រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 29 មករា 2021 ម៉ោង 03:24 PM
(រាជបណ្ឌិត្យសភាកម្ពុជា)៖ ថ្លែងពីកិច្ចពិភាក្សាតុមូលស្តីពី សារៈសំខាន់នៃការស្រាវជ្រាវ ឯកឧត្តមបណ្ឌិត បេងហុង សុជាតិខេមរ៉ូ អគ្គនាយកនៃអគ្គនាយកដ្ឋានលំនៅឋាននៃក្រសួងរៀបចំដែនដី នគរូបនីយកម្ម និងសំណង់ និងជាសមាជិកបម្រុងនៃរាជបណ្ឌិត្យសភាកម្ពុជាបានផ្តល់តម្លៃខ្ពស់ចំពោះការស្រាវជ្រាវបែបវិទ្យាសាស្រ្ត ដោយឯកឧត្តមបណ្ឌិតបានលើកឡើងថា សារប្រយោជន៍នៃការស្រាវជ្រាវគឺស្ថិតនៅក្នុងជីវភាពរស់នៅប្រចាំថ្ងៃរបស់មនុស្ស ហើយប្រសិនបើគ្មានការស្រាវជ្រាវ គឺគ្មានការអភិវឌ្ឍប្រកបដោយចីរភាព និងបរិយាបន្ននោះទេ។
ឯកឧត្តមបណ្ឌិត បេងហុង សុជាតិខេមរ៉ូ បានមើលឃើញថា ការសិក្សាស្រាវជ្រាវជាស្នូលមួយសំខាន់ម្បងនៃការអនុវត្តការងារជាក់ស្តែងនៅលើគ្រប់វិស័យទាំងអស់។ ក្នុងន័យ ឯកឧត្តមបណ្ឌិតបានលើកឡើងជ្រុងមួយនៃសារៈ សំខាន់ក្នុងការស្រាវជ្រាវរបស់អគ្គនាយកដ្ឋានលំនៅឋាននៃក្រសួងរៀបចំដែនដី នគរូបនីយកម្ម និងសំណង់ថា អគ្គនាយកដ្ឋានលំនៅឋានតែងតែស្រាវជ្រាវប្រមូលទិន្នន័យជាក់លាក់ មុនពេលការតាក់តែង និងអនុវត្តគោលនយោបាយរបស់ខ្លួនក្នុងនោះរួមមាន ១. ការរៀបចំផែនការកសាងផែនការលំនៅដ្ឋានសមរម្យរបស់ក្រសួងរៀបចំដែនដី នគរូបនីយកម្ម និងសំណង់ និង២. ការរៀបចំបែងចែកសម្បទានដីសង្គមកិច្ចជូនដល់ជនស៊ីវិល កងកម្លាំងប្រដាប់អាវុធដែលចូលនិវត្តន៍ និងកងកម្លាំងប្រដាប់អាវុធដែលនៅតាមខ្សែបណ្តោយព្រំដែនជាដើម។
ពីកិច្ចពិភាក្សាតុមូលស្តីពី សារៈសំខាន់នៃការស្រាវជ្រាវដែលបានប្រព្រឹត្តទៅនៅក្នុងរាជបណ្ឌិត្យសភាកម្ពុជា នៅថ្ងៃទី២៩ ខែមករានេះ ឯកឧត្តមបណ្ឌិត បេងហុង សុជាតិខេមរ៉ូ បានពន្យល់ពីគោលនយោបាយខាងលើនេះថា ជាសារសំខាន់នៃការស្រាវជ្រាវជាមួយនឹងការអនុវត្តការងារជាក់ស្តែងដែលតម្រូវឱ្យមានការទទួលបានទិន្នន័យជាក់លាក់ថា តើសមរម្យសម្រាប់អ្នកណា? កម្រិតអ្វី? តើការរៀបចំតាមប្រព័ន្ធលក្ខណៈដូចម្តេច? តើអ្នកណាជាអ្នកផ្គត់ផ្គង់? អ្នកណាជាអតិថិជនជាដើម?
