ព័ត៌មាន

រាជបណ្ឌិត្យសភាកម្ពុជាទទួលបានការឧបត្ថម្ភលើការបោះពុម្ពសៀវភៅ ស្តីពី «ការផលិតសាច់ច្រក (សាច់ក្រក)» នៅលើពិភពលោក ចំនួន ៥ ពាន់ដុល្លារសហរដ្ឋអាម៉េរិក

2022-12-14 00:54:33 ថ្ងៃពុធ, 14 ធ្នូ 2022, 12:54 AM
post_detail

នៅព្រឹកថ្ងៃអង្គារ ៥រោច ខែមិគសិរ ឆ្នាំខាល ចាត្វាស័ក ព.ស. ២៥៦៦ ត្រូវនឹងថ្ងៃទី១៣ ខែធ្នូ ឆ្នាំ២០២២នេះ ឯកឧត្ដមបណ្ឌិតសភាចារ្យ សុខ ទូច បានទទួលជួបពិភាក្សាជាមួលោកឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY ។

ក្នុងឱកាសជួបពិភាក្សាគ្នានាព្រឹកនេះ ឯកឧត្ដមបណ្ឌិតសភាចារ្យ សុខ ទូច បានគូសបញ្ជាក់ជូនលោកឧកញ៉ា សំ សុខនឿន អំពីសមិទ្ធផលការងារ និងស្នាដៃស្រាវជ្រាវជាច្រើនរបស់រាជបណ្ឌិត្យសភាកម្ពុជាសម្រេចបាននាពេលកន្លងមក។ ជាការឆ្លើយតប លោកឧកញ៉ាបានបង្ហាញអំពីចំណាប់អារម្មណ៍ និងវាយតម្លៃខ្ពស់ចំពោះសមិទ្ធផលទាំងឡាយដែលរាជបណ្ឌិត្យសភាកម្ពុជាសម្រេចបាន។

ឯកឧត្ដមបណ្ឌិតសភាចារ្យ បានមានប្រសាសន៍លើកឡើងថា ដោយសាររាជបណ្ឌិត្យភាកម្ពុជា ជាស្ថាប័នស្រាវជ្រាវ ដូច្នេះ ភារកិច្ចចម្បងរបស់រាជបណ្ឌិត្យសភាកម្ពុជាគឺការសិក្សាស្រាវជ្រាវលើវិស័យ និងប្រធានបទដែលជាគន្លឹះ ក៏ដូចជាចំណុចស្នូលនៅក្នុងដំណើរការវិវឌ្ឍនៅក្នុងសង្គមជាតិ ដើម្បីចូលរួមចំណែកក្នុងការដោះស្រាយបញ្ហាសង្គម ការអភិវឌ្ឍធនធានមនុស្ស និងយុទ្ធសាស្ត្រនៅក្នុងការអភិវឌ្ឍប្រទេសជាដើម។ ឯកឧត្ដមបណ្ឌិតសភាចារ្យបានបន្ថែមថា ក្រោយការសិក្សាស្រាវជ្រាវបញ្ចប់ រាជបណ្ឌិត្យសភាកម្ពុជាបានផ្ដល់ធាតុចូលជាច្រើនទៅកាន់ក្រសួង/ស្ថាប័នពាក់ព័ន្ធ។ ទោះជាយ៉ាងណា ឯកឧត្ដមបណ្ឌិតសភាចារ្យក៏បានគូសបញ្ជាក់ផងដែរថា ក្រៅពីស្នាដៃដែលមានគោលដៅផ្ដល់ធាតុចូលជូនក្រសួង/ស្ថាប័ន រាជបណ្ឌិត្យសភាកម្ពុជាក៏កសាងឯកសារ និងអត្ថបទស្រាវជ្រាវជាច្រើនផ្សេងទៀត ដែលត្រូវការបោះពុម្ព និងផ្សព្វផ្សាយ ប៉ុន្តែដោយសារថវិកាមានកំណត់ ដូច្នេះកម្រិតនៃការបោះពុម្ពផ្សព្វផ្សាយទៅកាន់សាធារណជនក៏ពុំអាចមានវិសាលភាពទូលំទូលាយនោះដែរ ដែលវាជាបញ្ហាចោទសម្រាប់ស្ថាប័នសិក្សាស្រាវជ្រាវ។

