ព័ត៌មាន

«រាជរដ្ឋាភិបាល នឹងបង្កើតគោលនយោបាយជាតិគ្រប់គ្រង និងអភិវឌ្ឍន៍សហគមន៍ទេសចរណ៍ បន្ទាប់ពីគោលនយោបាយជាតិអេកូទេសចរណ៍»

2018-11-08 09:16:07 ថ្ងៃព្រហស្បតិ៍, 08 វិច្ឆិកា 2018, 09:16 AM
post_detail

(ភ្នំពេញ)៖ ដោយសម្លឹងឃើញនូវផលប្រយោជន៍ដ៏សំខាន់ នៃវិស័យអេកូទេសចរណ៍ វិស័យទេសចរណ៍សហគមន៍ និងយល់ច្បាស់ពីនិន្នាការរបស់ភ្ញៀវទេសចរពិភពលោក នាពេលបច្ចុប្បន្នផងនោះ រាជរដ្ឋាភិបាលកម្ពុជា បានបង្កើនការយកចិត្តទុកដាក់យ៉ាងខ្លាំង ចំពោះវិស័យអេកូទេសចរណ៍ និងទេសចរណ៍សហគមន៍។

ដោយហេតុនេះហើយ រាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រី បានសម្រេចបង្កើតក្រុមការងារអន្តរក្រសួងមួយ មានឈ្មោះថា «ក្រុមការងារអន្តរក្រសួងគ្រប់គ្រង និងអភិវឌ្ឍន៍ សហគមន៍ទេសចរណ៍ និងអេកូទេសចរណ៍» ដែលមានលោក ថោង ខុន រដ្ឋមន្ត្រីទេសចរណ៍ ជាប្រធាន លោក សាយ សំអាល់ រដ្ឋមន្ត្រី ក្រសួងបរិស្ថាន ជាអនុប្រធានអចិន្ត្រៃយ៍ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជាអនុប្រធាន និងក្រសួង-ស្ថាប័នពាក់ព័ន្ធជាសមាជិក។

បន្ទាប់ពីទទួលបានការសម្រេចបង្កើតក្រុមការងារអន្តរក្រសួង កាលពីថ្ងៃទី៣០ខែតុលាឆ្នាំ២០១៧រួចមកក្រុមការងារអន្តរក្រសួងខាងលើ បានបើកកិច្ចប្រជុំលើកទី៣របស់ខ្លួន នៅទីស្ដីការក្រសួងទេសចរណ៍ នាថ្ងៃទី០៧ ខែវិច្ឆិកា ឆ្នាំ២០១៨នេះ ក្រោមអធិបតីភាពលោក ថោង ខុន និង លោក សាយ សំអាល់។

ក្រោយបញ្ចប់កិច្ចប្រជុំ លោករដ្ឋមន្ត្រី ថោង ខុន បានថ្លែងថា ដោយកាលពីកិច្ចប្រជុំលើកទី២ អង្គប្រជុំបានពិនិត្យឆ្លងរួចហើយនូវគោលនយោបាយជាតិស្តីពីអេកូទេសចរណ៍ រីឯកិច្ចប្រជុំអន្តរក្រសួងលើកទី៣ នាព្រឹកនេះ គឺដើម្បីពិនិត្យ ទៅលើគោលនយោបាយជាតិ ស្ដីពីការគ្រប់គ្រង និងអភិវឌ្ឍន៍សហគមន៍ទេសចរណ៍។លោកថា ក្រោយពីប្រជុំលើកទី ៣នេះចប់ សមាជិកនីមួយៗនឹងយកសេចក្ដីព្រាងគោលនយោបាយនេះ ទៅពិនិត្យបន្តនៅតាមក្រសួង-ស្ថាប័នរៀងៗខ្លួន និងបំពេញធាតុចូលនានាបន្ថែមទៀត ដើម្បីបន្តកិច្ចប្រជុំលើកក្រោយទៀត មុនដាក់សេចក្ដីព្រាងចុងក្រោយនោះ ជូនគណៈរដ្ឋមន្ត្រីដើម្បីពិនិត្យ និងសម្រេច។

លោកបន្តថា គោលនយោបាយជាតិនេះ មានសារសំខាន់ចាំបាច់សម្រាប់ការគ្រប់គ្រង និងអភិវឌ្ឍន៍សហគមន៍ទេស ចរណ៍នៅកម្ពុជា ដែលទាមទារឱ្យមានការចូលរួមពីគ្រប់ភាគីពាក់ព័ន្ធ (4Ps) មានដូចជា៖ ភាគីរដ្ឋ ឬសាធារណៈ (Public) ភាគីឯកជន (Private) ដៃគូអភិវឌ្ឍន៍ (Partnership) និងប្រជាសហគមន៍-ទេសចរ (People)។

លោក ថោង ខុន បានសង្កត់ធ្ងន់ថា «តួនាទសំខាន់របស់វិស័យសាធារណៈ ក្នុងក្របខណ្ឌសហគមន៍ទេសចរណ៍នេះ គឺត្រូវជួយដល់សហគមន៍ ដូចជា ការធ្វើផ្លូវទៅកាន់សហគមន៍ ការរៀបចំគោលនយោបាយគ្រប់គ្រង និងអភិវឌ្ឍន៍ ការបណ្ដុះបណ្ដាលធនធានមនុស្ស គោលនយោបាយលើកទឹកចិត្ត ផ្នែកពន្ធដារ គោលនយោបាយក្នុងការប្រើប្រាស់អគ្គិសនី និងប្រព័ន្ធទូរស័ព្ទ អ៊ីនធឺរណេត ព្រមទាំងត្រូវបំពេញការងារជាច្រើនទៀត»។

