Royal Academy of Cambodia
ខណៈដែលមជ្ឈមណ្ឌលសិក្សាចិន ទើបនឹងបានបង្កើតឡើងនៅរាជបណ្ឌិត្យសភាកម្ពុជា ក្នុងគោលដៅសិក្សាអំពីគម្រោងធំៗនិងសំខាន់ៗ ព្រមទាំងសិក្សាអំពីសេដ្ឋកិច្ចប្រទេសចិន ថ្មីៗនេះ នៅសាធារណរដ្ឋប្រជាមានិតចិនក៏មានបង្កើតមជ្ឍមណ្ឌលសិក្សាកម្ពុជាមួយដែរ។
ឆ្លៀតក្នុងឱកាសបំពេញទស្សនកិច្ចរយៈពេលវែងទៅកាន់សាធារណរដ្ឋប្រជាមានិតចិន ចាប់តាំងពីថ្ងៃទី០១ ខែធ្នូឆ្នាំ២០១៨ រហូតមក កាលពីព្រឹកថ្ងៃចន្ទ ៣កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែធ្នូ ឆ្នាំ២០១៨ ម្សិលមិញនេះ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអញ្ជើញចូលរួមសម្ភោធមជ្ឈមណ្ឌលសិក្សាកម្ពុជា នៅសាកលវិទ្យាល័យយូណាន ខេត្តយូណាន សាធារណរដ្ឋប្រជាមានិតចិន។
គួរបញ្ជាក់បន្ថែមផងដែរថា កាលពីថ្ងៃទី០៩ ខែធ្នូ ឆ្នាំ២០១៩ ឯកឧត្តមបណ្ឌិតសភាចារ្យ សុខ ទូច ក៏បានអញ្ជើញជួបពិភាក្សាជាមួយលោកសាស្រ្តាចារ្យ ចាង លី សាកលវិទ្យាធិការរងនៃសាកលវិទ្យាល័យយូណាន ទទួលបន្ទុកទំនាក់ទំនងអន្តរជាតិ និងសហការី។
ខ្លឹមសារសំខាន់ៗនៅក្នុងជំនួបនៃកិច្ចពិភាក្សា រួមមាន៖
១- កិច្ចសា្រវជ្រាវរួមគ្នាលើគម្រោងវិនិយោគចិននៅកម្ពុជា
២- ការរៀបចំសិក្ខាសាលារួមគ្នា
៣- ការផ្តល់អាហារូបករណ៍ដល់និស្សិតកម្ពុជា
៤- ការផ្តល់ឱកាសដល់អ្នកស្រាវជ្រាវកម្ពុជាមកធ្វើការស្រាវជ្រាវនៅសាកលវិទ្យាល័យយូណាន ព្រមទាំងបំពេញសកម្មភាពការងារជាច្រើនផ្សេងទៀត៕
RAC Media
ព្រះរាជាណាចក្រកម្ពុជា និងសាធារណរដ្ឋកូរ៉េ បានបង្កើតទំនាក់ទំនងការទូតនៅក្នុងឆ្នាំ១៩៧០ ក៏ប៉ុន្តែទំនាក់ទំនងរវាងប្រទេសទាំងពីរនេះមិនបានល្អប្រសើរឡើយ ដោយនៅឆ្នាំ១៩៧៥ ប្រទេសកម្ពុជាបានធ្លាក់ចូលទៅក្នុងរបបដឹកនាំរបស...
បើយោងតាមប្រវត្តិសាស្រ្តយើងឃើញថាវត្តមានរបស់ពួកអឺរ៉ុបភាគច្រើនជាជនជាតិអេស្ប៉ាញនិងព័រទុយហ្គាល់បានមកដល់ប្រទេសអាស៊ីនៅពាក់កណ្តាលទី២នៃសតវត្សទី១៦ បានធ្វើដំណើរមកដល់ប្រទេសកម្ពុជានៅឆ្នាំ១៥៥០ មកម្ល៉េះ ក្នុងគោលបំណង...
ជាការពិតណាស់ទំនាក់ទំនងរវាងកម្ពុជា-ចិន បានកើតមានឡើងតាំងពីយូរលង់ណាស់មកហើយ គ្រាន់តែជាផ្លូវការដែលមានគេនិយាយច្រើន គឺចាប់តាំងពីការស្រាវជ្រាវឃើញនូវកំណត់ត្រារបស់ ជីវ តាក្វាន់ ដែលជាបេសកជនពិសេសរបស់ចិន ដែលបានមកទ...