រាជបណ្ឌិត្យសភាកម្ពុជា

Royal Academy of Cambodia

ព័ត៌មាន

«តើ​អ្វី​ទៅជា​កិច្ចប្រជុំ​កំពូល​អាស៊ី-អឺរ៉ុប (ASEM) និង អ្វីៗគ្រប់យ៉ាងលើលែងតែអាវុធ (EBA) ?»

2018-10-18 04:16:28 ថ្ងៃព្រហស្បតិ៍, 18 តុលា 2018, 04:16 AM
post_detail

តើ​អ្វី​ទៅជា​កិច្ចប្រជុំ​កំពូល​អាស៊ី-អឺរ៉ុប (ASEM)?កិច្ចប្រជុំ​អាស៊ី-អឺរ៉ុប (ASEM) គឺជា​កិច្ចពិភាក្សា​នៃ​ដំណើរការ​ផ្លូវការ​មួយ និង​កិច្ចសហប្រតិបត្តិការ​រ​វាង​សមាជិក​សហភាព​អឺរ៉ុប​ទាំង៣០ប្រទេស និង​អាស៊ី​ចំនួន២១ប្រទេស ព្រមទាំង​លេខាធិការ​អាស៊ាន​ផងដែរ។ កិច្ចពិភាក្សា ASEM លើកឡើង​ពី​បញ្ហា នយោបាយ សេដ្ឋកិច្ច និង វប្បធម៌ ជាមួយ​គោល បំណង នៃ​ការលើក​កំពស់​ទំនាក់ទំនង រវាង​តំបន់​ទាំងពីរ ដោយ​ឈរលើ​គោលបំណង នៃ​ការគោរព​គ្នា​ទៅវិញទៅមក និង ភាពជា​ដៃគូ​ដោយ​ស្មើ​សិទ្ធិ​គ្នា។

ASEM ត្រូវបាន​បើក​កិច្ចប្រជុំ​ជា​លើកដំបូង​កាលពី​ឆ្នាំ១៩៩៦ ក្នុង​ទីក្រុង​បាងកក ប្រទេស​ថៃ ដោយមាន​ការចូល​ពី​ 
ប្រទេស​ចំនួន១៥នៃ​សហភាព​អឺរ៉ុប និង​ប្រទេស​ចំនួន៧ នៃ​សមាជិក​អាស៊ាន បូក​ថែម​ប្រទេស​ចិន ជប៉ុន កូរ៉េខាងត្បូង និង​ស្នងការ​អឺរ៉ុប​ប៉ុណ្ណោះ។នៅពេលនោះ​អឺរ៉ុប បានទទួល​ស្គា​ល់ពី​ការអភិវឌ្ឍ​ការ​លូត​យ៉ាង​រហ័ស និង​សក្តានុ ពល​នៅក្នុង​តំបន់​អាស៊ី ហើយ​គេច​ង់​ពង្រឹង​ទំនាក់ទំនង និង​កិច្ចសហប្រតិបត្តិការ តាមរយៈ​ការពង្រឹង និង​ការធ្វើ​ទំនើបកម្ម​ទំនាក់ទំនង​លើ​វិស័យ ឬ​សរសរ​ស្តម្ភ​បី​គឺ៖ នយោបាយ សេដ្ឋកិច្ច និង​វប្បធម៌។មេដឹកនាំកំពូលៗមកពី​តំបន់​អាស៊ី និង​អឺរ៉ុប​នឹង​ប្រមូលផ្តុំ​នៅក្នុង «កិច្ចប្រជុំ​កំពូល​អាស៊ី-អឺរ៉ុប (ASEM) លើក​ទី១២» ដែល​នឹង​ប្រព្រឹត្តទៅ​នៅ ថ្ងៃទី ១៨ -១៩ ខែតុលា ឆ្នាំ២០១៨ នៅ​ទីក្រុង​ប្រ៊ុ​ច​សែ​ល ប្រទេស​ប៊ែ​ល​ហ្ស៊ិ​ក និង​កិច្ចប្រជុំ​កំពូល​អ្នកដឹកនាំ​វិនិយោគ​សាកល នៃ​វេទិកា​វិនិយោគ​ពិភពលោក​ឆ្នាំ២០១៨ របស់​សន្និសីទ​សហប្រជាជាតិ​ស្ដីពី​ពាណិជ្ជកម្ម និង​ការអភិវឌ្ឍ ដែល​នឹង​ប្រព្រឹត្តទៅ​ចាប់ពី​ថ្ងៃទី២២ ដល់២៤ តុលា ២០១៨ នៅ​ទីក្រុង​ហ្សឺ​ណែវ​ប្រទេស​ស្វី​ស។

