ព័ត៌មាន

«ពិធីការពារ និក្ខេបទសាកល្បង ថ្នាក់បណ្ឌិត ជំនាន់ទី២ វគ្គ១ នៃរាជបណ្ឌិត្យសភាកម្ពុជា»

2018-05-26 01:57:43 ថ្ងៃសៅរ៍, 26 ឧសភា 2018, 01:57 AM
post_detail

នៅរសៀលថ្ងៃសុក្រ ១១កើត ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨ ផ្នែកបណ្តុះបណ្តាល និងស្រាវជ្រាវ នៃរាជបណ្ឌិត្យសភាកម្ពុជា មានរៀបចំកម្មវិធីការពារសាកល្បងនិក្ខេបបទ បេក្ខជនបណ្ឌិត២រូប ក្រោមការដឹកនាំរបស់លោកជំទាវបណ្ឌិតសភាចារ្យ ខ្លូត ធីតា លើឯកទេសនីតិសាស្ត្រ ជំនាន់ទី២ វគ្គ១ គឺ៖

១. បេក្ខជនបណ្ឌិត លឹម វណ្ណនី ការពារប្រធានបទ «ការអនុវត្តន៍ច្បាប់គយនៅកម្ពុជា» ។

២. បេក្ខជនបណ្ឌិត ឥន យឿន ការពារប្រធានបទ «តួនាទីតុលាការរដ្ឋបាល» ។

ក្រោយពីការពិនិត្យ និងវិនិច្ឆ័យចំពោះការ ការពារសាកល្បងនិក្ខេបទ អង្គសមាជិកគណៈកម្មការបានធ្វើការវាយតម្លៃសម្រេចលទ្ធផលជូនបេក្ខជនបណ្ឌិតទាំង២ រូប បានបន្តទៅកាន់ការការពារនិក្ខេបទចុងក្រោយទៀតដើម្បីសម្រាប់បញ្ចប់ការសិក្សាថ្នាក់បណ្ឌិតរបស់ខ្លួន។ ចំណែកបេក្ខជនបណ្ឌិតទាំងពីររូប ត្រូវទទួលយកការកែលម្អ អនុសាសន៍នានាពីគណៈកម្មការសម្រាប់បំពេញការខ្វះខាតមួយចំនួនដែលសមាជិកគណៈកម្មការវាយតម្លៃបានរកឃើញពីនិក្ខេបបទការពារសាកល្បងរបស់បេក្ខជនបណ្ឌិតទាំងពីរ ក៏ដូចជាខ្លឹមសារនៃការស្រាវជ្រាវមួយចំនួន និងបន្ថែមនូវគុណតម្លៃនៃនិក្ខេបបទឱ្យមានលក្ខណៈសមស្របតាមបទដ្ឋានដែលបានកំណត់ បូករួមទាំងទម្រង់នៃការរៀបចំនិក្ខេបបទផងដែរ ។​


សូមបញ្ជាក់ថា រាជបណ្ឌិត្យសភាកម្ពុជា ជាស្ថាប័នស្រាវជ្រាវជាន់ខ្ពស់របស់រដ្ឋ កំពុងបំពេញភារកិច្ចក្នុងការជំរុញ និងអភិវឌ្ឍធនធានមនុស្ស ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ គិតបច្ចុប្បន្ននេះ បេក្ខជនបណ្ឌិតចំនួន ១០២នាក់​ ហើយដែលបានការពារនិក្ខេបបទបញ្ចប់លើ១៧ មុខជំនាញផ្សេងៗគ្នា និងបានទទួលសញ្ញាបត្រពីរាជបណ្ឌិត្យសភាកម្ពុជា។ និស្សិតដែលសិក្សានៅរាជបណ្ឌិត្យសភាកម្ពុជាទាំងអស់ ត្រូវឆ្លងកាត់ការជ្រើសរើស ប្រឡងសមត្ថភាព និងធ្វើនិក្ខេបបទការពារនិក្ខេបបទរបស់ខ្លួន ហើយនិក្ខេបបទដែលទទួលបានជោគជ័យ នឹងត្រូវរក្សានិងបញ្ជូនទៅតំកល់ទុកនៅបណ្ណាល័យរាជបណ្ឌិត្យសភាកម្ពុជា៕


ព័ត៌មានដោយ ស៊ាង រ៉ូហ្សាត | RAC Media

អត្ថបទទាក់ទង

បទបង្ហាញស្នាដៃរបស់វិទ្យាស្ថានជាតិភាសាខ្មែរ

រាជបណ្ឌិត្យសភាកម្ពុជា នឹងរៀបចំធ្វើបទបង្ហាញស្នាដៃរបស់វិទ្យាស្ថានជាតិភាសាខ្មែរ នៅសាលមករតកសិល្បខ្មែរ អគារឥន្ទ្រទេវី នៅថ្ងៃទី០៦ ខែធ្នូ ឆ្នាំ២០២២ វេលាម៉ោង៩: ០០ នាទីព្រឹក ដែលមានស្នាដៃ ដូចខាងក្រោម៖១- វចនាន...

