Royal Academy of Cambodia
កាលពីថ្ងៃសុក្រ ២កើត ខែស្រាពណ៍ ឆ្នាំថោះបញ្ចស័ក ព.ស ២៥៦៧ ត្រូវនឹងថ្ងៃទី១៨ ខែសីហា ឆ្នាំ២០២៣ ក្នុងនាមតំណាងឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ឯកឧត្តម បណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានដឹកនាំក្រុមការងារនៃវិទ្យាស្ថានវិទ្យាសាស្រ្ត និងបច្ចេកវិទ្យា ដើម្បីចុះពិនិត្យគម្រោងស្តីពីការប្រមូលទឹកភ្លៀងសម្រាប់បរិភោគ ដែលបានដាក់ឱ្យប្រើប្រាស់នៅវិទ្យាល័យកំបូល។ វិទ្យាល័យកំបូល មានសិស្សសរុបចំនួន ២១២១នាក់ និងស្រី ចំនួន ១០១៩នាក់ បុគ្គលិក ៦៦នាក់ ស្រី ចំនួន ២៧នាក់ ស្ថិតនៅភូមិតាកេរ្តិ៍ សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ ។
គម្រោងសិក្សាស្តីពីការប្រមូលទឹកភ្លៀងសម្រាប់បរិភោគនេះ បានចាប់ផ្តើមអនុវត្តន៍កាលពីថ្ងៃទី ថ្ងៃទី១២ ខែធ្នូ ឆ្នាំ២០២២ គឺមានចំណុះបរិមាណស្តុកទឹកភ្លៀង ចំនួន ២០ ម៉ែត្រគូប។ គម្រោងនេះ បានឧបត្ថម្ភ មូលនិធិ កិច្ចសហប្រតិបត្តិការមេគង្គកូរ៉េ (Mekong Korea Cooperation Fund (MKCF) តាមរយៈសាកលវិទ្យាល័យជាតិសេអ៊ូល នៃសាធារណៈរដ្ឋកូរ៉េ ដឹកនាំដោយ លោកសាស្រ្តាចារ្យ ម៉ូយ៉ុងហាន។
លទ្ធផលជាច្រើន តាមរយៈកម្មវិធីនៃការចុះពិនិត្យគម្រោងនោះ បានបង្ហាញថា៖ ក្នុងមួយខែអាចប្រើប្រាស់ទឹកអស់ប្រមាណជាង៥ ម៉ែត្រគីប(m3) គឺអាចធ្វើឱ្យសិស្សានុសិស្ស និងបុគ្គលិកសិក្សាបានប្រើប្រាស់ទឹកសម្រាប់បរិភោគដោយមិនគិតថ្លៃ។ ក្នុងនោះ លោកសាស្រ្តាចារ្យ ម៉ុយ៉ុងហាន ក៏បានវាយតម្លៃខ្ពស់ទៅលើគុណភាពរបស់ទឹក បន្ទាប់ពីបានយកសំណាកទឹកទៅវិភាគនៅមន្ទីរពិសោធន៍ (RDI Cambodia)ផងដែរ។
សកម្មភាពនៃការដាក់ឱ្យប្រើប្រាស់ទឹកសម្រាប់បរិភោគនេះក៏ត្រូវបានទទួលស្គាល់នៅអង្គការសហប្រជាជាតិ នាទីក្រុងញូយ៉ក នៃសហរដ្ឋអាម៉េរិក កាលពីថ្ងៃទី២៣ - ២៤ ខែមីនា ឆ្នាំ២០២៣ កន្លងទៅ។ បន្ថែមលើសពីនោះ លោក ប្រធានក្រុមហ៊ុន ប៊ូយ៉ុង ហៅស៊ីង ខូ អិលធីឌី (Booyoung Housing Co.,LTD) ក៏មានចំណាប់អារម្មណ៍ចំពោះវិធីសាស្រ្តថ្មី នៅក្នុងការប្រើប្រាស់ដោយបច្ចេកវិទ្យាក្នុងស្រុក របស់លោកសាស្រ្តាចារ្យ ម៉ូយ៉ងហាន ដែលបានអនុវត្តន៍នៅវិទ្យាល័យកំបូល។