ដោយមានក្ដីសោមនស្សចំពោះសមិទ្ធផល និងស្នាដៃស្រាវជ្រាវរបស់រាជបណ្ឌិត្យសភាកម្ពុជា ក្រោមការដឹកនាំរបស់ឯកឧត្ដមបណ្ឌិតសភាចារ្យ សុខ ទូច និងដោយមានសមានចិត្តក្នុងការចូលរួមចំណែកផ្សព្វផ្សាយចំណេះដឹង និងជំនាញថ្មីៗជូនដល់យុវជន និងសាធារណជនទូទៅ លោកឧកញ៉ា សំ សុខនឿន បានចូលរួមវិភាគទានជាថវិកា ចំនួន ៥ ពាន់ដុល្លារសហរដ្ឋអាម៉េរិក ដើម្បីរួមចំណែកក្នុងការបោះពុម្ព សៀវភៅ ស្តីពី «ការផលិតសាច់ច្រក (សាច់ក្រក)» នៅលើពិភពលោក។

ឯកឧត្ដមបណ្ឌិតសភាចារ្យ សុខ ទូច បានថ្លែងអំណរគុណយ៉ាងជ្រាលជ្រៅដល់ លោកឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY ដែលបានផ្ដល់ការគាំទ្រដល់ការផ្សព្វផ្សាយនូវស្នាដៃស្រាវជ្រាវរបស់រាជបណ្ឌិត្យសភាកម្ពុជា ក៏ដូចជាការចូលរួមជាចំណែកក្នុងការជំរុញការផ្ដល់ចំណេះដឹង និងជំនាញថ្មីៗដល់សាធារណជន ពិសេសយុវជនកម្ពុជា៕

RAC Media | លឹម សុវណ្ណរិទ្ធ

អត្ថបទទាក់ទង

ឯកឧត្ដមបណ្ឌិតសភាចារ្យ សុខ ទូច៖ កម្ពុជាទទួលបានជោគជ័យ៣ចំណុចក្នុងនាមជាប្រធានអាស៊ាននៅឆ្នាំ២០២២

(រាជបណ្ឌិត្យសភាកម្ពុជា)៖ ឯកឧត្ដមបណ្ឌិតសភាចារ្យ សុខ ទូច បានមានប្រសាសន៍គូសបញ្ជាក់យ៉ាងដូច្នេះ នៅក្នុងឱកាស​អញ្ជើញជាអធិបតីថ្លែងសុន្ទរកថាបិទសន្និសីទអន្តរជាតិ លើកទី១៧ ស្ដីពី «សណ្ដាប់ធ្នាប់ពិភពលោកថ្មី៖ ការប្រ...

2022-12-21 08:32:21   Wed, 21,12,2022, 08:32 AM
បណ្ឌិតសភាចារ្យ សុខ ទូច៖ អាស៊ានហាក់មិនសូវខ្លាំងព្រោះអាស៊ានគ្មានអ្វីរួម ហើយថែមទាំងប្រកួតប្រជែង និងលាក់បាំងព័ត៌មានគ្នាថែមទៀត

(រាជបណ្ឌិត្យសភាកម្ពុជា)៖ ក្នុងឱកាសអញ្ជើញជាអធិបតីថ្លែងសុន្ទរកថាបិទសន្និសីទអន្តរជាតិ លើកទី១៧ ស្ដីពី «សណ្ដាប់ធ្នាប់ពិភពលោកថ្មី៖ ការប្រជែង សមាហរណកម្ម និងពហុប៉ូល» ដែលរៀបចំឡើងនៅថ្ងៃអង្គារ ១២រោច ខែមិគសិរ ឆ្...