2022-11-28 07:46:19   Mon, 28,11,2022, 07:46 AM
ការសម្របសម្រួលប្រកបដោយភាពបត់បែន ជាកត្តាជំរុញទៅរកភាពជោគជ័យរបស់អាស៊ាន ដោយ៖ លោក អ៊ុច លាង អ្នកសិក្សាស្រាវជ្រាវនៃវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា

ក្នុងនាមជាប្រធានអាស៊ាន ឆ្នាំ២០២២ រាជរដ្ឋាភិបាលកម្ពុជា បានជ្រើសយកមូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា»។ មូលបទនេះ បង្ហាញពីកិច្ចខិតខំប្រឹងប្រែង ដើម្បីលើកកម្ពស់ស្មារតីអាស៊ាន ជាគ្រួសាររួ...

2022-11-25 14:22:57   Fri, 25,11,2022, 02:22 PM
ប្រវត្តិរដ្ឋសភានៃព្រះរាជាណាចក្រកម្ពុជា ដោយ៖ បណ្ឌិត ហែម ឡាច មន្ត្រីនាយកដ្ឋាននីតិសាស្ត្រវិទ្យាស្ថានមនុស្សសាស្ត្រនិងវិទ្យាសាស្ត្រសង្គម នៃរាជបណ្ឌិត្យសភាកម្ពុជា

ប្រទេសកម្ពុជា ជាព្រះរាជាណាចក្រដែលព្រះមហាក្សត្រទ្រង់ប្រតិបត្តិតាមរដ្ឋធម្មនុញ្ញ និងតាមលទ្ធិប្រជាធិបតេយ្យ សេរីពហុបក្ស ជារដ្ឋឯករាជ្យ អធិបតេយ្យ អព្យាក្រឹត អចិន្ត្រៃយ៍ និងមិនចូលបក្សសម្ព័ន្ធ មានទីតាំងស្ថិតនៅ...

2022-11-25 06:10:13   Fri, 25,11,2022, 06:10 AM
ការវិវត្តនៃរដ្ឋបាលដែនដីខ្មែរ(តាំងពីសម័យមុនអង្គរ រហូតដល់ឆ្នាំ១៩៩៣) ដោយ​៖ បណ្ឌិត ហែម ឡាច -មន្ត្រីនាយកដ្ឋាននីតិសាស្ត្រវិទ្យាស្ថានមនុស្សសាស្ត្រនិងវិទ្យាសាស្ត្រសង្គម

ការរៀបចំរដ្ឋបាលដែនដីគឺជាភារកិច្ចដ៏ចម្បង និងមានសារៈសំខាន់បំផុតដែលថ្នាក់ដឹកនាំរដ្ឋទូទាំងពិភពលោក ត្រូវតែផ្ដោតការយកចិត្តទុកដាក់ ដើម្បីធ្វើយ៉ាងណាធានាឱ្យបាននូវការអភិវឌ្ឍមួយប្រកបដោយសមភាព យុត្តិធម៌ និរន្តរភាព...

2022-11-21 06:05:32   Mon, 21,11,2022, 06:05 AM
សិក្ខាសាលាស្តីពី «សារៈសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ»

នៅថ្ងៃចន្ទ ទី១៤ ខែវិច្ឆិកា ឆ្នាំ២០២២ នាវេលាម៉ោង៩៖៣០នាទីព្រឹក មជ្ឈមណ្ឌលបណ្តុះបណ្តាលនិងស្រាវជ្រាវនៃអគ្គលេខាដ្ឋាននៃរាជបណ្ឌិត្យសភាកម្ពុជា បានរៀបចំសិក្ខាសាលាស្តីពី «សារៈសំខាន់នៃការអប់រំបណ្តុះបណ្តាលបច្ចេកទេ...

2022-11-15 05:58:38   Tue, 15,11,2022, 05:58 AM
Cambodia-China friendship unbreakable By Dr. Kin Phea

Phrases such as “most trusted friend”, “a friend in need is a friend indeed”, “ironclad friendship”, “comprehensive strategic partnership”, and “China-Cambodia community of shared future” are often us...

2022-11-09 06:20:47   Wed, 09,11,2022, 06:20 AM

សេចក្តីប្រកាស