Royal Academy of Cambodia
រាជបណ្ឌិត្យសភាកម្ពុជា៖ ថ្លែងនៅក្នុងសុន្ទរកថាស្វាគមន៍ របស់ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្ឌិតសភាចារ្យ នៅព្រឹកថ្ងៃពុធ ១១រោច ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២១ ខែកញ្ញា ឆ្នាំ២០២២ នេះ នៅក្នុងសិក្ខាសាលាកសាងសមត្ថភាព ស្តីពី«យុទ្ធសាស្ត្រនៃការស្តារសេដ្ឋកិច្ចឡើងវិញក្រោយវិបត្តិកូវីដ-១៩» បានបញ្ជាក់ឱ្យដឹងថា សិក្ខាសាលាកសាងសមត្ថភាពប្រចាំឆ្នាំលើកទី៩ ដែលកំពុងតែរៀបចំនេះ គឺធ្វើឡើងក្នុងគោលបំណងដើម្បីជាការរួមចំណែកចែករំលែកនូវបទពិសោធន៍ ក៏ដូចជាចំណេះដឹងអំពីយុទ្ធសាស្ត្រនៃការស្តារសេដ្ឋកិច្ចឡើងវិញក្រោយវិបត្តិជំងឺកូវីដ-១៩ នៅប្រទេសកម្ពុជា ឡាវ វៀតណាម និងកូរ៉េ។
ឯកឧត្ដមបណ្ឌិតសភាចារ្យ បានបញ្ជាក់ដែរថា សិក្ខាសាលាកសាងសមត្ថភាពនេះ បានដើរតួយ៉ាងសំខាន់ ជាមជ្ឈមណ្ឌលប្រមូលផ្ដុំនិងជួបជុំគ្នារបស់អ្នកសិក្សាស្រាវជ្រាវ អ្នករៀបចំគោលនយោបាយ អ្នកអនុវត្តគោលនយោបាយ និងអ្នកចូលរួមផ្សេងៗទៀត ដើម្បីរៀនសូត្រពីគ្នាទៅវិញទៅមក។
រាជបណ្ឌិត្យសភាកម្ពុជា គ្រោងរៀបចំកម្មវិធីសិក្ខាសាលាកសាងសមត្ថភាពប្រចាំឆ្នាំលើកទី៩នេះ តាំងពីឆ្នាំ២០២០ មកម្លេះ ប៉ុន្តែដោយសារតែវិបត្តិនៃជំងឺកូវីដ-១៩ បានផ្ទុះរាតត្បាតខ្លាំង ក៏ត្រូវលើកពេលជាបន្តបន្ទាប់រហូតអស់រយៈពេលពីរឆ្នាំរហូតដល់ពេលនេះ។ ការពិតមួយដែលយើងទាំងអស់គ្នាចងចាំពីកិច្ចប្រឹងប្រែងរបស់រាជរដ្ឋាភិបាលកម្ពុជា ដែលបានអនុវត្តដោយជោគជ័យនូវគោលនយោបាយប្រយុទ្ធប្រឆាំងនឹងជំងឺកូវីដ-១៩ ទើបអនុញ្ញាតឱ្យស្ថាប័នរាជបណ្ឌិត្យសភាកម្ពុជា អាចរៀបចំសិក្ខាសាលាកសាងសមត្ថភាពលើកទី៩ ដោយផ្ទាល់នៅថ្ងៃទី២១ ខែកញ្ញា ឆ្នាំ២០២២ នេះ។
អង្គសិក្ខាសាលាកសាងសមត្ថភាពនេះ មានការចូលរួមពីវាគ្មិនដែលជាអ្នកស្រាវជ្រាវ មកពី កម្ពុជា កូរ៉េ ឡាវ និងវៀតណាម ក្នុងនោះដែរ យើងមានកិតិ្តយសដែលមានអ្នកជំនាញមកពីក្រសួងពាណិជ្ជកម្មនៃព្រះរាជាណាចក្រកម្ពុជា, វិទ្យាស្ថានបរិស្ថានកូរ៉េ (KEI), បណ្ឌិត្យសភានៃប្រទេសកម្ពុជា ឡាវ និង វៀតណាម និងការអញ្ជើញចូលរួមជាតំណាងពីបណ្ដាក្រសួងនានា, សហភាពសហព័ន្ធយុវជនកម្ពុជា, និស្សិតសាលាភូមិន្ទរដ្ឋបាល, អ្នកសារពត៌មានជាតិនិងអន្តរជាតិ និងស្ថាប័នផ្សេងៗជាច្រើនទៀតផងដែរ សរុប ៣២៤នាក់។