2022-12-21 08:16:36   Wed, 21,12,2022, 08:16 AM
រាជបណ្ឌិត្យសភាកម្ពុជា គ្រោងធ្វើកិច្ចសហប្រតិបត្តិការសិក្សាស្រាវជ្រាវរួមគ្នា ជាមួយសាលាខេត្តបាត់ដំបង លើការអភិវឌ្ឍនិងការកែប្រែសំណល់ទៅជាថាមពលនៅខេត្តបាត់ដំបង។

នៅថ្ងៃសៅរ៍ ៩រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែធ្នូ ឆ្នាំ២០២២ ឯកឧត្តមបណ្ឌិត យង់ ពៅ អគ្គលេខាធិការ និងក្រុមការងារស្រាវជ្រាវ តំណាង ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យស...

2022-12-20 08:12:15   Tue, 20,12,2022, 08:12 AM
លោក Futoshi NISHIMOTO៖ កិច្ចសហប្រតិបត្តិការរវាងជប៉ុនជាមួយនឹងអាស៊ាន ដោយឆ្លុះបញ្ចាំងអំពីឥណ្ឌូប៉ាស៊ីហ្វិក ដោយជប៉ុនបានប្រគល់ជូននូវរបាយការណ៍វឌ្ឍនភាពនៃនៅក្នុងកិច្ចប្រជុំអាស៊ានជប៉ុនលើកទី២៥នាពេលកន្លងមកនេះ

លោក Futoshi NISHIMOTO លេខាទី១នៃស្ថានទូតជប៉ុន បានលើកឡើងអំពីកិច្ចសហប្រតិបត្តិការរវាងជប៉ុនជាមួយនឹងអាស៊ាន ដោយឆ្លុះបញ្ចាំងអំពីឥណ្ឌូប៉ាស៊ីហ្វិក ដោយជប៉ុនបានប្រគល់ជូននូវរបាយការណ៍វឌ្ឍនភាពនៃនៅក្នុងកិច្ចប្រជុំអា...

2022-12-20 07:33:04   Tue, 20,12,2022, 07:33 AM
សន្និសីទអន្តរជាតិប្រចាំឆ្នាំលើកទី១៧ ស្តីពី “សណ្តាប់ធ្នាប់ពិភពលោកថ្មី៖ ការប្រជែងសមាហរណកម្ម និងពហុប៉ូល”

វាគ្មិន៖ លោក SHI Weiwei ប្រធានការិយាល័យនយោបាយ នៃស្ថានទូតសាធារណរដ្ឋប្រជាមានិតចិន លោក SHI Weiwei បានលើកឡើងឯកភាពទៅនឹងទស្សនៈរបស់ឯកឧត្ដមបណ្ឌិត យង់ ពៅ ដែលមហាអំណាចគួរតែអនុញ្ញាតឱ្យប្រទេសតូចៗរីកចម្រើន រុង...

2022-12-20 07:19:16   Tue, 20,12,2022, 07:19 AM
«បណ្ឌិត យង់ ពៅ៖ គោលដៅចាស់ យុទ្ធសាស្ត្រថ្មី»

ថ្លែងបញ្ជាក់នៅក្នុងកម្មវិធីសន្និសីទអន្តរជាតិប្រចាំឆ្នាំលើកទី១៧ ស្តីពី «សណ្តាប់ធ្នាប់ពិភពលោកថ្មី៖ ការប្រជែងសមាហរណកម្ម និងពហុប៉ូល» នៅថ្ងៃទី២០ ខែធ្នូ ឆ្នាំ២០២២នេះ ឯកឧត្ដមបណ្ឌិតបានលើកឡើងថា គោលដៅចាស់គឺការគ...

2022-12-20 06:53:49   Tue, 20,12,2022, 06:53 AM

សេចក្តីប្រកាស