ព័ត៌មាន

«បណ្ឌិតសភាចារ្យ នេត បារ៉ុម៖ ប្រទេសអភិវឌ្ឍជឿនលឿនអាស្រ័យលើការស្រាវជ្រាវបែបវិទ្យាសាស្រ្ត»

2021-01-29 07:53:01 ថ្ងៃសុក្រ, 29 មករា 2021 ម៉ោង 02:53 PM
អ្នកមើល 7243
post_detail

(រាជបណ្ឌិត្យសភាកម្ពុជា)៖ ឯកឧត្តមបណ្ឌិតសភាចារ្យ នេត បារ៉ុម សមាជិកពេញសិទ្ធិនៃរាជបណ្ឌិត្យសភាកម្ពុជាបានមើលឃើញថា ប្រទេសដែលមានការអភិវឌ្ឍជឿនលឿនទាំងអស់នៅលើពិភពលោក ដ្បិតពឹងអាស្រ័យលើការស្រាវជ្រាវបែបវិទ្យាសាស្រ្ត។ ឯកឧត្តមបណ្ឌិតសភាចារ្យបានឱ្យនិយមន័យការស្រាវជ្រាវ គឺជាការស្រាវជ្រាវរុករកបញ្ហាអ្វីមួយឱ្យបានច្បាស់លាស់បែបវិទ្យាសាស្រ្ត។

«តើយើងត្រូវសិក្សាស្រាវជ្រាវអំពីអ្វី? តើយើងត្រូវប្រើវិធីសាស្រ្តស្រាវជ្រាវឱ្យមានលក្ខណៈជាប្រព័ន្ធ វិទ្យាសាស្ត្រយ៉ាងដូចម្តេច»? នេះជាចំណោទបញ្ហាស្រាវជ្រាវដែលឯកឧត្តមបណ្ឌិតសភាចារ្យ នេត បារ៉ុម សមាជិកពេញសិទ្ធិនៃរាជបណ្ឌិត្យសភាកម្ពុជាបានលើកឡើងនៅក្នុងកិច្ចពិភាក្សាតុមូលស្តីពី សារៈសំខាន់នៃការស្រាវជ្រាវដែលប្រព្រឹត្តទៅនៅព្រឹកថ្ងៃសុក្រ ១កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែមករា ឆ្នាំ២០២០ នាសាលមរតកសិល្បៈខ្មែរ ជាន់ទី៤ អគារឥន្រ្ទទេវី នៃរាជបណ្ឌិត្យសភាកម្ពុជា។

ឯកឧត្តមបណ្ឌិតសភាចារ្យ នេត បារ៉ុម បានមានប្រសាសន៍ថា ការស្រាវជ្រាវត្រូវតែមានប្រយោជន៍ ហ្មត់ចត់ ស្វាហាប់ ម៉ឹងម៉ាត់ និងមានលក្ខណៈបត់បែន ហើយអ្នកស្រាវជ្រាវត្រូវចេះសរសេរបកស្រាយទិន្នន័យស្រាវជ្រាវរបស់ខ្លួនឱ្យមានលក្ខណៈវិទ្យាសាស្ត្រឱ្យអ្នកដទៃអាចទទួលយកទៅប្រើប្រាស់បាន។ ឯកឧត្តមបណ្ឌិតសភាចារ្យបានបន្ថែមថា ប្រទេសជឿនលឿនលើពិភពលោកទាំងបានបញ្ជ្រាបវិធីសាស្រ្តស្រាវជ្រាវរបស់គេទៅក្នុងកម្មវិធីសិក្សាចាប់តាំងពីកម្រិតបឋមសិក្សាមកម៉្លេះ ដោយសារការស្រាវជ្រាវនេះជួយហ្វឹកហាត់ធនធានមនុស្សឱ្យចេះត្រិះរិះពិចារណាក្នុងស្មារតីឯករាជ្យ ចេះវិភាគស៊ីជម្រៅ និងសម្រេចចិត្តបានត្រឹមត្រូវ។

