Royal Academy of Cambodia
ថ្លែងសុន្ទករថាបើកវេទិកាវិទ្យាសាស្ត្រ ក្នុងសប្ដាហ៍ផ្លាស់ប្ដូរការអប់រំ ចិន-អាស៊ាន នារសៀលថ្ងៃទី២៩ ខែសីហា ឆ្នាំ២០២៣ ពីខេត្តគួយចូវ ឯកឧត្ដមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានមានប្រសាសន៍ថា ឆ្នាំ២០២៣នេះ គឺជាឆ្នាំគម្រប់ខួបទី៦៥ នៃការបង្កើតទំនាក់ទំនងការទូតរវាងកម្ពុជា-ចិន ហើយក៏ជា “ឆ្នាំមិត្តភាពកម្ពុជា-ចិន”។ ក្រោមការចង្អុលបង្ហាញរបស់ថ្នាក់ដឹកនាំនៃប្រទេសយើងទាំងពីរ កម្ពុជា ចិនបានរួមគ្នាបង្កើតកិច្ចសហប្រតិបត្តិការ “ឆកោណត្បូងពេជ្រ” កាលពីខែកុម្ភៈ ឆ្នាំ២០២៣ ដែលកិច្ចសហប្រតិបត្តិការនេះ គឺជាការសហការរវាងរាជរដ្ឋាភិបាលកម្ពុជា រដ្ឋាភិបាលចិន ជាមួយនឹងប្រជាជន ហើយភាគីទាំងសងខាងក៏បានបង្ហាញពីឆន្ទៈគាំទ្រការបង្រៀនភាសាចិនក្នុងប្រទេសកម្ពុជា ក៏ដូចជាពង្រឹងកិច្ចសហប្រតិបត្តិការលើវិស័យអប់រំ និងការបណ្តុះបណ្តាលវិជ្ជាជីវៈ។
ឯកឧត្ដមបណ្ឌិត អគ្គលេខាធិការ បានបន្ថែមថា ដើម្បីឆ្លើយតបនិងរួមចំណែកអនុវត្តក្នុងកិច្ចសហប្រតិបត្តិការ “ឆកោណត្បូងពេជ្រ” កម្ពុជា-ចិន និងជំរុញការអភិវឌ្ឍសេដ្ឋកិច្ចកម្ពុជា-ចិន ក៏ដូចជាលើកកម្ពស់ទំនាក់ទំនងមិត្តភាពដែកថែបកម្ពុជា-ចិន វិទ្យាស្ថានខុងជឺនៃរាជបណ្ឌិត្យសភាកម្ពុជា បាននិងកំពុងដើរតួនាទីយ៉ាងសំខាន់ក្នុងការផ្ដល់សេវាកម្មអប់រំភាសាចិន និងការផ្លាស់ប្ដូរវប្បធម៌រវាងប្រទេសទាំងពីរ គឺកម្ពុជា-ចិន នៅតាមក្រសួង ស្ថាប័ន និងគ្រឹះស្ថានអប់រំរដ្ឋនិងឯកជនជាច្រើន។ សកម្មភាពទាំងនេះ ស្របនឹងគោលការណ៍របស់រាជរដ្ឋាភិបាលដែលតែងជំរុញលើកទឹកចិត្តបន្ថែមលើការសិក្សាភាសាចិន រហូតឈានដល់ការចុះអនុស្សរណៈយោគយល់គ្នាក្នុងកិច្ចសហប្រតិបត្តិការអប់រំភាសាចិននៅតាមគ្រឹះស្ថានមធ្យមសិក្សាសាធារណៈក្នុងប្រទេសកម្ពុជា កាលពីខែវិច្ឆិកា ឆ្នាំ២០២២ កន្លងទៅនេះ។
សូមបញ្ជាក់ដែរថា វេទិកាវិទ្យាសាស្រ្តស្តីពី “ការអប់រំភាសាចិនអន្តរជាតិ” ក្នុងសប្តាហ៍ផ្លាស់ប្តូរការអប់រំចិន-អាស៊ាន ឆ្នាំ២០២៣ រៀបចំឡើងដោយសាកលវិទ្យាល័យកួយចូវ ប្រទេសចិន នៅថ្ងៃទី២៩ ខែសីហា ឆ្នាំ២០២៣។ សប្តាហ៍ផ្លាស់ប្តូរការអប់រំចិន-អាស៊ាន គឺជាគំរូនៃកិច្ចសហប្រតិបត្តិការការផ្លាស់ប្តូរលើវិស័យអប់រំរវាងប្រទេសចិននិងអាស៊ាន ដែលបានរៀបចំឡើងអស់រយៈពេល១៥ឆ្នាំមកហើយ៕
សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីដាំដើមឈើនៅឧទ្យានរាជបណ្ឌិត្យសភាកម្ពុជា តេជោសែនប្ញស្សីត្រឹប ខេត្តព្រះវិហារ នៅព្រឹកថ្ងៃសុក្រ៤កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៨ ខែឧសភា ឆ...
អតីតប្រធានាធីបតីអាម៉េរិកទី៤៤ លោក បារ៉ាក់ អូបាម៉ា កាលពីថ្ងៃអង្គារ ទី៨ ខែឧសភា ឆ្នាំ២០១៨ បានចេញមុខរិះគន់ខ្លាំងៗទៅលើការសម្រេចចិត្តរបស់ប្រធានាធិបតីអាម៉េរិក លោកដូណាល់ ត្រាំ ក្នុងការដក...
កាលពីព្រឹកថ្ងៃព្រហស្បតិ៍ ១២កើត ខែពិសាខ ឆ្នាំច សំរឹទ្ធិស័កក ព.ស.២៥៦១ ត្រូវនឹងថ្ងៃទី២៦ ខែមេសា ឆ្នាំ២០១៨ នៅវេលាម៉ោង៩:៣០នាទីព្រឹកនេះ ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រី ប្រចាំការ រដ្ឋមន...