នៅព្រឹកថ្ងៃទី៣ ខែឧសភា ឆ្នាំ២០២៣នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្ឌិតសភាចារ្យ បានទទួលជួបពិភាក្សាការងារជាមួយលោកសាស្ត្រាចារ្យ​បណ្ឌិត Dato' Wan Mohamad bin Dato’s Sheikh Abdul Aziz ប្រធានស្តីទីក្រុមប្រឹក្សាភិបាលនៃវិទ្យាស្ថាន KEFAHAMAN ISLAM MALAYSIA (IKIM)។

ក្នុងជំនួបនេះ តំណាងស្ថាប័នទាំងពីរ បានជជែកពិភាក្សាស្តីពីលទ្ធភាពនៃកិច្ចប្រតិបត្តិការរវាងស្ថាប័នទាំងពីរ  ការចុះអនុស្សរណៈនៃការយោគយល់គ្នាក្នុងពេលខាងមុខ និងការសិក្សាស្រាវជ្រាវរួមគ្នាស្តីពីសុខដុមនីយកម្មនៃសាសនានៅកម្ពុជា នាពេលខាងមុខនេះ។