លោករដ្ឋមន្ត្រីបានបន្ថែមទៀតថា អង្គប្រជុំក៏បានពិភាក្សាលើការងារជាច្រើនទៀតផងដែរ ដូចជា ការអភិវឌ្ឍនៅសហ គមន៍ទេសចរណ៍ជ្រាវ នៅខេត្តសៀមរាប ដែលជាសហគមន៍មួយដ៏សំខាន់ ក្នុងចំណោមសហគមន៍ទេសចរណ៍ នៅកៀកនឹងគោលដៅទេសចរណ៍អង្គរ។

លោកថា ក្នុងចំណោមភ្ញៀវទេសចរដែលទៅទស្សនាប្រាសាទអង្គរវត្តប្រមាណ ៥០% គឺបានបន្តដំណើរទៅទស្សនានៅសហគមន៍ទេសចរណ៍នានា ដែលនៅជាប់តំបន់បឹងទន្លេសាបរៀងរាល់ថ្ងៃ ក្នុងនោះមាន៥សហគមន៍ រួមមាន៖ សហគមន៍ចុងឃ្នាស សហគមន៍កំពង់ភ្លុក សហគមន៍កំពង់ឃ្លាំង សហគមន៍ជ្រាវ និងសហគមន៍មេជ្រៃ៕

ប្រភព៖ ក្រសួងទេសចរណ៍

RAC MEDIA | ហេង​ សុភី




អត្ថបទទាក់ទង

«ឯកឧត្តមបណ្ឌិតសភាចារ្យ សុខ ទូច អញ្ជើញជាវាគ្មិនក្នុងវេទិកា ស្តីពី ទិដ្ឋភាពសេដ្ឋកិច្ចនៃគោលនយោបាយសម្លឹងមកទិសខាងត្បូង : បញ្ហាប្រឈមនិងសមទ្ធិផលនៅកោះជេជូ នៃសាធារណរដ្ឋកូរ៉េ»

«មានទាំងបញ្ហាប្រឈមនិងឱកាសសម្រាប់កូរ៉។ មានបញ្ហាប្រឈមមួយចំនួនដូចជា៖ កូរ៉េត្រូវប្រកួតជាមួយយន្តការពិភពលោកដែលមានស្រាប់  ប្រជាជនកូរ៉េនិងប្រជាជនអាស៊ានហាក់មិនសូវយល់ពីគោលនយោបាយថ្មីនេះ គម្លាតសេដ្ឋកិច្ច អ្នកវិនិ...

2019-05-31 03:42:11   Fri, 31,05,2019, 03:42 AM
«ប្រជុំដើម្បីពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និងរូបវិទ្យា»

កាលពីថ្ងៃពុធ ទី២៩ ខែឧសភា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានដឹកនាំប្រជុំដើម្បីពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និងរូបវិទ្យា បានចំន...

2019-05-30 08:36:24   Thu, 30,05,2019, 08:36 AM
«ប្រធានរាជបណ្ឌិត្យសភាកម្ពុជាជួបពិភាក្សាការងារជាមួយអភិបាលរងក្រុងជេជូ»

ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំប្រតិភូរាជបណ្ឌិត្យសភាកម្ពុជា ជួប ពិភាក្សាការងារនិងចែករំលែកបទពិសោធជាមួយអភិបាលរងក្រុង ជេជូ នៅសាលាក្រុងជេជូ កាលពីថ្ងៃទី២៩ ខែឧសភា ឆ្នាំ២០...

2019-05-30 02:45:47   Thu, 30,05,2019, 02:45 AM
«ប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការអក្សរសិល្ប៍»

កាលពីថ្ងៃអង្គារ ទី២៨ ខែឧសភា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ប៊ី សុខគង់ បានបន្តដឹកនាំប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការអក្សរសិល្ប៍ បានចំនួន០៣ពាក្យ ដូ...

2019-05-29 02:48:38   Wed, 29,05,2019, 02:48 AM
«ពិធីការពារគម្រោងបណ្តោះអាសន្ននិក្ខេបបទថ្នាក់បណ្ឌិត» ដោយ៖ សេង មាន

ថ្ងៃចន្ទ ៩រោច ខែពិសាខ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៧ ខែឧសភា ឆ្នាំ២០១៩ វេលាម៉ោង ៨៖៣០ នាទីព្រឹក នៅអគារE ផ្នែកបណ្តុះបណ្តាលនិងស្រាវជ្រាវនៃរាជបណ្ឌិត្យសភាកម្ពុជាបានរៀបចំ ពិធីការពារគម្រោងបណ្តោះអាស...

2019-05-27 08:27:45   Mon, 27,05,2019, 08:27 AM
«វិមានរំឭកដល់អ្នកស្លាប់ក្នុងសង្គ្រាមលោកលើកទី១» ភាគទី៧ - វគ្គទី៤ ដោយ៖ លោកស្រី ស៊ន ច័ន្ទអមរា មន្ត្រីលេខាធិការដ្ឋាននៃក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា

អ្នកទៅចូលរួមក្នុងពិធីសម្ពោធ «វិមានរំឭកដល់អ្នកស្លាប់ក្នុងសង្គ្រាមលោកលើកទី១» (https://i.pinimg.com/originals/fe/53/31)នៅក្នុងភាគទី៧ វគ្គទី៤ ដែលជាវគ្គបញ្ចប់នៃសុន្ទរកថារបស់លោករេស៊ីដង់ជាន់ខ្ពស់បារាំងនេះ យើ...

2019-05-27 07:18:49   Mon, 27,05,2019, 07:18 AM

សេចក្តីប្រកាស