ព័ត៌មាន

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយ

ថ្ងៃអង្គារ, 29 ឧសភា 2018 ម៉ោង 11:38 PM

អ្នកមើល 4961

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយនៅថ្ងៃស្អែកនេះគឺ៖

ពេលព្រឹក៖ គណបក្សយុវជនកម្ពុជា Vs គណបក្សខ្មែររួបរួមជាតិ
ពេលរសៀល៖ គណបក្សខ្មែរតែមួយ Vs គណបក្សឆន្ទៈខ្មែរ

សាធារណជន អាចចូលរួមស្តាប់ដោយសេរី នៅរាជបណ្ឌិត្យសភាកម្ពុជា

សូមបញ្ជាក់ថា កម្មវិធីនេះ បានចាប់ដំណើរការមកតាំងពីថ្ងៃទី២៨ ខែឧសភា មកម្លេះ ដែលក្នុងពេលចាប់ផ្តើមនោះ រាជបណ្ឌិត្យសភាកម្ពុជា បានអញ្ជើញគណបក្សនយោបាយចំនួន២០ តែបានឆ្លើយតបចូលរួមត្រឹមតែ១៨គណបក្សនយោបាយប៉ុណ្ណោះ។ ការរៀបចំកម្មវិធីនេះឡើង រាជបណ្ឌិត្យសភាកម្ពុជា បានដើរតួនាទីយ៉ាងសំខាន់ជាអ្នកសម្របសម្រួល អញ្ជើញគណបក្សនយោបាយទាំង១៨គណបក្សនយោបាយ មកបង្ហាញជូនសាធារណជន អំពីកម្មវិធីនយោបាយសំខាន់ៗរបស់គណបក្សខ្លួននៅថ្ងៃទី២៨ ខែឧសភា កាលពីម្សិលម៉ិញនេះ។

តំណាងគណបក្សនយោបាយចូលរួមកម្មវិធីកិច្ចពិភាក្សាពីគោលនយោបាយបក្សនយោបាយ ថ្ងៃ២៨ ខែឧសភា ឆ្នាំ២០១៨

នៅថ្ងៃទី២៩ នេះ មានគណបក្សនយោបាយចំនួន ៤ហើយដែលបានចូលរួម បកស្រាយពីគោលនយោបាយអទិភាព បូករួមការសួរដេញដោយរវាងតំណាងគណបក្សនយោបាយ និងសាធារណជនដែលបានចូលរួមពេញមួយថ្ងៃនេះ គឺ៖

ពេលព្រឹក គណបក្សប្រជាធិបតេយ្យមូលដ្ឋាន ពិភាក្សាដេញដោយតទល់ជាមួយគណបក្សប្រជាជនកម្ពុជា នៅពេលព្រឹក។
ពេលរសៀល គណបក្សហ៊្វុនស៊ីនប៉ិច និង គណបក្សសញ្ជាតិកម្ពុជា បានក្លាយជាដៃគូពិភាក្សាដេញដោលគ្នាពីគោលនយោបាយរបស់គណបក្សខ្លួន។

តំណាងគណបក្សប្រជាជនកម្ពុជា (រូបឆ្វេង) និងតំណាងគណបក្សប្រជាធិបតេយ្យមូលដ្ឋាន (រូបស្តាំ)

តំណាងគណបក្សហ៊ុ្វនស៊ីនប៉ិច (រូបឆ្វេង) និងគណបក្សសញ្ជាតិកម្ពុជា (រូបស្តាំ)

សូមបញ្ជាក់ថា ការពិភាក្សាដេញដោលនេះ ត្រូវធ្វើឡើងដោយមានបង្ហាញជូនពីគោលនយោបាយគណបក្ស ពីយុទ្ធសាស្ត្រដើម្បីសម្រេចឱ្យបាននូវគោលនយោបាយដែលដាក់ចេញមក។ អ្វីដែលសំខាន់នោះគឺ ឯកឧត្តមបណ្ឌិតសភាចារ្យ សុខ ទូច ក្នុងនាមជាអ្នកសម្របសម្រួលដោយផ្ទាល់ បានផ្តល់ឱកាសឱ្យវាគ្មិនតំណាងគណបក្សនយោបាយនីមួយៗ បានសួរដេញដោលគ្នាអំពីការលើកឡើងផ្សេងៗ ក៏ដូចជាការផ្តល់ឱកាសជូនដល់សាធារណជនដែលបានអញ្ជើញមកស្តាប់ដោយផ្ទាល់។