ដោយឡែក ឯកឧត្តមបណ្ឌិត យង់ ពៅ បានបង្ហាញពីការគាំទ្រចំពោះការខិតខំប្រឹងប្រែងរបស់លោកសាស្រ្តាចារ្យ និងបានជម្រុញការលើកទឹកចិត្តចំពោះ លោកសាស្រ្តាចារ្យ ម៉ុយ៉ុងហាន និងលោកប្រធានក្រុមហ៊ុន ប៊ូយ៉ុង ឱ្យជួយបន្តការគាំទ្រ ទៅតាមសាលាផ្សេងៗទៀត ព្រមទាំងបានផ្តាំផ្ញើរទៅកាន់ថ្នាក់ដឹកនាំ លោកគ្រូអ្នកគ្រូ និងសិស្សានុសិស្សឱ្យមានការយកចិត្តទុកដាក់ថែរទាំសម្ភារៈដែលបានបំពាក់ឱ្យបានល្អ។ ឯកឧត្តមបណ្ឌិតបានលើកឡើងនូវពាក្យស្លោក ថា៖ មានទឹក គឺមានជីវិត វាស្រដៀងនឹងពាក្យថា មានទឹកគឺមានត្រី (ពាក្យទំនៀមខ្មែរ)។
គួរំលឹកផងដែរថា រាជបណ្ឌិត្យសភាកម្ពុជា បានចុះអនុស្សារណៈយោគយល់ជាមួយសាកលវិទ្យាល័យជាតិសេអ៊ូលនៃសាធារណៈរដ្ឋកូរ៉េ ក្នុងឆ្នាំ២០១៩ និង បានអនុវត្តគម្រោងទី១ ក្នុងឆ្នាំ២០២២ និងគម្រោងបន្តទៅសាលាផ្សេងទៀតនៅជាយទីក្រុងភ្នំពេញ៕
------------------
RAC Media
នៅថ្ងៃអង្គារ ១កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត សន ពៅ អនុប្រធាន ក្រុមប្រឹក្សាជាតិភាសាខ្មែរបានបើកកិច្ចប្...
ឯកឧត្តមទេសរដ្ឋមន្រ្តីបណ្ឌិត ឱម យ៉ិនទៀង ប្រធានអង្គភាពប្រឆាំងអំពើពុករលួយត្រូវបានព្រះមហាក្សត្រចេញព្រះរាជក្រឹត្យលេខ នស/រកត/០៧២០/៧៥៨ ចុះថ្ងៃទី១៨ ខែកក្កដា ឆ្នាំ២០២០ ប្រោសព្រះរាជទានគោរមងារជា កិត្តិនីតិកោសលបណ...
នៅថ្ងៃសុក្រ ១២រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៧ ខែកក្កដា ឆ្នាំ២០២០ លោកបណ្ឌិត ផុន កសិកា ប្រធានស្ដីទីវិទ្យាស្ថានមនុស្សសាស្ត្រនិងវិទ្យាសាស្ត្រសង្គម និងជាប្រធានគម្រោង «អត្តសញ្ញាណបដិមាព...
រាជរដ្ឋាភិបាលកម្ពុជា ដឹកនាំដោយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចតែងតាំងបញ្ញាជនរបស់ជាតិ ចំនួន ១៣រូប ជាសមាជិកបម្រុងនៃរាជបណ្ឌិត្យសភាកម្ពុជា សម្រាប់ឆ្នាំ២០២...
កាលពីឆ្នាំ២០១៩ សហរដ្ឋអាម៉េរិកនិងរុស្ស៊ីមានសកម្មភាពតិចតួចប៉ុណ្ណោះក្នុងការធ្វើឱ្យមានវឌ្ឍនភាពស្តីពីការគ្រប់គ្រងអាវុធយុទ្ធសាស្រ្ត។ ផ្ទុយទៅវិញ មានបញ្ហាជាច្រើនបណ្តាលឱ្យមានការលុបចោលនូវកិច្ចព្រមព្រៀងទ្វេភាគីន...
កាលពីរសៀលថ្ងៃពុធ ១០រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៥ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើកកិច្ចប្រជុំដើម្បីពិនិត្យ ពិភាក្សា និង...