Royal Academy of Cambodia
(រាជបណ្ឌិត្យសភាកម្ពុជា)៖ ឱកាសអញ្ជើញថ្លែងបកស្រាយនៅក្នុងកិច្ចពិភាក្សាតុមូល ស្ដីពី «ភាពតានតឹងរវាងបក្សសម្ព័ន្ធណាតូ និងសហព័ន្ធរុស្ស៊ី» នាព្រឹកថ្ងៃសុក្រ ១១រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៨ ខែមករា ឆ្នាំ២០២២នេះ ឯកឧត្ដមបណ្ឌិតសភាចារ្យ សុខ ទូច បានគូសបញ្ជាក់ថា ប្រទេសមហាអំណាចទាំងរុស្ស៊ី និងសហរដ្ឋអាម៉េរិក ក៏ដូចជាអង្គការណាតូ នឹងមិនបណ្ដោយឱ្យវិបត្តិអ៊ុយក្រែន ផ្ទុះរាលដាលទៅជាសង្គ្រាមប្រឈមរវាងមហាអំណាចនោះឡើយ។
ក្នុងពេលដែលវិបត្តិអ៊ុយក្រែនបាន និងកំពុងបន្តរ៉ាំរ៉ៃរហូតដល់ឈានទៅការប្រឈមដាក់គ្នាខាងកម្លាំងយោធា មហាអំណាចបស្ចិមប្រទេស និងរុស្ស៊ី កំពុងតែដាក់លក្ខខណ្ឌទៅដៃគូរបស់ខ្លួនឱ្យប្រកាន់ជំហរដកថយ ដើម្បីបន្ធូរបន្ថយស្ថានការណ៍តានតឹងនេះ។ រុស្ស៊ីបានទាមទារឱ្យសហរដ្ឋអាម៉េរិក និងអង្គការណាតូ ធានាថាខ្លួននឹងមិនទទួូលយកអ៊ុយក្រែនជាសមាជិកអង្គការសន្ធិសញ្ញាអាត្លង់ទិកខាងជើងនេះឡើយ ហើយត្រូវដកកងទ័ពចេញពីតំបន់អឺរ៉ុបខាងកើតដែលបង្កជាការគម្រាមកំហែងសន្តិសុខជាតិរុស្ស៊ី។ ចំណែកសហរដ្ឋអាម៉េរិក និងអង្គការណាតូ បានព្រមាននឹងដាក់ទណ្ឌកម្មបន្ថែមលើរុស្ស៊ី ប្រសិនបើប្រទេសនេះហ៊ានឈ្លានពានអ៊ុយក្រែន ព្រមទាំងបានបញ្ជូនរថក្រោះ និងសព្វាវុធជាច្រើនទៅកាន់អ៊ុយក្រែន ដើម្បីចូលរួមពង្រឹងសមត្ថភាពការពាររបស់អ៊ុយក្រែនផងដែរ។
ទោះជាយ៉ាងណា បើតាមឯកឧត្ដមបណ្ឌិតសភាចារ្យ សុខ ទូច សង្គ្រាមរវាងមហាអំណាចនៅក្នុងករណីប្រទេសអ៊ុយក្រែននឹងមិនអាចកើតមានឡើងបានឡើយ ហើយចុងក្រោយអ្នកដែលរងគ្រោះគឺជាប្រទេសអ៊ុយក្រែន។ ឯកឧត្ដមបណ្ឌិត សភា ចារ្យបានបន្តថា ជំហររបស់បស្ចិមប្រទេសនាពេលនេះ គឺគ្រាន់តែជាការលើកទឹកចិត្តមេដឹកនាំអ៊ុយក្រែនក្នុងវិបត្តិជាមួយ រុស្ស៊ីប៉ុណ្ណោះ ប៉ុន្តែមហាអំណាចសុទ្ធតែមិនអាចបណ្ដោយឱ្យមានផ្ទុះឡើងនូវសង្គ្រាមរវាងគ្នាបាននោះឡើយ។
នៅក្នុងពេលដែលវិបត្តិអ៊ុយក្រែននៅតែបន្ត កិច្ចចរចារវាងមហាអំណាច ពិសេសរវាងសហព័ន្ធរុស្ស៊ី និងសហរដ្ឋអាម៉េរិកនៅតែបន្ត ដើម្បីបញ្ចៀសឱ្យបាននូវការប្រឈមមុខដាក់គ្នាដោយផ្ទាល់រវាងមហាអំណាចយោធាពិភពលោកទាំងពីរ នេះ។ ឯកឧត្ដមបណ្ឌិតសភាចារ្យបន្ថែមទៀតថា ប្រសិនបើសង្គ្រាមនៅអ៊ុយក្រែនកើតមានឡើងពិតមែន នោះវានឹងអាចបន្ត ឆាប ឆេះទៅជាសង្គ្រាមលោកលើកទី៣ ដែលត្រង់ចំណុចនេះ គឺជាចំណុចចាំបាច់ត្រូវប្រុងប្រយ័ត្នបំផុតសម្រាប់មហាអំណាចពិភពលោក។
បើតាមប្រសាសន៍ឯកឧត្ដមបណ្ឌិតសភាចារ្យ ករណីវិបត្តិនៅអ៊ុយក្រែននេះ មានប្រទេស៤ដែលកំពុងតែសប្បាយចិត្តគឺ ប្រទេសចិន អ៊ីរ៉ង់ មីយ៉ាន់ម៉ា និងកូរ៉េខាងជើង ដែលក្នុងករណីសហរដ្ឋអាម៉េរិកអន្តរាគមន៍កាន់តែខ្លាំងក្នុងវិបត្តិអ៊ុយក្រែន រុស្ស៊ី អាចនឹងឈានទៅស្វែងរកការគាំទ្រទៅវិញទៅមកជាមួយប្រទេសទាំង៤នេះដែលកំពុងប្រឈមនឹងសហរដ្ឋអាម៉េរិកស្រាប់។ លើសពីនេះទៅទៀត អ្នកដែលទទួលបានផលប្រយោជន៍ជាងគេ គឺប្រទេសចិន ដែលចិននឹងមានឱកាសសម្ងំជំរុញកំណើនសេដ្ឋកិច្ចរបស់ខ្លួន ព្រមទាំងធ្វើការអភិវឌ្ឍបច្ចេកវិទ្យាយោធារបស់ខ្លួន ដោយធ្វើកិច្ចសហប្រតិបត្តិការជាមួយរុស្ស៊ី ឬឆ្លៀតឱកាសនៃការប៉ះទង្គិចគ្នានេះ លួចចម្លងបច្ចេកវិទ្យាយោធា ពីមហាអំណាចនានា៕
RAC Media | លឹម សុវណ្ណរិទ្ធ
កាលពីថ្ងៃទី១៦ ខែមិថុនា ឆ្នាំ២០១៩ គឺជាការបរិច្ឆេទចាប់ផ្តើមនៃការដាំកូនឈើ នៅក្នុងរដូវកាលឆ្នាំនេះ ដែលអនុវត្តនៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ដោយមានការចូលរួមពីសាស្ត្រាចារ្យ និងនិស្សិតនៃសាកល...
«វិមានរំឭកដល់អ្នកស្លាប់ក្នុងសង្គ្រាមលោកលើកទី១» ភាគទី៧ វគ្គទី៧ផ្អែកតាមបណ្ណសារស្តីអំពី«បុន្យ៍ឆ្លងវិមានដែរសាងក្នុងក្រុងក័ម្ពូជាធិប្តី, ជាទីរំឭកដល់អស់អ្នក ដែលទទួលអនិច្ចកម្ម ក្នុងចំបាំងធំ(ពីឆ្នាំ១៩១៤ដល់ឆ្ន...
នៅរសៀល ថ្ងៃពុធ ទី១២ ខែមិថុនា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានដឹកនាំប្រជុំដើម្បីពិនិត្យ ពិភាក្សា និង អនុម័តបច្ចេកសព្ទ គណ:កម្មការគីមីវិទ្យា និងរូបវិទ្យា ប...
កាលពីថ្ងៃអង្គារទី១១ ខែមិថុនា ឆ្នាំ២០១៩ ក្រុមប្រឹក្សាជាតិភាសាខ្មែរបានរៀបចំកិច្ចប្រជុំ ក្រោមអធិបតីភាពឯកឧត្តម បណ្ឌិត ប៊ី សុគង់ អនុប្រធានក្រុមប្រឹក្សាជាតិភាសាខ្មែរ(ពេលព្រឹក) និងឯកឧត្តម បណ្ឌិត ជួរ គារី(រសៀ...
នៅក្នុងភាគទី៧ វគ្គទី៦នេះ យើងសូមលើកយកនូវសុន្ទរកថារបស់លោកដុកទ័រវ៉ាលឡេត៍(Docteur Vallet) ជាចាងហ្វាងក្រុមសមាគមពួកពិជ័យសង្គ្រាមចាស់(១) ដែលត្រូវថ្លែងបន្ទាប់ពីសង្កថា របស់ព្រះបាទសម្តេចស៊ីសុវត្ថិ។ ពាក្យដែលលោកប...
ឯកឧត្តមបណ្ឌិត្យសភាចារ្យ អនុប្រធានរាជបណ្ឌិតសភាកម្ពុជា ទទួលបន្ទុកវិទ្យាស្ថាន ប្រធានស្តីទីវិទ្យាស្ថានមនុស្សសាស្ត្រនិងវិទ្យាសាស្ត្រសង្គម(វមវស) ឯកឧត្តម លោក លោកស្រីបណ្ឌិតជា អនុប្រធានវិទ្យាស្ថា...