោក លាវ ចិន គ្រូឯកទេសភាសាចិន ទទួលបានងារជាគ្រូឆ្នើម​