កិច្ចប្រជុំ​កំពូល​អាស៊ី-អឺរ៉ុប (ASEM) លើក​ទី១២នឹង​ប្រព្រឹត្តទៅ​ក្រោម​មូលបទ”អឺរ៉ុប និង​អាស៊ី ដៃគូ​សកល​សម្រាប់​បញ្ហា​ប្រឈម​សកល”មាន​គោលបំណង​ពង្រឹង​កិច្ចសន្ទនា និង​កិច្ចសហប្រតិបត្តិការ​រ​វាង​តំបន់​អាស៊ី និង​អឺរ៉ុប ខណៈពេលដែល​តំបន់​ទាំងពីរ​ជំរុញ​កសាង​កម្លាំង​រួមគ្នា ដើម្បី​ដោះស្រាយ​បញ្ហា​ជាច្រើន ចាប់ពី​ការបង្កើន​ពាណិជ្ជកម្ម និង​វិ និយោគ ការតភ្ជាប់ ការអភិវឌ្ឍ​ប្រកបដោយ​ចីរភាព និង​បំរែបំរួល​អាកាសធាតុ​ជាដើម។ នេះបើតាមការផ្សាយព័ត៌ មានរបស់ propertyarea នាថ្ងៃទី១៧ ខែតុលា ឆ្នាំ២០១៨។បើតាមការផ្សាយព័ត៌មាន Fresh News នាថ្ងៃទី១៦ ខែតុលា ឆ្នាំ២០១៨ គឺ ASEM តំណាងឱ្យ៥០ភាគរយ នៃ GDP របស់ពិភពលោក ព្រមទាំងស្មើនឹង ៦០ភាគរយនៃចំនួនប្រជាជនពិភពលោក និង ៦០ភាគរយ នៃពាណិជ្ជកម្មពិភពលោក។

សម្រាប់កម្ពុជា បានក្លាយជាសមាជិកនៃវេទិកានេះក្នុងកិច្ចប្រជុំកំពូល ASEM លើកទី៥ រៀបចំឡើងនៅទីក្រុងហា ណូយ ប្រទេសវៀតណាម នៅថ្ងៃទី៨ ខែតុលា ឆ្នាំ២០០៤។សម្រាប់ដំណើរការរបស់វេទិកានេះ គឺប្រទេសជាសមាជិក ASEM ទាំងអស់ មានភារកិច្ចជួយសម្របសម្រួលកិច្ចសហប្រតិបត្តិការ​នៃដំណើរការរបស់ ASEM តាមរយៈការដើរតួនាទីផ្លាស់វេនគ្នាជាប្រទេសសម្របសម្រួល។

បច្ចុប្បន្នមានប្រទេសជាអ្នកសម្របសម្រួលចំនួន៤ ក្នុងនោះប្រទេសចំនួន២ មកពីអាស៊ី និងប្រទេស ២ទៀតមកពីអឺរ៉ុប។ ប្រទេសសម្របសម្រួលមានតួនាទីធ្វើជាម្ចាស់ផ្ទះ និងសហប្រធាននៃកិច្ចប្រជុំមន្ត្រីជាន់ខ្ពស់របស់ASEM, ធ្វើជាម្ចាស់ផ្ទះរៀបចំកិច្ចប្រជុំសម្របសម្រួល, ធ្វើជាសហប្រធាននៃកិច្ចប្រជុំរដ្ឋមន្ត្រីការបរទេស ASEM និងកិច្ចប្រជុំកំពូល ASEM, សម្របសម្រួលជាមួយដៃគូ និងប្រគល់ឯកសារឱ្យដៃគូសម្រាប់កិច្ចប្រជុំនានា និងយកសំណូមពរ គម្រោង ផ្ដួចផ្ដើមគំនិត និងឯកសារទៅដល់ដៃគូសម្រាប់ពិចារណា។

