រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃអាទិត្យ, 30 កញ្ញា 2018, 02:19 PM
ថ្ងៃអាទិត្យ ទី៣០ ខែកញ្ញា ឆ្នាំ២០១៨
អាជ្ញាធរខេត្តកំពង់ឆ្នាំងនឹងចាប់ផ្តើមបម្លាស់ទីផ្ទះបណ្តែតទឹករបស់ជនជាតិវៀតណាម ជិត១ពាន់គ្រួសារ នៅក្នុងក្រុងកំពង់ឆ្នាំង ឱ្យមករស់នៅលើគោកវិញឱ្យអស់ត្រឹមចុងឆ្នាំនេះ។នេះបើតាមការចុះផ្សាយរបស់វិបសាយក្រសួងព័ត៌មាន កាលពីថ្ងៃទី២៤ ខែកញ្ញា ឆ្នាំ២០១៨។វិបសាយនេះ បានដកស្រង់សម្តីលោក ស៊ុន សុវណ្ណរិទ្ធ អភិបាលរងខេត្តកំពង់ឆ្នាំង ឱ្យដឹងថា កាលពីថ្ងៃទី២៤ ខែកញ្ញា អាជ្ញាធរខេត្ត បានផ្សព្វផ្សាយសេចក្តីជូនដំណឹងពីផែនការខាងលើនេះ ដល់ប្រជាពលរដ្ឋ ដែលកំពុងរស់នៅលើផ្ទះបណ្តែតទឹកក្នុងទន្លេ ដើម្បីចូលរួមអនុវត្តផែនការ៥ឆ្នាំរបស់ខេត្តឱ្យទទួលបានជោគជ័យ។
ផែនការនេះ គឺត្រូវអនុវត្ត ពីឆ្នាំ២០១៥ ដល់ ២០១៩។លោកបន្តថា នៅក្នុងផែនការនេះ អាជ្ញាធរខេត្ត បានបង្កើតគណៈកម្មការ ៦ក្រុម គឺក្រុមទី១ ដឹកនាំដោយលោកផ្ទាល់ ធ្វើបម្លាស់ទីផ្ទះបណ្តែតទឹក នៅក្នុងក្រុងកំពង់ឆ្នាំង ឱ្យឡើងមករស់នៅលើគោកវិញ ឱ្យអស់នៅចុងឆ្នាំ២០១៨នេះ ។ ចំណែក ៥ក្រុមទៀត គឺមានលោកស្នងការនគរបាលខេត្តជាប្រធាន និងអភិបាលស្រុកពាក់ព័ន្ធ ជាអនុប្រធាន ដោយត្រូវធ្វើការបម្លាស់ទីផ្ទះបណ្តែតទឹកទាំងអស់ ដែលមានទាំងវៀតណាម ទាំងខ្មែរ និងទាំងខ្មែរឥស្លាមមានចំនួនជាង ២ពាន់គ្រួសារ នៅតាមស្រុកក្នុងខេត្តកំពង់ឆ្នាំង ឱ្យឡើងមករស់នៅលើគោកទាំងអស់នៅក្នុងឆ្នាំ២០១៩។ ក្នុងនោះ ជាង២ពាន់គ្រួសារ បានផ្តិតមេដៃយល់ព្រមរួចហើយ ហើយអាជ្ញាធរខេត្ត ក៏បានបញ្ជូនមេដៃទាំងនោះ ជូនប្រមុខរាជរដ្ឋាភិបាលរួចហើយដែរ។បើតាមលោកអភិបាលរងខេត្ត នៅក្រុងកំពង់ឆ្នាំងនេះ មានផ្ទះបណ្ដែតទឹករបស់ជនជាតិវៀតណាមចំនួន ៩៩៦គ្រួសារ ដែលត្រូវបម្លាស់ទីឱ្យឡើងមករស់នៅលើគោក លើដីទំហំជាង ៤០ហិកតា ក្នុងឃុំស្វាយជ្រុំ ស្រុករលាប្អៀរ។
អាជ្ញាធរខេត្ត បានធ្វើគម្រោង សុំអនុប្រយោគពីរាជរដ្ឋាភិបាលសុំកាត់ដីនេះ ចេញពីតំបន់ដីលិចទឹក។គួររំលឹកដែរថា កាលពីព្រឹកថ្ងៃទី២៧កញ្ញាម្សិលមិញនេះ អាជ្ញាធរខេត្តកំពង់ឆ្នាំង បានធ្វើពិធីក្រុងពាលីសុំសេចក្តីសុខ ខណៈដែលអាជ្ញាធរត្រៀមរៀបចំគម្រោងធ្វើការបម្លាស់ទីផ្ទះបណ្តែតទឹកនេះ។លោក ឈួរ ច័ន្ទឌឿន អភិបាលខេត្តកំពង់ឆ្នាំង បានថ្លែងក្នុងពិធីនេះថា គម្រោងបម្លាស់ទីផ្ទះបណ្តែតទឹកនេះ ធ្វើឡើងដើម្បីធានាបាននូវបរិស្ថាន និងសោភ័ណភាពនៅតាមដងទន្លេនៃភូមិសាស្រ្តខេត្តកំពង់ឆ្នាំង៕
ប្រភព: ខ្លីខ្លីRAC
Media | ហេង សុភី
កាលពីទី០១ ខែកុម្ភៈ ឆ្នាំ២០១៩ កន្លងទៅនេះ ឯកឧត្តម សូត្រ សំណាង ប្រតិភូរាជបណ្ឌិត្យសភាកម្ពុជា បានដឹកនាំក្រុមការងារ និងសិក្ខាកាមទាំង៧នាក់ទៅចូលរួមវគ្គបណ្តុះបណ្តាលជំនាញនៅកសិដ្ឋានចិញ្ចឹមគោវ៉ាងណាំយិន នៅខេត្តស្...
Mon, 04,02,2019, 02:57 AM
ចុះផ្សាយថ្ងៃទី២ ខែកុម្ភៈ ឆ្នាំ២០១៩ភ្នំពេញ៖ ក្នុងរយៈពេលប្រហែលជាមួយសប្ដាហ៍មកនេះ ទាំងអ្នកនយោបាយ អ្នកវិភាគ សកម្មជននយោបាយ និងប្រជាពលរដ្ឋខ្មែរមួយចំនួននៅក្នុងបណ្ដាញសង្គម Facebook បានផ្ដោតចំណាប់អារម្មណ៍ខ្លាំង...
Sun, 03,02,2019, 01:46 PM
ភ្នំពេញ៖ គម្រោងអភិវឌ្ឍន៍វារីវប្បកម្ម សម្រាប់និរន្តភាពពាណិជ្ជកម្មនៅកម្ពុជានេះ ទទួលបានការគាំទ្រនូវថវិកាចំនួនជាង១៧លានដុល្លារអាម៉េរិកពីរដ្ឋាភិបាលសហរដ្ឋអាម៉េរិក ដើម្បីបង្កើន និងអភិវឌ្ឍន៍វារីវប្បកម្មទឹកសាបន...
Fri, 01,02,2019, 09:48 AM
ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបជាមួយឯកឧត្តមបណ្ឌិត Kim Jae Youl ដែលជាទីប្រឹក្សានៃក្រុមហ៊ុន S.K. នៃប្រទេសកូរ៉េខាងត្បូង និងជាទីប្រឹក្សារាជបណ្ឌិត្យសភាកម្ពុជា ដែលបានអញ...
Wed, 30,01,2019, 10:30 AM
នៅដើមឆ្នាំ២០១៩ រដ្ឋាភិបាលនៃព្រះរាជាណាចក្រកម្ពុជាបានសម្រេចឱ្យមានការកែប្រែរដ្ឋបាលស្រុក ខណ្ឌ តាមរយៈ អនុក្រឹត្យ ដោយបង្កើតបន្ថែមនូវក្រុង០១ គឺក្រុងកោះរ៉ុង នៃខេត្តព្រះសីហនុ ខណ្ឌចំនួន០២ គឺខណ្ឌបឹងកេងកង និង ខណ...
Wed, 30,01,2019, 04:02 AM
បើយោងតាមអនុក្រឹត្យលេខ០៣ អនក្រ.បក ចុះថ្ងៃទី៨ ខែមករា ឆ្នាំ២០១៤ ស្ដីពីការបង្កើតខណ្ឌបឹងកេងកង ប្រមុខរាជរដ្ឋាភិបាល បានសម្រេចបំបែកខណ្ឌចំការមន ដោយកាត់យកសង្កាត់ចំនួន៧ ដើម្បីបង្កើតខណ្ឌថ្មីមួយ គឺខណ្ឌបឹងកេងកង។ នៅ...
Tue, 29,01,2019, 11:48 AM
