Royal Academy of Cambodia
នាព្រឹកថ្ងៃទី១៥ ខែកញ្ញា ឆ្នាំ២០២៣ រាជបណ្ឌិត្យសភាកម្ពុជា រៀបចំសិក្ខាសាលា ស្តីពីដៃគូអភិវឌ្ឍន៍សាធារណរដ្ឋកូរ៉េ-កម្ពុជា៖ ការស្វែងរកយន្តការដើម្បីពង្រឹងកិច្ចសហប្រតិបត្តិការនាពេលអនាគត ដែលរៀបចំឡើង ដើម្បីជាការរួមចំណែកដ៏សំខាន់ដែលផ្តល់ឱកាសឱ្យអ្នកវិទ្យាសាស្ត្រ អ្នកសិក្សាស្រាវជ្រាវ និងអ្នករៀបចំគោលនយោបាយ ក៏ដូចជាស្ថាប័នពាក់ព័ន្ធនៃប្រទេសយើងទាំងពីរ បានពិភាក្សានិងផ្លាស់ប្តូរយោបល់និងបទពិសោធគ្នាទៅវិញទៅមក ដើម្បីផ្តល់ជាធាតុចូលមួយយ៉ាងសំខាន់ជូនដល់រដ្ឋាភិបាលប្រទេសយើងទាំងពីរ។
កម្មវិធីសិក្ខាសាលានេះ រៀបចំឡើងក្រោមអធិបតីភាពរបស់៖
១- ឯកឧត្តម បណ្ឌិត្យសភាចារ្យ សុខ ទូច ប្រធានរាជបណ្ឌិត្យសភាកម្ពុជា
២- ឯកឧត្តម Gyeong Phil Hahn, អនុរដ្ឋមន្ត្រី ទទួលបន្ទុកកិច្ចសហប្រតិបត្តការអន្តរជាតិនៃការរិយាល័យគោលនយោបាយរបស់ខុទ្ទកាល័យនាយករដ្ឋមន្ត្រីសាធារណរដ្ឋកូរ៉េ
៣- ឯកឧត្តម Na Sang-deok អគ្គទីប្រឹក្សាស្ថានទូតសាធារណរដ្ឋកូរ៉េ ប្រចាំព្រះរាជាណាចក្រកម្ពុជា
៤- ឯកឧត្តមសាស្ត្រាចារ្យបណ្ឌិត Jung Hae Gu ប្រធានក្រុមប្រឹក្សាជាតិស្រាវជ្រាវសេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម នៃសាធារណរដ្ឋកូរ៉េ (NRC) (NRC-បទបង្ហាញតាមអនឡាញន៍)
ជាមួយគ្នានេះ ក៏មានការចូលរួមពីវាគ្មិនចំនួន ៩រូប មកពីក្រសួងស្ថាប័ននានា រួមទាំងអ្នកស្រាវជ្រាវក្នុង និងក្រៅប្រទេសដទៃទៀត សរុបចំនួន ១១៧នាក់ ដែលកំពុងមានវត្តមាននៅសាលទន្លេសាប អគារខេមរវិទូ នៃរាជបណ្ឌិត្យសភាកម្ពុជា នាព្រឹកថ្ងៃសុក្រនេះ។
សូមរំឭកដែរថា កាលពីឆ្នាំ២០១៩កន្លងទៅរាជបណ្ឌិត្យសភាកម្ពុជា (RAC) និង ក្រុមប្រឹក្សាជាតិស្រាវជ្រាវសេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម នៃសាធារណរដ្ឋកូរ៉េ (NRC) បានចុះអនុស្សរណៈនៃការយោគយល់គ្នា (MOU) នៅចំពោះថ្នាក់ដឹកនាំនៃប្រទេសទាំងពីរ នៅរាជធានីភ្នំពេញ នៃព្រះរាជាណាចក្រកម្ពុជា។ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានបញ្ជាក់ថា ដោយផ្តើមចេញពីការចុះ MOU កាលពីឆ្នាំ២០១៩ ស្ថាប័នយើងទាំងពីរ បាននិងកំពុងមានសកម្មភាពការងារជាមួយគ្នាជាបន្តបន្ទាប់ និងបានផ្លាស់ប្តូរដំណើរទស្សនកិច្ចគ្នាទៅវិញទៅមក កម្ពុជា-កូរ៉េ ជាប្រចាំ។
កម្មវិធីនេះ រៀបចំឡើងដោយមានការបង្ហាញពីលទ្ធផលនៃការស្រាវជ្រាវគម្រោង ODA ដោយ លោកស្រីបណ្ឌិត លី អ៊ឺនស៊ុក (Eunsuk Lee) ប្រធានក្រុមវាយតម្លៃអភិវឌ្ឍន៍ការស្រាវជ្រាវ មកពីវិទ្យាស្ថានស្រាវជ្រាវគោលនយោបាយសេដ្ឋកិច្ចអន្តរជាតិនៃសាធារណរដ្ឋកូរ៉េ និងដោយឯកឧត្តមបណ្ឌិត គី សេរីវឌ្ឈន៍ អគ្គនាយកវិទ្យាស្ថានសិក្សាចិន នៃរាជបណ្ឌិត្យសភាកម្ពុជា។ ជាមួយគ្នានេះ វាគ្មិន៩រូប ពីបណ្ដាក្រសួងពាក់ព័ន្ធ បានចូលរួមបង្ហាញពីការអនុវត្តគម្រោង ODA នៅកម្ពុជា ក្នុងនោះមាន៖