កម្មវិធីសិក្ខាសាលាកសាងសមត្ថភាពលើកទី៩ នាឆ្នាំនេះ មានវាគ្មិននិងអ្នកសម្របសម្រួលចំនួនសរុប ១៧រូប សម្រាប់កិច្ចពិភាក្សាចំនួន៣វគ្គ ដូចខាងក្រោម៖
- កិច្ចពិភាក្សាវគ្គទី១: និន្នាការសំខាន់ៗ ឱកាសនិងបញ្ហាប្រឈម សម្រាប់ការស្តារសេដ្ឋកិច្ចនៅក្នុងប្រទេសកម្ពុជា ឡាវ វៀតណាម និងកូរ៉េ;
- កិច្ចពិភាក្សាវគ្គទី២ : ការចែករំលែកបទពិសោធន៍អំពីការស្តារសេដ្ឋកិច្ចឡើងវិញ ក្រោយវិបត្តិជំងឺកូវីដ-១៩;
- កិច្ចពិភាក្សាវគ្គទី៣: ទស្សនវិស័យសម្រាប់កិច្ចសហប្រតិបត្តិការអន្តរជាតិ និងភាពជាដៃគូរស្តីពីការស្តារសេដ្ឋកិច្ចឡើងវិញ។
សូមបញ្ជាក់ជូនថា សិក្ខាសាលាកសាង សមត្ថភាពនេះ បានចាប់ផ្តើមរៀបចំលើកដំបូងនៅឆ្នាំ២០១២។ បណ្ឌិត្យសភាវិទ្យាសាស្ត្រសង្គមវៀតណាម ធ្វើជាម្ចាស់ផ្ទះបានចំនួន ៣លើក គឺនៅឆ្នាំ២០១២, ឆ្នាំ២០១៥, និងឆ្នាំ២០១៨, បណ្ឌិត្យសភាវិទ្យាសាស្ត្រសង្គមនិងសេដ្ឋកិច្ចឡាវធ្វើជាម្ចាស់ផ្ទះបានចំនួន៣លើកដែរ គឺនៅឆ្នាំ២០១៣ ឆ្នាំ២០១៦ និងឆ្នាំ២០១៩ ហើយរាជបណ្ឌិត្យកម្ពុជា ក៏បានធ្វើជាម្ចាស់ផ្ទះរៀបចំបានចំនួន៣លើកផងដែរ គឺនៅឆ្នាំ២០១៤ ឆ្នាំ២០១៧ និងឆ្នាំ២០២២នេះ។
ភ្នំពេញ៖ នៅព្រឹកនៅថ្ងៃសុក្រ ៧រោច ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២០ ខែកញ្ញា ឆ្នាំ២០១៩ វេលាម៉ោង ៩:០០ នាទីព្រឹក នៅសាលប្រជុំវិទ្យាស្ថានខុងជឺ នៃរាជបណ្ឌិត្យសភាកម្ពុជា មានរៀបចំ កិច្ចប្រជុំរ...
នៅព្រឹកនិងរសៀលថ្ងៃអង្គារ ទី១៧ ខែកញ្ញា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានដឹកនាំប្រជុំដើម្បីពិនិត្យ ពិភាក្សា និង អនុម័តបច្ចេកសព្ទគណ:កម្មការភាសាវិទ្យាបានចំនួន០...
នារសៀល ថ្ងៃទី១៤ ខែកញ្ញា ឆ្នាំ២០១៩ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានអញ្ជើញចុះមកមើលការងារស្រាវជ្រាវ និងធ្វើកំណាយដល់ទីតាំងកំណាយឡស្លដែកនៅឧទ្យានរាជបណ្ឌិត្យសភាកម្ពុជា តេជោសែនឫស្ស...
ដោយមានកិច្ចសហការជាមួយ វិទ្យាស្ថានបរិស្ថានកូរ៉េ (KEI) និង ក្រុមប្រឹក្សាជាតិអភិវឌ្ឍន៍ដោយចីរភាព (NCSD) រាជបណ្ឌិត្យសភាកម្ពុជា នឹងរៀបចំកម្មវិធីសិក្ខាសាលាមួយ ស្តីពី «បញ្ហាប្រឈមនៃបរិស្ថានរបស់កម្ពុជា និ...
កិច្ចប្រជុំប្រចាំសប្តាហ៍របស់វិទ្យាស្ថានទំនាក់ទំនងអន្តរជាតិកម្ពុជា ក្រោមអធិបតីភាពឯកឧត្តមបណ្ឌិត គិន ភា ប្រធានវិទ្យាស្ថាន និងមន្ត្រីក្រោមឱវាទចំនួន១១រូប កាលពីព្រឹកថ្ងៃពុធ ១៣ កើត ខែភទ្របទ ឆ្នាំកុរ ឯកស័ក ពុ...