រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃព្រហស្បតិ៍, 29 វិច្ឆិកា 2018 ម៉ោង 10:46 PM
«ការឡើងថ្លៃផ្ទះសំណាក់ និងសណ្ឋាគារ ដោយសារតែសណ្ឋាគារនៅក្នុងខេត្តនេះ មានចំនួនតិច» នេះគឺជាប្រសាសន៍របស់ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ ថ្លែងឡើងក្រោយបញ្ចប់សិក្ខាសាលា បូកសរុបការងារប្រឡងប្រណាំង រមណីយដ្ឋានទេសចរណ៍គំរូលើកទី២ និងការប្រឡងប្រណាំងសហគមន៍ទេសចរណ៍ និងអេកូទេសចរណ៍គំរូលើកទី១ ឆ្នាំ២០១៨ នៅថ្ងៃទី២៨ ខែវិច្ឆិកា ឆ្នាំ២០១៨។
ឯកឧត្ដម ថោង ខុន បានថ្លែងថា ជាធម្មតាអ្វីដែលមិនអាចឆ្លើយតបទៅនឹងតម្រូវការបាន ឬសំណូមពរបាននោះ គឺមានតម្លៃថ្លៃហើយ។ នៅឆ្នាំ២០១៩ខាងមុខ សណ្ឋាគារ និងផ្ទះសំណាក់ថ្មីៗ ប្រមាណ ២ពាន់បន្ទប់ នឹងត្រូវសាងសង់ឡើងបន្ថែមទៀត ដើម្បីបំពេញតម្រូវការភ្ញៀវ។
តែទោះជាយ៉ាងណា រដ្ឋមន្ត្រីក្រសួងទេសចរណ៍រូបនេះបានថ្លែងបញ្ជាក់ថា៖ «ប៉ុន្តែយើងគិតឃើញថា អ្វីៗកំពុងតែដំណើរការទៅមុខ ពេលខាងមុខហ្នឹងគឺវាមិនថ្លៃពេកទេ ព្រោះឥឡូវហ្នឹង ដូចដែលខ្ញុំបានប្រាប់ យើងបាត់១៤០០បន្ទប់ គឺដោយសារតែគេប្លុកអាហ្នឹង យកទៅជួលភ្ញៀវរបស់គេដាច់ដោយឡែក (ភាគច្រើនជាភ្ញៀវចិន)។ អ៊ីចឹងយើងខិតខំធ្វើសណ្ឋាគារ ឱ្យបានច្រើនថែមទៀត នៅពេលដែលមានសណ្ឋាគារច្រើន ទៅតម្លៃវាអត់សូវមានបញ្ហា ដូចនៅសៀមរាប មិនដែលចោទជាបញ្ហាទេ ដោយសារអី ដោយសារសណ្ឋាគារនៅសៀមរាបមានច្រើន»។
ឯកឧត្ដមបន្តថា៖ «ដូច្នេះនៅក្រុងកំពង់សោម មានភ្ញៀវកាន់តែច្រើន ទើបសណ្ឋាគាររត់មិនទាន់ ហើយការផ្គត់ផ្គង់ និងតម្រូវការមិនមានការស៊ីសង្វាក់គ្នា ក៏អាចទៅដល់ការឡើងថ្លៃបានដែរ»។ក្រសួងទេសចរណ៍ ធ្លាប់បានបង្ហាញការព្យាករថា នៅឆ្នាំ២០៣០ កម្ពុជា នឹងទទួលបានទេសចរអន្តរជាតិប្រមាណ ១៥លាននាក់ និងទេសចរជាតិប្រមាណ១៣លាននាក់ ជាហេតុនាំឱ្យតម្រូវការសណ្ឋាគារមានប្រមាណជាង ១០ម៉ឺនបន្ទប់ នៅទូទាំងប្រទេស។ ក្នុងនោះ ខេត្តព្រះសីហនុ គឺត្រូវការបន្ទប់សណ្ឋាគារជាង ៣ម៉ឺនបន្ទប់បន្ថែមទៀត។ទោះជាយ៉ាងនេះក្ដី វត្តមានជនជាតិចិននៅកម្ពុជាដែលមានទាំងអ្នកទេសចរ និងអ្នកវិនិយោគផងនោះ ត្រូវទទួលបានការសាទរផង និងការព្រួយបារម្ជាបន្តបន្ទាប់។ ហើយក្នុងនោះ ការព្រួយបារម្ភ ក៏ព្រោះតែដោយសារមានសារព័ត៌មាននានាបានចុះផ្សាយអំពីបាតុភាពអវិជ្ជមានផ្សេងៗដែលបង្កឡើងដោយជនជាតិចិននៅកម្ពុជា ប៉ុន្តែកន្លងមកនេះ ក្រសួងមហាផ្ទៃក៏បានចាត់តាំងមន្ត្រីជំនាញចុះធ្វើការសិក្សាស្រាវជ្រាវ និងផ្ដល់យោបល់ដល់អាជ្ញាធរមូលដ្ឋានអំពីការរៀបចំនិងគ្រប់គ្រង ក៏ដូចជាបង្កានិងដោះស្រាយបាតុភាពទាំងឡាយណាដែលអាចកើតមានជាយថាហេតុផងដែរ។ ជាមួយគ្នានេះដែរ ដើម្បីផ្ដល់ភាពកក់ក្ដៅ និងលុបបំបាត់ការព្រួយបារម្ភរបស់បងប្អូនប្រជាពលរដ្ឋខ្មែរ រាជរដ្ឋាភិបាលបានចេញសេចក្ដីថ្លែងការណ៍ពាក់ព័ន្ធទៅនឹងករណីកំណើននៃវត្តមានរបស់ទេសចរចនជាតិចិននៅកម្ពុជាផងដែរ ហើយកងកម្លាំងនិងអាជ្ញាធរមានសមត្ថកិច្ច ក៏បានអនុវត្តច្បាប់ និងចាត់វិធានការផ្លូវច្បាប់ដែលមានជាធរមានរបស់កម្ពុជា ចំពោះជនជាតិចិនមួយចំនួនតូចដែលបានប្រព្រឹត្តខុសច្បាប់នោះផងដែរ៕
RAC Media | លឹម សុវណ្ណរិទ្ធ
E-learning! ឱកាសសិក្សាដ៏ល្អ សម្រាប់សិស្ស និស្សិត អ្នកសិក្សាស្រាវជ្រាវ អ្នកកំពុងបំពេញការងារក្នុងវិស័យបរិស្ថាននិងវិស័យពាក់ព័ន្ធ ក្នុងកម្មវិធីសិក្សាគោលនយោបាយបរិស្ថានតាមប្រព័ន្ធអនឡាញ E-Learning នៅកម្ពុជា...
ថ្ងៃពុធ, 07 វិច្ឆិកា 2018 ម៉ោង 03:38 PM
ជំនួបពិភាក្សាទ្វេភាគីមួយ រវាងឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងលោក ស្រី ឧកញ៉ា កែវ មុំ តំណាងសមាគមអភិវឌ្ឍសុខមាលភាពអាស៊ីអាគ្នេយ៍ប្រជាជនចិន ស្តីពី«ការបណ្តុះបណ្តាលភាសាចិនដល់និស្ស...
ថ្ងៃពុធ, 07 វិច្ឆិកា 2018 ម៉ោង 03:17 PM
ព្រឹកថ្ងៃពុធ ១៤រោច ខែអស្សុជ ឆ្នាំច សំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី៧ ខែវិច្ឆិកា ឆ្នាំ២០១៨ ឯកឧត្តមបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា ដឹកនាំការប្រជុំពិភាក្សា និងវាយតម្លៃល...
ថ្ងៃពុធ, 07 វិច្ឆិកា 2018 ម៉ោង 11:31 AM
ថ្ងៃអង្គារ ១៣រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបន្តប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្ប៍បានចំនួន០៣ពា...
ថ្ងៃពុធ, 07 វិច្ឆិកា 2018 ម៉ោង 11:08 AM
ភ្នំពេញ៖ នៅព្រឹកថ្ងៃទី០៦ ខែវិច្ឆិកា ឆ្នាំ២០១៨ នេះ រាជបណ្ឌិត្យសភាកម្ពុជាបានរៀបចំនូវសិក្ខាសាលាមួយស្ដីពី «កម្មវិធីអូស៊ីអខ្មែរ និងអក្សរខ្មែរបុរាណក្នុងបច្ចេកវិទ្យាព័ត៌មាន» ដោយវាគ្មិន៣រូបគឺ បណ្ឌិត ឈិត វណ្ណា...
ថ្ងៃអង្គារ, 06 វិច្ឆិកា 2018 ម៉ោង 04:13 PM
កាលពីថ្ងៃសុក្រ ៩រោច ខែអស្សុជ ឆ្នាំច សំរឺទ្ធិស័ក ព.ស. ២៥៦២ ត្រូវនឹងថ្ងៃទី០២ ខែវិច្ឆិកា ឆ្នាំ២០១៨ វេលាម៉ោង ២៖៣០ នាទីរសៀល នៅសាលនាងនួននៃរាជបណ្ឌិត្យសភាកម្ពុជា ផ្នែកបណ្តុះបណ្តាលនិងស្រាវជ្រាវបានរៀបចំកម្មវិធី...
ថ្ងៃសៅរ៍, 03 វិច្ឆិកា 2018 ម៉ោង 08:59 PM