អ្វីៗគ្រប់យ៉ាងលើលែងតែអាវុធ (EBA)?
អ្វីៗគ្រប់យ៉ាង លើលែងតែអាវុធ (EBA) ត្រូវបានអនុម័តដោយ វិធានរបស់ក្រុមប្រឹក្សា សហភាពអឺរ៉ុប លេខ No.416/2001 ចុះថ្ងៃទី២៨ ខែកុម្ភៈ ឆ្នាំ២០០១។EBA គឺជាគំនិតផ្តួចផ្តើម របស់សហភាពអឺរ៉ុប ដែលអនុញ្ញាតឱ្យ ការនាំចូលទំនិញទាំងអស់ លើកលែងតែសព្វាវុធ ទៅសហភាពអឺរ៉ុបពីប្រទេសអភិវឌ្ឍន៍តិចតួចទទួលនូវការអនុ គ្រោះដោយមិនជាប់ពន្ធនាំចូលនិងកូតា។

EBA គឺជាផ្នែកនៃប្រព័ន្ធអនុគ្រោះទូទៅរបស់សហភាពអឺរ៉ុប ដែលបានចូលជាធរមានចាប់តាំងពីថ្ងៃ ទី០៥ ខែមីនា ឆ្នាំ២០០១មកម្ល៉េះ និងគ្មានកំណត់ពេលវេលាបញ្ចប់នោះទេ។ ទំនិញនាំចូលទាំងអស់នឹងត្រូវទទួលបាននូវការអនុ គ្រោះមិនជាប់ពន្ធនាំចូល និងកូតា ប្រសិនបើអនុលោមទៅតាមវិធានប្រភពដើមទំនិញ និងបណ្តាវិធានពាក់ព័ន្ធដទៃទៀត។ គម្រោងនេះគ្រប់ដណ្តប់ទៅលើផលិតផលប្រមាណ៧២០០បន្ទាត់ពន្ធគយ ក្នុងនោះ៩១៩បន្ទាត់ពន្ធគយ គឺជាផលិតផលកសិកម្ម។ប្រទេសអភិវឌ្ឍន៍តិចតួចចំនួន៤៨ រួមទាំងកម្ពុជាផងដែរ ទទួលបានការអនុគ្រោះពីគំនិតផ្តួចផ្តើមនេះ។ ចំពោះកម្ពុជា EBA ផ្តល់ផលប្រយោជន៍យ៉ាងខ្លាំងដល់វិស័យកសិកម្ម ជាពិសេស អង្ករ និងផលិតផលសក្តានុ ពលមួយចំនួនទៀត។

ជាក់ស្តែង ក្នុងរយៈពេលប៉ុន្មានឆ្នាំចុងក្រោយនេះ កម្ពុជាបានបង្កើនការនាំចេញអង្ករយ៉ាងច្រើនទៅសហភាពអឺរ៉ុប ជាពិសេសប្រទេសបារាំង អ៊ីតាលី ជាដើម។ ដូចគ្នាដែរ ការនាំចេញ សំលៀកបំពាក់ទៅសហភាពអឺរ៉ុបក៏កើនឡើងគួរ ឱ្យ កត់សម្គាល់ដែរ។ការនាំចេញអាចប្រព្រឹត្តទៅ បាន ដោយសារតែការបន្ធូរបន្ថយលើវិធានប្រភពដើមទំនិញដែលកំ ណត់ធាតុផ្សំក្នុងស្រុក (local content) ត្រឹមតែ៣០ភាគរយប៉ុណ្ណោះ។ នេះបើតាមការផ្សាយ Website របស់ក្រសួងពាណិជ្ជកម្ម នាថ្ងៃទី២៩ ខែមករា ឆ្នាំ២០១៥។