នៅថ្ងៃបន្តបន្ទាប់មកទៀត គឺចាប់ពីថ្ងៃទី៣០ ខែឧសភា រហូតដល់ថ្ងៃទី៤ ខែមិថុនា គឺជាឱកាសដែលគណបក្សនយោបាយផ្សេងទៀតទាំង១៤គណបក្ស នឹងអញ្ជើញចូលរួមជជែកដេញដោលគ្នាតាមកាលវិភាគរៀងគ្នា (សូមពិនិត្យមើលកាលវិភាគ ក្នុងរូបភាពភ្ជាប់ស្រាប់)។ វេទិកានេះ គឺរៀបចំឡើងសម្រាប់សាធារណជនទូទៅដែលមានបំណងចង់ដឹងអំពីគោលនយោបាយរបស់គណបក្ស និងសម្រាប់អ្នកដែលតែងខ្វាយខ្វល់ ហើយត្រូវការសម្រេចចិត្តឱ្យច្បាស់សម្រាប់ថ្ងៃពិសេស ថ្ងៃបោះឆ្នោតថ្ងៃទី២៩ ខែកក្កដា ឆ្នាំ២០១៨ ខាងមុខនេះ។

ព័ត៌មាន និងរូបភាពដោយ ស៊ាង រ៉ូហ្សាត

RAC Media

អត្ថបទទាក់ទង

បណ្ឌិតសភាចារ្យ សុខ ទូច៖ ការមួលបង្កាច់ថាព្រែកជីកហ្វូណនតេជាកសាងឡើងក្នុងគោលបំណងបម្រើឱ្យវិស័យយោធាចិន គឺជាការរារាំងដង្ហើមសេដ្ឋកិច្ចកម្ពុជានិងជាយុទ្ធសាស្ត្រនយោបាយរបស់វៀតណាម

(រាជបណ្ឌិត្យសភាកម្ពុជា)៖ នៅល្ងាចថ្ងៃទី១០ ខែមេសា ឆ្នាំ២០២៤នេះ ឱកាសថ្លែងនៅក្នុងវេទិកាអ្នកវិទ្យាសាស្ត្រនិងអ្នកសារព័ត៌មាន ស្ដីពី «ការឆ្លើយតបរបស់អ្នកវិទ្យាសាស្ត្រកម្ពុជាចំពោះការមួលបង្កាច់មកលើកម្ពុជា ជុំវិញ...

ថ្ងៃព្រហស្បតិ៍, 11 មេសា 2024 ម៉ោង 09:17 AM

រាជបណ្ឌិត្យសភាកម្ពុជាបន្តផ្ដល់ជូនទឹកដោះគោ តេជោសែន ប្ញស្សីត្រឹប ដល់កុមារកំព្រា នៅមណ្ឌលចំនួន ២កន្លែង

នៅថ្ងៃពុធ ២ កើត ខែចេត្រ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១០ ខែមេសា ឆ្នាំ២០២៤ នេះ តាមការណែនាំរបស់ឯកឧត្ដមបណ្ឌិតសភាចារ្យ សុខ ទូច រាជបណ្ឌិត្យសភាកម្ពុជាបានបន្តផ្ដល់ជូនទឹកដោះគោ តេជោសែន ប្ញស្សី...

ថ្ងៃព្រហស្បតិ៍, 11 មេសា 2024 ម៉ោង 09:06 AM

ឯកឧត្ដមបណ្ឌិត យង់ ពៅ ស្នើឱ្យមានការរៀបចំតាំងលម្អដើម្បីអបអរសាទរពិធីបុណ្យចូលឆ្នាំថ្មី ប្រពៃណីខ្មែរ នៅតាមអង្គភាព ស្ថាប័ន ពិសេសនៅតាមច្រកទ្វារអន្តរជាតិនានា ដើម្បីថែរក្សាតម្លៃ និងបង្ហាញអត្តសញ្ញាណវប្បធម៌ជាតិ

(រាជបណ្ឌិត្យសភាកម្ពុជា)៖ នៅថ្ងៃទី៩ ខែមេសា ឆ្នាំ២០២៤នេះ នៅក្នុងកិច្ចពិភាក្សាខ្លី អំពីទំនៀមទម្លាប់ និងប្រពៃណី នៅក្នុងឱកាសពិធីបុណ្យចូលឆ្នាំប្រពៃណីខ្មែរ ឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្...

ថ្ងៃអង្គារ, 09 មេសា 2024 ម៉ោង 08:07 PM

អ្នកជំនាញនិងអ្នកសិក្សាស្រាវជ្រាវ ស្នើឱ្យមានការជំរុញនិន្នាការលេងល្បែងប្រជាប្រិយខ្មែរឱ្យបានផុសផុល ដើម្បីថែរក្សានិងបង្ហាញអត្តសញ្ញាណវប្បធម៌ជាតិផង និងបង្ហាញពីភាតរភាព និងភាពសុដុមរមនាជាមួយគ្នានៅក្នុងសង្គមខ្មែរផង

(រាជបណ្ឌិត្យសភាកម្ពុជា)៖ នៅព្រឹកថ្ងៃទី៩ ខែមេសា ឆ្នាំ២០២៤នេះ នៅក្នុងកិច្ចពិភាក្សាខ្លី អំពីទំនៀមទម្លាប់ និងប្រពៃណី នៅក្នុងឱកាសពិធីបុណ្យចូលឆ្នាំប្រពៃណីខ្មែរ អ្នកជំនាញនិងអ្នកសិក្សាស្រាវជ្រាវនៃរាជបណ្ឌិត្យស...

ថ្ងៃអង្គារ, 09 មេសា 2024 ម៉ោង 08:00 PM

អ្នកជំនាញនៃរាជបណ្ឌិត្យសភាកម្ពុជាបកស្រាយអំពីទំនៀមទម្លាប់ និងនិន្នាការផ្លាស់ប្ដូរ ពាក់ព័ន្ធនឹងការប្រើប្រាស់ទឹកនៅក្នុងការប្រារព្ធពិធីបុណ្យចូលឆ្នាំប្រពៃណីខ្មែរ តាមរយៈការសិក្សាទៅលើសិលាចារឹក ប្រវត្តិសាស្ត្រ និងការវិវត្តនៃសង្គម

(រាជបណ្ឌិត្យសភាកម្ពុជា)៖ ជនជាតិខ្មែរគឺជាប្រជាជាតិដែលមានអារ្យធម៌ដ៏ចំណាស់មួយក្នុងតំបន់អាស៊ីអាគ្នេយ៍ ជាមួយនឹងកេរដំណែលដ៏មានតម្លៃបង្កប់ក្នុងវប្បធម៌ ប្រពៃណី និងទំនៀមទម្លាប់របស់ខ្លួន ដែលបន្សល់ពីបុព្វបុរសដូនត...

ថ្ងៃអង្គារ, 09 មេសា 2024 ម៉ោង 07:55 PM

ឯកឧត្តមបណ្ឌិត យង់ ពៅ៖ ការប្រោះព្រំទឹកជាទំនៀមទម្លាប់មានក្នុងសង្គមខ្មែរយូរមកហើយ តែការបាញ់ទឹកដោយកាំភ្លើងបាញ់ទឹក ឬគប់ទឹក មិនមែនជាវប្បធម៌ខែ្មរទេ

យោងតាមកិច្ចពិភាក្សាពីប្រពៃណីទំនៀមទម្លាប់មួយចំនួនក្នុងពិធីបុណ្យចូលឆ្នាំខ្មែរ កាលពីព្រឹកថ្ងៃទី៩ ខែមេសា ឆ្នាំ២០២៤ នេះ ឯកឧត្តមបណ្ឌិត យង់ ពៅ បានមានប្រសាសន៍ថា ការប្រោះព្រំទឹក ជាទំនៀមទម្លាប់មានក្នុងសង្គមខ្មែ...

ថ្ងៃអង្គារ, 09 មេសា 2024 ម៉ោង 04:52 PM

រាជបណ្ឌិត្យសភាកម្ពុជា

ព័ត៌មាន

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយ

អត្ថបទទាក់ទង

រាជបណ្ឌិត្យសភាកម្ពុជាបន្តផ្ដល់ជូនទឹកដោះគោ តេជោសែន ប្ញស្សីត្រឹប ដល់កុមារកំព្រា នៅមណ្ឌលចំនួន ២កន្លែង

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម