ព័ត៌មាន

វិទ្យាស្ថានខុងជឺនៃរាជបណ្ឌិត្យសភាកម្ពុជា រៀបចំពិធីសំណេះសំណាល និងតម្រង់ទិសការងារជូនគ្រូបង្រៀនជនជាតិចិន ឆ្នាំសិក្សា២០២៤-២០២៥

2024-09-17 03:48:23 ថ្ងៃអង្គារ, 17 កញ្ញា 2024 ម៉ោង 10:48 AM
អ្នកមើល 1409
post_detail1

(រាជបណ្ឌិត្យសភាកម្ពុជា)៖ នៅព្រឹកថ្ងៃអង្គារ ១៥ កើត ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៧ ខែកញ្ញា ឆ្នាំ២០២៤នេះ វិទ្យាស្ថានខុងជឺនៃរាជបណ្ឌិត្យសភាកម្ពុជា រៀបចំពិធីសំណេះសំណាល និងតម្រង់ទិសការងារជូនគ្រូបង្រៀនជនជាតិចិន ឆ្នាំសិក្សា២០២៤-២០២៥ ក្រោមអធិបតីភាពឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងលោក ឆិន ឆុង (CHEN Cong) អគ្គទីប្រឹក្សាស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា។

 

ពិធីសំណេះសំណាល និងតម្រង់ទិសការងារជូនគ្រូបង្រៀនជនជាតិចិន នាព្រឹកនេះ ក៏មានការអញ្ជើញចូលរួមជាកិត្តិយសដោយ ឯកឧត្ដមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា លោក តាំង ម៉េងឆុង នាយកភាគីខ្មែរនៃវិទ្យាស្ថានខុងជឺ នៃរាជបណ្ឌិត្យសភាកម្ពុជា និងលោក WANG Feng នាយកភាគីចិននៃវិទ្យាស្ថានខុងជឺ នៃរាជបណ្ឌិត្យសភាកម្ពុជា។

 

គួរបញ្ជាក់ថា ពិធីសំណេះសំណាល និងតម្រង់ទិសការងារនេះ ត្រូវបានរៀបចំឡើងក្នុងគោលបំណងណែនាំអំពីវិន័យ និងការងាររបស់វិទ្យាស្ថានខុងជឺ នៃរាជបណ្ឌិត្យសភាកម្ពុជា ដល់លោកគ្រូអ្នកគ្រូដែលជាជនជាតិចិនទាំង ៧១នាក់ នៅក្នុងការបង្រៀនភាសាចិនដល់សិស្សនៅកម្ពុជា និងដើម្បីជំរុញការស្វែងយល់ពីស្ថានភាពនៃការរស់នៅ វប្បធម៌ ប្រពៃណី និងទំនៀមទម្លាប់នៅក្នុងប្រទេសកម្ពុជា។

 

នៅក្នុងពិធីនាព្រឹកនេះដែរ ក៏មានការរៀបចំធ្វើបទបង្ហាញលើប្រធានបទសំខាន់ចំនួន ៥ផងដែរគឺ៖

 

១. «ស្ថានភាពប្រជាជនចិនរស់នៅក្នុងប្រទេសកម្ពុជា» ដោយលោក JIANG Peng តំណាងការិយាល័យកិច្ចការអត្រានុកូលដ្ឋានស្ថានទូតចិនប្រចាំកម្ពុជា

 

២. «ការការពារជំងឺទូទៅនៅក្នុងប្រទេសកម្ពុជា» ដោយលោក CHENG Zhiyon អ្នកជំនាញរបស់ក្រុមគ្រូពេទ្យវេជ្ជសាស្ត្រចិនប្រចាំកម្ពុជា

 

៣. «បទបញ្ជា និងសុវត្ថិភាពក្នុងការរស់នៅក្នុងប្រទេសកម្ពុជា» ដោយលោកស្រី ZHAO Yuexi តំណាងការិយាល័យគ្រប់គ្រងគ្រូស្ម័គ្រចិត្តជនជាតិចិននៃមជ្ឈមណ្ឌលកិច្ចសហប្រតិបត្តិការនិងផ្លាស់ប្ដូរភាសាចិន-បរទេស នៃក្រសួងអប់រំចិន

 

៤. «ច្បាប់ពាក់ព័ន្ធមួយចំនួនរបស់ប្រទេសកម្ពុជា» ដោយលោកបណ្ឌិត ង៉ូ សាឡុង ប្រធាននាយកដ្ឋានអ្នកបកប្រែ និងជាអ្នកជំនាញក្នុងវិស័យច្បាប់ និងយុត្តិធម៌

 

៥. «ប្រពៃណី ទំនៀមទម្លាប់ ការរស់នៅក្នុងប្រទេសកម្ពុជា» ដោយលោកស្រីបណ្ឌិត ជា វណ្ណី ប្រធាននាយកដ្ឋានធម្មសាស្ត្រ ចរិយាសាស្ត្រ និងយេនឌ័រ នៃវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា

 

 

ថ្លែងក្នុងឱកាសបើកពិធីសំណេះសំណាល និងតម្រង់ទិសការងារជូនគ្រូបង្រៀនជនជាតិចិន ឆ្នាំសិក្សា២០២៤-២០២៥នេះនាឱកាសនេះ ​ឯកឧត្ដមបណ្ឌិតសភាចារ្យ បានថ្លែងកោតសរសើរនូវវីរៈភាពរបស់គ្រូបង្រៀនជនជាតិចិន ដែលធ្វើដំណើររាប់ពាន់គីឡូម៉ែត្រ ដើម្បីបង្រៀនភាសាចិនដល់ប្រជាជនកម្ពុជា ដែលជាផ្នែកមួយនៃការផ្លាស់ប្ដូរវប្បធម៌រវាងប្រទេសទាំងពីរ។ ជាមួយគ្នានេះ ឯកឧត្ដមបណ្ឌិតសភាចារ្យក៏បានបានគូសបញ្ជាក់អំពីទំនាក់ទំនងកម្ពុជា-ចិន ដោយផ្ដោតទៅលើទិដ្ឋភាពសំខាន់ៗចំនួន ៥គឺ៖ ១. ឥទ្វិពលនៃវប្បធម៌ចិនបានផ្លាស់ប្ដូរឥរិយាបថនៃការបរិភោគរបស់ប្រជាជនខ្មែរ ២. ភាសាគឺជាស្ពានឆ្លងនៃការដោះដូរ និងមានទំនាក់ទំនងជាមួយគ្នា ហើយគ្រូបង្រៀនភាសាចិនទាំងអស់ នឹងក្លាយទៅជាវិចិត្រករឆ្លាក់សិស្សដែលរៀនជាមួយ ដែលនឹងក្លាយធនធានមនុស្សភាសាចិនដ៏សំខាន់ ៣. ទំនាក់ទំនងកម្ពុជា-ចិន គឺជាទំនាក់ទំនងប្រវត្តិសាស្ត្រ ហើយការបង្រៀនរបស់លោកគ្រូអ្នកគ្រូនឹងផ្ដល់នូវអនុស្សាវរីយ៍នៃការរៀននិងបង្រៀនដល់ប្រជាជនកម្ពុជា ៤. រយៈពេល១៥ឆ្នាំនៃដំណើរការវិទ្យាស្ថានខុងជឺ នៃរាជបណ្ឌិត្យសភាកម្ពុជា បានក្លាយជាពេលវេលាដ៏មានគុណតម្លៃសម្រាប់ការសិក្សានិងស្វែងយល់អំពីភាសាចិន។ ៥. ទំនាក់ទំនងកម្ពុជា-ចិន ​ដែលចាប់ផ្ដើមជាផ្លូវការដោយស្ថាបនិកទាំងពីរ សម្ដេចនរោត្ដមសីហនុ និងលោក ជូ អេនឡាយ នឹងកាន់តែរឹងមាំបន្ថែមទៀតដោយកិច្ចសហប្រតិបត្តិការ និងការពង្រឹងទំនាក់ទំនងបន្ថែមតាមរយៈគំនិតផ្ដួចផ្ដើមផ្លូវនិងខ្សែក្រវាត់។

 

ឯកឧត្ដមបណ្ឌិតសភាចារ្យ បានលើកទឹកចិត្តដល់គ្រូបង្រៀនជនជាតិចិន ឱ្យសិក្សារៀនសូត្រអំពីភាសាខ្មែរ ដោយរាជបណ្ឌិត្យសភាកម្ពុជានឹងផ្ដល់ការបណ្ដុះបណ្ដាលភាសាខ្មែរដោយឥតគិតថ្លៃ ដល់គ្រូបង្រៀនជាជនជាតិចិនទាំងអស់។ បន្ថែមពីលើនេះ ឯកឧត្ដមបណ្ឌិតសភាចារ្យ សុខ ទូច ក៏បានជំរុញឱ្យទៅទស្សនាប្រាសាទអង្គរវត្ត ដែលមានឆ្លាក់នូវទិដ្ឋភាពនៃទំនាក់ទំនងរវាងកម្ពុជា និងចិននៅក្នុងប្រវត្តិសាស្ត្រផងដែរ ដើម្បីពង្រឹងនិងពង្រីកការយល់ដឹងបន្ថែមទៀតអំពីប្រវត្តិនិងការវិវត្តនៃទំនាក់ទំនងរវាងប្រទេសទាំងពីរ កម្ពុជា-ចិន៕

 

RAC Media | លឹម សុវណ្ណរិទ្ធ នាយកដ្ឋានទំនាក់ទំនងសាធារណៈ និងពិធីការ

post_detail
post_detail
post_detail
post_detail
post_detail
post_detail
post_detail
post_detail
post_detail

អត្ថបទទាក់ទង

បុណ្យភ្ជុំបិណ្ឌ និងប្រភេទប្រេតទាំង១២ពួកក្នុងជំនឿខ្មែរ ដោយ៖ បណ្ឌិត ហែម ឡាច, នាយកដ្ឋាននីតិសាស្ត្រ, វិទ្យាស្ថានមនុសាស្ត្រនិងវិទ្យាសង្គមនៃរាជបណ្ឌិត្យសភាកម្ពុជា

ជនជាតិខ្មែរជាអ្នកនិយមព្រះពុទ្ធសាសនាតាំងតែពីសាសនានេះមានវត្តមាននៅក្នុងសង្គមខ្មែរយើងមកម៉្លេះ។ ពុទ្ធសាសនិកខ្មែរ តែងមានជំនឿអំពីបុណ្យ បាប កម្ម ផល ទាំងអតីតកាល បច្ចុប្បន្នកាល និងទៅអនាគតកាលផងដែរ។ គេជឿថា ជីវិតម...

  ថ្ងៃព្រហស្បតិ៍, 19 តុលា 2023 ម៉ោង 03:33 PM
ស្វែងយល់ពី ពិធីបុណ្យភ្ជុំបិណ្ឌ ដោយ៖ លោកស្រីបណ្ឌិត ជា វណ្ណី ប្រធាននាយកដ្ឋានធម្មសាស្រ្ត ចរិយាសាស្រ្ត និង យេនឌ័រ នៃវិទ្យាស្ថានមនុស្សសាស្រ្តនិងវិទ្យាសាស្រ្តសង្គម

ពិធីបុណ្យភ្ជុំបិណ្ឌជាពិធីបុណ្យមួយក្នុងចំណោមពិធីបុណ្យធំៗនៃព្រះរាជពិធីទា្វរទសមាស។ ប្រជាជនខ្មែរទូទាំងព្រះរាជាណាចក្រកម្ពុជាតាំងពីបុរាណរៀងមក (ពុំដឹងពេលណាច្បាស់លាស់) តែងតែនាំគ្នាប្រារព្ធពិធីបុណ្យនេះមិនដែលអ...

