រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃពុធ, 10 តុលា 2018 ម៉ោង 11:56 PM
ថ្ងៃពុធ ទី១០ ខែតុលា ឆ្នាំ២៩១៨
មេដឹកនាំប្រទេសមេគង្គ និងជប៉ុន សម្រេចបាននូវផែនការយុទ្ធសាស្ត្ររួមគ្នាជាច្រើន នាអំឡុងនៃកិច្ចប្រជុំកំពូលលើកទី១០នៅក្រុងតូក្យូ ប្រទេសជប៉ុន ពីថ្ងៃទី៩ ដល់ថ្ងៃទី១០ ខែតុលា។ការតភ្ជាប់ផ្នែករឹង ផ្នែកទន់ និងផ្នែកឧស្សហកម្មឱ្យមានភាពរស់រវើក និងមានប្រសិទ្ធភាព ជាសសរស្តម្ភទីមួយដែលត្រូវបានដាក់ចេញនាកិច្ចប្រជុំកំពូលមេគង្គ-ជប៉ុនលើកទី១០ ដែលការចូលរួមពីសំណាក់លោកនាយករដ្ឋមន្ត្រីជប៉ុន ស៊ិន ហ្ស៊ូអាបេ សម្តេចនាយករដ្ឋមន្ត្រី ហ៊ុន សែន លោកនាយករដ្ឋមន្ត្រីឡាវ ថងលួន ស៊ីស៊ូលីត លោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្ត្រីក្រសួងការបរទេស នៃសហភាពមីយ៉ាន់ម៉ា,លោកនាយករដ្ឋមន្ត្រីថៃ ប្រាយុទ្ធ ចាន់អូចា និងលោកនាយករដ្ឋមន្ត្រីវៀតណាម ង្វៀន សួនហ្វ៊ុក។បន្ថែមពីលើនេះ ថ្នាក់ដឹកនាំទាំង៦ប្រទេស ដាក់ចេញនូវសសរស្តម្ភសង្គម ដោយផ្តោតលើមនុស្ស លើការងារជា ចម្បង ដែលក្នុងនោះមាន ការអភិវឌ្ឍធនធានមនុស្ស ការថែទាំងសុខមាលភាព ការអប់រំ កិច្ចសហប្រតិបត្តិការក្នុង វិស័យច្បាប់ និងតុលាការ។ ការសម្រេចបាននូវមេគង្គបៃតងជាសសរស្តម្ភទីបីនៃកិច្ចសហប្រតិបត្តិការ ដោយផ្តោតលើការងារ កាត់បន្ថយហានិភ័យគ្រោះមហន្តរាយ និងការប្រែប្រួលអាកាសធាតុ ការគ្រប់គ្រងធនធានទឹក ការគ្រប់គ្រងកាកសំណល់ ការអភិរក្ស និងការប្រើប្រាស់ធនធានជលផលប្រកបដោយចីរភាព រួមទាំងថនិកសត្វក្នុងសមុទ្រ។
ជាមួយគ្នានេះ លោក អាបេ បានថ្លែងថា មេដឹកនាំប្រទេស តំបន់ទន្លេមេគង្គទាំង៥ និង ជប៉ុន បាន សម្រេចដាក់ចេញនូវ «យុទ្ធសាស្ត្រទីក្រុងតូក្យូឆ្នាំ២០១៨ សម្រាប់កិច្ចសហប្រតិបត្តិការមេគង្គ-ជប៉ុន» សំដៅពង្រឹងទំនាក់ទំនង និងកិច្ច សហប្រតិបត្តិការប្រទេសតំបន់មេគង្គ និងជប៉ុន ក៏ដូចជាឆ្លើយតបបញ្ហានៅក្នុងតំបន់ និងលើពិភពលោកនាពេលបច្ចុប្បន្ន។
ពាក់ព័ន្ធលើសមិទ្ធផល និងស្ថានភាពបច្ចុប្បន្ននៃកិច្ចសហប្រតិបត្តិការមេគង្គ-ជប៉ុន មេដឹកនាំប្រទេសមេគង្គ និងជប៉ុន បានលើកសរសើរពីសមិទ្ធផលនៃ «យុទ្ធសាស្ត្រទីក្រុងតូក្យូថ្មីឆ្នាំ២០១៥» និងការអនុវត្ត ជំនួយ អភិវឌ្ឍន៍ផ្លូវការ (ODA) ក្នុងទំហំទឹកប្រាក់ជាង ៧៥០ពាន់លានយ៉េន ក្នុងរយៈពេលបីឆ្នាំចុងក្រោយនេះ។ មេដឹកនាំមេគង្គ-ជប៉ុន ក៏បានសម្រេច ដាក់ចេញ កិច្ចសហប្រតិបត្តិការមេគង្គ-ជប៉ុន