ដកស្រង់៖ propertyarea, fresh news, ក្រសួងពាណិជ្ជកម្ម
RAC Media | ផាញ់ សារឿន




អត្ថបទទាក់ទង

ទស្សនវិជ្ជាខ្មែរអំពីលំហ (ទេសភាពឬទីកន្លែង)(Khmer Philosophy of Space) ដោយ ៖ លោកបណ្ឌិត ប៉ាន់ វុត្ថា
ទស្សនវិជ្ជាខ្មែរអំពីលំហ (ទេសភាពឬទីកន្លែង)(Khmer Philosophy of Space) ដោយ ៖ លោកបណ្ឌិត ប៉ាន់ វុត្ថា

ស្វ័យភាពនៃគំនិត ដែលយើងបានរកឃើញឬយល់ដឹងតាមរយៈការផ្តោតអារម្មណ៍ ការគិតទៅលើទេសភាពឬទីកន្លែងមួយ គឺជាការបង្ហាញឱ្យឃើញពីចំណង់ចំណូលចិត្ត ការស្រលាញ់ តម្រូវការ និងការឱ្យតម្លៃចំពោះទីកន្លែង(លំហខាងក្នុង) ហើយទីកន្លែងក...

2023-08-30 08:34:53   Wed, 30,08,2023, 08:34 AM
គុណប្រយោជន៍និងបញ្ហាប្រឈមក្នុងការប្រើវិធីសាស្រ្តបង្រៀនបែបចម្រុះ(Blended Learning)ដើម្បីបង្រៀននិងរៀនភាសាអង់គ្លេស ដោយ៖ លោក ឆោម ជុំរ៉ុង- មន្រ្តីលេខាធិការដ្ឋានក្រុមប្រឹក្សាបណ្ឌិតសភាចារ្យ
គុណប្រយោជន៍និងបញ្ហាប្រឈមក្នុងការប្រើវិធីសាស្រ្តបង្រៀនបែបចម្រុះ(Blended Learning)ដើម្បីបង្រៀននិងរៀនភាសាអង់គ្លេស ដោយ៖ លោក ឆោម ជុំរ៉ុង- មន្រ្តីលេខាធិការដ្ឋានក្រុមប្រឹក្សាបណ្ឌិតសភាចារ្យ

ឯកសារនេះមានគោលបំណងបង្ហាញដល់អ្នកអប់រំនិងអ្នកពាក់ព័ន្ធក្នុងវិស័យអប់រំ ជាពិសេសគ្រូបង្រៀនភាសា​អង់គ្លេសដើម្បីបន្ថែមការយល់ដឹងស៊ីជម្រៅលើវិធីសាស្រ្តបង្រៀនបែបចម្រុះដែលជាវិធីសាស្រ្តដ៏ពេញនិយមមួយក្នុងសតវត្សរ៍ទី២១...

2023-08-30 08:14:50   Wed, 30,08,2023, 08:14 AM
អត្ថប្រយោជន៍នៃការអប់រំមត្តេយ្យសិក្សាដល់កុមារតូចThe Benefits of Kindergarten Education for Small Infants ដោយ៖ លោក ប៉ាន់ សំណាង - មន្ដ្រីនាយកដ្ឋានវិទ្យាសាស្ដ្រអប់រំ
អត្ថប្រយោជន៍នៃការអប់រំមត្តេយ្យសិក្សាដល់កុមារតូចThe Benefits of Kindergarten Education for Small Infants ដោយ៖ លោក ប៉ាន់ សំណាង - មន្ដ្រីនាយកដ្ឋានវិទ្យាសាស្ដ្រអប់រំ

មត្តេយ្យសិក្សា ជាគ្រឹះសំខាន់បំផុតរបស់កុមារក្នុងការប្រឈមនឹងពិភពខាងក្រៅ បន្ទាប់ពីការអប់រំបង្ហាត់បង្រៀនរបស់ឪពុកម្ដាយនៅតាមផ្ទះរបស់ពួកគេ។ មាតាបិតា ឬអ្នកអាណាព្យាបាលសិស្សានុសិស្ស មិនគួរមើលរំលងការសិក្សានៅមត្ត...

2023-08-30 07:58:20   Wed, 30,08,2023, 07:58 AM
Can Cambodia survive without the US and EU Markets? By: Dr. Seun Sam
Can Cambodia survive without the US and EU Markets? By: Dr. Seun Sam

The newly appointed prime minister of Cambodia, Dr. Hun Manet, has stated that Cambodia must strengthen internal capacity to be able to live independently and that we must try to live independently an...

2023-08-30 04:37:25   Wed, 30,08,2023, 04:37 AM
ឯកឧត្ដមបណ្ឌិត យង់ ពៅ៖ កម្ពុជាស្វាគមន៍ការអភិវឌ្ឍនិងកិច្ចសហប្រតិបត្តិការបន្ថែមលើវិស័យអប់រំភាសាចិន
ឯកឧត្ដមបណ្ឌិត យង់ ពៅ៖ កម្ពុជាស្វាគមន៍ការអភិវឌ្ឍនិងកិច្ចសហប្រតិបត្តិការបន្ថែមលើវិស័យអប់រំភាសាចិន

ឯកឧត្ដមបណ្ឌិត យង់ ពៅ ជំនួបពិភាក្សាការងារជាមួយតំណាងសាកលវិទ្យាល័យសៀងហៃនៅក្នុងឱកាសជំនួបទ្វេភាគីពីរដោយឡែកជាមួយនឹងតំណាងពីសាកលវិទ្យាល័យសៀងហៃ និងតំណាងពីសាកលវិទ្យាល័យភាសានិងវប្បធម៌ប៉េកាំង ឯកឧត្ដមបណ្ឌិត យង់ ពៅ...

2023-08-29 09:27:19   Tue, 29,08,2023, 09:27 AM
ឯកឧត្តមបណ្ឌិត យង់ ពៅ ពីវេទិកាវិទ្យាសាស្រ្តស្តីពី «ការអប់រំភាសាចិនអន្តរជាតិ» ក្នុងសប្តាហ៍ផ្លាស់ប្តូរការអប់រំចិន-អាស៊ាន ឆ្នាំ២០២៣
ឯកឧត្តមបណ្ឌិត យង់ ពៅ ពីវេទិកាវិទ្យាសាស្រ្តស្តីពី «ការអប់រំភាសាចិនអន្តរជាតិ» ក្នុងសប្តាហ៍ផ្លាស់ប្តូរការអប់រំចិន-អាស៊ាន ឆ្នាំ២០២៣

ថ្លែងសុន្ទករថាបើកវេទិកាវិទ្យាសាស្ត្រ ក្នុងសប្ដាហ៍ផ្លាស់ប្ដូរការអប់រំ ចិន-អាស៊ាន នារសៀលថ្ងៃទី២៩ ខែសីហា ឆ្នាំ២០២៣ ពីខេត្តគួយចូវ ឯកឧត្ដមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានមានប្រសាសន៍ថា...

2023-08-29 09:07:20   Tue, 29,08,2023, 09:07 AM

សេចក្តីប្រកាស

ទំនាក់ទំនង
  • ទូរស័ព្ទ / ទូរសារ:
  • សារអទ្បិចត្រូនិច: info@rac.gov.kh
  • អាសយដ្ធាន​: មហាវិថីសហព័ន្ធរុស្សី សង្កាត់អូរបែកក្អម ខណ្ឌសែនសុខ រាជធានីភ្នំពេញ ព្រះរាជាណាចក្រកម្ពុជា Tel/Fax: (855) 23 890 180; www.rac.gov.kh; E-mail: info@rac.gov.kh; P.O.Box 531 Phnom Penh, Cambodia.
    • មាតិកា
  •   (Rac application)
  • ទំព័រដើម
  • ព័ត៌មាន
  • ស្រាវជ្រាវ និងបណ្តុះបណ្តាល
  • បណ្ណាល័យ
  • បណ្ឌិតសភាចារ្យ
  • វិទ្យាស្ថាន
  • ឧទ្យានរាជបណ្ឌិត្យសភាកម្ពុជា តេជោសែនប្ញស្សីត្រឹប
  • ភាសាខ្មែរ
  • អំពីយើង
    • ដៃគូរសហការ
    បណ្ដាញសង្គម
  •   facebook
  •   youtube

    • @២០២៤​-រក្សាសិទ្ធគ្រប់យ៉ាងដោយ​​ រាជបណ្ឌិត្យសភាកម្ពុជា​

    អភិវឌ្ឍដោយ ការិយាល័យឌីជីថល នៃរាជបណ្ឌិត្យសភាកម្ពុជា