ព័ត៌មាន

ជ្រុងមួយនៃការជំរុញដល់ការស្តារ និងការអភិវឌ្ឍរបស់ប្រទេសឥណ្ឌា ដោយ បណ្ឌិត វង់ សំអូន ជំនួយការខុទ្ទកាល័យប្រធានរាជបណ្ឌិត្យសភាកម្ពុជា

ថ្ងៃសុក្រ, 12 មករា 2024 ម៉ោង 07:05 PM

អ្នកមើល 6161

ប្រទេសឥណ្ឌាមានប្រជាជន១៤០០លាននាក់ មានរដ្ឋ (ខេត្ត) ចំនួន ២៨រដ្ឋ ៧៦៤ស្រុក ៧៦៥៤ឃុំ ២៥២០០០ភូមិ ១២ សហគមន៍ ១៧ភាសាដែលត្រូវបានប្រើប្រាស់ជាផ្លូវការ និង៤០%នៃប្រជាជនសរុបរស់នៅក្រោមខ្សែបន្ទាត់សេដ្ឋកិច្ច (យោងតាមការធ្វើបទបង្ហាញរបស់ថ្នាក់ដឹកនាំរដ្ឋបាលនៅទីក្រុងមូសូរីកាលពីថ្ងៃចន្ទទី១ ខែមករា ឆ្នាំ២០២៤)។ ប្រទេសឥណ្ឌាបានប្រើប្រាស់យន្តការជាច្រើននៅក្នុងការស្តារ និងអភិវឌ្ឈន៍ប្រទេសរបស់ខ្លួនក្រោយពីទទួលបានឯករាជ្យពីអាណានិគមនិយមអង់គ្លេសនៅក្នុងឆ្នាំ១៩៤៧។ យន្តការមួយចំនួននៅក្នុងចំណោមយន្តការទាំងនោះរួមមាន៖

១. យន្តការក្នុងការផ្តល់ភាពងាយស្រួលដល់ប្រជាពលរដ្ឋ ក្នុងការបើកគណនីធនាគារ៖ យោងតាមការធ្វើបទបង្ហាញដោយថ្នាក់ដឹកនាំជំនាញរដ្ឋបាលសាធារណៈ របស់រដ្ឋាភិបាលឥណ្ឌាក្នុងកំឡុងពេលនៃការបណ្តុះបណ្តាលស្តីពីការគ្រប់គ្រងគោលនយោបាយសាធារណៈ និងអភិបាលកិច្ចល្អជូនដល់មន្ត្រីរាជការស៊ីវីលមកពីរាជបណ្ឌិត្យសភាកម្ពុជា និងក្រសួងធម្មការ និងសាសនា បានចង្អុលបង្ហាញថា រដ្ឋាភិបាលឥណ្ឌាបានបង្កើតអែបមួយដែលមានឈ្មោះថា អាដហា (Aadhaar)។ អែបនេះបានដើរតួសំខាន់ៗ ៣យ៉ាង រួមមាន៖ ទី១ ផ្ទុកទិន្នន័យប្រវត្តិរូបរបស់ពលរដ្ឋម្នាក់ៗ ទី២ ផ្សារភ្ជាប់ទិន្នន័យនេះនៅក្នុងការបើកគណនី ឬ តម្រូវការនៃការប្រើប្រាស់ឯកសាររបស់ពលរដ្ឋម្នាក់ៗ និង ទី៣ ភ្ជាប់ទិន្នន័យទាំងនេះទៅនឹងទូរស័ព្ទដៃ។ យន្តការនេះ បានធ្វើឱ្យប្រជាជនឥណ្ឌាស្ទើរគ្រប់ស្រទាប់វណ្ណៈ គ្រប់វ័យ និងគ្រប់ទីកន្លែងអាចបើកគណនីបានដោយខ្លួនឯងគ្រប់ពេលវេលាទាំងថ្ងៃសៅរ៍និងអាទិត្យ។ ប្រជាជនឥណ្ឌាគឺជាប្រជាជនដែលពូកែសន្សំប្រាក់ជាងគេលើពិភពលោក ហើយប្រាក់ទាំងនោះត្រូវបានដាក់បញ្ចូលក្នុងគណនីរបស់ខ្លួន។ យន្តការនេះបានជួយដល់រដ្ឋាភិបាលឥណ្ឌាមានថវិកាតាមរយៈការលក់ទូរស័ព្ទដៃដែលផលិតក្នុងស្រុក និងទាញយកប្រយោជន៍ពីការដាក់ប្រាក់ក្នុងគណនីដោយប្រយោលដើម្បីធ្វើការស្តារ និងការអភិវឌ្ឍប្រទេសជាបន្តបន្ទាប់។

សូមចូលអានខ្លឹមសារលម្អិត ឬមានអត្ថបទស្រាវជ្រាវជាច្រើនទៀត តាមរយៈតំណភ្ជាប់ដូចខាងក្រោម៖

https://rac.gov.kh/researchs-categories/19/researchs#main-container

អត្ថបទទាក់ទង

ប្រធានរាជបណ្ឌិត្យសភាកម្ពុជានឹងចូលរួមជាអធិបតីបើកសន្និសីទអន្តរជាតិតាមប្រព័ន្ធអនឡាញលើកទី១ ស្តីពី:ការអប់រំ ប្រឹក្សាគរុកោសល្យ

...រាជបណ្ឌិត្យសភាកម្ពុជា មានកិត្តិយសសូមគោរពជម្រាបជូនសាធារណជន និងប្រព័ន្ធផ្សព្វផ្សាយនានាឱ្យបានជ្រាបថា នៅថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ វេលាម៉ោង ៧:០០នាទ...

ថ្ងៃសៅរ៍, 19 ធ្នូ 2020 ម៉ោង 05:08 PM

រាជបណ្ឌិត្យសភាកម្ពុជារៀបចំវេទិកាពិភាក្សា ស្ដីពី «ប្រវត្តិសាស្ត្រប្រទេសកម្ពុជា»

(រាជបណ្ឌិត្យសភាកម្ពុជា)៖ នាព្រឹកថ្ងៃសុក្រ ៤កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៨ ខែធ្នូ ឆ្នាំ២០២០ នេះ រាជបណ្ឌិត្យសភាកម្ពុជាបានរៀបចំវេទិកាពិភាក្សា ស្ដីពី «ដំណើរការសរសេរប្រវត្តិសាស្ត្រប្...

ថ្ងៃសុក្រ, 18 ធ្នូ 2020 ម៉ោង 12:18 PM

កិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ២០២០

នាព្រឹកថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ វិទ្យាស្ថានខុងជឺនៃរាជបណ្ឌិត្យសភាកម្ពុជា បានរៀបចំកិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុ...