Royal Academy of Cambodia
(រាជបណ្ឌិត្យសភាកម្ពុជា)៖ ថ្នាក់ដឹកនាំរាជបណ្ឌិត្យសភាកម្ពុជានិងថ្នាក់ដឹកនាំក្រុមប្រឹក្សាជាតិសម្រាប់សេដ្ឋកិច្ច មនុស្សសាស្ត្រ និងវិទ្យាសាស្ត្រសង្គមសាធារណរដ្ឋកូរ៉េដែលជាធនាគារខួរក្បាលរបស់ជាតិទាំងពីរបានសម្រេចឯកភាពរួមគ្នារៀបចំកម្មវិធីអភិវឌ្ឍន៍សមត្ថភាពស្រាវជ្រាវយុទ្ធសាស្ត្រនិងគោលនយោបាយជាតិ រយៈពេលខ្លី មធ្យម និងរយៈពេលវែង ដើម្បីជំរុញការអភិវឌ្ឍប្រទេសទាំងពីរឱ្យកាន់តែប្រសើរឡើងប្រកបដោយនិរន្តរភាព។
ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងឯកឧត្តមបណ្ឌិត Seong Kyoung Ryun ប្រធានក្រុមប្រឹក្សាជាតិសម្រាប់សេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម (National Research Council for Economics, Humanities and Social Sciences of Korea) នៃសាធារណរដ្ឋកូរ៉េបានប្រជុំពិភាក្សាអំពីកិច្ចសហប្រតិបត្តិការស្រាវជ្រាវ (Researching) ការកសាងសមត្ថភាព (Capacity Building )និងការរៀបចំតាក់តែងគោលនយោបាយជាតិ (National Strategy and Policy Development) ក្នុងវិស័យអភិវឌ្ឍន៍ជាតិជាអាទិភាពនានារួមគ្នា ដើម្បីលើកកម្ពស់កិច្ចសហប្រតិបត្តិការនិងការ ជំរុញសេដ្ឋកិច្ចដែលជាឆ្អឹងខ្នងចូលរួមចំណែកក្នុងការអភិវឌ្ឍប្រទេសជាតិទាំងពីររួមគ្នាឱ្យកាន់តែប្រសើរឡើង ក្រោយចប់បញ្ហាការរីករាលដាលជំងឺកូវីដ-១៩ ជាសកល។
នៅក្នុងកិច្ចប្រជុំតាមប្រព័ន្ធវីដេអូសោតទស្សន៍ (Video Conference) នៅថ្ងៃទី២៤ ខែកុម្ភៈ ឆ្នាំ២០២១ ឯកឧត្តមបណ្ឌិតសភាចារ្យ សុខ ទូច និងឯកឧត្តម Seong Kyoung Ryun បានឯកភាពរៀបចំគម្រោងស្នើសុំថវិកាកញ្ចប់ជំនួយអភិវឌ្ឍន៍ផ្លូវការ (ODA) សម្រាប់ឆ្នាំ២០២២-២០២៦ ពីរដ្ឋាភិបាលសាធារណរដ្ឋកូរ៉េ ដើម្បីរៀបចំកម្មវិធីអភិវឌ្ឍន៍សមត្ថភាពស្រាវជ្រាវយុទ្ធសាស្ត្រនិងគោលនយោបាយជាតិ និងពិនិត្យលើគម្រោងសិក្សាស្រាវជ្រាវរួមគ្នាលើវិស័យអាទិភាពចំនួន៣ រួមមាន៖
១. វិស័យអប់រំ
២. វិស័យសុខភាពសាធារណៈ
៣. វិស័យកសិកម្ម អភិវឌ្ឍន៍ជនបទ និងការគ្រប់គ្រងធនធានទឹក។
គួរបញ្ជាក់ថា រាជបណ្ឌិត្យសភាកម្ពុជា (RAC)និងក្រុមប្រឹក្សាជាតិសម្រាប់សេដ្ឋកិច្ច មនុស្សសាស្ត្រ និងវិទ្យាសាស្ត្រសង្គមសាធារណរដ្ឋកូរ៉េ (NRC)បានចុះអនុស្សរណៈនៃការយោគយល់គ្នាកាលពីថ្ងៃទី១៥ ខែមីនា ២០១៩ នៅរាជធានីភ្នំពេញ៕
RAC MEDIA | រឿន ភារុន
«មានទាំងបញ្ហាប្រឈមនិងឱកាសសម្រាប់កូរ៉។ មានបញ្ហាប្រឈមមួយចំនួនដូចជា៖ កូរ៉េត្រូវប្រកួតជាមួយយន្តការពិភពលោកដែលមានស្រាប់ ប្រជាជនកូរ៉េនិងប្រជាជនអាស៊ានហាក់មិនសូវយល់ពីគោលនយោបាយថ្មីនេះ គម្លាតសេដ្ឋកិច្ច អ្នកវិនិ...
កាលពីថ្ងៃពុធ ទី២៩ ខែឧសភា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានដឹកនាំប្រជុំដើម្បីពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និងរូបវិទ្យា បានចំន...
អ្នកទៅចូលរួមក្នុងពិធីសម្ពោធ «វិមានរំឭកដល់អ្នកស្លាប់ក្នុងសង្គ្រាមលោកលើកទី១» (https://i.pinimg.com/originals/fe/53/31)នៅក្នុងភាគទី៧ វគ្គទី៤ ដែលជាវគ្គបញ្ចប់នៃសុន្ទរកថារបស់លោករេស៊ីដង់ជាន់ខ្ពស់បារាំងនេះ យើ...