ឯកឧត្តមអគ្គនាយកបណ្ឌិតបានមានប្រសាសន៍សង្កត់ធ្ងន់ពីសារសំខាន់ការស្រាវជ្រាវដូច្នេះថា៖« ការស្រាវជ្រាវគឺជាការរៀបចំផែនការជារូបវ័ន្ត ដូច្នេះគ្មានការស្រាវជ្រាវ គ្មានទិន្នន័យ យើងមិនអាចរៀបចំផែនការច្បាស់លាស់ និងអនុវត្តផែនការចំគោលដៅបានទេ។ គ្មានការស្រាវជ្រាវគ្មានការអភិវឌ្ឍប្រកបដោយចរីភាព»។
សូមបញ្ជាក់ថា កិច្ចពិភាក្សាតុមូលស្តីពី សារៈសំខាន់នៃការស្រាវជ្រាវមានគោលបំណងរួមមាន៖ ១. បង្ហាញឱ្យឃើញពីភាពចាំបាច់នៃការសិក្សាស្រាវជ្រាវក្នុងការចូលរួមដោះស្រាយបញ្ហានានាក្នុងសង្គម ដោយប្រែក្លាយពីបញ្ហាទៅជាកាលានុវត្តន៍ថ្មីក្នុងការកសាងអភិវឌ្ឍន៍ខ្លួន និងសង្គមជាតិទាំងមូលប្រកបដោយឋាមភាព និងចីរភាព និង២. បណ្តុះគំនិតឱ្យសិស្ស និស្សិត និងអ្នកសិក្សាទាំងឡាយនូវទស្សនៈវិស័យវែងឆ្ងាយសម្រាប់អនាគតរបស់ពួកគេលើវិស័យសិក្សាស្រាវជ្រាវនេះ៕
RAC MEDIA
(រាជធានីភ្នំពេញ)៖ ដើម្បីបង្ហាញអំពីវប្បធម៌ដឹងគុណ ការបន្តវេន និងថ្លែងអំណរគុណដល់អ្នកប្រាជ្ញាខ្មែរដែលបានខិតខំស្រាវជ្រាវបម្រើផលប្រយោជន៍ជាតិខ្មែរទាំងមូល ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម...
ថ្ងៃពុធ, 22 កញ្ញា 2021 ម៉ោង 09:11 PM
AUGUST 27, 2021ដោយ៖ Bonnie S. Glaser និងAndrew Smallប្រែសម្រួលដោយ៖ លោកបណ្ឌិត ចាន់ ប៊ុន្នី នាយកដ្ឋានសិក្សានយោបាយសន្តិសុខចិន, វិទ្យាស្ថានសិក្សាចិននៃរាជបណ្ឌិត្យសភាកម្ពុជាអ្នកវិភាគប្រចាំតំបន់អាស៊ីរបស់ GMF...
ថ្ងៃពុធ, 22 កញ្ញា 2021 ម៉ោង 11:20 AM
(រាជធានីភ្នំពេញ)៖ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអញ្ជើញជួបឯកឧត្តមបណ្ឌិតសភាចារ្យ ព្រុំ ម៉ល់ អតីតប្រធានក្រុមប្រឹក្សាជាតិភាសាខ្មែរ និងប្រធានក្រុមការងារគម្រោងនៃបច្ចុប្បន្នកម្ម...
ថ្ងៃអង្គារ, 21 កញ្ញា 2021 ម៉ោង 11:40 AM
RAC Mediaប្រភព៖ វិទ្យស្ថានសិក្សាចិននៃរាជបណ្ឌិត្យសភាកម្ពុជា
ថ្ងៃចន្ទ, 20 កញ្ញា 2021 ម៉ោង 08:29 PM
នៅវេលាព្រឹកថ្ងៃទី៩ ខែកញ្ញា ឆ្នាំ២០២១ ឯកឧត្តមបណ្ឌិតសភាចារ្យ សុខ ទូចប្រធានរាជបណ្ឌិត្យសភាកម្ពុជា និងជា អនុប្រធានប្រចាំការនៃក្រុមប្រឹក្សាបណ្ឌិតសភាចារ្យ បានដឹកនាំមន្ត្រីរាជការរាជបណ្ឌិត្យសភាកម្ពុជា គោរពវិញ្...
ថ្ងៃព្រហស្បតិ៍, 09 កញ្ញា 2021 ម៉ោង 07:37 PM
An academician is a member of an academy, which is an organization dedicated to preserving and developing a particular art, science, or language, or a school that teaches a specific subject or prepare...
ថ្ងៃពុធ, 08 កញ្ញា 2021 ម៉ោង 06:14 PM