និងទិសដៅអភិវឌ្ឍន៍ប្រកបដោយចីរភាព (SDGs), និងកិច្ចសហប្រតិបត្តិការមេគង្គ-ជប៉ុន និងយុទ្ធសាស្ត្រនៃកិច្ចសហប្រតិបត្តិការ សេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (Ayeyawady-Chao Phraya-Mekong Economic Cooperation Strategy-AMECS) ផងដែរ។ សម្រាប់បញ្ហាតំបន់ និងអន្តរជាតិវិញ មេដឹកនាំមេគង្គ-ជប៉ុន បានបញ្ជាក់សាជាថ្មីអំពីការប្តេជ្ញាចិត្ត ដ៏រឹងមាំរបស់ ខ្លួនក្នុងការពង្រឹង និងពង្រីកកិច្ចសហប្រតិបត្តិការជិតស្និទ្ធ លើ បញ្ហាតំបន់ និងសកលនានា៕
ប្រភព: ថ្មីថ្មី
RAC Media | ហេង សុភី
នៅថ្ងៃទី១៨ ខែមីនា ឆ្នាំ២០១៨ កញ្ញា គ្រី សុខណា វាគ្មិនកិត្តិយសវ័យក្មេងមួយរូប បានអញ្ជើញមកធ្វើបទបង្ហាញមួយនៅកម្មវិធីសិក្ខាសាលាស្តីពី «កាលានុវត្តភាពក្នុងការអភិវឌ្ឍគម្រោងបញ្ចេញកាបូនទាបតាមរយៈគម្រោងកាបូនព្រៃឈើ...
ថ្ងៃចន្ទ, 18 មីនា 2019 ម៉ោង 04:51 PM
តាមការវិវឌ្ឍនៃមនុស្សនៅមុនគ្រឹះសករាជ មនុស្សដើមទាក់ទងគ្នាដោយកាយវិការ ឬ ប្រើសញ្ញា ដើម្បីសម្គាល់អ្វីមួយជាបន្តបន្ទាប់ រហូតដល់ប្រើសញ្ញាតំណាងជាលេខ ចំនួន ដូចជាពួកស៊ូមៀរ (Sumerians) បង្កើតប្រព័ន្ធរាប់។ តែនៅក្រ...
ថ្ងៃចន្ទ, 18 មីនា 2019 ម៉ោង 12:25 PM
នៅក្នុងអត្ថបទភាគទី៥នេះ យើងនឹងបង្ហាញអំពីពិធីសម្ពោធវិមានរំឭកដល់អ្នកស្លាប់ក្នុងសង្គ្រាមលោកលើកទី១ ដែលបានប្រព្រឹត្តទៅនៅក្រុងភ្នំពេញ រយៈពេល៣ថ្ងៃ គឺពីថ្ងៃសុក្រទី២៧ ខែកុម្ភៈ ដល់ថ្ងៃអាទិត្យទី១ ខែមីនា ឆ្នាំ១៩២៥...
ថ្ងៃចន្ទ, 18 មីនា 2019 ម៉ោង 11:54 AM
នៅព្រឹកថ្ងៃទី១៨ ខែមីនា ឆ្នាំ២០១៩ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបជាមួយលោកបណ្ឌិត Rafal Smoczynski ដែលជាអ្នកស្រាវជ្រាវនៃបណ្ឌិត្យសភាវិទ្យាសាស្ត្រប៉ូឡូញ ដើម្បីពិភាក្ស...
ថ្ងៃចន្ទ, 18 មីនា 2019 ម៉ោង 11:44 AM
ការអភិរក្សដីសើមនៅក្នុងប្រទេសឥណ្ឌូណេស៊ី គឺជាប្រធានបទមួយដែលមានការលើកឡើងនៅក្នុងកម្មវិធីអង្គសិក្ខាសាលាអន្តរជាតិ ស្តីពី «កាលានុវត្តភាពក្នុងការអភិវឌ្ឍគម្រោងបញ្ចេញកាបូនទាបតាមរយៈគម្រោងកាបូនព្រៃឈើ...
ថ្ងៃអាទិត្យ, 17 មីនា 2019 ម៉ោង 05:37 PM
កញ្ញា Pinyarat Chayaporn ជាវាគ្មិនមួយរូបដែលបានអញ្ជើញពីប្រទេសថៃ ដោយកញ្ញាបានបង្ហាញពីសារៈសំខាន់នៃដើមម៉ៃសាក់ ស្តុកកាបូនមាននៅក្នុង៤ផ្នែក ។កញ្ញា Pinyarat Chayaporn បានលើកជាសំណួថា «ហេតុអ្វីត្រូវការសិក្សា...
ថ្ងៃអាទិត្យ, 17 មីនា 2019 ម៉ោង 05:23 PM
