Royal Academy of Cambodia
(ភ្នំពេញ)៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា គ្មានការបង្កើតខេត្តថ្មីនោះទេ ដោយសម្ដេចបានបញ្ជារទៅក្រសួងមហាផ្ទៃឱ្យបញ្ឈប់ការសិក្សាលទ្ធភាពបង្កើតខេត្តថ្មីនេះហើយ ដោយសារតែដំណឹងសិក្សានេះត្រូវបានបែកខ្ញែក ហើយត្រូវអ្នកមានឥទ្ធិពលមួយចំនួនបានប្រជែងគ្នាដណ្តើមឋានៈតួនាទីក្នុងខេត្តថ្មីនេះ។
ភ្លាមៗនោះដែរ ទីស្តីការគណៈរដ្ឋមន្ត្រី ក៏បានចេញសេចក្តីជូនដំណឹងបញ្ឈប់ការសិក្សាពីការបង្កើតខេត្តថ្មី បន្ទាប់ពីសម្តេចនាយករដ្ឋមន្ត្រីបានប្រកាសបញ្ឈប់បង្កើតខេត្តថ្មីទាំងពីរនៅក្នុងឱកាសជាអធិបតីនៃពិធីអបអរសាទរទិវាគ្រូបង្រៀន នាព្រឹកថ្ងៃទី០៥ ខែតុលា ឆ្នាំ២០១៨ ក្រោមប្រធានបទ «គុណភាពគ្រូ ជាគុណភាពមូលធនមនុស្សសម្រាប់ការអភិវឌ្ឍប្រកបដោយចីរភាព» នៅវិទ្យាស្ថានជាតិអប់រំ។
គួរបញ្ជាក់ផងដែរថា កាលពីដើមខែសីហាកន្លងទៅ ក្រសួងមហាផ្ទៃ បានដាក់ស្នើសុំបង្កើតខេត្តថ្មីចំនួន២ ដោយខេត្តមួយត្រូវបំបែកចេញពីខេត្តកណ្ដាល និងខេត្តថ្មីមួយទៀតត្រូវបំបែកចេញពីខេត្តរតនគិរី និងខេត្តមណ្ឌលគិរី។ ទន្ទឹមគ្នានោះ ក៏កើតមានពាក្យចចាមអារ៉ាមថា រាជរដ្ឋាភិបាលគ្រោងបង្កើតខេត្តថ្មីរហូតដល់៧ខេត្តថែមទៀតផង ប៉ុន្តែព័ត៌មាននេះ ត្រូវមន្ត្រីជាន់ខ្ពស់នៃក្រសួងមហាផ្ទៃ បដិសេធចោល៕
ដកស្រង់៖ ប្រសាសន៍សម្ដេចនាយករដ្ឋមន្ត្រី ក្នុងពិធីអបអរសាទរទិវាគ្រូបង្រៀន ០៥ តុលា ២០១៨
RAC Media | លឹម សុវណ្ណរិទ្ធ
(រូបភាព៖ FreshNews)
លោក ហេង សុភី មន្រ្តីស្រាវជ្រាវ នៃវិទ្យាស្ថាន មនុស្សសាស្រ្ត និងវិទ្យាសាស្រ្តសង្គម នៃរាជបណ្ឌិត្យសភាកម្ពុជា បានធ្វើបទបង្ហាញមួយស្តីពី «ការតភា្ជប់ទេសចរណ៍កម្ពុជា វៀតណាម ឡាវ និងទស្សន:អនាគត ( ខេត្តក្រចេះ ស្ទឹ...
ឡាវ៖ ថ្លែងនៅក្នុងពិធីបើកសន្និសីទអន្តរជាតិលើទី៨ ស្តីពី «ការអភិវឌ្ឍវិស័យទេសចរណ៍ប្រកបដោយនិរន្តរភាពនៅក្នុងប្រទេសកម្ពុជា វៀតណាម និងឡាវ» នាថ្ងៃទី២៧ ខែតុលា ឆ្នាំ២០១៩នៅក្រុងហ្លួងព្រះបាង នៃសាធារណរដ្ឋប្រជាធិ...
រាជបណ្ឌិត្យសភាកម្ពុជា៖ នៅរសៀលថ្ងៃព្រហស្បតិ៍ ១១រោច ខែអស្សុជ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៤ ខែតុលា ឆ្នាំ២០១៩ ឯកឧត្តមបណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា បានដឹកនាំថ្នាក់ដឹកនាំ ន...