ព័ត៌មាន

បណ្ឌិត យង់ ពៅ ជំរុញឱ្យមន្ត្រីរាជបណ្ឌិត្យសភាកម្ពុជា ចែករំលែកចំណេះដឹង និងមាតិកាប្រកបដោយធាតុចូលដល់សង្គមជាតិឱ្យបានទូលំទូលាយ

2024-09-11 09:27:36 ថ្ងៃពុធ, 11 កញ្ញា 2024 ម៉ោង 04:27 PM
អ្នកមើល 11466
post_detail1

(រាជបណ្ឌិត្យសភាកម្ពុជា)៖ ថ្លែងក្នុងឱកាសដឹកនាំកិច្ចប្រជុំប្រចាំខែសីហា ឆ្នាំ២០២៤ នៅរសៀលថ្ងៃទី១១ ខែកញ្ញា ឆ្នាំ២០២៤នេះ លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជាបាន ជំរុញឱ្យមន្ត្រីរាជបណ្ឌិត្យសភាកម្ពុជា ពិសេសមន្ត្រីអគ្គលេខាធិការដ្ឋានរាជបណ្ឌិត្យសភាកម្ពុជា ត្រូវចូលរួមចែករំលែកចំណេះដឹង និងមាតិកាប្រកបដោយធាតុចូលទៅដល់សង្គមជាតិឱ្យបានទូលំទូលាយ ។

លោកបណ្ឌិត យង់ ពៅ បានគូសបញ្ជាក់ថា ក្នុងនាមជាមន្ត្រីបំពេញការងារនៅក្នុងស្ថាប័នស្រាវជ្រាវជាន់ខ្ពស់របស់ជាតិ មន្ត្រីរាជបណ្ឌិត្យសភាកម្ពុជា ពិសេសមន្ត្រីអគ្គលេខាធិការដ្ឋាន ត្រូវតែចូលរួមចែករំលែកមាតិកាស្រាវជ្រាវ និងអត្ថបទវិភាគប្រកបដោយធាតុចូលនានា របស់រាជបណ្ឌិត្យសភាកម្ពុជា ព្រមទាំងចែករំលែកចំណេះដឹងទូទៅតាមលទ្ធភាពដែលខ្លួនអាចធ្វើទៅបាន ដើម្បីចូលរួមចំណែកនៅក្នុងការពង្រីកចំណេះដឹងសម្រាប់សាធារណជន និងសង្គមជាតិទាំងមូល។

លោកបណ្ឌិតបានថ្លែងសង្កត់ធ្ងន់បន្ថែមទៀតថា ប្រសិនបើចង់កែប្រែសង្គមមួយឱ្យមានវឌ្ឍនភាពប្រកបដោយវិជ្ជមាន លុះត្រាតែអ្នកមានចំណេះដឹង ចូលរួមចំណែកសាបព្រោះចំណេះដឹងដែលខ្លួនមាន ក៏ដូចជាធាតុចូលថ្មីៗ ដែលទទួលបានពីការសិក្សាស្រាវជ្រាវ ទៅកាន់សាធារណជន និងសង្គមជាតិ។

លោកបណ្ឌិត យង់ ពៅ បានលើកឡើងបន្តថា ការចែករំលែកមាតិកាស្រាវជ្រាវ និងអត្ថបទវិភាគប្រកបដោយធាតុចូលផ្សេងៗ ក៏ដូចជាចំណេះដឹងថ្មីៗ គឺដើម្បីឱ្យមហាជនជ្រួតជ្រាបអំពីសមិទ្ធផលស្រាវជ្រាវ និងចំណេះដឹងថ្មីៗ ដែលរាជបណ្ឌិត្យសភាកម្ពុជាសម្រេចបាន នៅក្នុងន័យជាការផ្សព្វផ្សាយស្នាដៃស្រាវជ្រាវរបស់ស្ថាប័នផង និងជាការផ្ដល់នូវធាតុចូលថ្មីបន្ថែមទៀតផង ដើម្បីជាការចូលរួមចំណែកនៅក្នុងការអភិវឌ្ឍសង្គម នៅក្នុងទិដ្ឋភាពផ្សេងៗតាមរយៈការពង្រីកចំណេះដឹងរបស់សាធារណជន និងសម្រួលដល់ជីវភាពរស់នៅប្រចាំថ្ងៃនៅក្នុងសង្គម៕

RAC Media | លឹម សុវណ្ណរិទ្ធ នាយកដ្ឋានទំនាក់ទំនងសាធារណៈ និងពិធីការ

អត្ថបទទាក់ទង

កិច្ចប្រជុំដើម្បីពិនិត្យ ពិភាក្សា និងអនុម័តបច្ចេកសព្ទរបស់គណៈកម្មការភាសាវិទ្យា

កាលពីរសៀលថ្ងៃអង្គារ ១២រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៩ ខែកុម្ភៈ ឆ្នាំ២០២១ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបើកកិច្ចប្រជុំដើម្បីពិនិត្យ ពិភាក្សា និងអន...

2021-02-10 03:34:12   ថ្ងៃពុធ, 10 កុម្ភៈ 2021 ម៉ោង 10:34 AM
«ឯកឧត្តមបណ្ឌិតសភាចារ្យ សុខ ទូច អនុញ្ញាតឱ្យតំណាងស្ថានទូតចិនចូលជួបពិភាក្សាការងារ»

(រាជបណ្ឌិត្យសភាកម្ពុជា)៖ នាព្រឹកថ្ងៃអង្គារ ១២រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៩ ខែកុម្ភៈ ឆ្នាំ២០២១ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអនុញ្ញាតឱ្យលោក Wang Dexin...

2021-02-09 06:18:28   ថ្ងៃអង្គារ, 09 កុម្ភៈ 2021 ម៉ោង 01:18 PM
អ្នកតាមដានព្រឹត្តិការណ៍នយោបាយអន្តរជាតិ៖ នយោបាយដាក់គំនាបទៅលើប្រទេសតូចៗ ធ្វើឱ្យសហរដ្ឋអាម៉េរិកនិងអឺរ៉ុបខាតបង់ ប៉ុន្តែកំពុងផ្ដល់ផលចំណេញដល់ចិន

(រាជបណ្ឌិត្យសភាកម្ពុជា)៖ «នយោបាយដាក់គំនាបទៅលើប្រទេសតូចៗ ធ្វើឱ្យសហរដ្ឋអាម៉េរិកនិងអឺរ៉ុបខាតបង់ ប៉ុន្តែកំពុងផ្ដល់ផលចំណេញដល់ចិន» នេះជាការគូសបញ្ជាក់របស់អ្នកតាមដានព្រឹត្តិការណ៍នយោបាយអន្តរជាតិមួយរូប ដែលបានថ្...

2021-02-09 04:35:12   ថ្ងៃអង្គារ, 09 កុម្ភៈ 2021 ម៉ោង 11:35 AM
លោក ប៉ែន បូណា៖ ប្រជាធិបតេយ្យ និងសិទ្ធិមនុស្ស ពិតជាគុណតម្លៃរបស់លោកខាងលិចដែរឬទេ?

(រាជបណ្ឌិត្យសភាកម្ពុជា)៖ លោក ប៉ែន បូណា ប្រធានក្លិបអ្នកកាសែតកម្ពុជា និងជានិពន្ធនាយកទូរទស្សន៍ PNN ព្រមទាំងជាអ្នកតាមដានព្រឹត្តិការណ៍នយោបាយអន្តរជាតិ ដែលបានអញ្ជើញចូលរួមជាវាគ្មិនកិត្តិយសក្នុងកិច្ចពិភាក្សាតុ...

2021-02-08 11:15:27   ថ្ងៃចន្ទ, 08 កុម្ភៈ 2021 ម៉ោង 06:15 PM
បណ្ឌិតសភាចារ្យ សុខ ទូច៖ «អាម៉េរិកជាចម្បង ឬ America First» មិនមែនទើបតែអនុវត្តដោយលោក ដូណាល់ ត្រាំ នោះទេ តែទ្រឹស្ដីរបៀបនេះ ធ្លាប់ត្រូវបានរុស្ស៊ីអនុវត្តរួចទៅហើយនៅក្នុងសម័យសហភាពសូវៀត

(រាជបណ្ឌិត្យសភាកម្ពុជា)៖ ថ្លែងក្នុងកិច្ចពិភាក្សាតុមូល ស្ដីពី «អ្វីទៅដែលពិភពលោកនឹងទទួលបានពីនយោបាយថ្មីរបស់សហរដ្ឋអាម៉េរិក ក្រោមការដឹកនាំឬបស់លោក ចូ បៃដិន?» ឯកឧត្ដមបណ្ឌិតសភាចារ្យ សុខ ទូច ប្រធានរាជ បណ្ឌិត្យ...

2021-02-08 10:10:30   ថ្ងៃចន្ទ, 08 កុម្ភៈ 2021 ម៉ោង 05:10 PM
«លោកបណ្ឌិត មាស នី៖ ទោះបីមានយុទ្ធសាស្ត្រផ្សេងគ្នា សហរដ្ឋអាម៉េរិកតែងប្រកាន់ភ្ជាប់គោលការណ៍សិទ្ធិមនុស្សនិងលទ្ធិប្រជាធិបតេយ្យ »

(រាជបណ្ឌិត្យសភាកម្ពុជា) លោកបណ្ឌិត មាស នី អ្នកតាមដានការអភិវឌ្ឍសង្គមបានមើលឃើញថា បើទោះបីជាសហរដ្ឋអាម៉េរិកផ្លាស់ប្តូរមេដឹកនាំក៏ដោយ រដ្ឋាភិបាលសហរដ្ឋអាម៉េរិកតែងប្រកាន់ភ្ជាប់នូវគោលការណ៍សិទ្ធិមនុស្ស និងលទ្ធិប្...

2021-02-08 09:02:29   ថ្ងៃចន្ទ, 08 កុម្ភៈ 2021 ម៉ោង 04:02 PM

សេចក្តីប្រកាស