Royal Academy of Cambodia
(រាជបណ្ឌិត្យសភាកម្ពុជា)៖ នៅព្រឹកថ្ងៃព្រហស្បតិ៍ ១៤រោច ខែផល្គុន ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៧ ខែមីនា ឆ្នាំ២០២៥ វិទ្យាស្ថានជីវសាស្ត្រ វេជ្ជសាស្ត្រ និងកសិកម្ម នៃរាជបណ្ឌិត្យសភាកម្ពុជា បានរៀបចំសិក្ខាសាលា ស្ដីពី «ការអភិរក្សជីវៈចម្រុះនិងការលើកកម្ពស់ជីវភាពរស់នៅប្រកបដោយចីរភាព ក្នុងប្រព័ន្ធអេកូឡូស៊ីព្រៃកោងកាងខេត្តកោះកុង» ក្រោយការសិក្សាស្រាវជ្រាវពីប្រព័ន្ធអេកូឡូស៊ីព្រៃកោងកាងក្នុងតំបន់ពាក្យក្រសោបនិងតំបន់រ៉ាមសារកោះកាពិ ខេត្តកោះកុង។
សិក្ខាសាលាដ៏មានសារៈសំខាន់នាព្រឹកនេះ បានចាប់ផ្ដើមដោយមានការចាក់បញ្ចាំងវីដេអូឯកសារខ្លី អំពីដំណើរការសិក្សាស្រាវជ្រាវពីប្រព័ន្ធអេកូឡូស៊ីព្រៃកោងកាងក្នុងតំបន់ពាក្យក្រសោបនិងតំបន់រ៉ាមសារកោះកាពិ ខេត្តកោះកុង និងមានការអញ្ជើញថ្លែងចំណាប់អារម្មណ៍បើកដោយឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា ព្រមទាំងមានការថ្លែងសុន្ទរកថាបិទ ពីសំណាក់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាផងដែរ។
វាគ្មិនជំនាញដែលអញ្ជើញធ្វើបទបង្ហាញក្នុងសិក្ខាសាលានាឱកាសនេះរួមមាន៖
១. លោកស្រីបណ្ឌិត ហ៊ន សុទ្ធនា ប្រធាននាយកដ្ឋានស្ដីទី នៃនាយកដ្ឋានបរិស្ថាន និងធនធានធម្មជាតិ បកស្រាយលើប្រធានបទស្ដីពី «ស្ថានភាពព្រៃកោងកាងខេត្តកោះកុង»
២. លោកបណ្ឌិត តាំង ស៊ិន ប្រធាននាយកដ្ឋានស្ដីពី នៃនាយកដ្ឋានវិទ្យាសាស្ត្រកសិកម្ម បកស្រាយលើប្រធានបទស្ដីពី «ស្ថានភាពទូទៅនៃតំបន់ការពារធម្មជាតិពាមក្រសោប និងតំបន់រ៉ាមសារកោះកាពិ»
៣. លោក ព្រំ ចន្ទន៍រដ្ឋា មន្ត្រីនាយកដ្ឋានមន្ទីរពិសោធន៍ បកស្រាយលើប្រធានបទស្ដីពី «ជីវចម្រុះ និងបញ្ហាប្រឈម»៕
RAC Media | នាយកដ្ឋានទំនាក់ទំនងសាធារណៈ និងពិធីការ
(រាជបណ្ឌិត្យសភាកម្ពុជា)៖ ព័ត៌មានបែបវិទ្យាសាស្រ្តដែលជារបកគំហើញពីការសិក្សាស្រាវជ្រាវវិទ្យាសាស្រ្តថ្មីៗរបស់អ្នកស្រាវជ្រាវជាតិ និងអន្តរជាតិ គឺជាសារមួយដ៏សំខាន់សម្រាប់ផ្សព្វផ្សាយអប់រំដល់សាធារណជនឱ្យទទួលបានក...
ភ្នំពេញ៖ នាព្រឹកថ្ងៃពុធ ៥កើត ខែមាឃ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៩ ខែមករា ឆ្នាំ២០២០ នៅរាជបណ្ឌិត្យសភាកម្ពុជា មានរៀបចំកិច្ចប្រជុំក្រុមប្រឹក្សាបណ្ឌិតសភាចារ្យនៃរាជបណ្ឌិត្យសភាកម្ពុជា ក្រោមអធិបតី...
កាលពីរសៀលថ្ងៃអង្គារ ៤កើត ខែមាឃ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៨ ខែមករា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបើកកិច្ចប្រជុំដើម្បីពិនិត្យ ពិភាក្សានិងអនុម័...
កាលពីរសៀលថ្ងៃពុធ ១៣រោច ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២២ ខែមករា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើក កិច្ចប្រជុំដើម្បីពិនិត្យ ពិភាក្សា និងអ...