  ថ្ងៃព្រហស្បតិ៍, 19 តុលា 2023 ម៉ោង 03:29 PM
សេចក្ដីផ្ដើមនៃចិត្តវិទ្យាព្រះពុទ្ធសាសនា ដោយ៖ បណ្ឌិត សូ សុធីរ- វិទ្យាស្ថានមនុស្សសាស្ត្រនិងវិទ្យាសាស្ត្រសង្គនៃវិទ្យាស្ថានមនុស្សសាស្រ្តនិងវិទ្យាសាស្រ្តសង្គមនៃរាជបណ្ឌិត្យសភាកម្ពុជា

នមោ តស្ស ភគវតោ អរហតោ សម្មាសម្ពុទ្ធស្ស។Pali: Namo Tassa Bhagavato Arahato Samma Sambuddhasa .Honour to the Exalted One! The Arahant, the Supremely Awakened One!ប្រែថា៖រីកិរិយានមស្ការថ្វាយបង្គំនៃយើងខ្ញ...

  ថ្ងៃចន្ទ, 16 តុលា 2023 ម៉ោង 02:44 PM
របបមាតាធិបតេយ្យក្នុងសង្គមខ្មែរ ដោយ៖ លោក ឈុន ផាវ៉េង, នាយកដ្ឋានទស្សនវិជ្ជា និង សង្គមវិទ្យានៃវិទ្យាស្ថានមនុស្សសាស្រ្តនិងវិទ្យាសាស្រ្តសង្គម, រាជបណ្ឌិត្យសភាកម្ពុជា

ចាប់តាំងពីសម័យដើមនៃប្រវត្តិសាស្ត្ររហូតមកដល់សព្វថ្ងៃនេះ ឥទ្ធិពលនៃព្រលឹងមាតាធិបតេយ្យ បានរស់រវើកនៅក្នុងសង្គមខ្មែរ ទោះបីកាលៈទេសៈខ្លះបានធ្លាក់ចុះឥទ្ធិពលរបស់ខ្លួនក៏ដោយ។ ព្រលឹងមាតាធិបតេយ្យដែលមានក្នុង...

  ថ្ងៃចន្ទ, 16 តុលា 2023 ម៉ោង 02:19 PM
សេដ្ឋកិច្ចវិទ្យានៃការបោះបង់ការសិក្សានៅមធ្យមសិក្សា ដោយ៖ បណ្ឌិត សូ សុធីរ នាយកដ្ឋានវិទ្យាសាស្ត្រអប់រំ នៃវិទ្យាស្ថានមនុស្សសាស្ត្រនិងវិទ្យាសាស្ត្រសង្គមនៃរាជបណ្ឌិត្យសភាកម្ពុជា

លោកសាស្ដ្រាចារ្យ សាមុយអែលសាន់ ជាសេដ្ឋវិទូអាម៉េរិក បានឱ្យនិយមន័យថា៖“សេដ្ឋកិច្ចវិទ្យា ជាការសិក្សា អំពីវិធីដែលមនុស្ស និងសង្គមជ្រើសរើស ដោយប្រើ ឬមិនប្រើលុយកាក់ដើម្បីប្រើប្រាស់​ធនធានផលិតផលកម្រ ទៅផលិតទំនិញផ្...

  ថ្ងៃចន្ទ, 16 តុលា 2023 ម៉ោង 07:39 AM
ផលវិបាកនៃក្មេងទំនើងចំពោះសង្គម (The Impact of Gangsters in Society) ដោយ៖ លោក ប៉ាន់ សំណាង វិទ្យាស្ថានមនុស្សសាស្ដ្រនិងវិទ្យាសាស្ដ្រសង្គម នៃរាជបណ្ឌិត្យសភាកម្ពុជា

បច្ចុប្បន្ននេះ វិទ្យាសាស្ដ្របច្ចេកវិទ្យា មានការរីកចម្រើនយ៉ាងខ្លាំងនៅលើពិភពលោក។ប្រទេសទាំងអស់ មានវប្បធម៌ផ្សេងៗគ្នា តែហាក់ដូចជានៅជាមួយគ្នា ព្រោះតែបច្ចេកវិទ្យាទំនើបនេះឯង។ ដូច្នេះ ឥទ្ធិពលវប្បធម៌ មានចរន្តឆ្...

  ថ្ងៃចន្ទ, 16 តុលា 2023 ម៉ោង 07:24 AM

សេចក្តីប្រកាស