រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 29 មករា 2021 ម៉ោង 03:02 PM
(រាជបណ្ឌិត្យសភាកម្ពុជា)៖ ក្នុងនាមអ្នកស្រាវជ្រាវដែលមានបទពិសោធន៍ការងាររយៈពេលជិត១០ឆ្នាំ លោកស្រីបណ្ឌិត អេង នេត្រា នាយកស្រាវជ្រាវនៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) បានចាត់ការស្រាវជ្រាវជាជម្រើសអាទិភាពមួយក្នុងដំណើរការអភិវឌ្ឍស្ថាប័ន និងប្រទេសជាតិ។ លោកស្រីបណ្ឌិតបានលើកឡើងថា ប្រទេសជាតិជឿនលឿនតែងផ្តល់តម្លៃខ្ពស់ដល់ការស្រាវជ្រាវជាក់លាក់ ដោយការស្រាវជ្រាវនេះអាចឈានទៅរកការសម្រេចចិត្តក្នុងដំណើរការអភិវឌ្ឍប្រទេសបានល្អប្រសើរប្រកបដោយនិរន្តរភាព។
កិច្ចពិភាក្សាតុមូលស្តីពី សារៈសំខាន់នៃការស្រាវជ្រាវ លោកស្រីបណ្ឌិតឯកទេសវិទ្យាសាស្ត្រនយោបាយមកពីប្រទេសអូស្ត្រាលីដែលបានបម្រើការងារស្រាវជ្រាវនៅ CDRI ជិត១០ឆ្នាំរូបនេះបានបង្ហាញថា ការស្រាវជ្រាវជាក់លាក់ គឺជាលទ្ធផលស្រាវជ្រាវដែលអាចផ្តល់ឱ្យគេយកទៅអាន ទៅគិតពិចារណា និងប្រើប្រាស់អនុវត្តន៍បាន។ «ការស្រាវជ្រាវគឺការស្វែងរកទិន្នន័យព័ត៌មានជាក់លាក់ ដើម្បីកុំឱ្យទិន្នន័យរប៉ាត់របាយ»។ នេះជាប្រសាសន៍ពន្យល់និយមន័យស្រាវជ្រាវបន្ថែមរបស់លោកស្រីបណ្ឌិត អេង នេត្រា នាយកស្រាវជ្រាវនៃ CDRIដែលមានមន្ត្រីបុគ្គលិក ៦០នាក់កំពុងបំពេញការងារពេញម៉ោង។
បើតាមនាយកស្រាវជ្រាវ CDRIការស្រាវជ្រាវត្រូវការការយកចិត្តទុកដាក់ទៅលើពេលវេលា ការកំណត់បេសកកម្មខ្លួនច្បាស់លាស់ គោលដៅ ធនធានមនុស្ស និងធនធានហិរញ្ញវត្ថុ។ បច្ចុប្បន្ននេះ លោកស្រីមើលឃើញថា ធនធានមនុស្សផ្នែកការស្រាវជ្រាវរបស់ខ្មែរមានច្រើនគួរសម ធៀបនឹងរយៈពេល១០ឆ្នាំមុន ហើយរដ្ឋាភិបាលបានយកចិត្តទុកដាក់ដល់ការសិក្សាស្រាវជ្រាវផងដែរទាំងលើ ការបណ្តុះបណ្តាលធនធានមនុស្ស ការកសាងសាងអគារហេដ្ឋារចនាសម្ព័ន្ធជារូបវ័ន្ត និងធនធានហិរញ្ញវត្ថុ។
សូមបញ្ជាក់ថា កិច្ចពិភាក្សាតុមូលស្តីពី សារៈសំខាន់នៃការស្រាវជ្រាវមានគោលបំណងរួមមាន៖ ១. បង្ហាញឱ្យឃើញពីភាពចាំបាច់នៃការសិក្សាស្រាវជ្រាវក្នុងការចូលរួមដោះស្រាយបញ្ហានានាក្នុងសង្គម ដោយប្រែក្លាយពីបញ្ហាទៅជាកាលានុវត្តន៍ថ្មីក្នុងការកសាងអភិវឌ្ឍន៍ខ្លួន និងសង្គមជាតិទាំងមូលប្រកបដោយឋាមភាព និងចីរភាព និង២. បណ្តុះគំនិតឱ្យសិស្ស និស្សិត និងអ្នកសិក្សាទាំងឡាយនូវទស្សនៈវិស័យវែងឆ្ងាយសម្រាប់អនាគតរបស់ពួកគេលើវិស័យសិក្សាស្រាវជ្រាវនេះ៕
RAC MEDIA
យន្តការកិច្ចសហប្រតិបត្តិការ មេគង្គ - ឡានឆាង (Mekong-Lancang Cooperation-MLC) គឺជាយន្តការសហប្រតិបត្តិការស្របតាមនិន្នាការបច្ចុប្បន្ននៃសាកលភាវូបនីយកម្ម និងសមាហរណកម្ម។មេគង្គ-ឡានឆាង(MLC) មានគោលបំណងលើកកម្...
ថ្ងៃពុធ, 01 មេសា 2020 ម៉ោង 04:05 PM
ថ្ងៃអង្គារ, 31 មីនា 2020 ម៉ោង 09:11 PM
ឆ្លងកាត់បាតុភូតធម្មជាតិ និងបាតុភូតសង្គមរាប់មិនអស់ ទាំងល្អ ទាំងអាក្រក់ នាពេលកន្លងមក ខ្ញុំបានមើលឃើញថាអត្ថិភាព ការរស់នៅ ជីវិត ឬវាសនារបស់ប្រជាជាតិឬរដ្ឋនីមួយៗនៅលើពិភពលោកនេះ ពិតជាជាប់ទាក់ទងគ្នាដោយមិនអាចប្រក...
ថ្ងៃអង្គារ, 31 មីនា 2020 ម៉ោង 05:05 PM
ថ្ងៃសៅរ៍, 28 មីនា 2020 ម៉ោង 08:07 PM
ទំនាក់ទំនងរវាងសហរដ្ឋអាម៉េរិកនិងអាស៊ាននៅឆ្នាំ២០១៥ ដោយពឹងផ្អែកលើចំណុចសំខាន់ចំនួន ពីរ៖ ទីមួយ គឺគោលនយោបាយយុទ្ធសាស្ត្រប្រទាក់ក្រឡាគ្នារវាងសេដ្ឋកិច្ចនិងនយោបាយ និងទីពីរ គឺការខិតខំប្រឹងប្រែងរួមនិងជាសាធារណៈ...
ថ្ងៃសៅរ៍, 28 មីនា 2020 ម៉ោង 04:49 PM
កូវីដ-១៩ ជាឈ្មោះវីរុសកូរ៉ូណាប្រភេទថ្មី ដែលមកទល់ពេលនេះបានចម្លងរាលដាលស្ទើរតែពេញពិភពលោកទាំងមូល ដោយមានចំនួនអ្នកឆ្លងជាងប្រាំសែននាក់ និងស្លាប់ដល់ទៅជាងពីរម៉ឺននាក់ឯណោះ។ ដើមឡើយមេរោគនេះ គេថាចេញប្រភពមកពីប្រទេស...
ថ្ងៃសៅរ៍, 28 មីនា 2020 ម៉ោង 01:05 PM