ក្នុងឱកាសអញ្ជើញជាវាគ្មិនក្នុងកិច្ចពិភាក្សាតុមូលស្តីពីសារៈសំខាន់នៃការស្រាវជ្រាវ, ឯកឧត្តមបណ្ឌិតសភាចារ្យមើលឃើញថា ប្រទេសអភិវឌ្ឍន៍មិនត្រឹមតែអនុវត្តការស្រាវជ្រាវនៅក្នុងសាលាប៉ុណ្ណោះទេ គេថែមទាំងបានបណ្តុះបណ្តាល បញ្ជ្រាបវិធីសាស្រ្តស្រាវជ្រាវ និងការអនុវត្តជាក់លាក់ទៅដល់មេភូមិ មេឃុំនៅមូលដ្ឋាន ដើម្បីជំរុញការអភិវឌ្ឍប្រទេសជាតិឱ្យកាន់តែរីកចម្រើនប្រកបដោយនិរន្តរភាព។ «ដរាបណា សា្មរតីស្រាវជ្រាវត្រឹមត្រូវស្ថិតក្នុងសតិអារម្មណ៍ប្រជាជនយើងគ្រប់រូបនោះប្រទេសយើងកាន់តែជឿនលឿន»។ ឯកឧត្តមបណ្ឌិតសភាចារ្យ នេត បារ៉ុម ថ្លែងបញ្ជាក់ទាំងស្នាមញញឹមនៅពេលឃើញរាជរដ្ឋាភិបាលកម្ពុជាកំពុងជំរុញការស្រាវជ្រាវលើវិទ្យាសាស្រ្តពិត (STEM) ដើម្បីជំរុញការអភិវឌ្ឍប្រទេសជាតិនាពេលបច្ចុប្បន្ននេះ។

សូមបញ្ជាក់ថា កិច្ចពិភាក្សាតុមូលស្តីពី សារៈសំខាន់នៃការស្រាវជ្រាវមានគោលបំណងរួមមាន៖ ១. បង្ហាញឱ្យឃើញពីភាពចាំបាច់នៃការសិក្សាស្រាវជ្រាវក្នុងការចូលរួមដោះស្រាយបញ្ហានានាក្នុងសង្គម ដោយប្រែក្លាយពីបញ្ហាទៅជាកាលានុវត្តន៍ថ្មីក្នុងការកសាងអភិវឌ្ឍន៍ខ្លួន និងសង្គមជាតិទាំងមូលប្រកបដោយឋាមភាពនិងចីរភាព និង២. បណ្តុះគំនិតឱ្យសិស្ស និស្សិត និងអ្នកសិក្សាទាំងឡាយនូវទស្សនៈវិស័យវែងឆ្ងាយសម្រាប់អនាគតរបស់ពួកគេលើវិស័យសិក្សាស្រាវជ្រាវនេះ៕

RAC MEDIA

អត្ថបទទាក់ទង

ឯកឧត្ដមបណ្ឌិតសភាចារ្យ សុខ ទូច អញ្ជើញជួបពិភាក្សាការងារជាមួយអនុប្រធានមជ្ឈមណ្ឌលផ្លាស់ប្តូរ និងសហប្រតិបត្តិការភាសាចិន ភាសាបរទេស នៃក្រសួងអប់រំសាធារណចិន

(រដ្ឋធានីប៉េកាំង)៖ នៅរសៀលថ្ងៃសុក្រ ១២ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៦ ខែសីហា ឆ្នាំ២០២៤១៦ ខែសីហា ឆ្នាំ២០២៤នេះ ​ឯកឧត្ដមបណ្ឌិតសភាចារ្យ សុខ ទូច បានជួបជាមួយអនុប្រធានមជ្ឈមណ្ឌលផ្...

2024-08-16 09:35:29   ថ្ងៃសុក្រ, 16 សីហា 2024 ម៉ោង 04:35 PM
ឯកឧត្ដមបណ្ឌិតសភាចារ្យ សុខ ទូច អញ្ជើញបំពេញទស្សនកិច្ចទៅកាន់សាកលវិទ្យាល័យគរុកោសល្យប៉េកាំង ( Beijing Normal University) នៃសាធារណរដ្ឋប្រជាមានិតចិន

នៅព្រឹកថ្ងៃសុក្រ ១២ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៦ ខែសីហា ឆ្នាំ២០២៤១៦ ខែសីហា ឆ្នាំ២០២៤នេះ ​ឯកឧត្ដមបណ្ឌិតសភាចារ្យ សុខ ទូច បានបំពេញទស្សនកិច្ចទៅកាន់កាន់សាកលវិទ្យាល័យគរុកោសល្...

2024-08-16 09:26:33   ថ្ងៃសុក្រ, 16 សីហា 2024 ម៉ោង 04:26 PM
កម្ពុជាជាផ្ទះ និងជាមាតុភូមិដែលយើងជាជនជាតិខ្មែរគ្រប់រូប ត្រូវជ្រោមជ្រែងនិងការពារ

ដោយ៖ លឹម សុវណ្ណរិទ្ធ ក្នុងរយៈពេលប្រមាណ១ខែកន្លងទៅនេះ តំបន់ត្រីកោណអភិវឌ្ឍន៍ កម្ពុជា ឡាវ វៀតណាម (CLV-DTA) បានក្លាយទៅជាប្រធានបទក្ដៅសម្រាប់ការជជែកវែកញែកជាបន្តបន្ទាប់ នៅក្នុង​ចំណោម​ស្រទាប់​មហាជន ដោយក...

2024-08-16 04:55:07   ថ្ងៃសុក្រ, 16 សីហា 2024 ម៉ោង 11:55 AM
ទោះជាមានទស្សនៈយល់ឃើញខុសគ្នាអំពីតំបន់ត្រីកោណអភិវឌ្ឍន៍ តែខ្មែរគួរតែឈរនៅលើទស្សនៈជាតិជារួម ក្នុងបញ្ហាអធិបតេយ្យជាតិ

ដោយ៖ បណ្ឌិត យង់ ពៅ ក្នុងរយៈពេលប្រមាណជា១ខែកន្លងទៅនេះ តំបន់ត្រីកោណអភិវឌ្ឍន៍ កម្ពុជា ឡាវ វៀតណាម (CLV-DTA) បានក្លាយជាប្រធានបទជជែកវែកញែក ដេញដោល និងចោទប្រកាន់គ្នាឥតឈប់ឈរ ពិសេសការដាក់បន្ទុកទៅលើរាជរដ្ឋាភិប...

2024-08-15 11:49:08   ថ្ងៃព្រហស្បតិ៍, 15 សីហា 2024 ម៉ោង 06:49 PM
អំណាចដែលបានមកដោយការផ្តួលរំលំរដ្ឋាភិបាលស្របច្បាប់នឹងធ្វើឱ្យប្រទេសច្របូកច្របល់ ឬស្ថិតក្នុងស្ថានភាពសង្គ្រាមស៊ីវិល

ដោយ៖ បណ្ឌិត យង់ ពៅ ការឈោងចាប់យកអំណាចដឹកនាំរដ្ឋនៃបណ្ដាគណបក្សនយោបាយ ឬកម្លាំងនយោបាយនានានៅក្នុងប្រទេសប្រទេសនីមួយៗ មានភាពខុសប្លែកពីគ្នាពីប្រទេសមួយទៅប្រទេសមួយ អាស្រ័យលើរបបនយោបាយ ប្រព័ន្ធច្បាប់ និងស្ថានភ...

2024-08-13 06:47:25   ថ្ងៃអង្គារ, 13 សីហា 2024 ម៉ោង 01:47 PM
រាជបណ្ឌិត្យសភាកម្ពុជា សហការជាមួយនឹងអគ្គស្ថានីយ៍វិទ្យុនិងទូរទស្សន៍មជ្ឈិមចិន រៀបចំកិច្ចសន្ទនាស្តីពី ដំណើរថ្មីនៃកំណែទម្រង់ប្រទេសចិន កាលានុវត្តភាពថ្មីនៃកិច្ចសហប្រតិបត្តិការកម្ពុជា-ចិន

(រាជបណ្ឌិត្យសភាកម្ពុជា)៖ នៅថ្ងៃសុក្រ ៥ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៩ ខែសីហា ឆ្នាំ២០២៤ វេលាម៉ោង ០៣:០០ នាទីរសៀល រាជបណ្ឌិត្យសភាកម្ពុជា បានរៀបចំនូវកិច្ចសន្ទនា ស្ដីពី «ដំណើរថ្...

2024-08-09 13:18:53   ថ្ងៃសុក្រ, 09 សីហា 2024 ម៉ោង 08:18 PM

សេចក្តីប្រកាស