១- លោក NON Wattanak ប្រធាននាយកដ្ឋានតាមដាន និងត្រួតពិនិត្យការអនុវត្តគម្រោងនៃក្រសួងសេដ្ឋកិច្ច និងហិរញ្ញវត្ថុ
២- ឯកឧត្តម Im Sour អគ្គលេខាធិការរង នៃគណៈកម្មាធិការសហប្រតិបត្តិការអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា
៣- ឯកឧត្តម SO Victor រដ្ឋលេខាធិការ ក្រសួងសាធារណការ និងដឹកជញ្ជូន
៤- លោកជំទាវ Yoeu Asikin អនុរដ្ឋលេខាធិការ ក្រសួង កសិកម្ម រុក្ខាប្រមាញ់ និងនេសាទ
៥- ឯកឧត្តម សាស្ត្រាចារ្យបណ្ឌិត OEURNG Chantha អនុរដ្ឋលេខាធិការ ក្រសួងធនធានទឹក និងឧតុនិយម
៦- លោក Muong Naroath អនុប្រធាននាយកដ្ឋានផែនការនៃក្រសួងអប់រំ យុវជន និងកីឡា
៧- Moonjung Choi អ្នកតំណាងអង្គការ Korea International Cooperation Agency
៨- Minnie Chey អ្នកតំណាងអង្គការ Economic Development Cooperation Fund
៩- Yonggun Song អ្នកតំណាងអង្គការKorea Foundation for International Healthcare
សូមបញ្ជាក់ដែរថា កម្មវិធីសាលានេះ រៀបចំឡើងទៅបានដោយមានការចូលរួមក្រុមប្រឹក្សាស្រាវជ្រាវថ្នាក់ជាតិសាធារណរដ្ឋកូរ៉េ (NRC) និងឧបត្ថម្ភដោយខុទ្ទកាល័យនាយករដ្ឋមន្ត្រីសាធារណរដ្ឋកូរ៉េ និងស្ថានទូតនៃសាធារណរដ្ឋកូរ៉េប្រចាំនៅកម្ពុជា ក្រោមកិច្ចសហប្រតិបត្តិការនិងរៀបចំដោយរាជបណ្ឌិត្យសភាកម្ពុជា នៅសាលទន្លេសាប អគារខេមរវិទូ។
ពាក្យថា«សង្រ្គាមត្រជាក់» ត្រូវបានប្រើជាដំបូងនៅឆ្នាំ១៩៤៥ ដោយអ្នកនិពន្ធអង់គ្លេសម្នាក់ឈ្មោះថា George Orwell ដោយសំដៅទៅលើស្ថានភាពនៃការប្រឈមមុខដាក់គ្នាជាប្រចាំរវាងរដ្ឋនិងរដ្ឋ ក៏ប៉ុន្តែ មិនឈានដល់ការផ្ទុះសង្រ...
ថ្ងៃចន្ទ ៣រោច ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៨ ខែមថុនា ឆ្នាំ២០២០ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានបន្តដឹកនាំមន្រ្តីជំនាញផ្នែកប្រវត្តិសាស្ត្រ បុរាណវត្ថុវិទ្យា...
(ខេត្តសៀមរាប)៖ ឆ្លៀតក្នុងឱកាសចុះស្រាវជ្រាវកំណត់អត្តសញ្ញាណបដិមាទោល ព្រះបាទជ័យវរ្ម័នទី៧នៅក្នុងប្រាសាទបាយ័ន ក្រុមការងារស្រាវជ្រាវគម្រោងព្រះបាទជ័យវរ្ម័នទី៧ នៃរាជបណ្ឌិត្យសភាកម្ពុជាដឹកនាំដោយឯកឧត្តមបណ្ឌិត យ...
ឯកឧត្តម Patrick Murphy អគ្គរដ្ឋទូតសហរដ្ឋអាម៉េរិកប្រចាំប្រទេសកម្ពុជា បានផ្ញើលិខិតរំលែកទុក្ខជូនចំពោះឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ក្នុងឱកាសដែលឯកឧត្តមបណ្ឌិតសភាចារ្យបាត់បង់ឧបាស...
(រាជបណ្ឌិត្យសភាកម្ពុជា)៖ នៅព្រឹកថ្ងៃព្រហស្បតិ៍ ១៤កើត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៤ ខែមិថុនា ឆ្នាំ២០២០ ឯកឧត្តមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជាបានអញ្ជើញដឹកនាំកិច្ចប្រជុ...
បន្ទាប់ពីមានវិបត្តិវីរុសកូរ៉ូណា សហភាពអឺរ៉ុបនឹងប្រឈមមុខជាមួយបញ្ហាភូមិសាស្ត្រនយោបាយដូចដែលអង្គការតំបន់មួយនេះធ្លាប់បានប្រឈមកន្លងមកដែរ។ ប៉ុន្តែ ពេលនេះ សហភាពអឺរ៉ុបប្រហែលជាត្រូវការដោះស្រាយបញ្ហានេះ ដោយមានសាមគ...