ព័ត៌មាន

«ការគ្រប់គ្រងបម្រែបម្រួលដើម្បីអនាគតប្រកបដោយនិរន្តភាព៖បន្តការផ្តល់សេវាហិរញ្ញវត្ថុដែលមានឥទ្ធិពលវិជ្ជមាន»

ថ្ងៃសុក្រ, 14 ធ្នូ 2018 ម៉ោង 12:15 PM

អ្នកមើល 10636

សៀមរាប៖ មន្ត្រីលេខាធិការដ្ឋានក្រុមប្រឹក្សាបណ្ឌិតសភាចារ្យ ពីររូប គឺកញ្ញា ម៉ៅ សុគន្ធា និងលោក មឿង ចំរើន បានទទួលការចាត់តាំងពីឯកឧត្តមបណ្ឌិតសភាចារ្យ សុខ ទូច តាមការអញ្ជើញ នៅក្នុងកម្មវិធីសន្និសីទមីក្រូហិរញ្ញវត្ថុប្រចាំ២០១៨របស់សមាគន៍មីក្រូហិរញ្ញវត្ថុនៃកម្ពុជាដែលប្រព្រឹត្តទៅរយៈពេលមួយថ្ងៃពេញនៅសណ្ឋាគារ សុខាល័យ ក្រុងសៀមរាប ថ្ងៃទី១៤ ខែធ្នូ ឆ្នាំ២០១៨។

ការគ្រប់គ្រងបម្រែបម្រួលដើម្បីអនាគតប្រកបដោយនិរន្តភាព៖បន្តការផ្តល់សេវាហិរញ្ញវត្ថុដែលមានឥទ្ធិពលវិជ្ជមាន គឺជាប្រធានបទមួយដែលត្រូវបានលើកយកទៅពិភាក្សា ក្នុងចំណោមតំណាងពីធនាគារជាតិ អ្នកជំនាញពីស្ថាប័នឥណទានខ្នាតតូច ដោយលើកយកពីការផ្តល់ឥណទានកាលពីអតីតកាលដើម្បីបង្កើត គម្រូថ្មី តួអង្គថ្មី និង សិក្សាពីផលប៉ះពាល់ថ្មីដែលអាចនឹងកើតមាន ព្រមទាំងការគ្រប់គ្រងហានិភ័យនិងច្បាប់ដែលរដ្ឋាភិបាលដាក់ចេញ នៅក្នុងកម្មវិធីសន្និសីទមីក្រូហិរញ្ញវត្ថុប្រចាំ២០១៨របស់សមាគន៍មីក្រូហិរញ្ញវត្ថុនៃកម្ពុជាដែលប្រព្រឹត្តទៅរយៈពេលមួយថ្ងៃពេញនៅសណ្ឋាគារ សុខាល័យ ក្រុងសៀមរាប ថ្ងៃទី១៤ ខែធ្នូ ឆ្នាំ២០១៨។

សូមធ្វើការបញ្ជាក់ផងដែរថា កម្មវិធីនេះមានការអញ្ជើញជាអធិបតីដោយឯកឧត្តម រត្ន័ សុវណ្ណនរៈ គឺជាជំនួយការទេសាភិបាល និងជាអគ្គនាយកនៃអគ្គនាយកដ្ឋានត្រួតពិនិត្យនៃធនាគារជាតិកម្ពុជា តំណាងឯកឧត្តម ជា ចាន់តូ ទេសាភិបាលនៃធនាគារជាតិ ក្រៅពីនោះក៏មានវត្តមានចូលរួមពីភ្ញៀវជាតិនិងអន្តរជាតិ រួមមានប្រធាន នាយក ស្ថាប័នមីក្រូហិរញ្ញវត្ថុ ក្រុមហ៊ុនវិនិយោគលើវិស័យឥណទាន ព្រមទាំងតំណាងពីស្ថាប័នជាតិមួយចំនួនដែលពាក់ព័ន្ធ សរុបប្រមាណជាង៣០០នាក់។

RAC Media ម៉ៅ សុគន្ធា

អត្ថបទទាក់ទង

រាជបណ្ឌិត្យសភាកម្ពុជារៀបចំវេទិកាពិភាក្សា ស្ដីពី «ប្រវត្តិសាស្ត្រប្រទេសកម្ពុជា»

(រាជបណ្ឌិត្យសភាកម្ពុជា)៖ នាព្រឹកថ្ងៃសុក្រ ៤កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៨ ខែធ្នូ ឆ្នាំ២០២០ នេះ រាជបណ្ឌិត្យសភាកម្ពុជាបានរៀបចំវេទិកាពិភាក្សា ស្ដីពី «ដំណើរការសរសេរប្រវត្តិសាស្ត្រប្...

ថ្ងៃសុក្រ, 18 ធ្នូ 2020 ម៉ោង 12:18 PM

កិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ២០២០

នាព្រឹកថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ វិទ្យាស្ថានខុងជឺនៃរាជបណ្ឌិត្យសភាកម្ពុជា បានរៀបចំកិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុ...